Shông yiêz nhoz niêv đêx đax

Pêv hâur niêv đêx đax, tsêr meir tênhv tênhz niêx hnuz tso tênhv chiê côngz tênhv tênhz chênhr trâu têz qơưk cêr huôv tsar. Shông no tưz zos shông tiv 2 tsêr meir tso tênhv tênhz chis pov cêr đros trâu tênhv tênhz têz qơưk. Chiê muôx tâu tênhv tênhz 10 ntâu tỷ kW iz six hơưv, 2 shông đhâu, têx lênhx kỹ sư, công nhân hâur tsêr meir tưz niêx hnuz niêx hmo nhoz đrêiv ntơưv qơư, khưx phưx têx phiv liv chiê uô tiêr têx luôs hâux lưv.

Tsiêz shông no, Công ty tênhv tênhz Sơn La tưz tso muôx 100 ntâu lênhx canr bôv, kỹ sư, công nhân pheiz uô 3 paz siz hlôngr njo seiz car chiê tso tênhv tênhz chis pos cêr. Têx canr bôv kỹ sư, công nhân nhoz no tưz lênhk txeik tâu hâu nov tập đoanx tênhv tênhz VN thiêz cấp ủy, hâu nov ntơưv qơư cêr moz siêz txos đros thiêz têx huv tsiêz, luk heik jông siêz. Lênhx kỹ sư hluôk Trần Minh Thắng, shông no nhoz jor tsiêz hâur hmo 30 tsiêz heik pâuz:

“Tâu uô hâux lưv sâuv têz qơưk li côngz trênhx zov chênhr, VN iz tsêr meir lox viv li cur lok six shir phaz. Shông no cux zos tsiêz xuz thơưx cur nhoz jor tsiêz ntơưv tsêr meir, jor tsiêz chiê trâu têx cưr tix sđ muk tsêr nox tsiêz đros chuôz zis, viv li cur cux tsi xar li chas. Xuz thơưx mak cux mê njik ndo tsêr, taz sik viv hâux lưv, cur zuôr sir jos uô tiêr jông hâux lưv zok muôz”.

Ntơưv tsêr meir tênhv tênhz Sơn La, shông yiêz cux lok six lov jêv. Pov njôngr têx lênhx công nhân nhoz no li têx txưv njêx muôs shir phaz thiêz jông siêz. Tsênhv thâuv sđ puôr lênhx huôk njôngr têx hnuz so tsiêz chiê tâu chuôs njiz chuôz zis, mak lơưr ho nhoz cxix cxuô, sir jos uô têx luôs hâux lưv tâu zok muôz. Kỹ sư Đinh Thanh Hiện, Quản đốc phân xưởng heik pâuz: Đros thiêz tsưr ziv taz por tso tênhv tênhz truôx tuk, hur tiz si têx canr bôv, kỹ sư hâur phân xưởng puôr lênhx sir jos uô jông cxuô luôs hâux lưv. Hâur têx hnuz ntênhs, hnuz tsiêz, sđ ziv sir jos  uô jông têx luôs hâux lưv zok muôz. Tix lâus Hiện heik:

“Têx hnuz tsiêz, hnuz ntênhs lok sik hnuz fênhx yax, pêz thâuv tưs cux sir jos uô jông têx hâux lưv. Ciês cur tuk khênhx mak cux tsi so muôx njêx muôs ntơưv qơư, seiz car lês uô têx hâux lưv thơưv hnuz thơưv hmo. Tsi tiêk hâur hnuz ntênhs, hnuz tsiêz mak hur si têx hnuz thưr 7, hnuz ciêz cux xưk li ntơư”.

