Jax sâu thưr 2 hnuz 22/2/2016:

Yên Bái: Pêx xênhv Lục Yên kriz uô liêx đhâu tsiêz

 

Txix iz đraz hli 2, khov qiv hơưv sor so, tix lâus Triệu Văn Thắng, nhoz jok Khe Páo, xã tân Phượng tưz kriz uô liêx chiê chuôz zis chos cov ndar six hơưv. Tix lâus Thắng chuôz zis thiêz chor chuôz zis txơưr đuô uô liêx nzor đuô cxiêx shông zos tiv uô ntêx tsiêz, ntux no chênhr, no njiv uô trâu kriz uô liêx kênhz đuô, zos đhâu tsiêz tsik piz uô nzor mak zuz zuôr lâul. Tix lâus Triệu Văn Thắng, xã tân Phượng puz pâuz:

 “Uô ntêx tsiêz txơưv tiêk qiv hơưv no chênhr, no njiv, taz sik zuz cux tâu pêz thêir vor jông viv li cux tsik trâus hiêv ntâu, nhiv no mak kriz uô zos jông tiv zix, tsik uô li mak zuz zuôr siêz”.

Cux xưk li pox nhuôs nhoz xã Tân Phượng, pox nhuôs nhoz xã tox siêz Khai Trung, qơư muôx 98% zos mênhx cxưx Cho, Tày uô nênhx nhoz cux tưz kriz uô liêx. Nhiv no pox nhuôs li 60 thax tsav chos blêx chiv ntux yiêz hâur xã tưz tâu uô tiêr, chor tsênhv yuôr mak khov qiv hơưv sor tuôx pox nhuôs tsênhv sir jos uô, njuôk xav tas nro 5 luz jêx jok zuôr uô tiêr hâur hli 2. Lơưr pox nhuôs mak chêix chiv nhiev kruôr đhâu qiv hơưv huv đros viv li blêx siêr jông, paz trâu pox nhuôs shir phaz tok tsiêz. Tix lâus Nông Đức Sang nhoz jok 4, xã Khai trung puz pâuz:

“Chiv nhiv kruôr đhâu qiv hơưv uv đros viv li pêz sâu tâu xưk li siêz xar. Nhiv no pêz tsênhv sir jos uô liêx chiêx bax chos chiv nhiv no”.

Chiv liêx shông 2016, iz huôv huyện Lục Yên, tỉnh Yên Bái chos muôx 3.600 hec ta, txos six hơưv no, pox nhuôs tưz uô tâu 2.100 ntâu hec ta, ntâu luz xã qơư kik li Minh Xuân, Liễu Đô, Yên Thắng, tân Lĩnh…tưz uô xar tiêr chiv ntux yiêz. Chor thax tsav tsênhv yuôr phongx kôngz nuv huyện tsênhv chox kriê pox nhuôs sir jos uô. Njuôk xav iz huôv huyện zuôr uô tiêr tas nro chor thax tsav chos blêx trâu hnuz 27/2. Đros nganhx kôngz nuv thiêz pox nhuôs li sir jos, pox nhuôs sơưr đơưk nhoz no zuôr muôx tâu iz chiv kôngz sâu tâu ntâu./.

                                       (Thừa Xuân-Lik Thox cxêik nhênhv)

 

 

 

 

 

 

Phênhv “Tsôngv box thiêz Côx Hôiv” thưr 2, hnuz 22/2/2016:

Đắc Lắc: Uô truôx luôs hâux lưv huôv tsar Đảng viên yiêz trâu tsôngv px hêir nênhs tsơưs

 

 

Jos Hra B, xã Ea Tu, 100% puôr lênhx zos tsôngv px hêir nênhs tsơưs huôv tsar cêr uô nênhx nhoz. Uô ntêx hâur shông 2012, jos Hra B tsik tâu muôx tsưr tsir Đảng, tsuôk zos đros đuô cxuô jos chiê yax kriê Đảng yêz qơưs têx chêi thiêz yax kriê tsôngv px sđ huôv tsar tsêz chos kôngz lôngk, cux tsênhv njiz ntâu phiv liv; tsôngv px sđ tsik tâu pâuz hlôngr yiêz tsêz chos kôngz lôngk, tsênhv sâu tâu tsơưs, cêr yêiz pluôs tsênhv đros trơưr tsôngv px luz nênhx thiêz têx tuz cxêik muk cơưv ntơưr ho tso ntơưr tsês chiê tror lok paz niêv txir khưr uô kôngz lôngk.

