Sơn La: Sir jos hâux lưv phax, tar muôl muôs hax huv chuôr, tsik jông hâur jiês tsiêz

Chiê paz trâu pêx xênhv tok tsiêz Kêiz shông ngaz tuk, Ban chox kriê 389 (Ban chox kriê têz qơưk phax tar hax hu chuôr, hax huv tsik taz por tsơưr lươngv thiêz hax huv chuôr) tỉnh Sơn La tưz tso tơưv tsưr ziv lok côngz xư phax, tar hax huv chuôr, tsik jông thiêz kriz uô sir jos phax, tar hax huv chuôr, tsik jông thâuv uô ntêx, hâur thiêz đhâu Tsiêz shông 2020. Lơưr co, chor lưx lươngv txơưx jênhv tưz sir jos qênhz yuôx, tir tar thiêz xưv lik truôx hâux lư thâux gra thiêz kinh doanh hax huv txưr, tiv zix zos cxuô zav fov ntơưr, têx zav uô si tsik jông trâu nhuôs zâu, cxuô zav tsơưr tơưs cuz, hax huv muôx tưx uô phiv liv txos lênhx nênhs đas jos, tsik ngaz tuk. Zơưv Nguyễn Viết Thông, Cục phưv Cục sêiz car ciêz đrôngs tỉnh Sơn La puz pâuz:“Txos six hơưv bax chiê tok tsiêz shông 2020 sâuv ciêz đrôngs zuôr muôx yưv muôs têx hax huv chuôr, tsik jông sâuv thax tsav tỉnh Sơn La pir li iz cxiê thax tsav têx tỉnh, thành phố hâur têz qơưk mak tsik ntâu, taz sik cux muôx têx txuz uô cxâuv; txơưv tiêk têx cơ quan, lưx lương txơưx jênhv tưz sir jos sik côngv qênhz yuôx, taz sik đros thax tsav đar thiêz lưx lươngv qênhz yuôx tsênhv tsơưs, viv li cux tsênhv yuôr ntâu kror uô tsik tâu tâu”.

Txix hnuz 25/10/2019 txos nhiv no, Cục sêiz car ciêz đrôngs tỉnh Sơn La tưz piz qênhz yuôx zuôr xar 300 jiês, xưv lik 250 ntâu jiês đros chor nhiêx thiêz hax huv muôx 930 triệu đêiv. Đros co cux sir jos yax kriê, hêik pâuz pháp luật, gra siêz jênhv pâuz, txơưx jênhv trâu cán bộ, công chức thiêz pêx xênhv lok côngz xưv tsav txênhz phax, tar muôs hax huv chuôr, tsik jông, hax huv tsơưr lươngv kik. Đhâu co, chor tsưr qơư muôs huv, doanh nghiệp thiêz nênhs sir zôngv hâur xêir tsov têx hax huv phưx vưv tsiêz tâu gra siêz đuô. Nênhs sir zôngv phênhv ntâu xêir tsov zuôr muôs ntơưv têx qơư muôs huv nto bê, tsơưr lươngv jông thiêz muôx qơư uô tsênhz mênhx, six hơưv sir zông tâu sâu sâuv têx hnaz tsênhz mênhx. Niêv tix Đặng Thị Hương, nênhs sir zôngv thị trấn Mộc Châu, huyện Mộc Châu, tỉnh Sơn La:“Thâuv cur muk zuôr huv tsiêz mak xêir zuôr têx thax nduôr no, thiêz sêiz shuôk têx hax huv sir zôngv, pâuz tâu thâuv chox lok zôngv hâur tsêr mak zuk cux tso siêz”.

Tiv zix hâur jiês tsiêz shông no, thâuv Nghị định 100 tâu uô trơưk, zuôr têx hax huv chơưr, bia nhoz tỉnh tox siêz Sơn La cux tâu txo grêk tsơưs ntâu, mak hlôngr trâu co zos têx hax huv li: nduôr, thax, mứt thiêz têx zav đêx hâuk....Đhâu co puz pov pêx xênhv tsov cưv đuô txos cxaz chuôz zoz thôngz, tiv zix zos hâur têx hnuz tsiêz. Pos Nguyễn Thị Bích Vân, tsưr qơư muôs huv ân Coóng, thành phố Sơn La hêik:“Jiês tsiêz shông no mak chor nênhs zuôr pir li cxiê shông grêk, lok chơưr, bia mak tiv têz qơưk li Nghị định mak cxuô pênhx nênhs puôr lênhx pâuz đuô thiêz sir jos uô trơưk viv li zuôr têx chơưr, bia cux grêk tsơưs ntâu. Hok chor hax huv txơưr mak cur cux tưz iz kror chiê phưx vưv trâu pox nhuôs hâur jiês tsiêz”.

T az sik, oz pêz shông tror lok no, sâuv chor trang mạng xar hôiv tsik so muôx yưv ntâu kror hax huv muôs trâu jiês tsiêz đros gri muôs kik. Chor hax huv no phênhv ntâu puôr lênhx pâuz tsik tsênhz qơư uô thiêz tsik tâu chor cơ quan txơưx jênhv qênhz yuôx. Viv li, tsuv zos nênhs txơưx xêir tsov, zuôr têx hax huv jông, pâuz tsênhz qơư muôs chiê por vêv trâu zuk thiêz chuôz zis, sik đros tok tsiêz ngaz tuk, tsiv gri thiêz shir phaz./.

