Cử tri tox siêz Mù Cang Chải shir phaz lul tok txos hnuz muk tso ntơưr bo xêir

          Xã Mồ Dề, huyện tox siêz Mù cang Chải muôx 3 cxênhz ntâu lênhx cử tri, siz chos huôv tsar cêr uô nênhx nhoz trâu cxuô luz jêx jos hâur thax tsav. Hâur ntu tsênhv muôx caz moz Covid-19 huôv xênhz uô phiv liv, luôs hâux lưv fuô yax kriê lok luôs hâux lưv muk tso ntơưr bo xêir đhâu loa nta suôz cux uô tâu truôx jông. Tix lâus Sơ x Shôngx, cán bộ vênhx huôv xã Mồ Dề cux hêik pâuz tiêk: tâu choz zok hâux lưv thâux loa muk trâu cxuô luz jêx jos fuô yax kriê hêik hêir nênhs tsơưs li luk, tsôngv px pâuz tâu tsênhz mênhx têx muôx liv lok hnuz muk bo xêir: “Zos zuk li hâux lưv, cur cux tsik so kriz loa xa luk yax kriê ntơưv tsênhv qơư xã iz hnuz oz jiês, phênhv ntâu zos kriz trâu thâuv têis cik sơưr nzor thiêz hmo ntux. Thâux loa muk fuô yax kriê trâu cxuô luz jêx jos, 3 hnuz iz jiês; đhâu fuô yax kriê, tsôngv px cux pâuz tâu tsênhz lok têx muôx liv tso ntơưr bo xêir nov hâur têx hnuz zuôr txos no”.

          Đhâu fuô yax kriê, cử tri hâur thax tsav xã tox siêz Mồ Dề, txơưv lênhx tưs cux shir phaz lul tok txos hnuz muk tso ntơưr bo xêir đros trâu tsưr ziv, siêz xar njôngr zuôr xêir tâu têx lênhx hâu nov txơưx njê muôx txâuk tsưr ziv, txux chi lês uô Đảng têz qơưs luôs hâux lưv zok muôz. Cử tri Lưv x Shôngx nhoz jos đrav Har, xã Mồ Dề shir phaz lul hêik:  “Pêz tưz đros njiz cxuô lênhx ứng cử viên Đại biểu Quốc Hội thiêz đại biểu Hội đôngx cxuô cấp, tâu mnôngs cxuô lênhx ứng cử viên têx tsưr ziv, luôs hâux lưv uô. Chênhr zos li hêik ntơư, pêz shir phaz lul tok txos hnuz muk tso ntơưr bo xêir chiê  xêir cov tâu têx lênhx hâu nov txơưx njê, muôx txâuk tsưr ziv, txux chi uô tâu tiêr têz qơưs cxuô luôs hâux lưv tso tơưv”.

          Muôx 60 ntâu shông hnuz nhôngs, ntâu jiês tâu muk tso ntơưr bo xêir cxuô lênhx đại biểu Quốc hội thiêz Hội đôngx cxuô cấp, shông no zos jiês xuz thơưx zơưv Khang Vav Kruô, nhoz jos Dề Thàng, xã Chế Cu Nha pov muôx yưv caz moz uô phiv liv hâur ntu kriz tso ntơưr bâux xêir. Taz sik, zơưv Vav Kruô cux li cxuô lênhx cử tri cux tsik cxơưx pês tsơưs, viv muôx hâu nov đros trâu cxuô lênhx cưk yuôx hur si hâur têz qơưs tưz uô truôx jông luôs hâux lưv tir thêir caz moz  Covid-19, tsik chiê cik đêz đar trâu cxuô thax tsav qơư thiêz fuô uô truôx jông luôs hâux lưv yax kriê tsôngv px muk tso ntơưr bo xêir cov tâu têx lênhx hâu nov txơưx njê, muôx txâuk tsưr ziv txux chi cxiv kho têz qơưs cov ziv hnuz ziv truôx jông. “Cur xar njôngr cxuô cấp hâu nov ntơưv qơư, zuôr tror uô truôx jông luôs hâux lưv tir thêir caz moz gênhk thiêz bax truôx jông luôs hâux lưv trâu jiês bâux xêir chiê tsôngv px tso siêz muk tso ntơưr tâu trơưk li tsưr ziv siêz xar”

          Tâu njiz thiêz mnôngs cxuô lênhx ứng cử viên đhâu cxuô jiês njiz cử tri, cux pâuz tâu cxuô lênhx ứng cử viên muôx txâuk tsưr ziv, txux chi, muôx chôngz lênhx ntâu tus tsênhv hluôk, chor ứng cử viên zos hêir nênhs tsơưs cux muôx chôngz lênhx. Cử tri hâur thax tsav huyện Mù cang chải cux njênhs njôngr txos hnuz bâux xêir zuôr xêir tâu têx lênhx hâu nov muôx txâuk tsưr ziv, txux chi siêz, paz phênhv đros cxiv kho têz qơưs truôx jông, huv đros. Cử tri, Công x Shôngx, nhoz xã Chế Cu Nha shir phaz lul hêik: “Cxuô lênhx ứng cử viên ứng cử đại biểu Quốc hội hâur thax tsav mak muôx 3 lênhx ứng cử viên zos pox niêv hêir nênhs Hmôngz, cur pov tâu li ntơư, cux jông siêz cơưs”

