Luz hli hluôk nênhs, chor hluôk tỉnh Yên Bái uô tâu têx hâux lưv jông

          Đhâu 2 ciêz huôv tsar uô, txos nhiv no, têx cấp bộ Đoàn nhoz Yên Bái tưz cxiv uô thiêz tik tâu 2 cei cêr tênhv tênhz, sâu tâu 15 tênhr têx vuôz tsuôz kiês nênhs, têr thiêz hlê por tsês tâu 300 ntâu têx ntơưr, fiêx heik kriê tsi trơưk cui tênhv; kho đuô thiêz krêz yiêz 1,5 cei cêr zaoz thôngz nôngx cxênhz; uô vêv xênhz 28 txox cêr hluôk nênhs coar lik. Đrâuv co, têx tsưr tsix đoanx tsênhv paz txưv học bổng trâu 10 lênhx shux xênhz pluôs sir jos cơưv ntơưr hênhr tsiv gri 25 tsov đeiv; kho đuô thiêz cxiv tsa 2 tsêr jông siêz tsiv grê 60 tsov đeiv, kho đuô, cxiv tsa 04 qơư uô si trâu mê nhuôs zâu tsiv gri 25 tsov đeiv...No zos têx luôk hâux lưv lok six muôx ziz njiêz đros côngv thôngx. Đoàn viên Hoàng Thanh, huyện đoàn huyện Lục Yên shir phaz heik:

          “Lok six jông siêz viv cur tâu gôngr côngv iz phênhv đas jos lok hâur côngz xưv no chiê hlôngr yiêz luz nênhx cov jông đuô. No cux zos jiês chiê iz lênhx nênhs đoàn viên sir jos đuô. Lênhx tưs cux jông siêz uô”.

          Đros njiêz luv “Hluôk nênhs txưv zênhv viv luz nênhx côngv thôngx”, luz hli hluôk nênhs shông no, hluôk nênhs Yên Bái chêx chôngk phuôx huiz hluôk nênhs li pưs txux uô ntêx nyuôk, txưv zênhv, thiêz siêz xar tơưv jông, gôngr phênhv uô tiêr jông tiv phaz li jênhv vưv chinhr trị, jênhv vưv chuyên môn taz viv; cxaz chuôz huôv tsar KTXH, cxiv tsa nôngx cxênhz yiêz, niêv đrôngs vav mênhx...Đrâuv taz viv, tiv phaz têx hâux lưv, côngz tsinhx tsênhv tsênhz, tỉnh đoàn Yên Bái tsênhv tsưr tsix têx huôx tôngv krêz đar hâur tas nro tỉnh li: “Hnuz thưr 7 txưv zênhv paz txưv tsôngv box lok hâux lưv uô ntâuz ntơưr hành chinhr”; “Hnuz thưr 7 txưv zênhv” cxuôv por tsês têx qơư por têx vuôz tsuôz kiês nênhs tsi trơưk cui tênhv, “Hnuz ciêz” tsưr tsix chos ntông, chos jôngr...

          Niêv lâuk Đoàn Thị Thanh Tâm, Bí thư tỉnh đoàn Yên Bái puz pâuz:

          “Đhâu têx huôx tôngv txưv zênhv phuôx huiz đoàn viên, hluôk nênhs li chinhz yênhx sik paz max, sik côngv tês paz têx mê nhuôs zâu thiêz tsôngv box têx thax tsav txov nhêv, gôngr phênhv lok côngz xưv taz por nox nhoz xã hội thiêz tỉnh li hâux lưv huôv tsar cxuô”.

          Luz hli hluôk nênhs, chor hluôk Yên Bái tưz uô tâu ntâu huôx tôngv muôx ziz njiêz tsênhv tror tâu têx cấp bộ đoanx cxơưz tiês uô. No cux zos six hơưv chiê kruôk txos têx cán bộ, đoàn viên uô tâu hâux lưv jông; kriê cxaz têx đoàn viên tsiv txiêx chiê tsa nhoz Đangv..../.

(Đinh Tuấn- Txâur Vax cxeik nhênhv)

Tuôx thax tsav tox siêz chos dâu tây lok zos tsoz chos txir plâux, sâu tâu nhiêx tỷ iz shông

