Yên Bái tsuôk tror zus nzir buô ntơưv têx qơư tu zus ngaz tuk

Nhiv no, ntơưv têx ciêz sâuv thax tsav tỉnh Yên Bái, grê muôs grêix buô muôx ntâu nyir tâu muôs txix 130 txos 140 cxênhz đêiv iz cir thiêz tsênhv zuôr ndê nzir hâur têx hnuz zuôr txos. Grê muôs grêix buô ndê zos tiv grê zuôr muôs chor buô ndê grê siêz zos 70 cxênhz đêiv iz cir. Kror no uô trâu ntâu chuôz zis tu zus xar tror zus nzir. Pos Nguyễn Thị Phong nhoz phường Tân An, thị xar Nghĩa Lộ puz pâuz: “Grê muôs grêix buô siêz li no mak lênhx tưs cux xar tror zus nzir. Taz sik caz moz tsênhv tsik tâu đhâu, tu zus cux tsuv tâu uô trơưk têz qơưk kruôz kriê. Zus tsik tâu buô mak hlôngr chiê zus têx zav tsiêx txơưr”.

Lơưr zơưv Nguyễn Văn Khánh, Phưv chủ tịch UBND tỉnh Yên Bái: Tỉnh chox kriê têx nganhx thiêz têx tiv phaz uô truôx jông lơưr têx cui tênhv thiêz kruôz kriê hâur tu zus buô cov huv đros hâur ntu no. Tsênhv tsênhz, tsuôk tâu zus nzir đros chor ziv chuôz zis, chor qơư tu zus buô sir zôngv têx tsưr ziv tu zus ngaz tuk sinh học thiêz tror zus nzir hâur têx qơư tu zus ngaz tuk tsik tâu muôx buô trâus moz. Đros chor ziv chuôz zis, chor qơư tu zus buô zâu sir zôngv tsik tâu tu zus lơưr ngaz tuk sinh học mak hlôngr trâu tu zus têx zav tsiêx txơưr đuô. “Đros têx qơư tu zus trâus muôx moz thiêz caz moz tưz đhâu 30 hnuz tsik pov muôx moz nzir sâuv thax tsav thâuv sir zôngv tu zus ngaz tuk sinh học, hâux lưv tror zus nzir tsuv tâu uô jông thiêz lơưr yênhxx jiês zus: Zus nzir muôx 10% tas nro chor buô tâu zus nzir thiêz đhâu thâuv zus nzir muôx 30 hnuz, piz njuôk shuôk, zos tas nro chor buô tsik pov trâus moz nzir mak thâuv co thiêx chiê tror zus ntâu đuô”.

Zơưv Khánh cux puz pâuz nzir: Qơư tu zus tsuv uô lơưr vêv xênhz, tsuôs yuôx tuô lov caz moz tsik so ntơưv qơư tu zus txix hmôngr jêz siz lok sik hóa chất; vêv xênhz, tsuôs yuôx tuô lov caz moz trâu lênhx nênhs thiêz cxuô zav muk lok hâur qơư tu zus lơưr cui tênhv; txo grêk tsơưs chor nênhs tsik muôx hâux lưv muk lok hâur qơư tu zus, muôx tsưr ziv tir tar chor tsiêx zus txơưr đuô lok hâur qơư tu zus. Đuô li, tỉnh cux sir jos chox kriê tu zus ngaz tuk sinh học, tu zus cov jông, cxiv tsa uô têx qơư tu zus thiêz thax tsav tu zus buô ngaz tuk sinh học.

Tâu pâuz, moz ơưk buô Châu Phi tưz muôx yưv ntơưv zuôr xar 5.000 ziv chuôz zis tu zus ntơưv 500 jêx jok, sâuv thax tsav 20 xar, phường, thị trấn ntơưv tas ro têx huyện, thị xar, thành phố tỉnh Yên Bái. Chor buô tsuv muôz phâuk por tsês zos 26.000 ntâu tuk, xav mak muôx 1.180 ntâu tấn. Chiê pâuz nzir trâu tsiv gri hâur tu zus, tỉnh Yên Bái sir jos huôv tsar zus nzir muôx 25.000 ntâu tuk kêiz ok, muôx nhos 500 tấn, zus cov tros 1.000 tuk nhux đas, chuôz ndê nzir muôx nhos 66 tấn…/.

(Tuấn Xuân-Lik Thox cxêik nhênhv)

 Têx lênhx nênhs moz siêz txos tsôngv px, uô jông hâux lưv zok muôz nhoz thax tsav tox siêz

Xênhz zus shông 1984, niêv lâuk Lý Thị Xuân, heir nênhs Cho tâu bo uô Bí thư chi bộ, Tsar jok thâuv nhiv kruôr muôx 33 shông. Niêv lâuk Xuân jok Thác Cát, xã Hòa Bình, huyện Hoàn Bồ, tỉnh Quảng Ninh muôx zuôr xar 700 lênhx nênhs, phênhv ntâu zos nênhs Cho, luz nênhx nox nhoz thiêz txux chi tsênhv kis, pôngz kaz. Chênhr viv li txix ciês hnuz xuz thơưx lênhk nhav uô têx hâux lưv zok muôz, niêv lâuk Lý Thị Xuân tưz sir jos, bax tsưr ziv muk chuôs njiz iz lênhx jux juk, nzaz nzơưv têx cêr nênhx cêr tsar siz pâuz, siz sưv chiê paz max, heik tsôngv px uô trơưk Đảng, têz qơưk têx chei kriê; đơưk tu têx phiv liv, cuz nxor hâur luz nênhx côngv thôngx. Niêv lâuk Lý Thị Xuân heik:

