kriê ntơưr cơưv yiêz lớp 1 nhoz tỉnh tox siêz Yên Bái cux tâu kriê jông

Cưk kriê ntơưr Nguyễn Thị Bích Hồng, tsêr cơưv ntơưr cxênhx iz Nguyễn Viết Xuân, huyện Yên Bình muôx 12 shông tsik so sik lơưr liês kriê ntơưr lớp 1 thiêz cưk kriê ntơưr Ngô Thị Thúy Loan, nhiv kruôr tâu chiê kriê ntơưr lớp 1 ntơưv tsêr cơưv cxênhx iz thiêz cxênhx oz Âu Lâu, TP Yên Bái puz pâuz: Bôv ntơưr cơưv lớp 1, tiv zix zos ntơưr Tiếng Việt (xêir tsov txix  bôv ntơưr “Cơưv têx txux chi đros têx muôx hâur luz nênhx), muôx tsênhv njiêz kriê jông, têx đuôz cux jông, paz shux xênhz lok six nhiêv. Ntơưr muôx ntâu kror, luk hêik yiêz, paz uô trâu shux xênhz nhiêv cơưv thiêz nriêr pâuz đuô. Phênhv kruôz kriê mak paz uô trâu shux xênhz nhiêv thiêz shir phaz cơưv đuô. Fâu ntơưr no mak niêv txir cux zuôr zôngv chiê kriê trâu zuk têx tuz nhuôs cơưv ntơưr cux tâu.

Taz sik lơưr cưk kriê ntơưr Nguyễn Thị Bích Hồng, Phênhv nhênhv mak ntâu lo luk yiêz, lax pâuz tâu xưk li: cá hố (cưk kriê ntơưr cux tsuv nriêr pâuz mak thiêx pâuz tâu); đá dế (mak shux xênhz ntu đrav ntêx têx jâuv zuôr pâuz txos zav uô si no taz sik chor shux xênhz lớp 1 nhiv no mak cux lax pâuz tâu…). Tiv zix, phênhv nhênhv đrav kaz jax cơưv mak lok six ntêr:

“Txơưv tiêk chor nhuôs nhiv kruôr cơưv tâu muôx 1 hli ntâu xưz, taz sik chor shux xênhz tsuv nhênhv têx jax cơưv lok six ntêr. Zos chiê cơưv txos bâuv li co  pir li tsaz yênhx kuz mak tsuv txos iz đraz cơưv kỳ 2 yênhx shông mak pêz thiêx uô kror hâux lưv co. Đros co, muôx ntâu jax cơưv mak hêik txos ntâu kror taz sik têx kror co mak tsik siz cik txos uô cê cux uô phiv liv trâu chor shux xênhz lok six ntâu thâuv nhênhv ntơưr”.

Tsênhv tsênhz puz pov, đros chor tsêr cơưv nhoz ntơưv thax tsav thành phố, thị xar, thị trấn mak cux lok six zôngx ziv sik ntơưv têx tsêr cơưv nhoz huyện, tiv zix zos chor tsêr cơưv ntơưr thax tsav tox siêz, đêz đrôngs, hâux lưv kriê ntơưr njiz ntâu phiv liv đuô tiv muôx tsik txâuk têx chuôz zênhx chiê paz kriê tsaz yênhx yiêz. Cưk kriê ntơưr Đặng Thị Lan Hương, Hiệu trưởng Tsêr cơưv cxênhx iz Nguyễn Viết Xuân, huyện Yên Bình puz pâuz:

“Pêz cux muôx iz cxiê kror hêik tiêk: Lok lênhx nênhs, tsaz yênhx zoz zux phôv thông yiêz mak kriê tas nro hâur iz hnuz đros muôx chôngz đuô iz lênhx cưk kriê ntơưr kriê iz lớp, taz sik nhiv no tsênhv muôx tsik tâu txâuk, chuôs li tsuôk zos iz lênhx cưk kriê ntơưr iz lớp, li co mak chor cưk kriê ntơưr cux tsênhv muôx tsik tâu txâuk. Lok vax tsêr cxuô zav, tsaz yênhx zoz zux yiêz mak tsuv muôx cov txâuk têx chuôz zênhx chiê kriê ntơưr trâu shux xênhz, nhiv no mak pêz tsênhv kriê lơưr tsưr ziv kriê cxôngx nzor xưz tsênhv tsik tâu muôx têx mêir chiê kriê ntơưr… Pêz cux vav tiêk hâux lưv no zuôr tâu moz siêz đuô trâu lớp 1 chiê hâux lưv kriê ntơưr tâu kriê zôngx ziv thiêz jông đuô”.

