Sor so cêr côngv siêz Quân-pêx xênhv txix têx luz tsêr niêv txir zus mor

Txơưv chêix ntux no nhoz thax tsav ntus đriv Tây Bắc ntux no chênhr, no njiv, chor cán bộ, chiến sĩ Bôv Chỉ huy Quân sự tỉnh Điện Biên tâu choz jênhv vưv cxiv uô tsêr nhoz niêv txir zus mor ntơưv Tsêr cơưv Phôv thôngz mênhx cxưx niêv txir zus mor Cxênhx iz Tả Sìn Thàng, huyện Tủa Chùa cux tsênhv sir jos uô cov tiêr têx hâux lưv tsênhv yuôr. Nênhs mak tor xi măng, nênhs mak muôz gạch cxiv puôz uô tsêr, nênhs txiêr kuôr hlâu, têx hâux lưv co tâu sơưr đơưk sêiz đrơưv kriz uô viv lênhx tưs cux xar cov uôr tiêr tâu sêi chor tsêr nhoz co trâu shux xênhz thâuv chêix ntux no tsênhv no jux juk.

Chiến sĩ Thi Xênhv Muôk, Bôv Chỉ huy Quân sự tỉnh Điện Biên puz pâuz: luz tsêr đar muôx 125 thiêr ndis, tâu uô huv zos lơưr pêz khor truôx (plas tơưr, faz nja khor thiêz trur khor) chiê paz trâu chor shux xênhz muôx luz nênhx txov nhêv nhoz ntơưv no muôx nzir qơư nhoz so lox jông hâur chêix ntux no shông no. Txơưv tiêk qơư uô tsêr nhoz kuôk đêz tsênhv qơư, muk lok njiz ntâu phiv liv, taz sik yênhx lênhx cán bộ, chiến sĩ puôr lênhx sir jos chiê uô cov tiêr tâu jông jênhv vưv tâu choz: “Pêz uô jênhv vưv cxiv tsêr nhoz niêv txir zus mor trâu chor shux xênhz tox siêz pêz cux lok six shir phaz. No zos iz kror shir phaz lox thiêz pêx cux tsênhv lok six sir jos uô cov tiêr jênhv vưv no”.

Thiếu tá Nguyễn Văn Ngọc, Phòng Chính trị, Bộ Chỉ huy Quân sự tỉnh Điện Biên puz pâuz: Lơưr taz viv li tsưr ziv, hâur jiês no zuôr muôx 4 luz tsêr nhoz niêv txir zus mor, tsêr uô jâuz mor nox ntơưv têx tsêr cơưv nhoz 3 luz huyện: Điện Biên, Nậm Pồ, Tủa Chùa tâu taz viv paz cxiv uô. Hâur co xav tas nro nhiêx txiêx thiêz côngz lox tôngv kriz uô. Tsêr cơưv Phôv thôngz Mênhx cxưx niêv txir zus mor cxênhx iz Tà Sìn Thàng zos kror qơư tâu kriz uô cxiv tsa xuz thơưx ciês. Đhâu thâuv uô tiêr, cán bộ, chiến sĩ zuôr muk uô trâu ntơưv têx thax tsav qơư tsênhv yuôr. Njuôk xav, chor côngz trình zuôr tâu uô tiêr thiêz choz zok trâu chor tsêr cơưv ntơưr muôz lok sir zôngv kênhz tiv zix hâur hli 1/2022. Chor tsêr cơưv puôr pênhx tâu uô lơưr ploz tsênhr pêz khor truôx đros tas nro nhiêx txiêx uô xar muôx 700 triệu đêiv, tsik xav txos côngz lox tôngv: “Đhâu thâuv txêik tâu Đảng ủy Bôv Chỉ huy Quân sự tỉnh li Cuêz tênhv cxiv tsa chor tsêr trâu chor nhuôs ntơưv Tsêr cơưv Cxênhx iz niêv txir zus mor xar Tả Sìn Thàng, huyện Tủa Chùa, đros zos iz lênhx nênhs uô ciês cxiv tsa luz tsêr no mak cur pov tâu tror lok ntơưv qơư nhoz cux zos qơư zuk tâu xênhz zus, viv li lok six tso siêz, shir phaz thâuv zuk tưz paz gôngr côngv tâu zuk iz kror đas jos”.

