Jax sâu thưr 5 hnuz 22/10/2015

Sir jos khưx phưx têx phiv liv sâuv tox siêz Lào Cai

Đros pêx xênhv nhoz trơưk txox cêr lox 70 ntu đhâu Bắc Ngầm, huyện Bảo Thắng, tỉnh Lào Cai thâuv tưs cux ndo txos chor chiến sĩ cảnh sát zoz thông hưk ntưk lus, paz trâu chor yêz trâus txiêz nanv. Thâuv muôx txiêz nanv li co, lơưr tso nênhs sêiz shuôk phênhz cêr muk lok, đros co ho cxơưx por vêv têx hax huv trâu chor yêz njiz txiêz nanv. Tiv zix ntu cêr no chor lưx lươngv cảnh sát zoz thôngz cux zos chor nênhs uô trâu chor nênhs fêv cxơưx.

Lưx lươngv cảnh sát zoz thôngz li jênhv vưv chênhr zos taz por ngaz tuk zoz thôngz. Taz sik, txix côngz xưv qênhz yuôx, cán bộ chiến sĩ phongx cảnh satz zoz thôngz, công an tỉnh Lào Cai  tưz pov, cxov tâu chôngz nênhs nhiês yêz mêir, huôz nox sâuv cêr, thâux gra tsik zos chêi tsơưr zax zênhz, muôl muôs hax huv chuôr, phamv cxâuv pháp luật…Pos Phạm Thị Hiên, pêx xênhv xã Thượng Hà, huyện Bảo Thắng puz pâuz:

Băng: “Pêz nhoz trơưk ntus cêr mak thâuv tưs trâus tuz saz nhiês, huôz mak cux muôx trạm li số tênhv hu trâu lơưr sik côngv đros chor nênhs phax tar nênhs phamv cxâuv lok six jông”.

Tsênhv chênhz yênhx txơưx jênhv, sir jos uô hâux lưv, paz pox nhuôs tưz uô trâu pêx xênhv njênhs thiêz nhiêv chor chiến sĩ hnar trik yo đax. Lơưr co, chor shông đhâu, pêx xênhv tưz hêik pâuz yênhx puô xor mông muôx tsiv gri chiê phongx PC 67 công an tỉnh Lào Cai côngv đros lưx lươngv txơưx jênhv tir tar chor nênhs phamv cxâuv muôx chêx cur. Thôngz đhâu côngz xưv qênhz yuôx tưz pov cxov tâu 7 lênhx nênhs thâux gra tsik zos chêi 298 thôngx zênhz đơưz, sâu tsês cxuô zav thiêz iz luz yêz ô tô, 2 luz yêz mêir; cxov 32 lênhx nênhs tuz saz, tuz nhiês, muôl muôs lênhx nênhs. Zơưv Nguyễn Viết Khoản, chủ tich UBND xã Xuân Quang, huyện Bảo Thắng hêik:

Băng: “Thâuv tsik tâu muôx chính quyền thiêz chor cảnh sát zoz thôngz li têx sir jos mak nênhs cxaz chuôz zoz thôngz li jênhv pâuz tsênhv kik. Thôngz đhâu yax kriê thiêz têx hâux lưv uô tsênhv tsênhz mak nhiv no qênhx shênhx phanv cxâuv luật ngaz tuk zoz thôngz sâuv thax tsav tỉnh tâu txo grêk lok six tsơưs”.

Txix shông 2014, chiê hlôngr yiêz côngz xưv yax kriê, gra siêz jênhv pâuz trâu pêx xênhv cxaz chuôz zoz thôngz taz por tâu ngaz tuk, phongx cảnh sát zoz thôngz công an tỉnh Lào Cai tưz tsưr tsix jiês sik thav “Hluôk nênhs đros thiêz vênhx huôv zoz thôngz” trâu 700 ntâu lênhx shux xênhz tsêr cơưv cxênhx pêz Xuân Quang. Shông 2015 tưz tsưr tsix yax kriê trâu 14.000 ntâu lênhx shux xênhz cơưv cxênhx pêz iz huôv tỉnh txix sik tưr nriêr pâuz lok yênhx tưv luật zoz thôngz.

Jênhv pâuz lok taz por ngaz tuk zoz thôngz tâu gra siêz, ngaz tuz zoz thôngz sâuv thax tsav tâu taz por, txo grêk lok 3 kror, chor vụ, nênhs tuôs thiêz trâus saz. Shông 2012, iz huôv tỉnh muôx yưv 296 vuv txiêz nanv zoz thôngz, shông 2013 muôx 249 vuv thiêz shông 2014 iz huôv tỉnh muôx 206 vuv. Đại tá Nguyễn Thiện Tuấn, trưởng phongx cảnh sát zoz thôngz công an tỉnh Lao Cai puz pâuz:

Băng: “Khov lơưr lưx lươngv cảnh satz zoz thôngz li txơưx jênhv, pêz tưz sir jos uô jông hâur kriz uô côngz xưv dân vận. Cán bộ, chiến ĩ tưz muk txos tiv phaz, hlôngr yiêz côngz xưv yax kriê, dân vận txix têx hâux lưv uô tsênhv tsênhz, co zos hlôngr yiêz côngz xưv yax mông zoz zux pêx xênhv cxaz chuôz taz por ngaz tuk zoz thôngz”.