Zơưv Đào Anh Tuấn, Phưv Giám đốc Sở Zoz zux tỉnh Yên Bái hêik pâuz: Shông cơưv 2020-2021, tas nro tỉnh muôx zuôr xar 18 cxênhz lênhx shux xênhz lớp 1 cơưv ntơưv 580 ntâu lớp. Ntu kriz uô kriê chor ntơưr cơưv yiêz, chor tsêr cơưv ntơưr thiêz cưk kriê ntơưr tưz tâu cxaz chuôz txix hâux lưv nriêr pâuz chor ntâuz ntơưr, tsưr tsix xêir tsov chor ntơưr cơưv txix thâuv hli 3/2020. Tsênhv tsênhz, tưz muôz chor ntơưr sik txơưr lok siz pir chiê xêir tsov cov tâu chor ntơưr huv đros trâu yênhx môn cơưv thiêz côngz xưv kriê ntơưr. Đhâu co, tas nro chor cưk kriê ntơưr puôr lênhx tâu cơưv shâuv nzir cxix cxuô, pâuz tsênhz lok tsênhv njiêz, tsưr ziv kriê ntơưr uô ntêx thâuv zuôr piz cơưv shông cơưv yiêz…

“Đhâu chor Phongx Zoz zux li hêik pâuz, xuz thơưx đhâu kriz uô kriê ntơưr cơưv lớp 1, cưk kriê ntơưr cux hêik tiêk chor ntơưr cơưv yiêz cux tưz tax tâu cưk kriê ntơưr li siêz xar thiêz paz trâu shux xênhz nhiêv cơưv ntơưr đuô. Lớp cơưv tâu sir jos cơưv đuô thiêz chor shux xênhz cux tâu nriêr pâuz, cơưv shâuv ntâu đuô”./.

(Tuấn Xuân-Lik Thox cxêik nhênhv)

Tuôv Xênhv Thox, Bí thư Đảng ủy xã: Heik chiê px mnôngs, uô chiê px njênhs

Têx jiês muk trâu cxuô jêx jok chiê heik thiêz kriê tsôngv px tsưr ziv huôv tsar uô nox zos iz phênhv lok six zov chênhr hâur Bí thư Đảng ủy Tuôv Xênhv Thox tsưr ziv muk uô côngz xưv. Ntơưv xã Co Mạ, huyện Thuận Châu têx shông jê lok no, têx liêx têz chos tsoz chos ntông nox txix muôx grik kinh tế li: Txir mo môngk, txir lưk hmaz lok zos txir lol tsuôs, txir tuôz ziz......tưz jux juk hlôngr trâu têx poz cưk, kok ntông uô tsi yuô tâu trơưk têk. Tsôngv px Co Mạ tưz tsi ntor luôx têx jôngr ntông, uô liêx têz, lok sik khiêr têz qơưk mul nhoz trâu uz trâu no li thâuv ntêx lơưv. Pos Mêik Xênhv Zax, heir nênhs Hmôngz nhoz jok Phá Khuông heik:

Băng tiếng Mông: “2, 3 shông no, mnôngs trơưk canr bôv Tuôv heik kriê, tsôngv px tsênhv hlôngr yiêz têx zuz nôngz tsoz chos, chuôz zis tưz muôz têx liêx têz lok chos txir tuôz ziz, txir lok tsuôl. Pir li thâuv ntêx tsi tâu chos têx txir ntông co mak nhiv no cux sâu tâu ntâu đuô. Uô tsâus ntâu txos Đảng, têz qơưk thiêz canr bôv xã tưz moz siêz txos pêz tsôngv px”.

Têx hnuz xuz thơưx nhiv kruôr tuôx uô Bí thư Đảng ủy xã Co Mạ, tix lâus Tuôv Xênhv Thox seiz pov têx tsêr cơưv hâur thax tsav qơư txov nhêv, muôx tsi txâuk qơư nhoz, cơưv ntơưr. Txơư tiêk tưz tâu têz qơưk cxiv uô têx tsêr lớp cơưv ntơưr thiêz kho têx qơư lav nhoz lav cơưv tax, taz sik nhiêx txiêx chiê cxiv uô tsêr trâu chor nhuôs shux xênhz tuôx nox nhoz hâur tsêr cơưv, cơưv ntơưr niêv txir zus mor mak txov thiêz phiv liv cơưk. Tix lâus Tuôv tưz hu zâuv, txuôk đros têx lênhx nênhs siêz jông nhoz cxuô thax tsav qơư sik đros paz max, viv li hâur shông nhiv kruôr đhâu tưz cxiv uô tâu tiêr 2 luz tsêr li heik sâuv trâu têx nhuôs shuv xênhz cxênhx iz Co Mạ 1 nhoz hâur tsêr cơưv cơưv ntơưr niêv txir zus mor. Cưk kriê Ngô Thu Huyền, thơưx seiz car tsêr cơưv cxênhx iz Co Mạ 1 heik pâuz:

