Nênhs muôx côngz bê, txir ndâux txir luk-chor nênhs paz muôx cêr sik côngv siêz hâur côngv thôngx

Hâur thax tsav tsôngv box mênhx cxưx tsơưs nênhs thiêz tox siêz tỉnh Quảng Ninh muôx 6.525 lênhx nênhs muôx côngz bê, txir ndâux txir luk tâu Ủy ban tỉnh côngz jênhv. No zos chor nênhs pâuz tsênhz, têx shông đhâu, hâur tsôngv box mênhx cxưx tsơưs nênhs sâuv thax tsav tỉnh Quảng Ninh li luz nênhx puôr lênhx muôx chor nênhs no đros đrêiv. Hâur huôv tsar kinh têr, thiv pluôs, cxiv tsa jêx jok yiêz, lơưr zos chor nênhs uô ntêx hlo hâur sir zôngv truôx jông têx pênhr txêik, zuz nôngz tsoz chos, tsiêx tu zus tâu têz qơưk paz; sir zôngv khoa học kỹ thuậ hâur uô nox tax tâu kinh têr siêz, tưz tsik zos uô bluô nux trâu chuôz zis mak tsênhv paz trâu ntâu ziv chuôz zis sir jos hla đhâu cêr pluôs; iz zav li: Zơưv Chíu Sồi Thoòng, xar Đồn Đạc, huyện Ba Chẽ; zơưv Tằng Văn An, xar Tiến Tới, huyện Hải Hà; zơưv Mạ Dì Nồng, xar Lục Hồn, huyện Bình Liêu… Lok sik zơưv Hồ Sìu Phúc, xar Quảng An, huyện Đầm Hà tưz hêik 11 ziv chuôz zis muôz muôx 5.000 thiêr ndis ar chiê uô cêr, cưx đêx tok đêx lok zưs trâu têx kôngz lôngk. Zơưv Đàm Văn Sáng ziv chuôz zis nhoz xar Thanh Lâm, huyện Ba Chẽ tưz muôz 200 thiêr ndis ar chiê cxiv uô cêr muk lok hâur jêx jok. Tix lâus Bùi Xuân Chiều, xar Hoành Mô, huyện Bình Liêu, hêik pox nhuôs hâur jêx jok côngv yênhx cxênhz hnuz côngz lox tôngv chiê cxiv tsa, kho đuô 20 luz tsêr kuz, tsik jông trâu chor ziv chuôz zis pluôs. Zơưv Đặng Đức Thắng, xar Quảng Thịnh, huyện Hải Hà sir jos yax kriê, hêik pêx xênhv muôz ar chiê paz uô cov jok 3 tơưv đhâu jêx jok txov nhêv tiv zix…Zơưv Lỷ Xoài Lềnh-nênhs muôx côngz bê ntơưv jok Na Cáng, xar Quảng An, huyện Đầm Hà, tỉnh Quảng Ninh hêik:“Tsôngv box pêz tưz hlôngr yiêz đuô tsưr ziv siêz xar hâur uô nox lơưv, sik paz uô chiê uô têx vax tsêr, uô bluô nux. Vax tsêr nhiv no tưz jông đuô lơưv, huôv tsar uô nox cux muôx ntâu lơưv”.

Đros trâu huôv tsar kinh têr, hâur 10 shông đhâu, chor nênhs muôx côngz bê, txir ndâux txirr luk tưz heik pâuz 200 ntâu ziv chênhv chiê paz khưx phưx têx phiv liv hâur ntu kriz uô tsênhv chêi hâur thax tsav tsôngv box mênhx cxưx tsơưs nênhs thiêz tox siêz. Têx ziv chênhv co puôr lênhx hêik tơưv trơưk li pêx xênhv sơưr đơưk têx siêz xar, paz txo grêk tsơưs têx tsik jông siêz, phiv liv, paz uô trâu pêx xênhv njênhs trâu chính quyền đuô. Tiv zix, hâur ntu tsưr tsix bâux xêir têiv plor Côx hôiv khóa 14, khóa 15, bâux xêir têiv plor hôiv đôngx cxuô cấp ntu 2016-2021 thiêz ntu 2021-2026, tâu chor nênhs muôx côngz bê, txir ndâux txir luk paz hêik pâuz, ntâu kror qơư bâux xêir ntơưv thax tsav mênhx cxưx, tox siêz, chor cử tri tuôx bâux xêir muôx 100%.