“Mul heik, kriê tsôngv px sđ tsi zos kror tưs zuk heik px cux uô lơưr. Pêz cơưv jêx jok, mul heik iz ziv chuôz zis jux juk. Iz cxiê lênhx tsi jông siêz, tsi thôngx ziv mak zuk buôl ti muk ciês hâur tsêr fuô kriê chiê tsôngv px to tâuz thiêz pâuz tsênhz. Txơưv tiêk hmo ntux, hâur jok muôx hâux lưv đaz tsi, px hu txos mak zuk mul xưz, muôx kênh jiês chox hur si mê nhuôv đros muk chiê đơưk tu, uô têx hâux lưv hâur jok”.

Đros thiêz tix lâus Lỷ A Tài, Bí thư Chi bộ, Tsar jok Mào Sán Cáu, xã Quang An, huyện Đầm Hà mak tsi tiêk paz tsôngv px huôv tsar uô kôngz ntơưv qơư, tix lâus tsênhv xar, zuôr uô li chas chiê têx lênhx hluôk nênhs muôx hâu cêr muk, muôx tsưr ziv huôv tsar uô nox. Txix thâuv uô Bí thư chi đoanx, tix lâus tưz sir jos moz siêz uô hâux lưv tu zus tsiêx cxu. Tsưr ziv, hâux lưv uô no tưz tâu ntâu lênhx hluôk nênhs hâur jok Cho cơưv shâuv, cê gra siêz luz nênhx nox nhoz, tsưr ziv huôv tsar uô nox uô hnar trâu chuôz zis thiêz jêx jok, cê txo grêk tsơưs têx cuz nxor hâur thax tsav, uô cxâuv chei têz qơưk. Lỷ A Tài tsênhv nhênhz chơưv zok nriêr qơư, yênhx lix HTX, cxiv uô đuô luôs hâux lưv hiêz tơưz, hiêz lêr thâuv ntêx uz nhoz zuk thax tsav qơư chiê chênhr têx nuv uô no zos têx hâux lưv uô xuz thơưx: “Pêz hu zâuv têx hluôk nênhs sik đros huôv tsar uô nox chiê muôz jông six hơưv trâu sđ huôv tsar têx txux chi tsưr ziv uô hâux lưv, vav thiêz xar paz têx txux chi, kriê tsưr ziv trâu cxênhx hluôk heir nênhs tsơưs nthuôr đar tsưr ziv uô nox uô hâuk, huôv tsar kinh tế, cxuz cêr yeiz pluôs”.

Zơưv Hoàng Mít, heir nênhs Tày, kuz Chủ tịch Ủy ban huyện Ba Chẽ heik pâuz: Nhoz Ba Chẽ, têx lênhx lâul jok, tsar jok, txir ndâux txir luk, têx lênhx pâuz thôngz lok txux chi vênhx huôv, têx cêr nênhx phôngz cxưx đros 1.800 ntâu lênhx lâul nênhs hnuz nhôngs siêz tâu tsôngv px seiz hloz, mnôngs trơưk, uô lơưr. Chênhr viv li, chor nênhs lês uô hâux lưv têz qơưk zok muôz, hâux lưv jêx jok no têx nuv uô tưz paz tsi tsơưs trâu vênhv tôngv, kriê tsôngv px cxuô heir nênhs sik thôngx siêz, siz chos huôv tsar kinh tế-XH jêx jok, thax tsav qơư nhoz. Tsuôk xav hâur shông 2018, huyện Ba Chẽ muôx yênhx puô chuôz zis tsôngv box heir nênhs sơưs sâu ntơưr thor hla đhâu chuôz zis pluôs, tsôngv px paz yênhx vạn hnuz côngz, muôz yênhx châuv xưv phaz ar têz chiê uô cêr mul lok thiêz uô têx côngz trênhx côngz côngv. Zơưv Hoàng Mít heik: “Đros thiêz lênhx nênhs muôx suôz bê, tâu tsôngv px sđ njênhs njôngr, xuz thơưx tsuv zos lênhx uô ntêx nyuôs, ndâux heik têl uô trơưk. Chiê sđ uô lơưr, zuk tsuv pâuz tâu tsôngv px tsưr ziv, siêz xar. Px nox nhoz pok truôx tuk, chuôz zis uô nox pok trơưl têk? Muôx têx lênhx nênhs li heik no, chênhr zos Đảng, têz qơưk chox cêr, kriê tsưr ziv uô nox trâu px”.

Txơưv nhoz kror tưs, uô zav hâux lưv tưs, chor canr bôv ntơưv qơư thâuv tưs tưz zos qơư txuôk truôx jông txix cấp ủy, hâu nov ntơưv qơư trâu px, zos têx lênhx uô ntêx nyuôs heik, chox kriê  px cxuô heir nênhs tsơưs uô jông lơưr têz qơưk têx tsưr ziv, tsênhv chei, cxuz cêr yeiz pluôs, cxiv tsa luz nênhx vav mênhx, por hưv chiê têx txux chi vênhx huôv jông, tsưx phưv truôx têz qơưk./.

(VOVĐB-Riê Lâux cxeik, nhênhv)