Pax lâus- Tox siêz faz Bắc li iz zav pax jông jav

Nền nhạc Thái...

Pax lâus zos iz zav pax jông thiêz muôx ntâu tiv zix nhoz faz Bắc. Pax khênhr tâu têx lênhx nênhs thi sĩ heik jông li iz lênhx hluôk nxeik jông gâux nhoz tox siêz. Heik lok zav pax no, pos Nguyễn Thị Lan nhoz tuêv 19, phường Tân Phong, thành phố Lai Châu, lênhx nênhs nhoz uô nênhx ntâu shông nhoz faz Bắc pheiz kênh:“Cur nhoz uô nênhx ntơưv Tây Bắc no tâu 40 shông ntâu. Thâuv ntêx pax tsuôk tuôx pêv têx tox trôngz, têx shôngk jê ntơưv no pax tâu chos tov têx cêr lok six jông. Txos cheix pax tơưs, nhoz têx thax tsav puôr lênhx tsưr tsix ntênhs phêv pax lâus lok six lov jêv, pax tsênhv uô tâu ntâu zav nox kaz thiêz”.

          Hâur côngv thôngx têx mênhx cxưx faz Bắc, muôx 3 jax pêv heik lok Pax lâus, co zos Pi Khum-Noọng Ban, Cầm Đôi- Hiến Hom thiêz Bun Trai- Bun Nhinh. Bê têx jax pêv co tsi xưk iz zav taz sik puôr lênhx heik txos cêr gâux đrâus jông nhoz faz Bắc, gơưv hluôk tuz hluôk nxeik siz hluz taz sik trâus niêv txir txiêr cêr hluz, txơưv li ntơưv lơưr cux iz siêz tos tul zuk hluz. Chênhr viv li thiêx li muôx iz zav pax đơưz jông li ntơưv, pir li iz lênhx nxeik nênhs Thái jông. Zơưv Điêu Chính Cẩm, Chủ nhiệm câu lạc bộ tuôr tsês vênhx huôv mênhx cxưx Thái heik: “Pax lâus zos faz Bắc li iz zav pax jông. Cxôngx thâuv ntêx tưz muôx ntâu jax pêv heik txos hâur pâus zav pax lâus no. Heik cxuô pas lâus heik tơưv mênhx cxữ Thái faz Bắc li vênhx huôv jông”.

          Txos hli 3, pax lâus tơưs đơưz vos sâuv têx thax tsav Tây bắc, lok six jông. Tsôngv kruô tuôx faz bắc zuôr pov pax tơưs đơưz vos nhoz cxuô qơư. Đros thiêz tsôngv box nênhs Thái, tsoz pax lâus tsênhv muôx ntâu txux zôngv: tơưr tsoz pas lâus zôngv chiê tsâus ntâuz; pax thiêz blôngx zôngv tâu chiê uô yuôx lok sik uô nox lok six kaz. Đrâuv têx zav nox li mor blâuv, njês cxiêz, greix cxiêz kruôr...pox nhuôs tsênhv zôngv pax lâus uô tâu ntâu zav nox kaz li: pax lâus shơư njuôs ciz, cuô jâuz pax lâus tơư buô....Pax lâus uô đros kêx, kriêr tâux grênhz, hor txoz, shaz txoz lok nox lok six kaz, zos zav nox muôx cxôngx nzor lok thiêz đros đreiv hâur tsôngv box Thái nhoz Tây Bắc. Hâur nênhs Thái li trôngx mor niêx hnuz lok sik uô mor tiêv kruô nhoz đêz tuôx, nox pax lâus mak lênhx tưs cux nhiêv thiêz ndo njôngr thâuv tưz tâu nox iz jiês. Zơưv Lý Hiến Hoa, nênhs nhoz saz đrâuv têz qơưk lok, tâu nox zav nox tâu uô cxôngx pax lâus pheiz kênh: “Pax lâus qir thơưx cur xar tiêk tsuôk chiê seiz viv lok six jông. Taz sik nhiv no pax lâus tsênhv tâu uô yênhx zav nox thiêz. Lok six kaz”.

Nền nhạc Thái....

Cheix pax lâus tơưv hâur niêx shông zos six hơưv tsôngv box Thái krêz uô ntâu ntênhs phêv li: Xên bản, xên mường, ntênhs phêv gâux Han, Than Kin Pang lok sik ntênhs phêv pax lâus. Pox nhuôs zôngv pax lâus chiê uô têx zav nox kaz, txi côngv xar njôngr iz shông yiêz uô tâu nox tâu hnhar, luz nênhx ngaz tul, tsâu sor nhoz hâur jêx jos./.

(Thúy Ngoạn- Txâur Vax cxeik nhênhv)

Muôz têx pax lâus chox lok uô shơư cxuô zav jâuz nox

          Nền nạc Thái……..

          Pax lâus zos iz zav pax muôx nhoz trâu têx har jôngr ntông thax tsav tox siêz faz Bắc pêz têz qơưs thiêz tâu iz cxiê lênhx sâu uô pax huôv, sâu uô cưr cxiêx hêik lok hêir nênhs thax tsav faz Bắc li luz nênhx. Lar hêik zos hêir nênhs poz ziz nhoz Sơn La, tưz muôz têx pax lâus đêx chox lok uô shơư cxuô zav jâuz nox. Zos xar uô cov tâu iz zav nox kaz, thâuv muk đê tâu pax lâus lok tsuv muôz mê njik kriêr, jâuz cxưz, kix, shaz txoz, kriêr tox grênhz, cuô txoz chox lok shơư uô cê trâu chor pax lâus thâuv tưz hâu tâu siêr co. Taz sik thâuv hâu chor pax lâus ntơư, tsuv trâur tơưk chis cov chor đêx bâu huv đros thiêz tsuv đo nzênhr tsik so chor pax lâus co thiêx siêr  muôs iz zav thiêz thâuv hâu tâu siêr co mav li muôz cxuô zav jâuz, txux lov, cuô txoz, njêr hêik sâu chox lok shơư uô cê nox thiêx kaz. Pos Lường Thị Khiên, nhoz phơưngx Tô Hiệu, đrôngl Sơn la hêik pâuz: “Thâuv zuôr muôz cxuô zav jâuz, txux lov chox lok uô shơư pax lâus, tsuv tsês mê njik chor cuô hâu pax lâus co, chor jâuz uô shơư cxuô zav pax lâus co nox thiêx kaz”

          Pax lâus uô shơư cxuô zav jâuz, txux lov cux zos hêir nênhs poz ziz nhoz Sơn La iz zav nõ kaz thiêz muôx chôngz lênhx ntâu tus nhiêv nox. Tix lâus Nguyễn Văn Tiến, zos iz lênhx kruô nhoz Nam Định tâu nox zav pax lâus uô shơư cxuô zav jâuz ntơư hêik pâuz: “Cur pov tâu tiêk, cxuô zav jâuz, txux lov muôz uô shơư pax lâus, nox cux kaz cơưs. Thâuv nhiv kruôr nox mak mêx njik pluôk thiêz hêir nênhs poz ziz cux muôx tsưr ziv uô ntâu zav jâuz nox kaz”

          Nhạc Thái….

Hêir nênhs poz ziz nhoz thax tsav faz Bắc zav jâuz nox uô txix pax lâus, shơư  txux lov cux zos iz zav nox kaz, muôx chôngz lênhx ntâu tus nhiêv nox./.

                                                                                (Tsu cxêik nhênhv-Đắc Thanh)