Bôv đôiv pênhz phax thiêz tsôngv px cêr sik thôngx siêz nhoz thax tsav ntus đriv Pa Ủ

Jok Hà Xi, xã Pa Ủ, huyện Mường Tè zos 57 chuôz zis li thax tsav qơư nhoz đros trâu 250 ntâu chuôz zis tsôngv box La Hủ. Jok nhoz pêv trôngz siêz, đros trâu têx luz tsêr vor vuôk nhoz shơư têx xuz jôngr ntông. Chiê muôx tâu jông qơư trâu tsôngv box nhoz li nhiv no, kuôk no xar muôx 10 shông, iz chas hâux lưv vênhv tôngv tsôngv box nhoz pêv têx ntar trôngz hâur thax tsav lok nhoz uô cê, canr bôv, chiến sỹ pênhz phax Lai Châu tưz đros hâu nov ntơưv qơư paz yênhx puô hnuz côngz, đas jos lêix khơưz kuô tsêr thiêz cxiv uô tsêr nhoz trâu têx chuôz zis tsôngv box. Txơưv tsênhv yuôr tsi tsơưs têx cêr txov thiêz phiv liv, taz sik txos nhiv no, tsôngv box La Hủ nhoz no tưz truôx tuk luz nênhx, huôv tsar uô nox uô hnar. Niêv lâuk Ly Mò Lu, nhoz hâur jok hâur heik pâuz:

“Đrav ntêx, pêz tsôngv box uô thiêz mul trơưk cheix uô kôngz uô lông viv li luz nênhx txov nhêv thiêz yeiz pluôs niêx shông. Lok nhoz hâur jok no tâu têx tuz lênhv paz cxiv uô tsêr trâu nhoz, paz chos blêx, tu zus nhux viv li tưz tsi yuô txov lơưv. Nhiv no têx nhuôs hâur jok tsênhv tâu muk cơưv ntơưr hur si thiêz, lênhx tưs cux shir phaz. Bôv đôiv pênhz phax lok six moz siêz paz tsôngv box”.

Xar cov tsôngv box nhoz truôx qơư mak tsuv uô li chas cov tsôngv box muôx phênhv sâu tâu, lar heik zos ar uô nox, tsêz chos kôngz lôngk. Chênhr viv li, đhâu thâuv muôx ar, canr bôv, chiến sĩ pênhz phax ho kriê tsôngv box tsưr ziv huôv tsar uô nox txix lêix ar têz chos kôngz.....viv thâuv ntêx tsôngv box tsuôk cor cav muôz pak gâul kror chos têx kôngz xưz. Thiêz thâuv têx blêx tưz hloz lox tuôx, chor tuz lênhv pênhz phax nhoz no ho yênhx têx lênhx kỹ sư uô kôngz nuv buôk ti kriê tsôngv box tsưr ziv tu thiêz hlêis sâu...... Thiếu tá Trần Hà Nam, Chính trị viên Zênhx phax Pa Ủ heik pâuz:

“Bôv đôiv pênhz phax cux tưz paz tsôngv box cxiv uô đuô têx vax tsêr nhoz tưz trâus puôk tsuôx jông tas. Lar heik zos niêx hli pêz cux fuô uô tsaz yênhx tsôngv box thiêz têx cưk yuôx bôv đôiv sik paz, hux jos đros têx cưk yuôx ntơưv qơư chiê seiz njuôk shuôs, kho mz tsi so trâu tsôngv box. Canr bôv, chiến sĩ cux tưz sir jos uô trâur nuv chos blêx liêx 2 chiv yênhx côngz. Thiêz txix tsưr ziv uô no mak zuôr txos ntơư pêz zuôr nthuôr uô đar chiê paz tsôngv box huôv tsar uô nox uô hâuk, cxuz cêr yeiz pluôs. Txix co, tsôngv px cux njênhs njôngr trâu têx tuz lênhv thiêz paz pêz chor tuz lênhv hâur seiz car, tsưx phưv truôx thax tsav ntus đriv”.

Nhiv no, nênhs La Hủ muôx nhos 11 cxênhz lênhx nênhs, hâur co ntơưv xã Pa Ủ muôx 12 jok, 3 cxênhz lênhx nênhs uô nênhx nhoz. Co zos heir nênhs lok six txov nhêv thiêz tsênhv tâu Đảng, têz  qơưk moz siêz pax max txos txix ntâu tsênhv chei chiê por hưv thiêz huôv tsar. Txơưv tiêk li ntơư, txos nhiv no têx chuôz zis pluôs cux tsênhv yuôr nhos 80% ntâu. Chiê paz tsôngv box La Hủ sir jos hla đhâu têx cêr txov, lơưr chuôs lưv heir nênhs txơưr đuô hâur thax tsav, Zênhx pênhz phax Pa Ủ tưz tso 12 lênhx đảng viên lok xênhz huôx ntơưv 12 chi bộ jêx jok. Chor đảng viên pênhz phax zos lưv lươngv chênhr hâur paz tsôngv box huôv tsar uô nox uô hnar, vênhv tôngv têx tuz nhuôs muk cơưv ntơưr thiêz yênhx têx tsov iêr chi cax, jông chiê tsôngv box cơưv shâuv, uô trơưk.

