Điện Biên: Tsuv sik côngv tês paz shux xênhz thax tsav trâus đêx nas chuô uô ruôr hiêv chiê tuôx cơưv cxix cxuô trâu shông cơưv yiêz

          Hâur ntâu hnuz đhâu, cxôngx jiês đêx ngaz lix xưv muôx yưv sâuv thax tsav xã Mường Lói, huyện Điện Biên, taz sik têx cêr cxơưx tsênhv pov njôngr sâuv têx cưk kriê, têx lênhx niêv lênhx txir, têx mê nhuôs shux xênhz tsêr cơưv mê nhuôs zâu xã Mường Lói thiêz têx tsêr cơưv txơưr li pliêx flu. Jiês đêx ngaz tưz cuôr lơưv tas nro têx cxeix laov, chuôz zênhx chuôz tas, têx zav meir phưx vưv trâu hâux lưv cơưv ntơưr thiêz uô puôk tsuôx tsêr cơưv lok six ntâu. Cưk kriê Quàng Thị Hằng Thu, Phưv hiệu trưởng tsêr cơưv mê nhuôs zâu Mường Lói puz pâuz: Tas nro meir tính phưx vưv côngz xưv coar lik, tso têx hồ sơ ntâuz ntơưr cxôngx thâuv yênhx lix tsêr cơưv txos nhiv no, têx chuôz zênhx li đeix, tuv txiêk, chuôz zênhx uô mor nox trâu shux xênhz puôr lênhx trâus liêv tas. Tas nro ruôr hiêv txos 700 tsov đeiv ntâu. Tưz txos shông cơưv yiêz, têx tsêr cơưv sâuv thax tsav li txox cêr cxơưx ziv lox đuô, têx tsêr cơưv tsênhv sik côngv tês đros têx cấp, têx nganhx, têx lênhx nênhs jông siêz paz max shux xênhz nhoz no tos iz shông cơưv yiêz trơưk six hơưv, taz por. Cưk kriê Quàng Thị Hằng Thu, phưv hiệu trưởng tsêr cơưv mê nhuôs zâu Mường Lói puz pâuz:

          “Txos six hơưv no têx chuôz zênhx chuôz tas phưx vưv trâu côngz xưv kriê ntơưr thiêz krêz shông cơưv yiêz tsi yuôr tul tsi. Nhiv no tsêr cơưv, têx qar cơưv cux puôk tsuôx ntâu,tsi pâuz uô li chas thiêz. Shông tưs cux muôx đêx ngaz, muôx têx shông ngaz txos 2 jiês. Nhiv no tsuôk xar njôngr têx cấp nganhx paz tsêr cơưv khưx phưx têx trâus ruôr hiêv chiê tsưr tsix krêz shông cơưv yiêz thiêz muôx iz tsêr cơưv jông đuô trâu têx shông cơưv tov kaz no tsi cxơưx viv ntux nas thiêz”.

          Hâur hli 7 thiêz têx hnuz hâur hlik hli 8 nhiv kruôr đhâu, ntux nas ntơưv têx huyện Mường Nhé, Nậm Pồ, Mường Chà, Điện Biên tưz uô 17 luz tsêr cơưv trâus puôk tsuôx hnhar. Ruôr hiêv njuôs xav ndê txos zuôr xar 14 tỷ đeiv. Huyện Nậm Pồ trâus ruôr hiêv hnhar tiv zix zos 5 tỷ đeiv ntơưv têx tsêr cơưv thax tsav têx xã: Nậm Tin, Nậm Khăn, Nà Bủng thiêz tsênhv qơư huyện. Nhiv no tas nro nganhx zaoz zux tỉnh Điện Biên tsênhv sir jos đros cấp ủy, chinhr quyênx tiv phaz côngv tês khưx phưx têx trâus ruôr hiêv đhâu jiês ntux nas thiêz taz por cungz têx chuôz zênhx, têx zav meir trâu têx tsêr cơưv trâus ruôr hiêv. Zơưv Nguyễn Sỹ Quân, Giám đốc Sở zaoz zux thiêz thox cxov tỉnh Điện Biên heik:

