Jax sâu thưr 6 hnuz 21/4/2017

Lào Cai chos yênhx vạn tsoz địa lan zos zav nôngz tsiv grê

         Pêz zav nôngz địa lan tsiv gri, zos: Trần Mộng Xuân, Hoàng Thảo Tam Bảo Sắc thiêz Hoàng Thảo Kiều tưz tâu chor cán bộ vax jôngr têz qơưk Hoàng Liên nhênhz chơưv, uô zuz nôngz yênhx côngz txix tsưr ziv uô chor zuz nôngz muôx jos, muôz tsik zuôr nhiêx txiêx trâu chor chuôz zis pêx xênhv nhoz Sa Pa chos huôv tsar kinh tế. Tix lâus Má A Chư, tổ 2 jok Cát Cát, xã San Sả Hồ, huyệ Sa Pa, tỉnh Lào Cai-iz hâur chor chuôz zis xuz thơưx ciês jênhv zuz nôngz lan lok chos hêik:

       “Thâuv ntêx mak cur cux uô liêx, uô tez, chos jâuz muôs taz sik chêx cur tsik siêz. Vax têz qơưk muôx dự án muôz zuz nôngz lan, kruôz kriê cur chos mak cur pov luz vax lan no tov kaz zuôr paz muôx chêx cur kinh tế siêz đuô trâu chuôz zis”.

        Lơưr zơưv Nguyễn Quang Vĩnh, giám đốc vax têz qơưk Hoàng Liên, địa lan lok six huv đros tox trôngz nhoz Sa Pa, thiêz đhâu nhênhz chơưv mak chiê pâuz tâu kỹ thuật chos địa lan cux tsik lax. Viv li, chiê pox nhuôs muk hâur har jôngr zok địa lan lok muôs mak paz trâu pox nhuôs khov trâu jôngr chos lan zuôr muôx tsiv gri thiêz chêx cur đuô. Zơưv Nguyễn Quang Vĩnh puz pâuz:

       “Pêz xêir tsov chor lan jông tiv zix, muôx tiv gri kinh tế siêz chiê cungz trâu chor chuôz zis nhoz jê ntus jôngr vax têz qơưk chiê muôx tâu hax huv muôs trâu ciêz đrongs du lịch; hlôngr yiêz thiêz gra siêz luz nênhx trâu pêx xênhv tiv phaz đros uô jôngz côngz xưv por vêv jôngr”.

       Njuôk xav txos tas shông 2019, nhoz 6 xã, huyện Sa Pa li 24 jêx jok zuôr muôx 10 vạn tsoz địa lan nôngz tâu chos. Tsuôk yưv pênhr tsơưs hâur uô vax, tsar lơưx, tsoz phưz, đhâu 7 shông, địa lan zuôr tơưs pax thiêz gri muôs iz tsoz li nhiv no zuôr tâu yênhx châuv triệu đêiv./.

(An Kiên-Lik Thox cxêik nhênhv)

Phênhv thhưr 6.21.4.2017:

PHÊNHV HEIK LOK CÊR CHEI

Têx tsi tâu pâuz thôngz lok lênhx nênhs tsov cưv hâur xeir zuôr công chức

          Nus: Lơưr ntu 1 grê 5 Chính phuv li Nghị định 24/2010 hnuz 15/3/2010 cui tênhv lênhx nênhs thiêz têx kror tsuv tsov cưv hâur xeir zuôr công chức, hâur co muôx lênhx nênhs uô tiêr tuz lênhv quân sự, cur cxaz chuôz lưx lươngv dân quân ntơưv tiv phaz hâur 4 shông thiêz tưz muôx Cuiz tênhv uô tiêr jênhv vưv zos Ủy ban phường cungz. Li ntơưv, cur pok tâu seiz zos lênhx nênhs uô tiêr tuz lênhv quân sự chiê tâu xeir zuôr zos lênhx nênhs tâu tsov cưv chiê xeir zuôr công chức?

          Têz: Grê 3 Chei dân quân shông 2009 cui tênhv dân quân zos lưx lươngv vũ trang tsôngv box uô lox tôngv xênhz yar, uô côngz xưv; nhoz hâur lưx lươngv vũ trang tsôngv box têz qơưk Cộng hòa xã hội chủ nghĩa Việt Nam; zos lưx lươngv por vêv Đangv, por vêv chinhr quyênx, por vêv tsôngv box li txox siê, têz qơưk li chuôz zênhx chuôz tas, zos têx lênhx nênhs truôx siêz đros tas nro tsôngv box sơưr tir ntâus tros châuz nhoz tiv phaz thâuv muôx tsav txênhz.

          Vênhv thix tsov cưv hâur xeir zuôr công chức tâu cui tênhv ntơưv grê 5 Nghị định 24/2010 li no:

          1. Lênhx nênhs thiêz tsov cưv hâur xeir zuôr công chức:

          a) Zênhz shôngx lưx lươngv vũ trang, zênhz shôngx lox tôngv, saz pênhz, nênhs tâu sơưv tsênhv chei li saz pênhz: tâu côngv 30 điểm lol hâur tas nro điểm thik xeir zuôr;

          b) Nênhs mênhx cxưx tsơưs nênhs, sĩ quan quân đội, sĩ quan công an, quân nhân chuyên nghiệp, saz pênhz thix xênhz moz pênhz li têx tuz nhuôs, zos lênhx nênhs tâu sơưv tsênhv chei li saz pênhz li tuz nhuôs, lênhx nênhs huôx tôngv cơưx mênhv uô ntêx jiês sơưr tơưv txênhz hnuz 19/8/1945 li tuz nhuôs, nênhs huôx tôngv kháng chiến trâus tsơưr tưx đas li mê nhuôs, zênhz shôngx lưx lươngv vũ trang li tuz nhuôs, zênhz shôngx lox tôngv li tuz nhuôs: tâu côngv 20 điểm lol hâur tas nro điểm thik xeir zuôr công chức;

          c) Nênhs uô tiêr nghĩa vụ quân sưv, nghĩa vụ phưx vưv muôx six hơưv hâur lưx lươngv công an, đội viên hluôk nênhs yungz phongz, đội viên muôx yênhx tưv hluôk txưv zênhv cxaz chuôz huôv tsar nôngx cxênhz, tox siêz cxôngx txâuk 24 luz hlik ndê mul tưz uô tiêr jênhv vưv: tâu côngv 10 điểm lol hâur tas nro điểm thik xeir zuôr công chức.

          Li ntơưv, fôngx zưs tsi nhoz hâur têx lênhx nênhs tâu tsov cưv thâuv xeir zuôr công chức lơưr cui tênhv ntơưv điểm c khoản 1 grê 5 Nghị định 24/2010./.

Thanh Thủy- Txâur Vax cxeik nhênhv