Jax sâu thưr 3.22.11.2016:

NẬM PỒ: NGANHX ZAOZ ZUX UÔ TIÊR TSƯR ZIV TSO TƠƯV

          Tsêr cơưv Phổ thôngz mênhx cxưx niêv txir zus mor cấp iz Nậm Tin, xã Nậm Tin, huyện Nậm Pồ hâur 3 shôngk tror lok no, 900 ntâu lênhx shux xênhz nênhs Thái, Hmôngz, Cho thiêz têx tsêr cơưv txơưr đuô puôr lênhx tâu cơưv ntơưr hâur têx tsêr cơưv truôx jông. Ntơư zos plas tsêr truôx, nja tsêr truôx thiêz trur tsêr truôx. Hâur chor tsêr no, cưk kriê thiêz shux xênhz tưz tso siêz kriê thiêz cơưv ntơưr, tsi cxơưx trâus xâu nas lok sik chuô njơưx li thâuv ntêx. Tsi taz muôx lớp cơưv mak iz đraz chor shux xênhz pluôs tsênhv tâu tsưr tsix qơư nox, nhoz hâur tsêr cơưv, paz têx shux xênhz muôx txâuk đas jos cơưv ntơư. Cxôngx co muôz siêz tsơưr lươngv zaoz zux thiêz thox cxov. Shux xênhz Meir Xênhv Thox, cơưv lớp 9A puz pâuz:

          “ Pêz nhoz no pov lok six shir phaz thâuv tâu têx cưk kriê tsov cưv txos pêz li hâux lưv cơưv ntơưr. Pêz nhoz no tsênhv tâu nox hâuk taz por thiêz kaz đuô thâuv nhoz tsêr”.

          Yuôr tsêr cơưv phổ thôngz mênhx cxưx niêv txir zus mor cấp 2 Nà Hỳ đros trâu 600 ntâu lênhx shux xênhz mak pov hur đu thiêz jông jav đuô. Ntơưv trôngx vas tsêr cơưv muôx ntâu pax tơưs jông, tov tos tsêr cux muôx vax jâuz njuôz hloz jông. Tiv zix, kror qơư uô mor thiêz qơư nox mor, shux xênhz cux muôx trôngx tos jâuv cxix cxuô puôr lênhx hur si tsik uô vuôz tsuôz kiêk nênhs.

          Lơưr têx cưk kriê nhoz no, thâuv tâu pheiz kuôk no 4 shông, tsêr cơưv tâu Phongx zaoz zux huyện tsov cưv yưv pênhr uô tsêr cơưv jông đuô. Nhiv no tsêr cơưv tsi yuôr qar cơưv đos đis. Cxôngx têx tsêr nox nhoz, cơưv ntơưr txos têx qơư uô mor trau shuv xênhz puôr lênhx tâu cxiv uô truôx jông. Tiv zix zos tsêr cơưv tsênhv tâu bax cxix cxuô têx chuôz zênhx phưx vưv uô mor nox trâu shux xênhz. Nhiv no, Nậm Pồ zos tiv phaz tiv iz nhoz Điện Biên krêz uô hâux lưv uô mor hâur tsêr cơưv trâu shuv xênhz nox. Cưk kriê Phạm Quốc Hoàn, hiệu trưởng tsêr cơưv phổ thôngz mênhx cxưx niêv txir zus mor cấp 2 Nà Hỳ heik kriê:

          “ Zôngv cxix luôk uô mor no taz por vêv xênhz, oz zos cxênhx txuôk tâu, pêz zos uô mor cux tsi khưr li thâuv ntêx. Đros thiêz thax tsav no, cur pov trâur nuv uô mor no lok six huv đros”.

          Nậm Pồ tâu pheiz cxôngx huyện Mường Nhé shông 2012. Thâuv co, huyện muôx 37 taz viv tsêr cơưv, 650 ntâu qar cơưv, taz sik 200 ntâu qar zos lav uô lav cơưv. Txos nhiv no, chor tsêr cơưv nhoz huyện tưz muôx 49 luz tsêr cơưv, zuôr xar 1000 qar. Taz sik, kror jông đuô zos huyện tsi muôx têx qar lav uô lav cơưv.

