Jax sâu hnuz thưr 3.22.3.2016:

HÂUX LƯV POR VÊV JÔNGR MƯỜNG NHÉ

          Jos Phứ Ma, xã Leng Su Sìn, nhoz kuôk tsênhv qơư huyện Mường Nhé, tỉnh Điện Biên 40 cei cêr. Têx hnuz no, iz chas pox nhuôs tsênhv taz tov zênhx max uô liêx têz; tsôngv pox nhuôs sđ tsênhv max uô cxuô luz luôk hâux lưv coaz tsôngv txơưr đuô, co zos jor thiêz tsưx phưv jôngr tsik chiê hluôr tơưk txêik cuz.

          Đros pox nhuôs mul sêiz shuôk têx jôngr ntông chiê nriêr pâuz qênhx shênhx tsênhv tsênhz; tưz pâuz tâu têx tsoz ntông tsênhv njuôz chuôs nhiv kruôr trâus ntor. Tsi taz zos 2,3 tsoz xưz mak zos yênhx puôk tsoz, yênhx cxênhz tsoz lox zâu. Muôx têx tox trôngz, yênhx puôk tsoz ntông lox trâus hlơưr cuz hnhiêz tas txos hâur pâus.

          Seiz trôngz jôngr ntông trâus ruôr tas ntâu, tix lâuk Pờ Xá Tư, trung đội trưởng dân quân jos Phứ Ma thav tiêk: Jos muôx 29 ziv chuôz zis, 119 lênhx, tâu choz coar lik thiêz chos 300 ntâu hecta jôngr ntông. Pâuz tsênhz lok jôngr li kror coaz tsôngv, ntâu shông no pox nhuôs hâur jos tưz sir jos chos, por vêv jôngr cov ziv hnuz ziv njuôz jông. Taz sik, 2,3 shôngk tror lol no, jos li têx jôngr ntông tưz jux jus trâus ntor luôx por tsês tas. Qir tiv zos tiv têx ziv chuôz zis nhiv kruôr tsir lok nhoz hâur jos, cxoz txưv mul ntor jôngr. Muôx têx thâuv, hâur 1 hmo, jos trâus ntor tas 2,3 hecta. Zos têx lênhx nênhx ntor jôngr zôngv meir cơư mak yênhx châuv hecta jôngr cux zuôr trâus ntor tas hâur iz hmo. Six hơưv đhâu, hnuz tưs cux tso lênhx nênhs mul qênhz yuôx, jor jôngr. Taz sik, têx lênhx nênhs ntor luôx jôngr khênhr mul uô yênhx paz thiêz huôx tôngv thâuv hmo ntux, viv li lok six lax seiz car tâu. Ntâu jiês, lơưr cxoz txưv ntor luôx ciês trâu pox nhuôs pov. Pox nhuôs heik tso tsês ciês huôx tôngv co mak muôx 2,3 lênhx zôngv triêv, txuôk hêv thiêz lơưr tsôngv box mul. Tix lâuk Pờ Xá Tư puz pâuz: “Fênhx yax lơưr ntor thâuv zuk tsi mul qênhz yuôx. Thâuv zuk mul đhâu lơưr ho nhiês ntor. Thâuv zuk pov mak lơưr ho khiêr, muox têx thâuv lơưr tsi khiêr taz sik ho tsi cir biên bản, heik li chas cux tsi mnôngs, tror ntor xưz”. Qênhx shênhx no cux muôx nhoz jos Á Di, thiêz xã Leng Su Sìn. NJiê têx trôngz jôngr nhiv kruôr trâus ntor por tsês, zơưv Hoàng Dền Sàng, tsar jos Á Di heik: Khur xiv thiêz tsi pâuz por vêv li chas thiêz: “Ziv hnuz ziv muôx chôngz tsôngv box lol nhoz ntơưv xã ntâu đuô, viv li jôngr trâus ntor ntâu xav txos 30 hecta. Heik lơưr mak lơưr tsi jênhv thiêz tsênhv cxoz txưv ntor”.

          Chor nênhs ruôr ntor jôngr, zênhx tsi pâuz yei chor uô côngz xưv por vêv jôngr. Tix lâuk Lường Văn Phanh, cán bộ hạt kiểm lâm huyện Mường Nhé, tỉnh Điện Biên ndo njôngr jiês xuz thơưx uô cán bộ nganhx kiểm lâm. Kuôk nor muôx nhos iz đraz hli- hnuz yênhx lix lưx lươngv pênhz phax xiêz 3/3/2016, tix lâuk đros tuêv côngz xưv muôx 80 ntâu lênhx hâur co muôx lưx lươngv liên nganhx nhoz huyện thiêz tsôngv box jos Mường Nhé, xã Mường Nhé tsênhv mul qênhz yuôx côngz xưv coar lik por vêv thiêz phax tar cuz jôngr ntơưv jos  Mường Nhé li jôngr, njiz têx lênhx nênhs ntor luôx jôngr thiêz lơưr đhiê tuôx ntâus tuêv uô côngz xưv. Tix lâuk Khoàng Văn Ngọc, chỉ huiz trưởng dân quân tự vệ xã thiêz tix lâuk Dia Xênhv Vax, kiểm lâm viên tsênhv trâus lơưr zôngv triêv hêv zuôr hleik chax đax...Tix lâuk Lường Văn Phanh heik: “Thâuv co lơưr hu tiêk zos pox niêv mak puz mul đhâu, yuôr cán bộ kiểm lâm, công an, txir nênhx...mak tuô ciês. Đhâu co lơưr zôngv gơk, triêv đhiê tuôx siz ntâus. Thâuv lênhs tov huyện, công an huyện thiêz cảnh sát tuôx, zos 4 six 30 phênhz zar hnuz keix hnuz xiêz 3/3/2016 pêz thiêx li tâu tso lol tsêr”.