          “ Hâur six hơưv tos, đros chinhz yênhx sik paz max pêz cux tưz phuôx tôngv phongz yaox sik paz max hâur nganhx, hâur thax tsav chiê sik paz max têx shux xênhz muôx luz nênhx txov nhêv. Tsêr cơưv no paz tsêr cơưv uz, têx tsưr tsix, lênhx nênhs jông siêz hâur thiêz đrâuv tỉnh,  hâur thiêz đrâuv luôk oz chas têz qơưk muôx xor mông lok zaoz zux Điện Biên li têx trâus ruôr hiêv chiê tos jênhv têx phênhv paz txưv, nzor ngaz tul tos shông cơưv yiêz”.

          Chiê têx mê nhuôs shux xênhz thax tsav trâus ntux nas uô hiêv muôx iz shông cơưv yiêz cxix cxuô thiêz taz por zos hâux lưv zuôr trâus tiv zix. Taz sik lok six hơưv tov kaz no cux zuôr trâus txos nganhx zaoz zux thiêz chinhr quyênx tỉnh Điện Biên li têx sir jos, txos tas nro côngv thôngx li paz max chiê txar têx tsêr cơưv mul đhâu thax tsav khênhr trâus đêx ngaz, cxiv tsa têx tsêr cơưv truôx jông, taz por đuô trâu têx shux xênhz tox siêz cov tso siêz cơưv ntơưr đuô, tsi cxơưx trâus đêx nas cuôr yôngz thâus txos cheix ntux nas./.

(Vũ Lợi- Txâur Vax cxeik nhênhv)

Cui tinhv ntâuk grê lok canr bôv

Chôngz lênhx canr bôv, đảng viên thiêz tsôngv box heik tiêk: Têx tsưr ziv, cui tinhv jiês no uô tâu jông đuô txix thênhv siêz txos thênhv kis, uô trâu sơưr đơưk jênhv pâuz tsênhz cxix cxuô đuô lok luôs hâux lưv cxiv tsa Đảng. Iz chas ntơư, thênhv siêz tsuv zos cơ quan chox car truôx thiêz jông, tâu tsôngv px njênhs njôngr. Thênhv kis tsuv zos têx cơ quan uô lơưr jông Đảng têx Nghị quyết thiêz tâu tsôngv px njênhs. Zơưv Phạm Thế Duyệt, kuz Ủy viên Bộ chính trị, kuz Chủ tịch Ủy ban MTTQ Việt Nam heik: Cui tinhv lok sâuv lênhx nênhs lês car uô têx hâux lưv têz qơưk, cui tinhv ntâuk grê canr bôv muôx liv lok six zov chênhr, zos uô jông zuôr uô tâu trơưk tsưr  ziv, siêz xar thiêz truôx hâur cxiv tsa Đảng:

"Tsưr tsix chox kriê cxiv tsa têx canr bôv, no zos têz qơưk têx Quyết tinhv, quyết tinhv Đảng luôs hâux lưv co uô tâu truôx lok tsi truôx thiêz tâu lok tsi tâu hâur chox car tsôngv  px hâur ntu têz qơưk hlôngr yiêz. Cui tinhv li ntơư tưz jông lơưv, taz sik tsi tiêk zôngx ziv mak tsưr tsix chox kriê li chas zos thiêx zov chênhr. Têx cui tinhv cxuô li mak jông, taz sik uô li chas chiê uô tâu jênh tsuv hâur Đảng, hâur tsôngv px, uô tâu canr bôv Đảng viên hâux lưv seiz kaz têx thax tsav ntơưv qơư, uô tâu jông têx hloz hâux lưv chox kriê têx suôv qơư tsuv muôx cêr thôngx siêz mak luôs hâux lưv ntâuk grê co thiêx uô tâu trơưk tsưr  ziv".