          Huyện Mù cang Chải muôx 92 qơư tso ntơưr bâux xêir thiêz 38.200 lênhx cử tri, phênhv ntâu zos pêz hêir nênhs Hmôngz. Zơưv Phạm Văn Quynh, phưv chủ tịch uỷ ban bâux xêir huyện mù cang Chải cux hêik pâuz tiêk: Xav txos trâu nhiv no, cxuô luôs hâux lưv bax trâu jiês bâux xêir tưz uô tâu tiêr hur tiz si.  “Cxuô qơư, cxuô chuôz zênhx tso bâux xêir tưz bax tâu cxix cxuô, tok txos hnuz 23/5, chiê cxuô lênhx cử tri sđ muk tso ntơưr bâux xêir cov huv đros six hơưv, hnuz nhôngs thiêz cux choz zok hâux lưv trâu cxuô lênhx Thường trực huyện uỷ, uỷ viên Ban Thường vụ, uỷ viên BCH Đảng bộ, hâu nov cxuô cơ quan, ban ngênhx cux muk trâu cxuô qơư tso ntơưr sêiz car bâux xêir”./.

                                                                                  (Tsu cxêik nhênhv-Đinh Tuấn VOV TB)

Moz siêz txos tsôngv box heir nênhs tsơưs li vax huôv bâux xeir hâur bâux xeir Côx hôiv thiêz Hội đôngx cxuô cấp

Hâur Mặt trận Tổ quốc cxuô cấp cxuô jiês cơưv xeir tsov ứng cử zos  heir nênhs tsơưs chiê nhoz hâur đại biểu Côx hôiv thiêz đại biểu Hội đôngx cxuô cấp tsuv muôx tâu têx trơưk li cui tinhv, taz sik cux tsi cxoz zok ntâu luôs hâux lưv hênhr trâu iz lênhx đại biểu.

Trơưk li zơưv Nguyễn Lâm Thành, Phưv Chủ tịch Hôiv đôngx mênhx cxưx Côx hôiv, moz siêz txos tsôngv box heir nênhs tsơưs li vax huôv bâux xeir, ứng cử hâur bâux xeir Côx hôiv thiêz Hội đôngx cxuô cấp nhoz cxuô thax tsav qơư thâuv tưs tưz tâu cxuô cấp moz siêz txos, heik kriê. Uô li chas chiê cov uô tâu têx lênhx ứng cử zos nênhs heir nênhs tsơưs ntơưv chênhr lơưr qơư nhoz li têx jông. Viv lơưr chênhr zos têx lênhx pâuz tsênhz đuô lok thax tsav tox siêz, ntus đriv mak lơưr iz txưv nox nhoz, huôv tsar uô nox đros tsôngv box: “Chor ứng cử no lok six pâuz tsênhz lok têx cêr muk lol, qơư nhoz thiêz cux zos suôv qơư cử tri heir nênhs tsơưs uô nênhx nhoz. Tiv 2 zos pâuz thôngz lok tsôngv box têx cêr nênhx phôngz cxưx, tsưr ziv xar, co puôr lênhx zos têx mak cử tri tsênhv moz siêz txos. Iz kro thiêz zos đros px nhoz, đros côngv px heik lul, hur si lok sâuv têx cêr nênhx cêr tsar, xênhz huôx nox nhoz muk lol, siz hluz siz paz….. Co zos iz kro jông trâu ứng cử heir nênhs tsơưs”.