          Lơưr zơưv Điêu Bình Dương, phưv chủ tịch UB huyện Nậm Pồ: Uô tâu truôx têx luôs hâux lưv ntơư zos khov huyện tưz huiz tôngv tas nro cxix luôk chính trị, sik đros côngv tês huôv tsar zaoz zux; chuôz tsar xã hội; thôngx cxix tsov cưv muôz nhiêx txiêx zos zuôr xar 40 tỷ đeiv iz shôngk yưv pênhr trâu zaoz zux:

          “ Cxôngx thâuv nhiv kruôr pheiz, huyện tưz xav tênhv cơ sở cxuô zav zos phêv liv tiv zix. Cxôngx co, nganhx zaoz zux thox cxov tưz chuôz tsar vênhv tôngv têx tsưr tsix, lênhx nênhs, têx ban nganhx đoanx thêv thiêz têz qơưk paz txưv. Yuôr hnuz côngz mak têx cưk kriê paz txưv chiê cxuôv tsês têx tsêr cơưv lav uô. Hâur 3 shôngk đhâu, cxix luôk tsêr cơưv hâur huyện chuôz ndê ntâu. Tâu tỉnh, cux xưk li Sở zaoz zux thiêz thox cxov tỉnh Điện Biên sâu jênhv”.

          Yưv pênhr trâu zaoz zux zos yưv pênhr chiê huôv tsar uô cov truôx vênhs. Txơưv yuôr ntâu phêv liv, taz sik zaoz zux nhiv no ntơưv Điện Biên tưz muôx ntâu hlôngr yiêz jông zos kror tso pov nhoz thax tsav tox siêz ntus đriv Nậm pồ./.

                  (Thu Thùy- Txâur Vax cxeik-Riê Lâux nhênhv)

Phênhv thưr 3, hnuz 22/11/2016:

Phênhv tsưr ziv uô kôngz 

Tsuv ndo njôngr thâuv cxax yuôx vắc xin

1, Iz cxiê faz tsưr ziv cxax yuôx vắc xin:

-Lênhx nênhs tsuv tâu tir thêir caz moz ơưk: Yuôx vắc xin tir thêir zav caz moz ơưk tưs, tsuôk tir thêir tâu zav caz moz ơưk ntơư.

-Yuôx vắc xin muôx liv li chas: Tsuv sêiz shuôk tus tsiêx cxu ntơư đas jos thiêz sir zôngv zav yuôx vắc xin.

-Sir zôngv yuôx vắc xin: Hâur ntu trâus cik caz moz ơưk, đhâu sir zôngv yuôx vắc xin cux muôx ntâu zav.

-Zos uô cê cxax oz zav yuôx vắc xin, tsuv cxax trâu oz kror qơư txơưr ntơưv tus tsiêx trơưk li quy tênhv.

-Tsuv qênhz yuôx, sêiz shuôk uô ntêx hưx yuôx vắc xin, thâuv muôz cxax trâu tsiêx cxu thiêz tsuv sir zôngv zav yuôx vắc xin tsik tâu tas hax.

*, Tsưr ziv sir zôngv yuôx vắc xin:

+Cxuô chuôz zênhx cxax yuôx, tsuv tâu muôz yuôx nzuôr thiêz râuz; đhâu ntơư li muôz đêx hur zâus, nzuôr.

+Muôz cồn nzuôr tus cxax ntơư têk thiêz nzuôr thax tsav qơư cxax.

+Thâuv cxax yuôx vắc xin ntơư tsik chiê trâus yar ntux cuz txos thiêx tsik uô têx yuôx vắc xin ntơư puôk tsuôx.

+Tsuv tâu cxax yuôx vắc xin trâu tsiêx cxu 15-20 hnuz, uô ntêx zuôr thâux chox muk muôs.

+Tsuv sâu bê yuôx vắc xin, qơư uô yuôx vắc xin, hnuz nhôngs cxax yuôx vắc xin.

+Thâuv uô ntêx thiêz đhâu cxax yuôx vắc xin trâu tsiêx cxu, tsuv muôz jâuz krâur cov txâuk trâu tus tsiêx ntơư nox cov tsâu.

2, Têx kror muôx yưv đhâu cxax yuôx vắc xin:

-Đhâu cxax yuôx vắc xin, muôx têx jiês, tus tsiêx ntơư muôx yưv li: Uô đâuk no, qênh, ntuôr, txos siêr…

3, Yuôx vắc xin sênhv:

-Đhâu cxax yuôx vắc xin tas, têx yuôx sênhv, tsuv tâu muôz chox muk hlơưr por tsês thiêz đhâu cxax yuôx vắc xin tsuv muôz têx chuôz zênhx cxax yuôx ntơư nzuôr cov hur./.

                                               (Tsu cxêik nhênhv-Thanh Thuỷ)