Lar heik, jiês no Bộ chính trị cui tinhv canr bôv nhoz hâur Ban chấp hành T.Ư, Bộ chính trị, Ban bí thư seiz car tsuv zos têx canr bôv siêz jông, uô tâu cxuô luôs hâux lưv zok muôz. Ntâu lênhx canr bôv, đảng viên thiêz tsôngv px heik: canr bôv zos tiêk siêz hloz lok sâuv vax huôv mak zuôr uô tsi yuô tâu jông luôs hâux lưv phưx vưv tsôngv  px, tsi uô trơưk Đảng têx chei, cui tinhv chiê cxiv tsa Đảng. Taz sik, uô li chas chiê pâuz tâu canr bôv ntơư tsi zos têx lênhx li heik sâuv, tsuôk muôx têx thôngz đhâu lok sâuv lênhx canr bôv, đảng viên co txux chi, tsưr ziv sir jos lês uô têx hâux lưv lok tsi moz siêz uô nuv xưz. Zơưv Đỗ Hồng Kỳ, nhoz đrôngs Sài Đồng, Long Biên, Hà Nội heik:

"Tổng Bí thư heik: Canr bôv tsi siêz hloz lok sâuv zuk vax huôv, muôx liv lok six jông. Lênhx tiz nênhs tsi siêz hloz co zos lênhx moz siêz lês uô têx hâux lưv phưx vưv tsôngv px, tsi xar têx muôx liv trâu zuk iz lênhs. Thiêz txơưv tiêk zav hâux lưv tưs lok cux sir jos lês uô cov tiêr tâu jông".

Chôngz lênhx ntâu tus cux heik mênhx: Canr bôv tsuv zos qơư chênhr lok sâuv sik thôngx siêz, uô ntêx nyuôs trâu cxuô luôs hâux lưv, tsi nox nhiêx têz qơưk, sir jos phax tir thêir, txo grêk tsơưs têx tsưr ziv, siêz xar tsi jông lok sâuv cêr uô nênhx, têx nuv uô.....Tiến sỹ Nguyễn Viết Chức, kuz Phưv seiz car Ủy ban vênhx huôv zoz zux têx tuz nxeik hluôk, nhuôs zâu Côx hôiv heik: Đảng viên  tsi shâuv cêr uô nênhx jông, tsiv txiêx mak zuôr uô trâu zuk muôx têx tsưr ziv, siêz xar tsi jông. Chênhr viv li, hâux lưv uô hur jông Đảng, tuôr truôx Đảng luz côngz bê jông chênhr zos tsưr ziv phax tir thêir têx jông heik ntơư:

"Lênhx nênhs lês car uô têx hâux lưv lox yax mak tsuv sir jos uô nuv jông, uô ntêx nyuôs lok sâuv cêr nênhx, têx tsưr ziv, siêz xar tsi jông chênhr zos tsi lês car uô têx li heik no, tsi zos tiêk lul heik, chênhr zos zuk têx nuv uô thâuv Đảng viên tưz tsi muôx vax huôv uô lênhx nênhs chox car uô chor nuv co lơưv, tsi zos lênhx uô ntêx nyuôs hâur luz nênhx, cxuô luôs hâux lưv, tsi zos lênhx tiz nênhs tsiv txiêx mak ntơư zos têx tsi jông".

Cxiv tsa, kho đuô Đảng zos hâux lưv phiv liv, zos têx zuk zuôr tsuv cơưv shâuv, uô jông chiê kho đuô têx uô tsi tâu, tsi tiêr hâur têx lênhx hâu nov, lar heik zos têx lênhx hâu nov lês car uô têx hâux lưv lox hâur Đảng thiêz têz qơưk. Têx hâux lưv uô no tsuv muôx tas nro Đảng, tsôngv px sơưr đơưk têx cêr sik thôngx siêz thiêz sir jos li uô tâu. Hâur  co, zov chênhr luôs hâux lưv tuôr truôx Đảng hur jông zos têx lênhx đảng viên; chor canr bôv hâu nov, seiz car...... uô ntêx nyuôs hâur cxuô luôs hâux lưv, tsưr ziv, siêz xar. Uô tâu li ntơư, Đảng thiêx zuôr truôx jông thiêz chox car tâu tsôngv px sơưr đơưk hâur cxiv tsa thiêz tsưx phưv têz Việt Nam ziv hnuz ziv truôx jông./.

(TTT-Riê Lâux cxeik, nhênhv)