Nhiv no, luôs hâux lưv bax bâux xeir Đại biểu Côx hôiv khóa 15 thiêz đại biểu Hội đôngx cxuô cấp six cxiv 2021-2026 nhoz thax tsav tsôngv box heir nênhs tsơưs, trơưk li Côx hôiv Hôiv đôngx mênhx cxưx ntâuk grê, tưz uô lơưr jông, trơưk chei têz qơưk cui tinhv. Taz sik, tiv ntâu qir tiv nhiêk txơưr nhiêk, tsơưr lươngv lênhx nênhs nhoz thax tsav heir nênhs tsơưs tsi yuô huôv tsar, txux chi tsi siz luôs. Chor  nênhs cơưv tas ntơưr đại học, cao đẳng thiêz lar heik zos cơưv siêz đuô đại học tsênhv tsơưs. Hâux lưv yax kriê nhoz thax tsav tsôngv box heir nênhs tsơưs thiêz tox siêz njiz trâul tsi tsơưs têx phiv liv, viv tsôngv box tsi yuô tâu muôx tsưr ziv jênhv pâuz, hâur luz nênhx xênhz huôx nox nhoz tsênhv tuôr tsês thiêz uô ntâu chei. Chênhr zos li heik co, cxuô thax tsav qơư tsuv sir jos yax mông, heik kriê trâu tsôngv px pâuz thôngz pâuz mênhx lok zuk li vax huôv bâux xeir thiêz ứng cử. Moz siêz txos hâux lưv cơưv shâuv, kriê cxaz têx txux chi yuôr trâul hâur bâux xeir cux li sir jos yax kriê txos trâu tsôngv niêv txir lax px sđ pâuz tsênhz lok têx li heik sâuv. Lar heik, cxuô cấp ủy Đảng, hâu nov, Hôiv đôngx bâux xeir cxuô cấp tsuv yax mông, heik kriê cử tri li vax huôv thiêz hâux lưv uô hâur bâux xeir. Moz siêz txos yax kriê txix luk heir nênhs tsơưs, tsưr tsix sik chuôs njiz lok sâuv siz heik kriê bâux xeir lênhx nênhs nhoz hâur đại biểu Côx hôiv thiêz đại biểu Hội đôngx cxuô cấp chiê uô li chas cov tsôngv box sđ pov tâu têx sir jos đros cxaz chuôz uô hâux lưv bâux xeir hâu nov chênhr zos sđ li vax huôv. Co zos bâux xeir tâu têx lênhx hlôngr njêx muôs trâu tsôngv niêv txir lax px chiê đros cxiv tsa, seiz kaz, heik uô lơưr têz qơưk têx chei, lar heik zos chei cik txos thax tsav tsôngv box heir nênhs tsơưs, tox siêz.

Trơưk li zơưv Ma Công Khâm, Bí thư đảng ủy, Chủ tịch Ủy ban xã Thượng Lâm, huyện Lâm Bình (tỉnh Tuyên Quang), ntơưv xã Thượng Lâm, 90% ntâu jênh sôr zos tsôngv box heir nênhs tsơưs, px ntơưv qơư  hâux lưv bâux xeir, ứng cử thâuv tưs tưz tâu tsôngv px moz siêz txos, pâuz tsênhz. Iz chas ntơư, hâur thax tsav cux moz siêz txos đuô têx lênhx ứng cử heir nênhs tsơưs li vax huôv bâux xeir, ứng cử uô đại biểu Côx hôiv, đại biểu HĐND chiê hâux lưv bâux xeir uô tâu zôngx ziv thiêz yênhx côngz: “Hâux lưv heik kriê nênhs ứng cử đại biểu Hội đôngx cux tâu chor tsưr tsix chính trị XH hâur thax tsav xã, tâu cxuô lênhx sđ moz siêz txos. Hâur thax tsav qơư mak bê têx lênhx nênhs bâux xeir, ứng cử txos iz jiês no tưz heik trâu sđ pâuz hur si. Seiz lok têx cui tinhv tâu fuô uô qênhz shuôs thiêz hiệp thương 2, 3 jiês, tsov xeir têx lênhx tâu niêv txir lax px njênhs, pâuz chox nox chox uô, muôx txux chi chiê tsiv nhos lês uô tâu têx luôs hâux lưv thâuv tâu sđ bâux xeir uô đại biểu Hội đôngx”.

Iz chas ntơư, hâux lưv moz siêz txos tsôngv box heir nênhs tsơưs li vax huôv bâux xeir, ứng cử hâur bâux xeir Côx hôiv thiêz HĐ cxuô cấp tsuv tâu uô jông txix qênhz pov, xeir lênhx nênhs, njuôk xav, kriê cxaz têx txux chi tsưr ziv yuôr trâul chiê uô tâu trơưk li tsưr ziv xar lok xeir canr bôv lơưr Đảng, têz qơưk cui tinhv. Lok muk ntêr trâu zar tov kaz no, tsuv moz siêz txos đuô thiêz chor canr bôv, công chức zos heir nênhs tsơưs.

Hok chor canr bôv muôx txux chi jông, taz sik tsênhv muôx tsi tâu txâuk têx trơưk li cui tinhv mak tsuv muôz tso hâur tsaz yênhx, tsưr ziv kriê cxaz têx tsưr ziv, txux chi uô nuv chiê taz por zoz qơưx canr bôv, công chức, hâur co muôx têx cơ quan lês uô têz qơưk têx hâux lưv. Xeir zuôr canr bôv heir nênhs tsơưs sir jos cov tâu fiv đros trâu jênh sôr yênhx thax tsav, suôv qơư. Iz chas co, tsuv moz siêz txos têx cui tinhv, chei têz qơưk li: Chei bâux xeir đại biểu Côx hôiv thiêz bâux xeir đại biểu HĐ; têz qơưk, Ủy ban Thường vụ Côx hôiv thiêz Hôiv đôngx bâux xeir têz qơưk  têx ntâuz ntơưr kriê lok bâux xeir./.

                                     (VOV4-Riê Lâux cxeik, nhênhv)