Công ty tênhv tênhz Sơn La tâu choz lês uô luôs hâux lưv seiz car thiêz tso tênhv tênhz 2 tsêr meir tênhv tênhz Sơn La thiêz Lai Châu, đros thiêz hur tiz si công suất muôx 3.600 MW. No zos 2 tsêr meir tâu Thủ tướng Chính phủ thôngz đhâu zos tsêr meir tênhv lox, muôx liv lok six zov chênhr lok sâuv kinh tế-XH, côx phax-txiv ngaz. Đros thiêz hâux lưv côngz 1/8 tênhv tênhz trâu hur si têz qơưk, công ty tưz cxiv tsa tsưr ziv tso tênhv tênhz taz por truôx tuk, tsi so, côngz txâuk tênhv trâu têz qơưk. Chiê taz por tsôngv box sđ hâur hur si têz qơưk tok tsiêz shir phaz lus, lov jêv, iz chas 200 lênhx công nhân buôk ti seiz car thiêz tso tênhv, tas nro têx lênhx thơưx hâur công ty cux đros nhoz jor tsiêz hur si. Chiê tôngv zênhx têx canr bôv công nhân heik sâuv, Công ty tưz tsưr tsix ntâu hâux lưv li: muôz huv tsiêz, tsưr tsix têx phôngz yaox vênhx huôv, nthuôr uô cêr lov jêv.....chiê sđ shir phaz đhâu uô hâux lưv so. Lar heik, shông no Hội ntơưr pov tsir shông yiêz hâur tỉnh tâu tsưr tsix ciês ntơưv tsêr meir tênhv tênhz Sơn La, cux zos iz kro huv chiê tôngv zênhx têx canr bôv, công nhân viên hâur tsêr meir. Zơưv Nguyễn Kiều Đức, Phưv giám đốc tsêr meir tênhv tênhz Sơn La heik:

“Têx li heik no pêz zuôr xa muk trâu têx taz viv seiz car, tso tênhv hâur tsêr meir tênhv tênhz Sơn La thiêz Lai Châu trâu chor canr bôv nhân viên muôx mông jông, zos iz zav huv jông hâur têx hnuz joz tsiêz chiê taz por uô tiêr luôs hâux lưv seiz car, tso tênhv tênhz nhoz 2 tsêr meir hâur hnuz tsiêz no”.

Txos shông yiêz, tsiêz 30 lênhx tưs vav chiê siêz njôngr tâu lok chuôs chuôz zis, têx cưr tix nênhx tsa cxênhz jê, taz sik canr bôv, công nhân uô hâux lưv nhoz tsêr meir tênhv tênhz Sơn La, puôr lênhx lênhk nhav, sir jos uô tiêr jông têx luôs hâux lưv zok muôz xưk li têx mur zok nriêr jiz. Hur tiz si viv tênhv tênhz chis pov cêr  trâu cxuô ziv chuôz zis, trâu cxuô suôv qơư, thax tsav hâur têx hnuz tsiêz./.

(Hồng Việt, Khắc Kiên-Riê Lâux cxeik, nhênhv)

10 zav moz cik tsuv cxax yuôx phax moz cxôngx shông 2018

          Tsênhz mênhx, têx zav moz cik thiêz yuôx vắt xin tsuv cxax hâur tsaz yênhx cxã yuôx phax moz krêz đar trâu mê nhuôs mos txos 5 shông muôx 10 zav moz: moz viêm gan B, moz kruô njưs, moz tuôs tês tuôs tơư, moz kruô piêk, moz hlưz tâuz hâu Nhật Bản, moz Rubella....

          Cxôngx shông 2018, mê nhuôs mos txos 5 shông tsuv cxax cxix cxuô yuôx phax moz 10 zav moz lơưr tsaz yênhx cxax yuôx phax moz krêz đar.

          Tas nro têx mê nhuôs cxax 10 zav yuôx no puôr lênhx tsi pôngz nhiêx txiêx viv têz qơưk tưz thêv lơưv. Hâur 10 zav moz co, muôx 2 zav yuôx phax moz tsuv cxax trâu mê nhuôs đhâu 24 six xênhz zus lol zos mos viêm gan B thiêz moz kruô njưk- cxax iz jiês trâu mê nhuôs hâur hli xuz thơưx thâuv mê nhuôs xênhz zus lol.

          Pir đros cui tênhv kuz, têx zav yuôx phax moz no tưz txu grês 13 zav tsuv cxax.

          Hâux lưv xav tênhv qơư thiêz lênhx nênhs sir zôngv yuôx cui tênhv zuôr tâu Sở y tế têx tiv phaz seiz shuôk, cuiz tênhv lok sik uô lơưr Bộ y tế li chox kriê, theox chênhv cungz yuôx phax moz.

          Zơưv Trần Đắc Phu, Cục tsar Cục y tế dưv phax ( Bộ y tế) puz pâuz, bê têx zav moz thiêz yuôx phax moz tsuv cxax trâu mê nhuôs zâu thiêz lênhx nênhs njuôs xav trâus moz tưz tâu hlôngr yiêz huv đros trâur nuv, têx uô moz huôv xênhz nhoz pêz têz qơưk. Hâur co, têx moz hâur tsaz yênhx cxax yuôx phax moz krêz đar zos têx moz tsuv cxax chiê chuôz cxaz đas jos tir tar moz hâur côngv thôngx./.

( Thu Thùy- Txâur Vax cxeik nhênhv)