          Qênhx shênhx ruôr ntor jôngr, muôx yưv nhoz tas nro têx xã, jêx jos nhoz Mường Nhé, taz sik chêx chôngk phênhv ntâu nhoz têx xã: Leng Su Sìn, Mường Nhé, Chung Chải, Mường Toong....Thôngz sâu hâur 3 shôngk đhâu, xã Leng Su Sìn muôx zuôr xar 300 hecta jôngr trâus ntor luôx; xã Mường Nhé muôx 150 hecta; Chung Chải zuôr xar 30 hecta. Txơưv tiêk têx cấp chinhr quyênx thiêz nganhx muôx txơưx jênhv tưz sir jos chơưv thiêz por vêv jôngr, taz sik nhiv no qênhx shênhx ntor luôx jôngr nhoz Mường Nhé tsênhv six fênhx muôx hâur niêx hnuz./.

          (Thọ Thùy- Txâur Vax cxeik thav)

Phênhv thưr 3 hnuz 22/3/2016

Quảng Ngãi: Uô qơư chos jâuz tâux tir thêir qiv hơưv txơưr txar

Hâur ntu đrav ntêx, txos chêix ntux kruôr, chuôs li tas nro pox nhuôs nhoz xã Phổ An, huyện Đức Phổ, tỉnh Quảng Ngãi tsuv taau muk trâu têx tiv phaz txơưr đuô chiê zok nriêr jâuz tâux lok trâu nhux tưv nhux đas nox. Xav txix thâuv kriz uô “tsưr ziv chos jâuz tâux tir thêir qiv hơưv txơưr txar” chor ziv chuôz zis huôv tsar tu zus nhux tưv nhux đas nhoz Phổ An tưz tsik yuô txov nhêv li ntu đrav ntêx. Chor chuôz zis uô trơưk têx tsưr ziv chos jâuz tâux trâu hâur têx vax thiêz uô qơư tok đêx zưs sđ têx jâuz tâux, tsik tas ntâu côngk đas jos, cê paz cxênhx txuôs đêx. Pos Huỳnh Thị Hà nhoz xã Phổ An, huyện Phổ Đức puz pâuz, chos chor jâuz tâux no, pos chuôz zis tsik tas muk zok nriêr txiêr jâuz tâux đêz lok trâu nhux tưv nhux đas nox xưk li ntu đrav ntêx.

Xuz thơưx tsưr ziv zưs đêx cxênhx txuôs no tsuôk zos paz trâu iz cxiê ziv chuôz zis txov nhêv. Taz sik, đhâu iz ntu pov tsưr ziv no uô tâu truôx, muôx ntâu ziv chuôz zis tu zus nhux đas nhoz Phổ An tưz uô trơưk. Sir zôngv qơư zưs đêx  thiêz txuôs tâu đêx thiêz tsik tas ntâu côngk đas jos uô. Pos Châu Thị Thắm nhoz xã Phổ An, huyện Đức Phổ puz pâuz, txix thâuv tâu sir zôngv tsưr ziv zưs đêx no pox nhuôs lok six shir phaz.

Zơưv  Huỳnh Thanh Thao, phưv chủ tịch UBND xã Phổ An, huyện Đức Phổ puz pâuz, tiv uô tsik tâu liêx đêx, viv li pox nhuôs nhoz no phênhv ntâu zos chos jâuz tâux chiê tu zus nhux tưv nhux đas thiêz chos jâuz tâuv cxuô zav. Iz huôv xã nhiv no muôx 700 ntâu ziv chuôz zis huôv tsar tu zus nhux đas sha mê nhuôs, tsav xar muôx iz đraz chor chuôz zis hâur xã. Lơưr zơưv Huỳnh Thanh Thao, zus nhux đas sha mê nhuôs thiêz chos jâuz tâuv cxuô zav tưz paz phênhv trâu luôs hâux lưv uô txo grêk yêiz pluôs thiêz cxiv tsa jêx jk yiêz

Sâu tâu nhiêx txiêx txix tu zus nhux đas thiêz chos kôngz lôngk nhoz xã Phổ An, huyện Đức Phổ tưz paz txo grêk tsơưs yêiz pluôs txix 13% yuôr 11%. Kror zov chênhr uô trơưk têx tsưr ziv no tưz paz trâu pêx xênhv nhoz hâur thax tsav ntus đêx hiêr jênhv pâuz tâu hâux lưv chos jâuz tâux, tir thêir qiv hơưv txơưr txar. Trơưk li tiến sĩ Nguyễn Thanh Phương, phưv viện trưởng viện kho học kỹ thuật kôngz nuv Duyên hải faz Trung, Bộ kôngz nuv thiêz huôv tsar jêx jok tox siêz, tsưr ziv uô no nhoz xã Phổ An, huyện Đức Phổ, tỉnh Quảng Ngãi tsuv tâu kriz uô đêz đar trâu ntâu  xã nhoz trơưk ntus đêx hiêr thax tsav faz Trung./.

 (TTMT-Lik Thox cxêik nhênhv)