Shir phaz lul tok tsiêz pun pi May ntơưv Sơn La

Chiê gra siêz luôs hâux lưv kriê cơưv luk choz tsiz thiêz cxuô jax ntơưr trâu shuv xênhz lok Tsuôk, tsêr cơưv tưz moz siêz txos cxuô lênhx shuv xênhz lok Tsuôk têx qơư nox nhoz muk lok cơưv ntơưr hâur tsêr cơưv. Hâur niêx shông, thâuv txos trâu têx hnuz ntênhk li tsiêz Bun pi May, xiêz 2 hli 9 …tsêr cơưv puôr lênhx tsưr tsix njiz njêx muôs cxuô lênhx shuv xênhz lok Tsuôk, nthuôr uô cêr lov jêv thiêz muôz huv puz trâu shuv xênhz lok Tsuôk. Shuv xênhz Ăm Pha Văn Phôm Sạ Vắt, nhoz tsêr cơưv đại học Tây Bắc shir phaz lul hêik:

  “Hnuz no zos lok Tsuôk Tsiêz Bun pi May, tsêr cơưv cux tsưr tsix trâu pêz nox tsiêz, pêz chor shuv xênhz lok Tsuôk jông siêz hênhr thiêz cux txo grêk iz phênhv tưs tsik yuô ndo txos niêv txir, vax tsêr thiêz pêz cux xav tiêk: VN zos pêz luz tsêr tiv 2”.

Lênhx shuv xênhz Lếch Sụ Thon Kẹo Vị Lay, ttsênhv taz tov cơưv trâu tsêr cơưv Đại học Tây Bắc cux shir phaz lul hêik pâuz:

 “Cur mak 5 shông siz lơư liês tâu đros côngv cêr lov jêv Tsiêz Bun pi May nhoz VN, hâur 5 shông đhâu, thâuv tưs cur cux muôx cêr shir phaz; viv ntơưv no tâu cxuô lênhx cưk kriê hâur tsêr cơưv moz siêz paz max txos thiêz tsưr tsix tsiêz trâu pêz cxuô lênhx shuv xênhz sđ, cur jông siêz hênhr”.

Chiê bax trâu shuv xênhz lok Tsuôk tok nox tsiêz Bun pi May, ciês hâur hli 4 xiêz, cxuô lênhx cưk kriê hâur tsêr cơưv tưz tsưr tsix trâu shuv xênhz lok Tsuôk nthuôr uô ntâu cêr lov jêv đros trâu cxuô lênhx shuv xênhz VN. Txơưv nhiv kruôr tuôx cơưv nhoz trâu VN shông xuz thơưx lok sik tâu oz pêz shôngk cux li shuv xênhz VN; hâur niêx shông, thâuv txos têx hnuz tsiêz, hnuz ntênhk, zos hâur têx hnuz cxuô lênhx shuv xênhz lok Tsuôk tror ndo txos zuk têz qơưs, ndo txos niêv txir thiêz ndo txos têx nênhs cxênhz jê. Zơưv Đố Hồng Đức, tsar phôngx tsêr cơưv đại học Tây Bắc hêik pâuz:

  “Pêz cux pâuz to tâuz cxuô lênhx shuv xênhz lok Tsuôk têx tsưr ziv siêz xar, viv nhoz đêz vax tsêr. Chênhr zos li hêik ntơư, hâur niêx shông, thâuv txos trâu têx hnuz tsiêz, pêz cux tsưr tsix Tsiêz Bun pi May trâu shuv xênhz lok Tsuôk nox, nthuôr uô cêr lov jêv. Ntơư zos iz luôs hâux lưv uô muôx liv trâu cxuô lênhx shuv xênhz Lok tsuôk nhoz đêz vax tsêr”.

Ntơưv tsêr cơưv cao đẳng y tế Sơn La, cxuô lênhx shuv xênhz lok Tsuôk cux tâu cxuô lênhx cưk kriê hâur tsêr cơưv tsưr tsix tok nox Tsiêz Bun pi May đros trâu hnar têx tsôngk yo jông jav, nthuôr uô cêr lov jêv, muôx liv trâu sđ. Shuv xênhz Khun Sạ Mảy, lo sạ Vẳn, nhoz tsêr cơưv cao đẳng y tế Sơn la hêik pâuz nzir:

  “Hnuz no zos tsiêz Bun pi May, txơưv cur tsik tâu muk tsêr, cur cux ndo tsêr hênhr. Taz sik, cur cux tâu cxuô lênhx cưk kriê hâur tsêr cơưv tsưr tsix tsiêz Bun pi May thiêz hâur hnuz tsiêz Bun pi May, cur muôx luk phôngv côngz jông txos trâu cxuô lênhx hâur cur tsêr nênhs njiz ntâu cêr vav mênhx hâur luz nênhx”.

