Huyện Phong Thổ (Lai Châu) sir jos txar tsôngv box muk đhâu thax tsav qơư muôx tox poz

          Caz plêz lox pêv trôngz nhoz buôk ciês luz jos Hồng Thu Mán, xã Lản Nhì Thàng, huyện Phong Thổ tsênhv ziv hnuz ziv tơưk lox đuô. Uô trâu ntâu luz plas tsêr trâus jơưx thiêz uô trâu têx poz nja tsêr trâus tơưk xưz tas, taz sik pox nhuôs cux tsênhv uô siêz nhoz uô nênhx ntơưv no đros txox cêr cxơưx thâuv muôx ntux nas lok. Lơưr tsôngv box nhoz ntơưv no puz pâuz: kuôk nor 2,3 shông cux tưz muôx chuôz zis trâus ar poz lok vôngz tas 4 lênhx nênhs. Chinhr quyênx thiêz têx chiz coaz muôx txơưx jênhv huyện cux tưz tuôx qênhz yuôx, vênhv tôngv pox nhuôs chuv tôngv phax tar, taz sik tsi pâuz viv lik zơưx li chas mak tsi tâu nriêr qơư nhoz yiêz chiê txar muk nhoz. Tix lâuk Tẩn Phủ Sang, jos Hồng Thu Mán, xã Lản Nhì Thàng, huyện Phong Thổ pheiz kênh:“Thâuv ntêx nhoz hâur jos tưz muôx iz chuôz zis trâus ar poz lok vôngz uô 3, 4 lênhx nênhs tuôs lơưv. Muôx iz cxiê ziv chuôz zis nhoz no tsêr cux tơưk plêz tas, lok nas mak tsôngv box tsi car nhoz hâur tsêr. Tsôngv box xar njôngr Đảng, têz qơưk tsov cưv paz txar qơư nhoz ziv nzor ziv jông chiê pox nhuôs tso siêz nhoz uô nênhx, tsiv uô xênhz yar kôngz nuv”.

          Lơưr chinhr quyênx tiv phaz li thôngz sâu, txos nhiv no xã Lản Nhì Thàng muôx zuôr xar 80 ziv chuôz zis tsênhv nhoz hâur thax tsav njuôs xav muôx tox poz siêz, zuôr trâus ciêr chênhr tâu txar muk nhoz qơư taz por đuô. Chinhr quyênx tiv phaz cux tưz cxiv tsa đề án txar 75 ziv chuôz zis mul nhoz qơư yiêz thiêz 4 ziv chuôz zis mul nhoz đros tễ jêx jos txơưr. Taz sik, đề án tsi tâu tâu krêz uô viv muôx tsi txâuk nhiêx txiêx thiêz tsi muôx qơư nhoz. Đros co, nhiv no tsênhv zos cheix uô kôngz lôngk, pox nhuôs max uô kôngz viv li tsi tâu tâu krêz uô. Viv li, chinhr quyênx tiv phaz tsuôk mul vênhv tôngv pox nhuôs chuv tôngv phax tar, tiv zix zos thâuv sâuv thax tsav muôx ntux lol nas, tsuv tsir mul đros têx jêx jos txơưr nhoz cov taz por.

          Zơưv Trịnh Khắc Tấn, Chủ tịch UB xã Lản Nhì Thàng, huyện Phong Thổ puz pâuz: “Nhiv no pêz njiz ntâu phêv liv lok hâux lưv vênhv tôngv tsôngv box. Nhiv no txos cheix ntux lol nas mak pox nhuôs tsênhv uô kôngz, viv li pox nhuôs tsi chêx chôngk chiê txar qơư nhoz, tiv 2 zos muôx lênhx coaz txos hâux lưv tsi muôx ar chiê tsôngv box uô tsêr nhoz. Pêz chox kriê têx jêx jos khiêz phêv, têx chuôz zis tưs muôx cxur, muôx buô, keiz mak xa mul tso ntơưv cưr tix nênhx tsa nhoz jos txơưr li tsêr. Thâuv muôx ntux nas mak pox nhuôs tsuv khiêr muk nhoz qơư taz por”.

          Txar qơư nhoz trâu tsôngv box nhoz thax tsav qơư njuôs xav muôx tox poz siêz zos iz hâux lưv lok six zuôr trâus đros têx tiv phaz nhoz tox siêz. Taz sik, nhoz Phong Thổ hâux lưv no tsênhv njiz ntâu phêv liv viv tsi muôx ar têz thiêz nhiêx txiêx paz txưv tsôngv box, cux xưk li pênhr chiê cxiv uô têx côngz tsinhx cxuô zav nhoz qơư yiêz. Hâur 300 ntâu ziv chuôz zis nhoz thax tsav njuôs xav muôx tox poz siêz ntơưv huyện Phong Thổ, txos nhiv no tiv phaz tưz txar tâu 140 ziv chuôz zis muk nhoz qơư yiêz, 80 ntâu ziv txơưr tưz tâu paz txưv nhiêx txiêx thiêz tsênhv txar qơư nhoz, chor tsênhv yuôr zos tiv tsi muôx nhiêx txiêx, tsi muôx ar têz viv li ti tâu txar qơư nhoz. Zơưv Trần Văn Quế, Chủ tịch UB huyện Phong Thổ, tỉnh Lai Châu puz pâuz: “Lok huyện li thix ziv mak pêz xar tiêk đros têx huyện tox siêz muôx lok six ntâu ziv chuôz zis nhoz thax tsav njuôs xav muôx tox poz zuôr trâus tâu paz txưv pênhr cxôngx Trung ương chiê txar qơư nhoz. Tiv zix tsuv muôx têx đề án huv đros, muôz qơư nhoz ngaz tul thiêz lêx ntêr”