Shông 2013, tix lâus Vũ Văn Lực, cơưv tas ntơưr Đại học kinh tế quốc dân khoa muôv muôs thiêz kinh tế ntiêx têz. Đhâu zok nriêr thiêz cơưv shâuv têx tsưr ziv huôv tsar uô nox, tix lâus seiz pov Mộc Châu, Sơn La zos suôv qơư jông chos dâu tây lok zos tsoz chos txir plâux, viv li txos iz đraz shông 2015 tix lâus Lực tưz quyết tinhv tuôx no chiê ntiêr ar chiê chos sivdâu tây lok zos tsoz chos txir plâux. Xuz thơưx tix lâus cux njiz ntâu phiv liv tiv tsi tâu sưv đros tênhx qơư no, shông chos dâu tây lok zos txir plâux xuz thơưx tsơưr lươngv têx txir tsi yuô jông trơưk li tsưr ziv. Txuôk lơưr co tâu tsôngv box thiêz hâur nov ntơưv qơư muôz jông six hơưv, moz siêz paz, tix lâus tror huôv tsar uô zuk têx nuv chos dâu tây lok zos tsoz chos txir plâux, muôz tsoz chos no uô yênhx iz zav txir chiê trâu sđ pâuz txos. Tix lâus Lực heik:

“Cur thiêz doanh nghiệp công ty Chi Mi, xuz thơưx cux uô tâu trơưl têk, hok phiv liv mak pêz cux seiz pov thâuv tưs tưz muôx, taz sik iz ntu nưk muôx nưk iz kro phiv liv thiêz txov nhiêk txơưr nhiêk. Cur tsưr ziv xar zos iz doanh nghiệp cê huôv tsar uô tâu jông, doanh nghiệp cux sir jos chiê yênhx doanh nghiệp xuz thơưx uô lơưr têx tsưr ziv yiêz. Iz chas ntơư, cur cux tsênhv phưx vưv tsôngv kruô ndis shuôs têz qơưk tuôx ndis uô si, đros trâu têx li heik co zos pêz cux zuôr sir jos chiê muôx ntâu zav jông trâu tsôngv kruô sđ tuôx txos Chi Mi tâu ndis seiz thiêz muôx cêr shir phaz”.

Đhâu 2, 3 shông, tix lâus Vũ Văn Lực tsưr ziv chos dâu tây lok zos txir plâux tưz uô tâu trơưk siêz xar. Txos hli 8 shông 2017, tix lâus quyết tinhv yênhx lix công ty Chimi. Txos nhiv no, công ty tưz muôx 5 lênhx nênhs, huôv tsar uô 12 ha ar têz dâu tây lok zos tsoz chos txir plâux, njuôk xav sâu tâu txix 40-50 tênhr iz ha. Grê muôs txix 200-350 cxênhz đeiv iz cir. Tsi tas li, tix lâus tsênhv krêz đar nzir uô têx jâuz hur li: Jâuz njuôz, txir lưk suôr, cuô txoz, atiso......, hur tiz si puôr lênhx uô tâu trơưk tsưr ziv Viet Gap. Têx jâuz, txir, kok uô tâu co tâu muôs trâu têx ciêz đrôngs lox Hà Nội, Hải Phòng, Quảng Ninh... Iz chas ntơư, tix lâus tưz muôx hâux lưv trâu nhos 70 lênhx lox tôngv uô ntơuv qơư lơưr six hơưv, hnuz nhôngs.

Mộc Châu zos thax tsav huôv tsar lok ju lix to bê, viv li tix lâus tưz uô hur si ju lix trâu zuk trâur nuv chos jâuz heik sâuv chiê phưx vưv tsôngv kruô sđ tuôx ndis seiz uô si. Tuôx no, tsôngv kruô muôx têx pâuz tâu, ndis shuôs têx vax, têz jâuz, cxeik đuôz, nhoz so uô si đhâu têx hnuz uô nuv phiv liv..... Niêv lâuk Đào Nhật Linh, iz lênhx kruô heik:

“Zuk pov lok six jông thiêz shir phaz thâuv tuôx txos no, thax tsav no chuô lax nziês hur si. Viv tưz ntêr lơưv, zuk thiêx tuôx mak pov cxuô zav hlôngr yiêz tas, kror tưs cux jông thiêz  hur đuô, chos ntâu pax đuô, têx dâu tây lok zos txir plâux mak txi txir jông”.

Xav kror đruôz đraz iz shông tix lâus Vũ Văn Lực công ty Chi Mi tưz hu zâuv nzir 500 cxênhz lênhx kruô tuôx ndis shuôs uô si. Txix chosdâu tây lok zos txir plâux, jâuz hur thiêz ju lix ndis shuôs têx vax, têz  jâuz, công ty Chi Mi tưz sâu tâu liv txix 3-4 tỷ đeiv iz shông.

Trâur nuv no tưz hu zâuv lok six chôngz lênhx kruô tuôx Mộc Châu, muôz nzir phênhv sâu tâu nhiêx txiêx trâu ntơưv qơư. Têx li heik no tso pov, iz lênhx hluôk nênhs txơưv tiêk hnuz nhôngs tsênhv hluôk, taz sik tưz huôv tsar uô nox tâu trơưk tsưr ziv, siêz xar chiê trâu sđ cơưv shâuv, uô trơưk, car xar car uô./.

(Long Thanh-Riê Lâux cxeik, nhênhv)