Quân khu II: Chuôz tsar côngz xưv vênhv tôngv cxôngx tsưr ziv sik côngv đros thax tsav

          Ciês thâuv muôx tsưr ziv sik côngv huôx tôngv côngz xưv vênhv tôngv tsôngv box hâur Cục chinhr trị Quân khu II thiêz Ban chox kriê têx tiv phaz, Bộ chỉ huiz Quân sự 9 tỉnh thax tsav Quân khu II tưz heik trâu cấp ủy chinhr quyênx tiv phaz yênhx lix 9 Ban chox kriê cấp tỉnh, 88 ban chox kriê cấp huyện. Uô tsưr ziv nhoz 2 cấp zos đồng chí Thường vụ tỉnh ủy- Tsar Ban vênhv tôngv têx tỉnh uô tsar Ban chox kriê, đồng chí chính ủy- chinhr trị viên chiz coaz Quân sự tỉnh, huyện zos Phưv Ban thường trực, hlôngr njêx muôs Ủy ban mặt trận Tổ quốc, lênhs tov têx tsưr tsix chinhr trị- xã hội zos ủy viên. Têx lênhx nênhs tâu pheiz côngz phưv txơưx têx côngz xưv tsênhz mênhx, muôx tsaz yênhx tsưr ziv huôx tôngv, muôx ntâuk grê, zuôr chênhz zênhv. Hâux lưv sik côngv chêx chôngk uô jông côngz xưv yax mông vênhv tôngv tsôngv box uô jông têz qơưk li chủ trương tsênhv chei; cxaz chuôz cxiv tsa cxix luôk chinhr trị truôx vênhs; paz tsôngv box huôv tsar KTXH, cxuôv yeiz thiv pluôs, cxiv tsa nôngx cxênhz yiêz; hlôngr yiêz côx phax txiv ngaz. Iz tiv phaz tsov lơưr theox chênhv tsênhv tsênhz chiê krêz uô tsênhz mênhx jênhv vưv.

          Pir li nhoz tỉnh ntus đriv Lai Châu, kror jông hâur uô tsưr ziv sik côngv zos tưz cxiv tsa tâu phongz yaox tas nro tsôngv box por vêv txiv ngaz têz qơưk, por vêv ntus đriv huôv tsar đêz đar. Sâuv thax tsav 23 xã ntus đriv hâur tỉnh tưz yênhx lix 69 jêx jos nhoz buôk ntus đriv, đros 600 ntâu ziv chuôz zis, 145 paz chiv chir coar lik ntus đriv. Thôngz đhâu co, hâur 2 shôngk đhâu, tsôngv box tưz cungz trâu lưx lươngv muôx txơưx jênhv zuôr xar 700 xor mông muôx tsiv grê tơưv txênhz đros têx zav nênhs phamv cxâuv. Zơưv Shôngx A Phú, phưv tsar Ban vênhv tôngv tỉnh ủy Lai Châu puz pâuz cxaz:

          “ Têx lênhx nênhs Ban chox kriê tưz tsưr tsix têx huôx tôngv mul têx thax tsav njuôs xav tsi taz por lok txiv ngaz chinhr trị, sik côngv đros têx cấp ủy chinhr quyênx cơ sở yax mông vênhv tôngv tsôngv box uô jông pháp lệnh tín ngưỡng tôn giáo, vênhv tôngv tsôngv box tsi mnôngs lơưr nênhs fêv hâuz nziês. Tsôngv box sik côngv siêz cxiv tsa côx phax truôx tul, cxơưz tiês phongz yaox tas nro tsôngv box por vêv txiv ngaz têz qơưk, por vêv ntus đriv”.

          Lok sik nhoz tỉnh Sơn La, Ban chox kriê chêx chôngk tsov cưv heik kriê  tsôngv box uô tỉnh li chủ trương lok huôv tsar kinh têr li: kôngz nuv zôngv công nghệ siêz, chos ntông nox txir sâuv ar têz nxaz, txu grês cêr pluôs truôx vênhs nhoz thax tsav tsôngv box mênhx cxưx tsơưs nênhs, thax tsav ntus đriv, sik côngv tsiv uô, sâu zuôr xiv huv tsơưr lươngv siêz, sir jos iz shông txu grês fênhx pheiz 3% ntâu ziv chuôz zis pluôs, gôngr phênhv coaz tsôngv lol hâux lưv taz por txiv ngaz- côx phax tiv phaz. Đồng chí Hoàng Văn Chất, Bí thư tỉnh ủy Sơn La heik:

          “ Tỉnh tsênhv tror hlôngr yiêz tsưr ziv lênhs tov đros têx tsưr tsix đoanx thể chinhr trị xã hội, têx tsưr tsix tsôngv box lơưr saz reik hâux lưv uô đros têx cấp TW đros cấp tỉnh li jênhv vưv. Thiêz shông 2018 qir uô tỉnh li chủ trương tso tơưv iz cxiê jênhv vưv coaz tsôngv đros Mặt trận tổ quốc thiêz têx tsưr tsix đoanx thể chinhr trị”.