(Trấn Long-Lik Thox cxêik nhênhv)

PHÊNHV ĐAS JOS THIÊZ LUZ NÊNHX

Heik pâuz lok têx trâul kâus tưx pax chuông

Têx cêr pôngz siêz, cêr qiv muôx thâuv zar hnuz kêix 29/12/2019, 2 chuôz zis vax tsêr nhoz siz jê uô cê hâur jok Dền Thàng, tsi so tâu têx cưr tix nênhx tsa chox tuôx Qar seiz njuôk shuôs moz Đa khoa Mường So thâuv lênhx tiz nênhs trâul lôngx, tsi hnor kaz, uô tsi tâuk pa, iz chêr tsi muôx jos.... Tsôngv cưr tix nênhx tsa hâur jok tưz lok six cxơưx trâu têx lênhx nênhs trâul kâus tưx, taz sik hmôngr jông, hur si 10 lênhx nênhs trâul kâus tưx co đas jos tưz nhoz khênhr, tsi yuô riêz nênhs lơưv.

Tix lâus Tẩn A Chinh, iz hâur têx lênhx trâul kâus tưx heik: Thâuv tar su hnuz 29/12, cur pov têx pax chuông tơưs lok six jông gâux, viv li tưz đê gra lok ntơưv tix lâus Tẩn A Quẩy tsêr chiê muôz uô nox seiz kaz li chas. Đhâu thâuv bax uô tâu têx jâuz mor nox: Pax chuông ciz trox buô, njêl ndu shơư tâux đuz thiêz cuô txoz, blôngx txir lưk, hâuk chơưr đơưz, tâuv pâur ciz gis nox, pêz 7 lênhx nênhs hâur tsêr jâuv uô cê nox pluôk mor co. Jâuv nox tsi tâu tâu 30 phênhz tov kaz, tix lâus Quẩy (lênhx nênhs xuz thơưx) thiêz pêz 6 lênhx tsênhv yuôr ntơư qir tsâuk muôs, kror muôs tơưs pax tsi yuô pov cêr, têk tơư tsâus lênhs, sơưr tsi tâuk, txơưv nho, ntos trâu hâur pêv têz tsi pâuz đaz tsi hlo”. Têx tsi jông li no jiês xuz thơưx pov muôx nhoz hâur xã cux zos iz kro txix thâuv ntêx txos nhiv no tsi tâu tâu pov muôx nhoz hâur tỉnh hlo, uô ntâu lênhx nênhs nyei thiêz cxơưx txos. Viv zav pax no tâu lok six ntâu chuôz zis chos ntơưv têx tos vax tos tsêr chiê uô jông jav. Nhoz đêz njiê seiz mak chor pax co nưk tơưs đâur luz pax tror trâu hâur ar jông xưk li luz tsưz, pax đax lok six jông gâux.

Nhạc cắt

Đhâu nus, zok nriêr seiz, pêz tâu pâuz, zav pax heik co zos têx tsoz ntông ntêr shông, chor chas hlar njiê toz trâu hâur ar. Chor pax ntông no mak tơưs jông xưk gâuk li luz tsưz nênhk, đơưz, đax lok six jông gâux, taz sik muôx iz kro tsi jông, uô trâu lênhx nênhs trâul kâus. Iz chas sđ khênhr hu uô pax tsưz, tsênhv tâu iz cxiê lênhx lơưr hu lưv luz bê txơưr đuô thiêz. Trơưk li chor nênhs nhênhz chơưv khoa học, iz lênhx nênhs fênhx yax tsuôk hâuk iz tênhr cuô đêx chor pax heik sâuv xưz, muôx têx lênhx nênhs no zuôr trâul kâus lok six saz hênhr, tsi pâuz đaz tsi li. Lênhx nênhs trâul zav pax co muôx têx hnor tâu luôs lưv tus heik lul, uô trơưk li luôs têx lênhx txơưr đuô heik, mak tsi pâuz đaz tsi.

Hur tiz si sâuv tsoz ntông pax co puôr lênhx muôx têx tsi jông, viv li zos lênhx tiz nênhs tưs tưz nox tâu zuôv cêr mak zuôr trâul kâus ciês tav siv ntơư. Kâus siz, lênhx nênhs trâul kâus co zuôr ntuôr, gênhs, tsâuk muôs....., zos trâul kâus hnhar, tsi chox zênhx max muk chơưv kho trâu tsêr kho moz mak muôx têx zuôr uô tsi jông txos trâuv, siêz njưk, uô trâu lênhx nênhs tsi hnor kaz, tsưx phưv tsi tâu zuk tul khênhx.....

Têx tsi jông muôx yưv nhoz jok Dền Thàng, zos iz kro uô trâu sđ pov thiêz pâuz, viv tsôngv px txux chi tsưr ziv kis. No cux zos têx luk kriê trâu iz tsôngv cưr tix nênhx ts sđ lok zav pax heik sâuv thiêz tsôngv px thax tsav tox siêz đêz đrôngs thâuv tsi so muk hâur têx xuz jôngr xuz tsuôs zok nriêr đê têx jâuz kuk, cxuô zav uz no, tsi pâuz tsênhz lok nox, tsuv chênhr phax, tiz jông seiz shuôs./. 

(Thanh Thủy-Riê Lâux cxeik, nhênhv)