Cưk kriê ntơưr Cà Văn Hùng, Hiệu trưởng Tsêr cơưv cxênhx iz Tả Sìn Thàng, huyện Tủa Chùa hêik pâuz: thâuv ntêx no chor shux xênhz niêv txir zus mor muôx tsơưs, bax têx vax tsêr cxuô zav mak tsênhv zôngx ziv. Taz sik txix shông cơưv 2016-2017 tsêr cơưv tưz hêik tas nro chor shux xênhz nhoz têx tsêr cơưv zâu ntơưv têx jêx jok lok cơưv ntơưr ntơưv tsêr cơưv tsênhv qơư. Chor shux xênhz nox nhoz ntơưv tsêr cơưv muôx chôngz đuô lok six ntâu, hok vax tsêr cxuô zav cux tsuôk muôx li kuz xưz viv li uô phiv liv lok six ntâu trâu tsêr cơưv ntơưr. Khov tuôx trâu ntơưv tsênhv qơư cơưv ntơưr mak chor shux xênhz tuôx cơưv ntơưr cxix cxuô đuô, tsơưr lươngv zoz zux cux tâu gra siêz đuô, viv li tsêr cơưv sir jos nriêr tsưr ziv đơưk kho têx phiv liv, tuôr truôx chor shux xênhz tuôx cơưv ntơưr.

Ntu xuz thơưx tsêr cơưv sir zôngv chor ar saz kâuv tsêr cơưv ntơưr chiê uô chor tsêr vor tôn trâu chor shux xênhz nhoz so, xênhz huôx, taz sik no tsuôk zos tsưr ziv lav uô xưz, viv tsêr vor tôn txos chêix ntux sor mak sor hênhr thiêz chêix ntux no mak ho no hênhr. Tiv zix zos trâu thâuv chêix ntux no, chor cưk kriê ntơưr njiz lok six ntâu phiv liv hâur uô cov sor trâu chor shux xênhz thâuv qiv hơưv txơưr txar phiv liv nhoz ntơưv thax tsav tox siêz no.

Kror Bôv Chỉ huy Quân sự tỉnh paz cxiv uô tsêr nhoz niêv txir zus mor trâu chor shux xênhz, txơưv tsik tâu txâuk tas nro cxuô kror tsuv muôx, taz sik tưz phênhv tưs paz đơưk kho tâu têx phiv liv trâu tsêr cơưv ntơưr, uô trâu chor cưk kriê ntơưr tsik yuô cxơưx ntâu lơưv, đuô thiêz zos muôx tâu iz luz tsêr yiêz, shux xênhz zuôr tsik yuô no thiêz đas jos cux taz por đuô: “Tsêr cơưv ntơưr muôx 442 lênhx shux xênhz niêv txir zus mor viv li njiz lok six ntâu phiv liv lok qơư pư trâu chor shux xênhz. Tâu Bôv Chỉ huy Quân sự tỉnh paz trâu chor shux xênhz oz lênhx tsêr nhoz niêv txir zus mor, ntêr muôx 18 thiêr tưz paz đơưk kho tau têx phiv liv lok qơư nhoz trâu chor shux xênhz nhoz hâur tsêr cơưv chiê cơưv ntơưr”./.

(Vũ Lợi-Lik Thoxx cxêik nhênhv)

Thủ tướng Chính phủ côngz tênhv lok sir jos uô luôs hâux lưv phax tar moz Covid-19

Nam: Tsênhv njiêz côngz tênhv li đrav kaz:

Nữ: Hâur têz qơưk, txơưv tsi tâu qênhz pov muôx lênhx nênhs tưs trâul moz Ô-mi-crôn taz sik chor nênhs trâul moz Covid-19, têx lênhx trâul moz hnhar thiêz trâul tuôs cux tsênhv ziv hnuz ziv muôx chôngz lênhx thiêz cxix luôs y tế nhoz iz cxiê thax tsav tưz muôx ntâu nênhs moz hênhr, tsuv tso nzir chor cưk yuôx, bác sĩ txix T.Ư thiêz luôs 2 chas thax tsav đrâuv tuôx đros paz max uô hâux lưv seiz njuôk shuôs, kho moz gênhk.