Iz chas co, lơưr tsênhv zos chor nênhs chênhr hâur tuôr chiê jông tsưr ziv phongz yaox tas nro pêx xênhv por vêv ngaz tuk têz Qơưk thiêz chiv chir sêiz jor, đros muôx 1.000 ntâu lênhx nênhs cxaz chuôz. Hâur ntu uô hâux lưv, tưz hêik pâuz ntâu xor mông jông, tsiv gri, paz trâu chor lưx lươngv muôx vax huôv tsav txênhz, tir tar cik txos zuôr muôs hâux huv chuôr, hax huv txưr, muôs lênhx nênhs đhâu ntus đriv; tir tar ntâu txuz hâux lưv lok tôn giáo tsik trơưk cêr chêi hâur thax tsav tsôngv box mênhx cxưx tsơưs nênhs thiêz tox siêz…

Nênhs muôx côngz bê thiêz chuôz zis cux tsik so uô ntêx hlo hâur uô lơưr jêx jok têx chêi; uô luz nênhx vav mênhx hâur nox yôngz, uô đaz uô kruô, ntênhk hôiv, tso tsês têx phongx cxưx pôngz kaz. Tuôr chiê thiêz phuôx huiz cxuô mênhx cxưx li têx vênhx huôv, phongx cxưx jông li Tsiêz cxôngx nzor; ntênhk thor muôx đas jos, luz nênhx jông, sâu tâu kôngz lôngk ntâu; tsôngv box Cho, Tày, Sán Chay, Sán Dìu li phongx cxưx nox mor blêx yiêz; mênhx cxưx Sán Chỉ li hôiv Soóng Cọ, mênhx cxưx Cho Thanh Y li hu gâux Sán Cố….Tis njiê hâur 10 shông đhâu, chor nênhs muôx côngz bê, txir ndâux txir luk hâur tsôngv box mênhx cxưx tsơưs nênhs tỉnh Quảng Ninh tưz zos yênhx chor nênhs txuôk txix cấp ủy, chính quyền đros pêx xênhv cxuô mênhx cxưx tsơưs nênhs. Đros co, paz huôv tsar tâu truôx jông têx tsiv gri vênhx huôv cxuô mênhx cxưx sâuv thax tsav qơư nhoz têx tỉnh thax tsav Đông Bắc Têz qơưk./.

                                          VOV4-Lik Thox cxêik nhênhv

Têx “Chiến sĩ” Hải quan Lào Cai uô truôx luôs hâux lưv tir tar zax zênhz

          “Muôx iz txuz thâux zax zênhz muk đhâu trôngx đriv Lào Cai pêz xeir qơư ntês cov zos ntơưv Zênhx hangx kôngz nuv tỉnh li kror trôngx thiêz cur đros têx lênhx nênhs txơưr ntês. Txuz zax zênhz poz jêz nhoz tsêr so Sông Hồng View cux li ntơưv, iz txuz ntơưv tsêr so Hà Phương thiêz, tuôv tsông kror trôngx thiêx muk ntês nênhs muôv muôs zax zênhz...”

          Zơưv Nguyễn Văn Quý, Phưv tuêv tsar Tuêv seiz car Hải quan, Cục hải quan tỉnh Lào Cai ndo njôngr txos têx txuz án zax zênhz zuk cxaz chuôz hâur ntu uô côngz xưv. Lơưr zơưv Hoàng Quốc Hùng, Tuêv tsar Tuêv seiz car Hải quan, Cục Hải quan tỉnh Lào Cai, tiv thax tsav coar lik đar, reik đros ntus đriv ntêr yênhx puôk cei cêr, ntâu mêr cêr muk lok, ntâu tul đêx lox zâu, trôngz jôngr ntông...têx txuz thâux gra zax zênhz khênhr muôx tsôngv box tiv phaz cxaz chuôz, viv li hâux lưv phax tar zax zênhz ziv phêv liv đuô. Pir đros thiêz phax tar nhiês muôv muôs hax huv fênhx yax mak phax tar zax zênhz riêz nênhs đuô viv hax huv no muôx tsiv grê siêz, thâuv xav tênhv tâu hâux lưv phamv cxâuv zax zênhz mak yưr lir hnhar đuô, viv li têx nênhs fêv zôngv cxuô faz tsưr ziv tir tar. Zơưv Hùng pheiz kênh:“Nênhs phamv cxâuv zax zênhz lok six riêz nênhs zos tsi pâuz tsênhz xor mông mak zôngx ziv njiz trâus têx riêz nênhs. Xav tênhv tâu li ntơưv pêz yax six nriêr pâuz tsênhz têx xor mông sik côngv đros lưx lươngv công an chiê chêx cuk chuôz ndê, thôngx cxix taz por tsưr ziv xuz thơưx zos por vêv jông lênhx nênhs, chuôz zênhx chuôz tas thiêz lênhx nênhs cux xưk li tập thêv li txox siê”.

