Têx lênhx sâu xor xưv uô hâux lưv phax tir thêir moz Covid-19 ntơưv Điện Biên

Hâur jiês 2 moz Covid-19 huôv xênhz ntơưv Điện Biên, huyện ntus đriv Nậm Pồ zos qơư muôx ntâu lênhx trâus moz hur si hâur thax tsav tỉnh, tsav zuôr xar 80% chor nênhs hâur tas nro tỉnh. 11 cxênhz ntâu lênhx chor nênhs moz, nênhs tâu nhoz jê, buôk ti đros nênhs moz tsi so tâu qênhz pov chiê kuôk cêv, car seiz thiêz seiz kaz ntơưv côngv thôngx. Zos iz hâur têx huyện pluôs yax hâur têz qơưk, nhiv no tsi so njiz trâul ntux uô ruôr hiêv, moz gênhk, uô Nậm Pồ ziv njiz trâul phiv liv thiêz txov nhêv đuô.

Ciês thâuv txeik tâu mông hâur thax tsav muôx lênhx nênhs xuz thơưx trâul moz lok hmo 14/5 ntơưv xã Si Pa Phìn, niêv lâuk Chảo Mắn On-nênhs sâu xor xưv Tsênhv qơư Vênhx huôv-nta suôz-xa đuôz huyện Nậm Pồ tưz zênhx max bax têx chuôz zênhx, tsôngk trik yo, hnaz uz no thiêz xa mê nhuôv muk đros têx nênhs cxênhz jê hâur jok nhoz chiê sơưr cêr muk uô hâux lưv sâu xor xưv trâu thax tsav muôx caz moz gênhk. Niêv lâuk heik pâuz, muk uô hâux lưv hâur luz six hơưv ntux têz muôx ntâu txơưr txar, cuz sor, cux uô trâu zuk lok six gênhk. Muôx kênh jiês xar iz hnuz iz hmo tưz tsi muôx đaz tsi nox, tsi muôx đêx hâuk, zos nênhs ntơưv qơư tưz uô hâux lưv hâur thax tsav tâu ntâu shông thiêz cux ntâu jiês muk sâu xor xưv nhoz thax tsav txov nhêv, taz sik jiês no buôk ti uô hâux lưv sâu xor xưv lok moz Covid-19”, niêv lâul ntâu jiês chuôs li tưz tsi muôx iz kro đas jos uô hâux lưv hlo:“Hur tiz si cxuô lênhx sđ zos lênhx tưs tâu nhoz thiêz uô hâux lưv li zuk thâuv muôx moz gênhk li no, sđ cux zuôr iz zav li cur xưz. Thâuv muôx hâux lưv, zuk tsi pâuz tsênhz têx mông, zuk muk tsi tâu txos ntơưv qơư mak tsi jông siêz li, viv luz luôs hâux lưv cxiz zuk”.