Nam: Bộ y tế seiz kaz jông qênhx shênhx moz gênhk li têx huôv xênhz txơưr txar sâuv ntiêx têz, zênhx max chox kriê, heik trâu Thủ tướng Chính phủ chiê chox car, fuô uô têx faz tsưr ziv zuôr trâul txos thiêz huv đros; tsi chiê muôx ntâu lênhx nênhs moz hênhr tuôx nhoz chơưv kho moz gênhk ntơưv têx qơư y tế. Zênhx max heik kriê lok sâuv ntâuk grê moz gênhk li têx huôv xênhz txơưr txar thiêz têx tsưr ziv phax tar moz zuôr trâul txos cov huv đros trâu qênhx shênhx caz moz. Sir jos chox kriê uô jông hâux lưv seiz kaz chiê qênhz pov tâu nzor têx zav moz yiêz.

Nữ: Hur tiz si cxuô Bộ, ngênhx, Ủy ban cxuô tỉnh, TP nhoz hâur T.Ư sir jos chox kriê uô cxuô faz tsưr ziv phax tir thêir moz; lar heik zos hâux lưv qênhz yuôx, xưv bluô cov txos qơư têx tsưr tsix, lênhx nênhs uô cxâuv cui tinhv lok phax tar moz gênhk.

Nam: Bộ Y tế, Ủy ban cxuô tỉnh, TP nhoz T.Ư zênhx max chox kriê, tsưr tsix uô luôs hâux lưv cxax yuôx phax phôngz moz truôx tuk, sei tiv zix trơưk li Bộ Y tế heik kriê; tsi chiê yuôr têx lênhx zuôr trâul cxax mak tsi tâu cxax yuôx phax phôngz moz cxix cxuô (hur si côngz tiv 3), lar heik zos têx lênhx zôngx ziv trâul cik tâu moz. Bộ Y tế taz por pheiz txâuk yuôx vắc xin trâu cxuô thax tsav qơư. Tsi tâu chiê muôx têx li: Sênhv yuôx, pheiz tsi txâuk yuôx….

Nữ: Bộ y tế taz por muôz txâuk yuôx tir moz gênhk (hnaz yuôx C) trâu cxuô thax tsav. Têx thax tsav qơư tsưr tsix pheiz, muôz yuôx trâu hur tiz si têx lênhx nênhs tâu xav tiêk trâul cik tâu moz, xar nox hâuk chor yuôx co nzor. Tsi tâu chiê muôx qênhx shênhx muôx tsi txâuk yuôx.

Nam: Bộ Y tế, Ủy ban cxuô tỉnh, TP nhoz T.Ư chox kriê, heik, cơưv shâuv cxaz nzir têx txux chi tsưr ziv yuôr trâul lok tsưr tsix seiz kho moz gênhk hâur tsêr, ntơưv qơư; txar jav tsi chiê muôx chôngz nênhs moz hênhr tuôx trâu têx tsêr kho moz lox. Qênhz shuôs, bax tsưr ziv, tso nzir lênhx nênhs paz uô hâux lưv seiz njuôk shuôs, kho moz nhoz tas nro têx tsêr kho moz; muôx tsưr ziv tsênhz mênhx trâu yênhx hâux lưv uô….Tsi chiê muôx qênhx shênhx tsôngv pêx xênhv đhâu seiz njuôk shuôs moz tâu xav zos trâul moz, tsi tâu buôk ti txos dịch vụ y tế, tsi tâu pheiz yuôx, tsi tâu seiz car, sox seiz đas jos.

Nữ: Bộ thôngz xor xa mông zênhx max uô cov tiêr têx luôs hâux lưv yax xa mông, chuôz zênhx phưx vưv xa xor mông….., hux jos truôx đros Bộ Y tế, cxuô Bộ, ngênhx, ntơưv qơư chiê fuô uô tâu trơưk tsưr ziv; hux jos đros Ban Tuyên giáo T.Ư sir jos yax kriê chiê gra siêz tsưr ziv jênhv pâuz, chênhr phax, bax tsưr ziv phax tar moz hâur tas nro xã hội txix caz moz zuôr zôngx ziv siz cik đêz đar hâur ntu kaz shôngk shông thiêz moz Ô-mi-crôn huôv xênhz phiv liv./.

(VOV-Riê Lâux cxeik, nhênhv)