          Cheix ntux lol nas shông no, tỉnh Lai Châu tưz muôx 5 lênhx nênhs trâus tuôs thiêz uô ruôr hiêv tas ntâu txos têz qơưk thiêz tsôngv box li chuôz zênhx chuôz tas, xav nhiêx tas 140 tỷ đêiv. Cux xưk li ntâu tiv phaz txơưr sâuv thax tsav, txos nhiv no hâux lưv txar tsôngv box nhoz qơư muôx tox poz, huyện Phong Thổ mul nhoz qơư taz por tsênhv zos iz luôs hâux lưv zov chênhr tsuv uô cov tâu truôx trâu têx hnuz tsik ntêr sau./.

(K.Kiên-Txâur Vax cxeik nhênhv)

XAR HÔIV TÊX CHEI PAZ TRÂU NÊNHS LÂUK HNUZ NHÔNGS SIÊZ

Grê 17. Lênhx nênhs tâu sơưv XH têx tsênhv chei paz

Nênhs lâuk hnuz nhôngs siêz zos chuôz zis pluôs tsi muôx lênhx nênhs tu thiêz vax huôv zus, tu lok sik muôx lênhx nênhs tu zus  chor nênhs lâuk heik co tsênhv tâu sơưv têz qơưk têx chei paz niêx hli.

Lênhx nênhs txưv txix 80 shông tror zar sâuv tsi zos lênhx nênhs cui tinhv ntơưv ntu 1 Grê no mak tsi muôx nhiêx hli so lâuk, nhiêx BHXH niêx hli, XH têx nhiêx paz niêx hli.

Nhạc cắt

Grê 18. Tsênhv chei XH paz.

Nênhs lâuk hnuz nhôngs siêz cui tinhv ntơưv Grê 17 Chei no tâu sơưv BHYT, tâu sơưv XH têx chei paz niêx hli thiêz paz nhiêx txiêx uô đaz uô kruô thâuv tâu tas siv nênhx, yưx têx lênhx nênhs cui tinhv ntơưv ntu 2 Grê no.

Nênhs lâuk hnuz nhôngs siêz zos chuôz zis pluôs tsi muôx lênhx nênhs tu zus, vax huôv tu, tsi muôx txâuk cxuô zav uz no zuôr trâul txos chiê đros luôs lưv tuk uô nênhx nhoz hâur côngv thôngx, xar thiêz tâu lênhk nhav muk nhoz trâu têx qơư XH paz tu, tsoz phưz mak tâu sơưv têx chei li đrav kaz: Paz nhiêx tu zus hâur niêx luz hlik; paz têx tsôngk tril yo hnar, pav vor, chuôz zênhx phưx vưv xênhz huôx hâur niêx hnuz; Tâu sơưv BHYT; tâu pheiz têx yuôx kho moz gênhs fênhx yax; tâu paz max uô đaz uô kruô thâuv tâu tas siv nênhx....

Chính phủ cui tinhv tsênhz mênhx grê no.

Nhạc cắt

Grê 19. Tu têx nênhs lâuk hnuz nhôngs siêz ntơưv côngv thôngx.

Nênhs lâuk hnuz nhôngs siêz zos têx lênhx tâu cui tinhv ntơưv ntu 2 Grê 18 mak muôx lênhx nênhs lênhk nhav tu ntơưv côngv thôngx , tâu sơưv XH têx nhiêx paz hâur niêx luz hlik bâuv li phênhv nhiêx txiêx tu têx lênhx nênhs li heik sâuv ntơưv têx qơư pov tsơưv XH, tâu sơưv BHYT thiêz paz nhiêx txiêx uô đaz uô kruô thâuv tâu tas siv nênhx.

Grê 20. Qơư tu têx nênhs lâuk hnuz nhôngs siêz.

Qơư tu têx nênhs lâuk hnuz nhôngs siêz zos qơư tsoz phưz, tu, heik kriê lok sik paz têx zuôr trâul txos txơưr đuô trâu nênhs lâuk hnuz nhôngs siêz.

Qơư tu nênhs lâuk hnuz nhôngs siêz muôx têx li đrav kaz:

Qơư pov tsơưv XH;

Qơư heik kriê, qơư tsoz phưz nênhs lâuk hnuz nhôngs siêz;

Qơư tsoz phưz têx nênhs lâuk hnuz nhôngs siêz txơưr đuô.

Chính phủ cui tinhv tsênhz mênhx hâux lưv yênhx lix thiêz têx qơư tsoz phưz nênhs lâuk hnuz nhôngs siêz li têx hâux lưv uô cui tinhv ntơưv ntu no./.

(Bích Thủy-Riê Lâux cxeik, nhênhv)