Hâur hâux lưv phax tar txo grêk tsơưs moz Covid-19 huôv xênhz jiês tiv 2 ntơưv Điện Biên, chor tuz sâu xor xưv tsi tiêk uô jông luôs hâux lưv yax kriê lok phax tir thêir moz gênhk, tsênhv sir jos uô ntêx nyuôs hu zâuv cxuô lênhx sđ, chor nênhs siêz jông sik đros paz trâu tsôngv niêv txir cưr tix nênhx tsa nhoz thax tsav trâul muôx moz thiêz. Têx huv chor tsưr tsix, nênhs siêz jông xa tuôx paz max tsôngv px nhoz suôv qơư muôx moz zos heik lol sđ têx cêr siz hluz siz paz, pheiz kênh têx phiv liv, cêr txov sik đros phax tir thêir, txo grêk tsơưs moz gênhk. Iz hâur têx lênhx sâu xor xưv sir jos uô luôs hâux lưv jông siêz paz tsôngv px zos niêv lâuk Trần Thị Hương-Phưv Tsar phongx pov tsir đêx ar thiêz tênhx qơư thax tsav Tây Bắc. Txix tsênhv tsênhz chor chuôz zis trâul kuôk cêv ntâu, niêv lâuk tưz vênhv tôngv, hu zâuv thiêz lênhk txeik sđ nhoz cxuô thax tsav qơư li têx huv muôz paz chiê xa txos trâu tsôngv niêv txir cưr tix nênhx tsa, lar heik zos 800 ntâu lênhx nhuôv zâu tsênhv tâu nhoz kuôk cêv hâur têx tsêr cơưv ntơưr, tsuv ndêiv vax tsêr, ndêiv niêv txir, chor nênhs cxênhz jê, heik lul Choz Tsiz tsi tâu tâu mênhx ntơư. Ciês hâur 2 hnuz nhiv kruôr muôx moz huôv xênhz ntơưv Si Pa Phìn, niêv lâuk tưz muôx luk hu lơưk sđ sik đros paz tâu 5 cxênhz đeiv ntơưr bos kror ndâux xa trâu tsôngv box. Iz chas co, tsênhv yuôr ntâu têx zav nox zuôr trâul txos txơưr đuô li: Kê, nduôr mos, cuô mik, têx jâuz, txir ntông....thiêz:“Thâuv iz lênhx sâu xor xưv nhoz Nậm Pồ xa trâu cur iz đeiv đuôz, seiz chor nhuôv zâu njiê đhâu kror trêi ntơưv qơư kuôk cêv mak lok six hluz chor nhuôv cơưk, têx li co ziv uô trâu cur xar uô têx zav hâux lưv đaz tsi paz max têx nhuôs zâu, txơưv tsi ntâu, mê xưz lok cux tâu. Đhâu têx hâux lưv uô li co, cur pov pêz tsôngv px, niêv txir cưr tix nênhx tsa sđ muôx cêr thôngx siêz, siz hluz siz paz, no zos iz kro lok six jông”.

Zơưv Nguyễn Ngọc Sơn, Phưv Bí thư Thường trực huyện ủy Nậm pồ heik pâuz: Ntâu lênhx tuz sâu xor xưv nhoz cxuô cơ quan ntơưr pov tsir T.Ư thiêz ntơưv qơư li têx côngz đas jos tưz sik đros paz huyện phax tir thêir tâu moz zôngx ziv. Lar heik zos txix ntơưr pov tsir li têx yax kriê, xa mông, tsôngv px nhoz cxuô jêx jok đêz đrôngs hâur huyện tưz tâu buôk ti, pâuz têx xor mông, gra siêz tsưr ziv phax tir thêir moz:“Moz Covid-19 hâur thax tsav huyện Nậm Pồ thâuv luz six hơưv co ntux lok six cuz sor hênhr, muôx kênh hnuz jê tưv ndê txos 36-37 tưv, chor sâu xor xưv uô hâux lưv ntơưv 12 qơư kuôk cêv hâur thax tsav lok six txov nhêv thiêz phiv liv cơưk, tsuv hnar chêr tsôngk yo tax phax tir thêir moz, lok six cuz sor hênhr. Chor tuz xor xưv T.Ư nhoz hâur thax tsav, têx lênhx sâu xor xưv, uô ntơưr pov tsir hâur tỉnh, hâur huyện tưz lok six sir jos uô luôs hâux lưv xa têx xor mông chiê paz tsôngv box pâuz tâu nzir mông, heik tsênhz mênhx lok têx hâux lưv cấp ủy, hâu nov đros trâu cxuô lênhx sđ hâur tỉnh sir jos phax tir thêir moz gênhk”.

Nhiv no, moz Covid-19 hâur thax tsav tỉnh Điện Biên tưz phax tir thêir tâu. Co zos khov muôx chor sâu xor xưv T.Ư thiêz ntơưv qơư li têx sir jos yax xa mông, uô ntêx nyuôs đros cxuô cấp hâu nov ntơưv qơư uô hâux lưv yax kriê, xa xor mông. Iz xor xưv zos iz phiv liv, taz sik lơưr cux tsênhv sir jos uô jông luôs hâux lưv zok muôz chiê đros ntơưv qơư phax tir thêir tâu moz Covid-19./.

                                     (Vũ Lợi-Riê Lâux xceik, nhênhv)