“Đôngx chir Bí thư Tuôv Xênhv Thox lok six moz siêz txos tsêr cơưv thiêz hu zâuv cxuô lênhx sđ têx cêr paz max chiê sik đros cxiv uô tâu iz luz tsêr trâu chor nhuôs shux xênhz nhoz đhok kuôr hlâu thiêz puôz cxiv uô tâu iz luz tsêr 2 qar, đar muôx 110 xưv phaz xưv mênhv ntơư. Khov tâu moz siêz, paz max txos li heik sâuv, viv li chor nhuôs nhiv no tưz tâu nhoz hâur luz tsêr yiêz vor kuôr hlâu, hur si co”.

Zênhx max, moz siêz, hluz txos têx lênhx nênhs txov nhêv tưz sơưr hu zâuv sđ hâur XH siz chos paz, 2 shông đhâu, bí thư Tuôv Xênhv Thox tưz cxiv tsa thiêz uô đreiv tâu iz qơư trâu têx hax huv, tsôngk tril yo, zav nox..... mak sđ sik đros paz tuôx, ciês ntơưv ciêz tsênhv qơư xã Co Mạ. Thâuv tưs txos hnuz tiv 5 niêx ciêz, chôngz lênhx ntâu tus px pluôs nhoz cxuô jêx jok hâur xã Co Mạ ho tuôx no chiê tâu pheiz, lênhk txeik têx huv muôz puz li: Tsôngk tril yo hnar, pav, vix tsav, khâu trâu thiêz têx zav nox li cxur, njêr.... 2 shông đhâu, 10 cxênhz ntâu lênhx px pluôs, muôx luz nênhx txov nhêv tưz tâu lênhk txeik têx huv jông siêz mak bí thư Đảng ủy xã Co Mạ zos lênhx hu zâuv tsôngv cưr tix nênhx tsa sđ, chor nênhs siêz jông nhoz cxuô thax tsav qơư hâur têz qơưk sik đros paz tuôx ntơư. Tix lâus Tuôv Xênhv Thox heik:

“Cur tưz heik trâu cấp ủy hâu nov ntơưv qơư thiêz cơưv sik seiz lax, thôngx ziv tso krêz uô iz qơư trâu têx huv li heik sâuv tsi zuôr nhiêx thiêz hu zâuv têx chuôz zis lơưr muôx luz nênhx jông đuô thiêz nhoz khênhr đuô muôz paz têx chuôz zênhx xênhz huôx li: Lâux câuz, têik điêr, zav nox.....Xuz thơưx thâuv fuô uô kror qơư trâu têx huv no, mak cur tưz muôz tso trâu sâuv mạng fabook thiêz hu zâuv têx fôngx zưs, cưr tix nênhx tsa cxênhz jê sik đros paz, gra têx huv tuôx tso ntơưv qơư no, chiê muôz pheiz puz trâu têx lênhx px pluôs, muôx luz nênhx txov nhêv”.

Co Mạ zos xã tox siêz, thax tsav txov nhêv hâur huyện Thuận Châu, tỉnh Sơn La, chor chuôz zis pluôs tsav muôx nhos 68%. Têx shông jê lok no, thax tsav qơư co tưz hlôngr yiêz ntâu, hur si lok sâuv luz nênhx huôv tsar uô nox uô hnar thiêz vênhx huôv. Chênhr zos uô tâu têx luôs hâux lưv jông li heik sâuv, hâur jiês Đại hội đại biểu Đảng bộ xã Co Mạ ntu 2020-2025, tix lâus Tuôv tror tâu bâux xêir uô bí thư Đảng ủy xã Co Mạ, taz sik txos hnuz xiêz 01/9/2020, tix lâus Tuôv ho tâu hâu nov huyện xeir tsov lok uô Chánh thanh tra huyện Thuận Châu, tỉnh Sơn La./.

(Thanh Thủy-Riê Lâux cxeik, nhênhv)