Sâuv yênhx jêx jok Lào Cai, chor chiến sĩ công an hnar trik yo đax cux tsênhv đros đrêiv pêx xênhv, nhoz tiv phaz chiê yax kriê, hêik pêx xênhv đros cxaz chuôz por vêv ngaz tuk zoz thôngz. Thâuv côngz xưv no tâu hlôngr yiêz, mak ngaz tuk zuôr tâu uô jông sâuv cxuô txox cêr têx siêz ntus đriv Lào Cai./.

(Thanh Thủy-Lik Thox cxêik, nhênhv)

Phênhv Nênhs jông uô hâux lưv jông thưr 5, hnuz 22/10/2015

Nguyễn Quang Thạch gra têx ntơưr jông, muôx liv trâu tox siêz

Đhâu thâuv cơưs tas Đại học Vinh, tix lâus Nguyễn Quang Thạch, 40 shông, nhoz xã Sơn Lễ, huyện Hương Sơn, tỉnh Hà Tĩnh li siêz xar njôngr zos zuôr uô li chas chiê yênhx “ iz lênhx nênhs khơưk tsês, tuôr chiê têx ntơưr kriê tsưr ziv uô nênhx, huôv tsar uô nox trâu sơưr đơưk” thôngz đhâu nhênhv têx ntơưr. Lơưr tix lâus, têx ntơưr co zos iz kro jông yax chiê gra siêz sơưr đơưk txux chi, tsưr ziv, viv li kror zov chênhr zos tsuv uô trâu tsôngv box nhiêv sêiz nhênhv têx ntơưr, lar heik zos têx tuz nhuôs shux xênhz. Txix tsưr ziv, siêz xar li ntơư, tix lâus tưz cxiv tsa tsaz yênhx “ Gra têx fâu ntơưr kriê tsưr ziv uô nênhx, huôv tsar uô nox txos trâu tox siêz VN” chiê ntâu lênhx tuz nhuôs thax tsav tox siêz pâuz txos ntâu đuô têx txux chi tsưr ziv kriê:

Băng: “  Cur xar njôngr cov têx shux xênhz tox siêz tâu nhênhv ntơưr xưk li cur txix thâuv tsênhv zâu. Cur tâu nhênhv muôx nhos 700 fâu ntơưr, pov tsir, chênhr viv li cur thiêx xar cov têx nhuôs shux xênhz tox siêz cux tâu nhênhv, pâuz txos têx txux chi jông ntơư. Shông 22 shông cur qir nhênhz chơưv, cơưv shâuv thiêz uô trơưk nênhs châu Âu tsưr ziv, đhâu ntơư thor ok uô lênhx car seiz têx ntơưr luk saz đrâuv luôs 2 chas têz qơưs, Đại học Vinh chiê cơưv, chiv chir nhênhz chơưv lok têx ntơưr uz no. đhâu thâuv co lok, txix shông 2007 cur tso tơưv 5 trâur nuv tuôr chiê têx ntơưr uz no thiêz hli 3 shông 2007 uô lơưr trâur nuv tuv ntơưr chuôz xênhv, shông 2010uô lơưr trâur nuv tuv ntơưr trâu têx lênhx uô niêv uô txir nhênhz chơưv, zok nriêr têx tsưr ziv jông choz kriê têx tuz nhuôs”.

Đhâu 10 shông nhênhz chơưv, uô trâur nuv tuv ntơưr thiêz 8 shông uô lơưr ntơưv thax tsav tox siêz, tix lâus tsaz yênhx “têx fâux ntơưr kriê txux chi, tsưr ziv jông trâu tsôngv box tox siêz Việt Nam huôv tsar uô nox” tưz uô tâu jông 5 trâur nuv tuv ntơưr tâu cxiv tsa ntơưv 27 tỉnh, TP. Têx tuv ntơưr no puôr lênhx zos tix lâus Nguyễn Quang Thạch, shux xênhz tox siêz têx lênhx niêv txir, tsôngv box, têx doanh nghiệp paz nhiêx zuôr ntơưr, chiê muôx tâu têx fâu ntơưr jông trâu nhos 200 cxênhz lênhx tsôngv box tox siêz tâu nhênhv, pâuz txos têx txux chi, tsưr ziv uô nox. Hâur têx lênhx shux xênhz iz lênhx tâu nhênhv tsơưs tsơưs 5 fâu ntơưr iz shôngk, ntâu đuô 5 bâus pir li thâuk ntêx, lar heik muôx ntâu lênhx shux xênhz tâu nhênhv txos 40 fâu ntơưr iz shôngk. Zơưv Nguyễn Cao Cường, cưk kriê ntơưr tsêr cơưv cấp 2 Quỳnh Hồng, huyện Quỳnh Phụ, tỉnh Thái Bình heik:

Băng: “ Cur pov tuv ntơưr trâu shux xênhz têx lênhx uô niêv uô txir zos tix lâus Nguyễn Quang Thạch paz tsêr cơưv cxiv tsa lok six jông thiêz muôx liv trâu shux xênhz. Tiv iz zos chor ntơưr hâur tuv muôx ntâu zav nhiêk txơưr nhiek, chor shux xênhz lok six nhiêv nhênhv thiêz cơưv, hâur ntơư muôx ntơưr kriê txux chi, tsưr ziv, ntơưr choz kriê cêr uô nênhx, têx shux xênhz chiv chir nhênhv thiêz cơưv shâuv đhâu têx ntơưr co. Tuv ntơưr tso ciês ntơưv lớp cơưv, lok six zôngx ziv trâu chor shux xênhz, têx nhuôs muôx têx huôk thâuv six hơưv shênhx, so chiê nhênhv têx ntơưr ntơư”.

Đros tsưr ziv, siêz xar njôngr , nthuôr uô đar têx trâur nuv tuv ntơưr li heik sâuv trâu têx nhuôs zâu tox siêz puôr lênhx tâu nhênhv cxuô têx ntơưr cơưv, ntơưr kriê tsưr ziv uô nênhx…., tix lâus Nguyễn Quang Thạch tưz tsưr tsix ntâu jiês piêr kriê lok têx trâur nuv tuv ntơưr chiê sơưr đơưk xeir tsov, paz têx fâu ntơưr jông thiêz muôx liv trâu têx nhuôs shux xênhz tâu nhênhv thiêz cơưv. Hnuz 19/2 shông no, tix lâus muk tơư txix Hà Nội trâu TP HCM chiê muôz tuv ntơưr puz trâu têx tsêr cơưv, hu lơưk tsôngv box sơưr đơưk siz chos cxiv tsa têx tuv ntơưr thiêz sik đros nhênhv ntơưr. Txix tix lâus têx tsưr ziv uô tâu no, ntâu lênhx xiz nênhs, doanh nghiệp thiêz hâu nov ntơưv qơư tưz chiv chir đros cxiv tsa têx tuv ntơưr trâu ntơưv zuk thax tsav, qơư nhoz. Nhiv kruôr no, Bộ trưởng Bộ zoz zux thiêz thox cxov Phạm Vũ Luận tưz muk seiz shuôs tix lâus Nguyễn Quang Thạch trâur nuv tuv ntơưr tsês trâu shux xênhz têx lênhx uô niêv uô txir  ntơưv Thái Bình thiêz heik pâuz, zuôr nthuôr uô đêz đar trâur nuv no trâu ntâu thax tsav, suôv qơư txơưr đuô. Lok têx tsưr ziv hâur ntu zuôr txos, tix lâus Nguyễn Quang Thạch heik:

Băng: “ Hâur six hơưv zuôr txos, thâuv Bộ zoz zux tso tơưv têx ntâuz ntơưr cxiz nthuôr đêz đar hâur tas nro têz qơưs mak cur zuôr hu lơưk cxuô lênhx cxuô tuk hâur XH zos nênhs VN sik côngv tês paz têx ntơưr trâu thax tsav tox siêz, paz trâu Bộ tsưr ziv no chiê hur tiz si têx shux xênhz tox siêz tâu mnôngs thiêz nhênhv têx ntơưr muôx liv trâu luz nênhx. Tsưr ziv uô thiêz, cur zuôr cxiv uô têx ntơưr trâu thax tsav tox siêz txix luk Anh thiêz piêr kriê trâu têx Đại sứ quán têx têz qơưs li: Ấn Độ thiêz chor têz qơưs châu Phi, chiê sik đros pheiz kênh nênhs VN têx muôx liv thiêz jông ntơư txos luôs 2 chas têz qơưs đrâuv txix nthuôr uô đêz đar tuv ntơưr tsês trâu chor uô niêv uô txir, tuv ntơưr chuôz xênhv… Cur vav chiê siêz tiêk, pêz nênhs VN tsuv siz paz trâu tsưr ziv no chiê sơưr đơưk sik đros huôv tsar lok txux chi, tsưr ziv, tsi zos hâur zuk têz qơưs xưz”.

Txix têx tsưr ziv, siêz xar xuz thơưx lok cxiv tsa qơư trâu têx fâu ntơưr li heik sâuv, tix lâus Nguyễn Quang Thạch tưz cxiv uô tâu têx trâur nuv tuv ntơưr fiv đros VN thax tsav tox siêz. Têx tuv ntơưr no cê paz gra siêz txux chi, tsưr ziv trâu tsôngv box, paz shux xênhz gruôs thiêz moz siêz trâu zuk cêr cơưv txux, iz chas ntơư cê cxiv tsa tâu sơưr đơưk tsưr ziv, siêz xar thiêz hâux lưv uô hâur côngv thôngx đros têx hâux lưv cxiv tsa vênhx huôv nhênhv ntơưr, siz chos cơưv ntơưr nhoz tox siêz VN nhiv no./.

( TTT-Riê Lâux cxeik, nhênhv)