Sơn La: Bộ đội zơưv côngz Hôx zôngv meir grus đêx tsi zôngv tênhv tênhz paz tsôngv box thax tsav txov nhêv lok đêx phưx vưv uô kôngz lôngk

          “Thâuv ntêx tsik muôx đêx sir zôngv, tsuôk pâuz tok njôngr txos đêx nas. Tâu têx bộ đội đhok meir grus đêx paz, chuôz zis lok six jông siêz. Muôx đêx zưs trâu tsoz chos cxix cxuô, tsoz chos huôv tsar jông đuô thâuv ntêx. Uô tsâus bộ đội lok six ntâu”.

          Iz chas tul car đêx tsênhv tso đêx cxôngx côngz tsinhx meir grus đêx tâu têx cán bộ, chiến sĩ Tuêv 2, Đoanx kinh tế-côx phax 326 paz đhok trâu chuôz zis thiêz têx chuôz zis txơưr cxôngx shông 2018, tix lâuk Lò Văn Chiến nhoz Khe Huổi Bon, jos Hin Cáp, xã Mường Và, huyện Sốp Cộp heik tơưv têx cêr jông siêz cxôngx thâuv muôx meir grus đêx uô kôngz lôngk. Tix lâuk Chiến puz pâuz: Nhoz no thâuv ntêx lok six txov nhêv tsik muôx đêx sir zôngv, tsuôk pâuz tos txos đêx nas. Cheix ntux kruôr chiê muôx đex xênhz huôx cux lax, tsi heik txos đêx chiê zưs trâu tsoz chos. Cxôngx thâuv đhok meir grus đêx cxôngx tus cưx liês đêx kuôk tsêr nhoz 2,3 puôk yiv lok tưz paz tix lâuk chuôz zis têx iz cxiê chuôz zis nôngx mênhx nhoz no muôx đêx zưs trâu tsoz chos, paz kôngz lôngk huôv tsar jông.

          Thax tsav Đoàn 326 kinh têr- côx phax tso qơư uô xưv, tsôngv box phênhv ntâu nhoz uô nênhx sâuv têx tox siêz, muôx zoz qơưx lox lok đêx xênhz huôx thiêz phưx vưv uô kôngz. Hâur co hâur đêx phênhv ntâu tsuôk muôx nhoz têx tul đêx nhoz qơư kis, chiê chaz tâu đêx muk qơư siêz chiê paz tsôngv box njiz lok six ntâu phêv liv. Tiv zix, thâuv tỉnh Sơn La li dự án chos ntông nox txir sâuv ar nxaz tâu krêz uô têx shôngk tov ntêx, pox nhuôs nhoz iz cxiê thax tsav nhoz huyện Sốp Cộp tưz chêx chôngk chos ntông nox txir, taz sik lax huôv tsar tâu tiv tsi muôx đêx zưs. Cxôngx qênhx shênhx co, Đảng ủy Đoanx kinh têr- côx phax 326 tưz chox kriê têx cán bộ, đảng viên sâuv thax tsav xã tsuv xar tsưr ziv uô li chas chiê chaz tâu đêx muk zưs trâu tsoz chos. Thiếu tá Vũ Văn Thuần, chính trị viên tuêv tsiv uô thiêz cxiv tsa cơ sở chính trị số 2, đoanx kinh têr- côx phax 326 puz pâuz: Cxôngx shông 2017, tix lâuk thiêz thiếu tá Vũ Ngọc Văn- nhiv no zos tsar ban tsưr ziv, phongx tham mưu- tsưr ziv nhoz Đoanx kinh têr- côx phax 326 tưz tsưr tsix nhênhz chơưv, uô siv trâur nuv grus đêx muk qơư siêz, uô ntêx uô siv chiê phưx vưv taz viv li zoz qơưx zôngv đêx, đhâu co zos yênhx côngz zuôr uô chiê tsôngv box cơưv shâuv thiêz uô lơưr. No zos iz zav meir grus tsi zuôr zôngv tênhv tênhz, tâu xar tơưv cxôngx shông 1775 ntơưv Mỹ. Ntâu têz qơưk sâuv ntiêx têz, hâur co muôx têx têz qơưk huôv tsar tsênhv zôngv chiê phưx vưv hâux lưv grus đêx tsiv uô kôngz lôngk. Taz sik nhoz Việt Nam tsơưs tâu tsov cưv sir zôngv, qir tiv viv zav meir grus no tsênhv muôx ntâu kror tsi tâu jông li: zôngv tsi tâu ntêr, thâuv liêv mak lax kho tâu. Hâux lưv hlôngr yiêz đuô cxix luôk meir grus đêx chiê huv đros qênhx shênhx ntơưv tiv phaz cux zos iz hâux lưv uô tsi zôngx ziv hâur têx hnuz xuz thơưx uô:

          “Qir thơưx zos zôngv zak zưr PVC chiê uô, taz sik tiv tir tsi tsưv đêx thiêz khênhr trâus liêv, đhâu co pêz no zuôr car hlâu lok uô taz sik cux tsi yênhx côngz. Lơưr kaz ciês zos zôngv plâuz bình ga chuôz zis, bình ga công nghiệp chiê uô”.

          Tsov lơưr zoz qơưx sir zôngv, têx cán bộ, chiến sĩ xar tơưv uô têx zav meir grus đêx lox zâu txơưr huv đros. Đhâu 10 jiês kho đuô, hlôngr yiêz, luz meir grus no tưz huôx tôngv jông thiêz chaz tâu đêx muk têx qơư muôx tsi txâuk đêx nhoz qơư siêz chiê zưs trâu tsoz chos. Thâuv uô yênhx côngz, txos nhiv no ntơưv xã Mường Và, huyện Sốp Cộp tưz krêz uô thiêz đhok tâu 10 luz meir. Thiếu tá Vũ Văn Thuần puz pâuz cxaz:

          “ Meir grus đêx no grus tâu đêx ndê muk siêz 15-20 yiv đêz muôx nhos 500-700 yiv. Li ntơưv, jông ciês li meir tênhv tênhz 2 cir, iz shông pox nhuôs cxênhx txuôk tâu lok six ntâu nhiêx txiêx. Pox nhuôs muôx đêx mak luz nênhx zuôr ngaz tul đuô thiêz paz trâu taz viv sâuv thax tsav uô tiêr tâu jông zuk li jênhv vưv”.

          Nhiv no, tsi taz nhoz xã Mường Và, huyện Sốp Cộp mak iz cxiê qơư txơưr li huyện Yên Châu, Mai Sơn (Sơn La); têx xã hâur thax tsav Đoanx kinh têr-côx phax 326 li dự án, taz viv cux đhok tâu 14 meir grus đêx. Tsov lơưr meir lox lok sik zâu, iz luz cxôngx 4-6 tsov đeiv. Nhiv no pox nhuôs iz cxiê qơư xưk li thax tsav Mường Và- Sốp Cộp cux tsênhv tuôx zuôr meir grus đêx lok đhok ntơưv zuk chuôz zis. Đoanx kinh têr- côx phax 326 tsênhv sir jos paz iz xã iz meir. Đros co zos hlôngr yiêz cxaz chiê tsi taz iz chuôz zis mak trâu têx zivc huôz zis lok sis iz jos sir zôngv. Đại tá Trần Văn Chanh, Chính ủy Đoanx kinh têr- côx phax 326 puz pâuz: Grus đêx muk qơư siêz nhoz têx thax tsav txov nhêv lok đêx hâur cheix uô kôngz li chas zos iz hâur têx tsưr ziv uô tsênhv tsênhz, muôx chêx cuk paz pox nhuôs têx mênhx cxưx huôv tsar kinh têr:

          “Đros trâur nuv no, pêz zuôr tror hlôngr yiêz têx phêv liv thâuv sir zôngv, chiê jông đuô trâu nênhs sir zôngv, taz por huv đros têx thax tsav cux xưk li têx ziv chuôz zis nhoz tox siêz. Phuôx huiz uô luz meir no chiê paz têx ziv chuôz zis pluôs. Sir jos hâur ntu zuôr txos zuôr paz têx ziv chuôz zis khưx phưx têx phêv liv lok đêx, cxôngx co zuôr muôx tâu chêx cuk tsênhv tsênhz muôx liv trâu tsôngv px sđ”./.