Zơưv Trịnh Đình Vũ, Bí thư Đảng ủy xã pa Ủ, huyện Mường Tè, tỉnh Lai Châu ntâuk grê:

“No zos thax tsav ntus đriv txov nhêv, bôv  đôiv pênhz phax tsi so tuôx ntơưv qơư, đros xã, đros têx cưk kriê ntơưr vênhv tôngv têx nhuôs muk tsêr cơưv, cơưv ntơưr; tsi so seiz njuôk shuôs, kho moz trâu tsôngv box. Iz kro thiêz zos bôv đôiv pênhz phax paz tsôngv px huôv tsar uô nox, lar heik zos trâur nuv tu zus nhux sha mê nhuôv uô tâu lok six jông. Vav thiêz chiê siêz tiêk, hâur six hơưv zuôr txos trâur nuv chox blêx liêx 2 chiv zuôr tâu nthuôr uô đar hâur tas nro xã”.

Cấp ủy, hâu nov ntơưv qơư têx cêr sir jos, đros trâu cxuô cấp, cxuô ngênhx, lar heik zos têx tuz lênhv pênhz phax li sik côngv tês siz paz uô cxuô luôs hâux lưv tsênhv tsênhz tưz paz uô chi cax luz nênhx trâu tsôngv box La Hủ nhoz suôv qơư no./.

                                 (Khắc Kiên-Riê Lâux cxeik, nhênhv)

Cưk kriê tox siêz moz siêz đros hâux lưv kriê lul, kriê ntơưr

mênhx cxưx

          Zos nênhs Thái, nhiêv zuk mênhx cxưx li luk heik, ntơưr mênhx cxưx, viv li cxôngx ciês thâuv tsênhv zos shux xênhz tsênhv cơưv ntơưr hâur tsêr cơưv, cưk kriê Hoàng Phúc Đại tưz qir cơưv shâuv ntơưr Thái. Cưk kriê xar lok six ntâu txos hâux lưv cxênhx hluôk nhiv no tsi pâuz heik zuk hêir nênhs luk, tsi pâuz ntơưr mênhx cxưx, njuôs xav zuk li ntơưr cxôngx nzor zuôr trâus pôngz plox. Cơưv tiêr tsêr cơưv Cao đẳng sư phạm Tây Bắc shông 1999, cưk kriê Đại uô côngz xưv nhoz ntâu taz viv tsêr cơưv txơưr nhoz thax tsav 3 ntus đriv, txov nhêv nhoz 2 huyện Mộc Châu thiêz Yên Châu, tỉnh Sơn La. Phêv liv li ntơư, taz sik cưk kriê cux tsês six hơưv hnuz nhôngs chiê cơưv shâuv cxaz lok ntơưr Thái, viv ntơưr Thái cxôngx nzor zos fâu ntơưr tsik zôngx ziv cơưv, tsik zôngx ziv sâu tâu. Cưk kriê Đại txơưx heik lul Thái, txơưx lok ntơưr Thái đros thiêz muôx pênhr xưv sư phạm jông, shông 2011, phongx zaoz zux huyện Yên Châu tưz heik cưk kriê lol kriê ntơưr mênhx cxưx ntơưv Tsênhv qơư zaoz zux yax six tỉnh Sơn La thiêz tror cxaz chuôz khóa kriê cxaz cưk kriê lul mênhx cxưx Thái chiê uô côngz xưv kriê ntơưr trâu têx học viên têx mênhx cxưx txơưr ntơưv tiv phaz li: Thái, Mông, Xinh Mun, Choz tsiz, Tày.... Cưk kriê Hoàng Phúc Đại heik:

          “ Cur li chor học viên zos ntâu mênhx cxưx txơưr, uô ntâu côngz xưv txơưr, mênhx cxưx Thái li ntơưr sâu, phongz cxưx cêr uô nênhx cux muôx ntâu viv li cux njiz ntâu phêv liv thâuv kruôz kriê thiêz cơưv shâuv. Taz sik cur tưz sir jos nriêr tsưr ziv kriê cov huv đros thiêz yênhx lênhx nênhs, paz lơưr zôngx ziv cơưv tâu tiv zix”.

