Jax sâu thưr 4, hnuz 22/3/2017:

Tsôngv px Tiên Yên chos ntông yuôx đros njuôz uô kinh tế

    Luôs hâux lưv chos ntông yuôx đrox njuôz ntơưv xã Yên Than, xuz thơưx cux njiz tsik zos tsơưs phiv liv, viv tsôngv px ntơưv no cor cav tsêz chos kôngz lôngk, blêx poz cưk. Viv li, luôs hâux lưv yax kriê tsôngv px sđ cov pâuz to tâuz lok têx muôx liv txix chos ntông yuôx đros njuôz muôs, zuôr sâu tâu nhiêx txiêx.

    Đhâu oz shông fuô yax kriê, txos nhiv no tưz muôx 25 ziv chuôz zis đros chos tâu 6 ha ntông yuôx đrox njuôz thiêz pir li chos poz cưk, chos blêx, chos ntông yuôx đrox njuôz muôs, zuôr sâu tâu nhiêx txiêx yax 4-5 jiês; xav iz ziv chuôz zis zuôr sâu tâu xar 300 triệu đêiv nhiêx hâur iz shông. Chênhr zos li hêik ntơư, hauar ntu zuôr txos no, cxuô ziv chuôz zis hauar thax tsav xã cux tsênhv zuôr kriz đar têz chos ntông yuôx đrox njuôz cov chor têz chos yuôx đros njuôz ntơưr tsar ndê txos 8ha. Tix lâus Bùi Văn Tuấn, zos iz ziv chuôz zis chos ntông yuôx đrox njuôz nhoz jos Đồng Tấm, xã Yên Than, huyện Tiên Yên xav tiêk: Chos ntông yuôx đrox njuôz cux zos iz faz tsưr ziv uô yiêz, chiê paz trâu tsôngv px nhoz cxuô xã hâur thax tsav huyện Tiên Yên txo grêk tâu yêiz pluôs.  “Cur cux zos ziv chuôz zis đros chos ntông yuôx đrox njuôz, ; chos poz cưk, cur ziv chuôz zis tưz chos tâu ntâu shông lok, shông tưs cux tsuôk sâu tâu li kuz xưz; taz sik hlôngr chos tsoz chos yuôx đrox njuôz sâu tâu lok nhiêx txiêx yax 4-5 jiês pir li chos poz cưk”.

    Taz sik, zos chiê cov tsoz chos yuôx đrox njuôz huôv tsar tâu truôx, huyện Tiên Yên tsênhv taz tov zok nriêr cxuô qơư muôs cov tâu truôx tus grê, px thiêx truôx siêz huôv tsar chos tsoz chos yuôx đrox njuôz. Nhiv no tsuôk muôx công ty Đông Bắc đros huyện Tiên Yên uô luôs hâux lưv no. Công ty no, zuôr tas nro hur tiz si tsôngv px têx yuôx đrox njuôz thâuv chos tâu. Txơưv li ntơư, taz sik huyện cux tsênhv taz tov sir jos zok nriêr têx qơư txơưr đuô chiê zuôr tsôngv px têx ntông yuôx đrox njuôz, thâuv sâu tâu, tsik chiê uô tuôr thênhv txos tsôngv px luôs hâux lưv chos yuôx đrox njuôz thiêz tsik uô ruôr hiêv txos tsôngv px sđ luz nênhx. Zơưv Bá Văn Chè, chủ tịch hội nôngx mênhx xã Yên Than heik pâuz:  “Chos tsoz chos ntông yuôx đrox njuôz, tsôngv px cux sâu tâu nhiêx txiêx, taz sik thauv muôs cux tsênhv phiv liv thiêz.  Tok njôngr cxuô cấp ngênhx tsuv moz siêz đuô txos cxuô ziv chuôz zis px chos ntông yuôx đrox njuôz cov muôx qơư muôs truôx, px thiêx truôx siêz huôv tsar chos tsoz chos ntông yuôx đrox njuôz, muôx phênhv sâu tâu nhiêx txiêx, px thiêx muôx luz nênhx truôx tuk”.