          Chuôz tsar côngz xưv vênhv tôngv thôngz đhâu tsưr ziv sik côngv, 2 shôngk đhâu, lưx lươngv vũ trang Quân khu 2 sik côngv đros têx cấp, nganhx nhoz 9 tỉnh tsưr tsix tâu zuôr xar 13 cxênhz 500 jiês yax mông tsênhv chei pháp luật txos tsôngv box têx mênhx cxưx; yênhx lix 180 tsưr tsix đảng, 33 jêx jos tsi tâu muôx chi bộ nhiv no tưz muôx chi bộ, 18 jêx jos tsi muôx đảng viên tưz muôx đảng viên; cxiv tsa zuôr xar 700 đoanx thể; cxiv tsa 173 xã nôngx cxênhz yiêz; gôngr côngv zuôr xar 73 cxênhz hnuz côngz kho đuô, uô yiêz zuôr xar 400 cei cêr mul lol hâur jêx jos, zuôr xar 32 cei cêr njưs đêx cưx đês, 110 qar cơưv, zuôr xar 500 tsôngv box li tsêr nhoz...Têx tsaz yênhx dự án huôv tsar KT-XH, taz por txiv ngaz côx phax reik đros tsaz yênhx cxiv tsa nôngx cxênhz yiêz tâu krêz uô muôx chêx cuk tưz paz tsôngv box têx mênhx cxưx muôx cxaz theox chênhv huôv tsar kinh tế, txu yeiz cxuôv pluôs, tsi njênhs, tsi mnôngs lơưr nênhs fêv, cxaz chuôz đros lưx lươngv muôx txơưx jênhv car chêx têx vênhv thix tsi jông muôx yưv. Lok jênhv vưv tso tơưv trâu côngz xưv sik côngv hâur têx shông zuôr txos, thiếu tướng Phạm Đức Duyên, Phưv chinhr ủy Quân khu 2 puz pâuz:

          “ Hâur six hơưv zuôr txos tror heik, uô jông BCH TW Đảng li Nghị quyết số 25, Quân ủy TW li nghị quyết số 49. Đảng ủy Quân ủy li Nghị quyết số 89 thiêz tsaz yênhx huôx tôngv uô Đảng li Nghị quyết Đại hội 12 lok côngz xưv vênhv tôngv tsôngv box. Tiv 2, sik côngv jông đros têx lưx lươngv chiê seiz car, pâuz thôngz qênhx shênhx, yưr lir têx vênhv thix phưx txuôx. Tiv 3, sik côngv yax mông vênhv tôngv tsôngv box uô jông Đảng,têz qơưk  li cêr chei. Tiv 4, sik đros uô jông hâux lưv hlôngr yiêz thiêz muôz siêz cxix luôk chinhr trị li chêx cuk. Tiv 5, uô jông đuô tsưr ziv thôngz xor mông qênhx shênhx”./.

(Bích Thủy- Txâur Vax cxeik nhênhv)

Muôx têx chiv chir gôngr nhiêx BHXH chiê tâu sơưv nhiêx so lâuk?

Pos Phạm Châu nhoz Tp Sơn La, zos iz lênhx cưk kriê ntơưr cxênhx nhuôs zâu, txos shông 2024 pos txưv hnuz nhôngs so lâuk, taz sik yuôr 5 shông thêv nhiêx BHXH thiêz. Pos Châu nuk tiêk, zuôr uô li chas chiê pos tâu nhiêx so lâul siêz tiv zix? Pos pok thêv tâu iz jâuk BHXH trâu 5 shông chiê tâu sơưv ciês nhiêx so lâuk lok tsi tâu, lok zos tsuv tok 5 shông tov kaz thiêx tâu sơưv?

Lok têx luôs hâux lưv no, BHXH VN têz li đrav kaz:

       Trơưk cui tinhv ntơưv grêix 1 grê 54 chêi BHXH shông 2014 mak lênhx nênhs tâu sơưv nhiêx so lâuk thâuv txir nênhx txưv 60 shông, pox niêv 55 shông tror zar sâuv, muôx txâuk 20 shông gôngr BHXH tror zar sâuv.