(Thào Ly- Txâur Vax cxeik nhênhv)

Lạng Sơn: Sir jos tir tar zuôr muôs lênhx nênhs

Nhiv kruôr xênhz zus tâu muôs 7 hnuz, taz sik lênhx nhuôs tuz no tưz trâus chor nênhs fêv nhiês chox muk muôs. Hmôngr jông tâu lưx lươngv pênhz phax trôngx đriv ntiêx têz Hữu Nghị, Bôv đôiv Pênhz phax tỉnh Lạng Sơn chơưv paz tâu, lênhx nhuôs no tsênhv tâu tu zus ntơưv Qơư paz txưv xar hôiv tỉnh Lạng Sơn. Pos Diệp Tuyết Lan, Phưv giám đốc qơư paz txưv xar hôiv tỉnh Lạng Sơn puz pâuz: Txix hâur shôngk shông txos nhiv no, kror qơư no tưz txêik tok muôx 10 lênhx nênhs zos chor nênhs trâus nhiês thiêz nziêk đas chox muk muôs, hâur co muôx 2 lênhx zos nhuôs zâu nhiv kruôr xênhz zus tâu tsik ntêr hnuz.

“Pêz sik côngv đros cơ quan muôx vax huôv, công an thiêz bôv đôiv pênhz phax  chiê uô ntâuz ntơưr txêik tok chor nhuôs co lok hâur kror qơư no. Cov hâux lưv tu zus tâu uô jông. Thâuv chor mê nhuôs tâu tok lok hâur kror qơư no, pêz tso nênhs sêiz jor yênhx hnuz hmo. Đhâu co mak zuôr njuôk shuôk đas jos thiêz tsơưr pưr shưz cov chor nhuôs hloz lox jông”.

Qênhx shênhx nênhs phamv cxâuv zuôr muôs lênhx nênhs đhâu ntus đriv tỉnh Lạng Sơn nhiv no cux tsênhv muôx yưv ntâu phiv liv thiêz chuôz ndê. Chor nênhs fêv no têx tsưr ziv uô ziv hnuz ziv phiv liv đuô li nus zuôr chor nhuôs nxêik nhiv kruôr hloz têx số xor tôngx đhâu co nriêr tsưr ziv nziêk đas, lok sik liv zôngv txos chor nênhs co txux chi kik, vax tsêr txov nhêv chiê nziêk đas tiêk, zuôr paz nriêr hâux lưv trâu uô muôx nhiêx hli siêz, truôx tuk lok sik zuôr txir bluô nux saz Trung Quốc…Đại tá Nguyễn Trung Thực, Giám đốc Công an tỉnh Lạng Sơn puz pâuz:

“Công an tỉnh tưz sik côngv đros cxuô cấp, cxuô nganhx sir jos yax kriê trâu pêx xênhv pâuz. Pêz cux sik côngv đros chor lưx lươngv nhoz ntus đriv li bôv đôiv Pênhz phax sir jos qênhz yuôx tir tar muk lok đhâu ntus đriv tsik zos chêi. Chox kriê chor cảnh sát hình sự sir jos sik côngv đros công an têx huyện ntus đriv tsưr tsix tsav txênhz đros chor nênhs fêv nziêk đas muôs nênhs đhâu ntus đriv”.

Tsav txênhz, tir tar chor txuz zuôr muôs lênhx nênhs đhâu ntus đriv zos công an, bôv đôiv pênhz phax li luôs hâux lưv uô phiv liv, taz sik chiê tir tar cov tâu chor nênhs fêv nziêk đas lênhx nênhs muôs, tsuv muôx cxuô nganhx, cxuô cấp, tiv zix zos chor đoanx thêv xar hôiv sir jos đros uô. Đros co, côngz xưv paz trâu chor nênhs trâus nziêk đas co uô nênhx đros côngv thôngx, paz trâu lơưr muôx tâu hâux lưv uô truôx lok sik muôx tâu iz kror qơư nhoz truôx jông cux tsuv tâu moz siêz txos kriz uô. Niêv tix Nông Thanh Hải, Chủ tịch Hôiv Liên hiệp pox niêv tỉnh Lạng Sơn hêik:

“Hôiv pox niêv cux tưz moz siêz txos luôs hâux lưv uô paz trâu chor nênhs trâus nziêk đas. Hêik chor pox niêv vir ndâuk sơưr đơưk pâuz tâu, tso siêz tror uô nênhx đros côngv thôngx. Đros co pêz cux tưz paz trâu chor vir ndâuk sơưr đơưk txêik pênhr, muôx nzir txux chi siêz chiê lơưr muôx luz nênhx truôx tuk”./.

(VOV4-Lik Thox cxêik nhênhv)