Nhiv no, tỉnh Sơn la muôx 4 luz tsêr cơưv, muôx cxuô lênhx shuv xênhz lok tsuôk tuôx cơưv ntơưr. Hâur ntơư, muôx tsêr cơưv Đại học Tây Bắc, tsêr cơưv cao đẳng Sơn la, tsêr cơưv cao đẳng y tế Sơn la thiêz tsêr cơưv Trung cấp vênhx huôv-du lix đros muôx iz cxênhz ntâu lênhx shuv xênhz lok Tsuôk tuôx cơưv thiêz ntơư cux zos iz luôs hâux lưv cxơưz cxiz huôv tsar truôx cêr fôngx zưs jông hâur oz têz qơưs VN-lok Tsuôk./.

(Tsu cxêik nhênhv-PVTây Bắc)

Tsôngv box Khmer niêv tiêx đras niêv đêx Cửu Long muôx cxaz cheix Chôl Chnăm Thmây lov jêv, sor si

(Tiếng nhạc...)

  Lol tỉnh Trà Vinh, iz tỉnh muôx 30% ntâu zos tsôngv box mênhx cxưx Khmer, mul txos tưs cux pov pox nhuôs Khmer li khôngz qiv lov jêv bax trâu hâux lưv tos tsiêz Chôl Chnăm Thmây.

          Tos tiêv pêz hâur luz tsêr tâu cxiv jông thiêz muôx cxix cxuô têx chuôz zênhx jông, pos Thạch Thị Xiếc nhoz xã Châu Điền, huyện Cầu Kè puz pâuz, thâuv tnêx tsôngv box nhoz no mul lol lok six phêv ziv, phênhv ntâu zos mul sâuv tơư liêx thiêx mul txos niêv cêr lox. Nhiv no yêz mul txos ciês ntơưv liêx têz, hax huv thâux mul lol zôngx ziv đuô. Nhiv no nhoz thax tsav no tsuôk muôx 2,3 jês liêx cux uô tâu bluô nux. Zos chos jâuz tâuv 2 luz hlik lok sik 2 luz hlik ntâu tso lol phênhv sâu yênhx châuv tsov đeiv zos fênhx yax. Lênhx tưs muôx theox chênhv mak yưv pênhr chos cxaz txir thênhx caz, txir thanh long phênhv sâu yênhx puôk tsov đeiv. Tsiêz Chôl Chnăm Thmây shông no lênhx tưs cux shir phaz.

          “ Nhoz no nhiv no chuôz zis tưs cux muôx tênhv tênhz, muôx cêr zôngx ziv mul lol, thâuv ntêx mak tsuôk tơưk tênhz trox a. Yuôr têx chuôz zis pluôs mak puôr lênhx tâu têz qơưk paz txưv, nhiv no tưz muôx nox muôx tsês. Kinh têr jông đuô tuôx tsiêz Chôl chnăm mak mul tsêr mnov cux jông siêz đuô. Yuôr thauv ntêx txos tsiêz mak cux cxơưx, tsi muôx nox, tsi muôx nhiêx txiêx chiê mul tsêr mnov, uô trôngx mor txi côngv pos zơưs, nhiv no mak tsi cxơưx lơưv thiêz”.

          Shông no, Tsiêz Chôl Chnăm Thmây tsuôk li tuôx txos pox nhuôs Khmer nhoz Trà Vinh nzor đuô iz ciêz. Kuôk nor 2,3 hnuz, tỉnh ủy Trà Vình tsưr tsix jiês njiz njêx muôs têx canr bộ Khmer; thôngx cxix têx huyện, têx xã muôx chôngz tsôngv box Khmer puôr lênhx muôx jiês njiz njêx muôs. Đrâuv co, tsưr tsix têx đoanx mul seiz, khơưk muôz huv ntơưv têx tsêr mnov Khmer thiêz yênhx puôk ziv chuôz zis tâu sơưv cêr chei sâuv thax tsav. Yuôr têx tsêr mnov, têx jêx jos puôr lênhx tsưr tsix têx tsưr ziv uo ói trâur lâus li sik truz hluô, ntâus poz, đhiê pax vuôs....Khôngz qiv tos tsiêz lov jêv đuô viv luz nênhx tâu muôz siêz. Shông đhâu, Trà Vinh li chuôz tsar kinh têr tax 1% ntâu, siêz tiv zix hâur thax tsav, lơưr co chor ziv chuôzz is pluôs mênhx cxưx Khmer txu grês zuôr xar 5%. Tiv zix tsiêz Chôl Chnăm Thmây shông no tsôngv box sâu tâu chiv cheix jông, hâur co thax tsav hlôngr yiêz tsoz chos cux chox lol chêx cuk lok six siêz. Thượng tọa Thạch Oai, Phưv chủ tịch Hội đoàn kết sư sãi nhiêv têz nhiêv qơư tỉnh Trà Vinh puz pâuz:

          “Tas nro têx vênhv thix li kinh têr, vênhx huôv, xã hội hâur thax tsav tsôngv box puôr lênhx tâu hlôngr yiêz jông. Tiv zix zos thax tsav nôngx cxênhz tênhv tênhz, cêr mul lol, tsêr cơưv ntơưr, qơư y tế. Lok vênhx huôv têx tsêr mnov cux xưk li têx jêx jos tsôngv box Khmer muôx cêr uô nênhx lơưr saz vênhx huôv. Heik cxuô tsôngv box Khmer muôx têx hlôngr yiêz jông pir đros thiêz ntu đrav ntêx”.

          Yuôr nhoz tỉnh Sóc Trăng, tsôngv box Khmer cux muôx têx cêr lov jêv jông, tsêz no tas nro tỉnh muôx 11 cxênhz ntâu ziv chuôz zis hla đhâu cêr pluôs; hâur co muôx 5 cxênhz ntâu ziv chuôz zis zos tsôngv box Khmer. Thax tsav tsôngv box Khmer ziv hnuz ziv hlôngr yiêz jông; luz nênhx chinhz yênhx tâu hlôngr yiêz; tsôngv box li yênhx tưv tâu muôz siêz, cêr vênhx huôv mênhx cxưx tâu tuôr tsês thiêz phuôx huiz....Kror co tâu tso pov đhâu têx hnuz  bax tos tsiêz Chôl Chnăm Thmây...

          Ntơưv tsêr mnov Bét Tôn, xã Phú Mỹ, huyện Mỹ Tú, têx hnuz no, thâuv txos zar hnuz keix ho pov tsôngv box đhiê pax vuôs rom-vong, sa-ra-vanh. Yênhx châuv lênhx hluôk nênhs tuz nxeik sik đros heik cưr cxiêx, đhiê pax vuôs lok six lov jêv. Tul muôv Trần Thị Kim Tuyền pheiz kênh:

          “ Cur tuôx đhiê pax vuôs tâu 2,3 hnuz lơưv, cur lok six nhiêv đhiê pax vuôs, viv li tuôx đhiê. Cur pov lok six lov jêv”.

          Zơưv Lý Bình Cang, Tsar ban mênhx cxưx tỉnh Sóc Trăng puz pâuz, Chôl Chnăm Thmây zos tsiêz trâur lâus muôx ziz njiêz coaz tsôngv đros tsôngv box mênhx cxưx Khmer. Viv li, côngz xưv tsoz phưz, paz txưv pox nhuôs tos tsiêz thâuv tưs cux tâu tỉnh tsov cưv bax uô jông, taz por tas nro tsôngv box puôr lênhx tos tsiêz Chôl Chnăm Thmây lov jêv, chiê tsôngv box tso siêz đuô uô lox tôngv xênhz yar muôx chêx cuk hâur shông yiêz. Zơưv Lý Bình Cang puz pâuz cxaz:

          “ Khov luz nênhx ziv hnuz ziv huôv tsar jông, pox nhuôs Khmer hâur tỉnh li hâux lưv tos tsiêz yiêz cux muôx ntâu hlôngr yiêz. Hâur pưs txux zos chiz coaz Ban mênhx cxưx tỉnh, pêz cux tưz tsưr tsix huôx tôngv tos tsiêz Chôl Chnăm Thmây trâur lâuk trâu pox nhuôs jông đuô cux xưk li njiz njêx muôs têx cán bộ, chức sắc tôn giáo, chuôz zis muôx côngz đros cơưx mênhv, chuôz zis tâu sơưv cêr chei...pêz cux tsưr tsix têx huôx tôngv seiz nus têx sư sãi, chuôz zis canr bộ so lâus, tas nro têx tsêr mnov nhoz têx tiv phaz”.

(Lồng nhạc)

          Iz cheix Chôl Chnăm Thmây thiêz tror lol txos, iz chuôz zis tsôngv box Khmer Nam Bộ ho jông siêz tos iz cêr lov jêv yiêz- sâu tâu chiv cheix, têz qơưk hlôngr yiêz jông đuô. Nhiv no pox nhuôs tsi cxơưx cêr yeiz pluôs, tsuv mul ntâus jos đêz thiêz mak sik tưr uô lox tôngv xênhz yar, uô bluô nux ciês sâuv zuk têz qơưk thiêz tos tsiêz trâur lâus sor si, lov jêv đuô./.

(TTTNB-Txâur Vax cxeik nhênhv)