          Xav txix shông 2017 txos nhiv no, Tuêv seiz car Hải quan tỉnh Lào Cai tưz lov lik, sik côngv ruôr yênhx côngz 4 txuz án zax zênhz, ntês tâu 8 lênhx nênhs; sâu tâu 300 gram zênhz đơưz, 6m4 cir zax zênhz, 30 cxênhz njiêr zax zênhz shơư yuôx thiêz 9 cir zax zênhz poz jêz. Zơưv Hoàng Quốc Hùng puz pâuz, nganhx Hải quan uô tsưr ziv sik hlôngr muôx six hơưv, viv li ntâu cán bộ, công chức thâuv tâu pheiz côngz lok Tuêv phax tar zax zênhz mak ntu qir thơưx tsuv lok six sir jos chiê uô côngz xưv, muôz siêz yênhx tưv, chênhz zênhv, pênhr xưv nghiệp vụ, nriêr pâuz thax tsav.

          Cục Hải quan tỉnh Lào Cai cux tsi tâu muôx Tuêv chuyên trách phax tar zax zênhz li ntâu Cục hải quan tỉnh, têx tỉnh, thành phố txơưr, viv li Tuêv seiz car Hải quan li lênhx nênhs uô jênhv vưv tsênhv tsơưs. Cán bộ, công chức hâur Tuêv phênhv ntâu uô hâux lưv tsi lơưr six hơưv têz qơưk cui tênhv, mak tsuv pheiz côngz uô côngz xưv cov taz por tuôr truôx thax tsav. Viv li, taz viv xav tênhv sir jos uô jông côngz xưv tơưv txênhz phax tar zax zênhz ntơưv thax tsav.

          Txix hâur shôngk shông 2020 txos nhiv no, tiv trâus moz Covid-19 uô zênhr shar, cêr ntus đriv Việt- Trung phênhv ntâu tsi huôx tôngv muk lok, huôx tôngv hax huv cux chêx chôngk nhoz trôngx đriv ntiêx têz cêr ar số II Kim Thành, viv li jênhv vưv phax tar zax zênhz ntơưv no cux tâu lok six tsov cưv. Lơưr zơưv Vũ Văn Tuấn, Phưv chi cục tsar Chi cục Hải quan trôngx đriv Lào Cai, yêz vênhv teiv đros hax huv muk lok đhâu ntus đriv nhiv no puôr lênhx tsuv đhâu 2 qơư qênhz yuôx nhoz 2 tos Việt-Trung, hâux lưv muôv muôs zax zênhz cux njiz phêv liv, taz sik cux tsi cxoz tso siêz:“Fênhx yax pêz qênhz yuôx lơưr tsưr ziv coar, iz zos qênhz yuôx tsi muôx six hơưv, 2 zos đros hax huv njuôs xav muôx têx tsi jông mak uô têx tsưr ziv nghiệp vụ, sir zôngv meir, chuôz zênhx thiêz đêr nghiệp vụ chiê qênhz pov zax zênhz. Đros têx hax huv lơưr cui tênhv tsuv qênhz heik cán bộ, công chức qênhz yuôx cov jông đuô”.

          Coar lik têx hâux lưv tsi jông muôx yưv zos tsưr ziv coar lik hải quan yiêz, tsi taz Lào Cai, VN mak nhoz ntâu qơư sâuv ntiêx têz tsênhv uô, chiê chuôz tsar chêx cuk seiz car, phax tar nhiês muôv muôs hax huv, zax zênhz đhâu ntus đriv; thôngx cxix txu grês six hơưv chiê hax huv muk lok tâu đhâu ntus đriv, paz doanh nghiệp zôngx ziv muôv muôs thiêz reik txơưx jênhv hâur uô trơưk chei hải quan.

          Têx cán bộ, công chức Hải quan Lào Cai sei đrơưv, uô ntêx nyuôk, lơưr cux tsênhz tsênhz zos têx lênhx “chiến sĩ” sơưv mặt trận tơưv txênhz phax tar zax zênhz nhoz tiv phaz./.

(An Kiên-Txâur Vax cxeik nhênhv)