    Đhâu sêiz njuôk shuôk luôs hâux lưv chos tsoz chos ntông yuôx đrox njuôz cux huv đros hâur ntu nhiv no thiêz zos luôs hâux lưv hlôngr yiêz tsoz chos, huôv tsar uô kinh tế sâuv thax tsav huyện, chiê paz phênhv gra siêz tsôngv px sđ luz nênhx. Zơưv Lương Ai Phật, phó chủ tịch uỷ Ban huyện Tiên Yên hêik pâuz: “Đhâu fuô luôs hâux lưv chos siv tsoz chos ntông yuôx đrox njuôz, nhiv no hur si huyện tưz chos tâu 6ha thiêz sir jos hauar shông 2017 no, tsênhv zuôr kriz đar chos cov tâu nzir 1,8 ha. Hâur ntu đhâu, pêz cux đros công ty y dược khoa Hà Nội sik thav  cxiv tsa  trâu huyện iz dự án huôv tsar chos tsoz chos yuôx đrox njuôz txos shông 20120”.

    Luôs hâux lưv hlôngr yiêz chos tsoz chos, tsiêx tu zus sâu tâu lok nhiêx txiêx, chor ziv chuôz zis pluôs nhoz sâuv thax tsav huyện Tiên Yên tưz pov njôngr muôx luz nênhx hlôngr yiêz, tsâu sor jux juk./.

                                                                                               (Tsu cxêik nhênhv-TTĐB)

 Phênhv thưr 4.22.3.2017:

Lênhx nênhs trâus moz tso jis thax, thâuv vênhv tôngv tsuv max mav

          Lơưr têx bác sỹ, chiê kho moz tso jis thax, iz chas tsưr ziv nox hâuk, zôngv yuôx lơưr bác sĩ li heik kriê mak tsuv yax six vênhv tôngv muôx ziz njiêz lok six coaz tsôngv đros nênhs moz, viv shâuv thiv thao paz đruôz chêr jav tâu thiêz txu grês têx trox muôx hâur chêr. Huôx tôngv shâuv thiv thao tsi uô maz tros, luz chêr zôngx ziv xâuk tâu têx thax njêr nox lol hâur chêr....

          Taz sik, nênhs moz shâuv thiv thao muôx têx kror jông, taz sik cux muôx têx uô zênhr shar txos đas jos. Tsi zos lênhx tưs cux truôx siêz shâuv thiêz pâuz tâu shâuv li chas cov muôx chêx cuk jông tiv zix. Zos tsi muôx tsưr ziv shâuv huv đros mak zuôr uô zênhr shar txos đas jos. Khênhr njiz trâus thiêz riêz nênhs tiv zix zos thax hâur nyar txu grês kis, nênhs moz pov yeiz plaz, tês tơư tsi muôx jos, lol hưk lok sik lôngx. Zos shâuv ntâu lok sik shâuv hnhar li đhiê ntêr, sei, ndơưk poz...zuôr uô thax hâur nyar chuôz ndê sei. Nênhs moz tso jis thax zav 1 zos shâuv li no khênhr trâus xêtôn. Têx lênhx nênhs moz plơưr zos shâuv hnhar zuôr uô moz hâur siêz, plơưr đhiê sei. Ntâu lênhx nênhs moz hnhar shâuv ntâu zuôr uô siz mêx txu grês kis....

          Heik cxuô đros thiêz nênhs moz tso jis thax tsi cxoz shâuv thiv thao hnhar, tiv zix đros thiêz lênhx nênhs muôx hnuz nhôngs siêz, tsi muôx đas jos...Nênhs muôx hnuz nhôngs siêz trâus moz tso jis thax tsauv shâuv têx môn li: mul tâus cêr, shâuv yoga...puôr lênhx jông trâu đas jos. Hâur co, mul tâus cêr tâu seiz zos jông tiv zix, cê mul tâus cêr cê max mav uô pa, tsi shâuv têx môn hnhar, tsuv pôngz ntâu đas jos.

          Đrâuv co, tsuv tsov cưv lok tsưr ziv nox hâuk, seiz njôngr nênhs moz tso jis thax li đas jos, xênhz huôx, xưk li mul seiz njuôs yax six chiê pâuz tâu chêx cuk shâuv thiv thao. Bác sĩ zuôr heik kriê têx tsưr ziv tsoz phưz đas jos cov huv đros chiê txo grêk tsơưs lênhx nênhs moz tso jik thax./.

                   (Thu Thùy- Txâur Vax cxeik nhênhv)