Shông 2013, Đảng bộ xã Ea Tu; txix ntơư, jos Hra B thiêx cxiv tsa tâu  Chi bộ đảng thiêz txos trâu nhiv no luz jos ntơư tưz huôv tsar tâu 5 lênhx đảng viên. Txix ntơư, cxuô lênhx đảng viên hâur jos tưz tsik so fuô Đảng têz qơưs têx chêi txos trâu tsôngv px thiêz  yax kriê tsôngv px sđ hlôngr yiez tsưr ziv huôv tsar uô nox. Txos trâu nhiv no, chor ziv chuôz zis muôx luz nênhx bluô nux tưz tax tâu 30%, tsuôk yuôr 8 ziv chuôz zis pluôs. Y phen Niê, zos iz lênhv đảng viên nhoz jos Hra B hêik pâuz:

 “Thâuv tsik tâu muôx đảng viên, luôs hâux lưv fuô đảng têz qơưs têx chêi trâu px tsênhv tsơưs. Txix tâu nhoz đảng viên, cxuô luôs hâux lưv fuô đảng têz qơưs têx chêi trâu px ziv hnuz ziv  uô tâu truôx đuô thiêz njênhs njôngr đảng têz qơưs têx chêi kriê”.

Trơưk li Đảng uỷ xã Ea Tu, chiê côngz xưv cxiv tsa-huôv tsar Đảng viên tâu truôx, Đảng uỷ xã cux moz siêz txos chor hluôk, tsiv txiêx chiê tsa nhoz đảng viên. Txix shông 2010 txos trâu nhiv no,  Đảng bộ xã Ea Tu tưz huôv tsar tâu 44 lênhx đảng viên yiêz.Zơưv Y Uốt Y  ju, Bí thư Đảng uỷ xã Ea Tu hêik pâuz:

 “Chi bộ jêx jos, tsuv huôv tsar Đảng viên yiêz, ntơư zos iz luôs hâux lưv chênhr hâur jos, tsuov uô cov tâu truôx. Pir li jos Hra B; jos ki na thiêz cxuô luz jos txơưr đuô, tsuv uô truôx luôs hâux lưv huôv tsar Đảng viên yiêz”.

Pâuz tâu cxuô luz jêx jos muôx ntâu kror hlôngr yiêz; zơưv Y Riu Rơng nhoz jos k Nia,  xã E Tu hêik pâuz tiêk: Hâur ntu đảng ntêx, luz jos ntươ zênhx tsik tâu muôx iz lênhx đảng viên tưs hlo thiêz ntơư cux zos iz kro zôngx ziv trâu chor nênhs fêv hâuzz nziêk đas muk trâu têx kror tsik jông.  Taz sik, txix hâur jos huôv tsar tâu đảng, cxuô luôs hâux lưv huôv tsar uô nox tưz pov muôx ntâu hlôngr yiêz, tsưx phưv truôx tuk jêx jos. Zơưv Y Riu Rơng shir phaz lul hêik:

 “ Txos shông 2011-2016,  pov njôngr luôs hâux lưv huôv tsar đảng viên tưz muôx ntâu kror hlôngr yiêz, tsôngv px sđ muôx luz nênhx truôx tuk, tsâu sor jux juk. Ntơư chênhr zos Đảng chor car sđ huôv tsar cêr thôngx siêz-huôv tsar cêr uô nox”

Chênhr zos moz siêz txos luôs hâux lưv huôv tsar đảng viên trâu tsôngv px thax tsav hêir nênhs tsơưs nhoz thax tsav jêx jos đêz đrôngl. Txos trâu nhiv no,  huyện Cư Mơ ga tưz muôx 895 lênhx đảng viên, zos tsôngv  nênhs tsơưs; phênhv ntâu zos hêir nênhs Ê Đê. Zơưv Y The niê, phó bí thư Thường trực  huyện uỷ Cư mơ ga hêik pâuz:

 “Txix huôv tsar tâu ntâu lênhx đảng viên nhoz cxuô jêx jos thax tsav tox siêz đêz đrôngl, tưz pov njôngr tsôngv px hêir nênhs tsơưs muôx luz nênhx truôx tuk jux juk thiêz uô tâu truôx luôs hâux lưv cxiv tsa jêx jos yiêz”.

Txix têx luôs hâux lưv uô ntơư, cxuô lênhx đảng viên tưz uô ntêx nyuôk trâu cxuô luôs hâux lưv thiêz huôv tsar cêr uô nox hâur thax tsav ziv hnuz ziv uô tâu truôx./.

                                                          (Thường trú Tây Nguyên)