          Iz chas kriê lul, kriê ntơưr mênhx cxưx Thái hâur Tsênhv qơư zaoz zux yax six tỉnh Sơn La, cưk kriê Đại tâu cxaz chuôz Bộ zaoz zux li ntâu Phêv thảo lok tuôr tsês, huôv tsar ntơưr mênhx cxưx Thái; cxaz chuôz sik thav hâur Hội đồng cxiv sâu ntâuz ntơưr kriê ntơưr thiêz lul Thái trâu têx Tsênhv qơư zaoz zux hâux lưv uô, zaoz zux yax six ntơưv têx huyện, thành phố. Cxôngx shông 2014 txos nhiv no, ndaz ndơưv hnuz thưr 7, hnuz ciêz hâur yênhx ciêz thiêz ntu so chêix ntux sor, cưk kriê Đại tưz kriê trâu 300 ntâu lênhx học viên zos cán bộ viên chức têx chiz coaz taz viv thiêz cưk kriê têx tsêr cơưv nhoz huyện Yên Châu lok lul hêik thiêz ntơưr Thái. Niêv lâuk Lừ Thị Minh, cưk kriê Tsêr cơưv mê nhuôs zâu Thủy Tiên nhoz thị trấn Yên Châu, tỉnh Sơn La zos iz hâur têx học viên tâu cưk kriê Đại kriê ntơưr Thái heik:

          “ Cxôngx thâuv tâu cxaz chuôz cưk kriê Đại li  lớp cơưv lul Thái cur pov cưk kriê Đại kriê zôngx ziv to tâuz. Đhâu lớp cơưv no cur tưz txơưx heik, txơưx sâu ntơưr Thái, pâuz cxaz lok zuk mênhx cxưx li phongz cxưx, cêr uô nênhx, phưx vưv trâu cur li côngz xưv kriê ntơưr”.

          Zos phưv Hiệu trưởng Tsêr cơưv cxênhx 1 cxênhx 2 Chiềng Khoi, cê uô côngz xưv coar lik, cê cxaz chuôz kriê ntơưr trâu shux xênhz ntơưv tsêr cơưv, cưk kriê Đại cux tsês six hơưv chiê cxaz chuôz têx lớp kriê lul thiêz ntơưr Thái. Txơưv tsêr cơưv tsi tâu chox tsaz yênhx kriê ntơưr Thái lok hâur tsêr cơưv, taz sik cxôngx zuk li têx yênhx tưv, cưk kriê thâuv tưs cux cê kriê ntơưr cê kriê mênhx cxưx li têx cêr chax chês vênhx huôv jông, kriê ntơưr, kriê lul Thái, chiê têx mê nhuôs shux xênhz pâuz thiêz txơưx tuôr tsês seiz jông zuk li ntơưr lâus....Zơưv Bùi Minh Tuấn, Hiệu trưởng Tsêr cơưv cxênhx 1, cxênhx 2 Chiềng Khoi, Yên Châu, Sơn La puz pâuz:

          “ Cưk kriê Hoàng Phúc Đại muôx chuyên môn nghiệp vụ truôx tul, niêx shông cưk kriê thâuv tưs cux tâu ntâus grê zos uô tiêr jông jênhv vưv tâu choz. Đrâuv jênhv vưv hâur tsêr cơưv, cưk kriê tsênhv moz siêz nriêr pâuz lok lul heik, ntơưr Thái thiêz cxaz chuôz kriê ntơưr Thái trâu têx cán bộ, công chức, viên chức huyện Yên Châu ntâu shông đhâu, gôngr phênhv tuôr tsês lul Thái, ntơưr Thái thiêz cêr vênhx huôv jông”.

          Cưk kriê Hoàng Phúc Đại ntâu shông, tsi so tax tâu bê Lox uô tâu tiêr luôs hâux lưv kriê ntơưr jông. Têx sâu jênhv co zos hâux lưv cxơưz cxiz cưk kriê ziv moz siêz đuô đros zuk hâux lưv kriê ntơưr:

          “ Đrâuv uô côngz xưv coar lik, uô jênhv vưv chuyên môn, cur zuôr tror kriê ntơưr Thái. Cxôngx nhênhz chơưv têx ntâuz ntơưr, hlôngr yiêz tsưr ziv kriê ntơưr; thôngx cxix sir jos khưx phưx têx phêv liv hâur chuôz zis, tsês six hơưv chiê nhênhz chơưv, nriêr pâuz ntâu ntâuz ntơưr đuô chiê phưx vưv jông côngz xưv kriê ntơưr Thái. Thiêz cur cux xar njôngr têx cấp têx nganhx zuôr tsov cưv krêz ntâu lớp kriê ntơưr Thái trâu têx lênhx nênhs, tiv zix zos chox tsa zyênhx no lok kriê hâur tsêr cơưv, têx tsênhv qơư côngv thôngx nhoz têx xã, thị trấn. Chiê gôngr phênhv tuôr tsês lul thiêz ntơưr Thái trâu cxênhx nênhs tov kaz no tsi chiê pôngz plox”./.

( Tòng Anh- Txâur Vax cxeik nhênhv)