Trơưk li cui tinhv ntơưv grêix 2 grê 56 chêi BHXH shông 2014, nhiêx hli so lâuk bâuv li 45% phênhv nhiêx hli fênhx pheiz hâur hli gôngr BHXH tâu xav li đrav kaz: Lox tôngv txir nênhx so lâuk lok shông 2018 zos 16 shông, shông 2019 zos 17 shông, shông 2020 zos 18 shông, shông 2021 zos 19 shông, txix shông 2022 tror zar sâuv zos 20 shông; Lox tôngv pox niêv so lâuk txix shông 2018 zos 15 shông; đhâu ntơư  nzir iz shông gôngr BHXH mak hur si lox tôngv txir nênhx thiêz lox tôngv pox niêv tâu xav nzir 2%, ntâu yax bâuv 75%.

       Trơưk cui tinhv ntơưv grêix 4 grê 2 chêi BHXH shông 2014; grê 6, grê 9 thiêz grê 10 Chính phủ Nghị định số 134/2015/NĐ-CP hnuz 29/12/2015 cui tinhv lênhx nênhs cxaz chuôz BHXH txưv zênhv zos nênhs VN txưv 15 shông tror zar sâuv thiêz tsi zos lênhx tiz nênhs tsuv cxaz chuôz BHXH.

Tsưr ziv gôngr BHXH txưv zênhv hâur niêx hli zos: 3 luz hlik, 6 luz hlik, 12 luz hlik iz jâuk; thêv iz jiês trâu ntâu shông lok zar tov kaz, taz sik tsi tâu đhâu 5 shông (lok zos 60 luz hlik) iz jâuk; iz jiês trâu têx shông tsênhv yuôr đros thiêz lênhx nênhs cxaz chuôz BHXH tưz txâuk shông chiê sơưv nhiêx so lâuk trơưk cui tinhv; taz sik six hơưv, hnuz nhôngs gôngr BHXH tsênhv tsi tâu txâuk, tsi tâu đhâu 10 shông (lok zos tsênhz đuô 120 luz hlik) mak tâu gôngr txâuk trâu 20 shông chiê tâu sơưv nhiêx hli so lâuk.

       Phênhv gôngr BHXH txưv zênhv hâur niêx luz hli bâuv 22% phênhv sâu tâu hâur hli zos lênhx nênhs cxaz chuôz BHXH txưv zênhv xeir tsov. Phênhv sâu tâu hâur hli zos lênhx nênhs cxaz chuôz BHXH txưv zênhv xeir, tsơưs yax bâuv li phênhv cui tinhv trâu têx chuôz zis pluôs hâur thax tsav tox siêz lơưr Thủ tướng Chính phủ cui tinhv thiêz ntâu yax zos bâuv 20 jiês phênhv nhiêx hli ntơưv qơư, hâur ntu six hơưv gôngr.

Trơưk li têx cui tinhv heik sâuv, txos shông 2024, pos Phạm Châu so lâuk (lok zos so hâux lưv, tsi zos lênhx nênhs tsuv cxaz chuôz BHXH), tưz txâuk 55 shông, tsênhv yuôr 5 shông gôngr BHXH thiêz chiê tâu sơưv nhiêx hli so lâuk ntâu yax (bâuv 75% phênhv nhiêx hli fênhx pheiz hâur hli gôngr BHXH) mak pos Châu muôx têx tror gôngr BHXH txưv zênhv trơưk têx tsưr ziv gôngr zos: Hâur niêx hli, 3 luz hlik, 6 luz hlik lok sik 12 luz hlik iz jâuk; lok sik gôngr iz jiês trâu ntâu shông tov kaz tax txos trâu thâuv txưv 30 shông gôngr BHXH tror zar sâuv chiê tâu sơưv nhiêx hli so lâuk ntâu yax.

Zos pos Châu txưv 55 shông tưz muôx six hơưv gôngr BHXH txâuk 20 shông tror zar sâuv mak tsi zos lênhx nênhs tâu gôngr BHXH iz jiês trâu 5 shông chiê tâu sơưv ciês nhiêx hli so lâuk đros thiêz phênhv ntâu yax (xav txix hli txuôk lơưr luz hlik gôngr txâuk chor nhiêx iz jiês trâu 5 shông)./.

(Thanh Thủy-Riê Lâux cxeik, nhênhv)