Đhâu 5 shông-Thax tsav chos ntông nox txir nhoz Sơn La

tưz ntâu đuô nzir 4 jiês

5 shông đhâu, txix têx kror liv lok đêx ar, qiv hơưv, tỉnh Sơn La tưz tso tơưv ntâu tsênhv chêi paz huôv tsar uô kôngz nuv, jêx jok, tsênhv njiêz zos hlôngr yiêz huôv tsar chos tsoz chos ntông nox txir hlôngr trâu cxuô zav tsoz chos tsik jông sâuv têx ar têz nxaz tox thiêz huôv tsar hợp tác xã kôngz nuv. Đhâu co, kôngz nuv nhoz tỉnh tưz huôv tsar hênhr đuô, tas nro tỉnh tưz hlôngr yiêz tâu muôx 55 cxênhz ha têz poz cưk thiêz têx tsoz chos txơưr chiê chos ntông nox txir paz sâu tâu kinh têr siêz, tas nro thax tsav chos ntông nox txir hâur tỉnh ndê muôx 78.000 ntâu ha, ntâu đuô 4 jiês pir li shông 2016, tas nro chor txir ntông sâu tâu muôx 336 cxênhz tấn. Tas nro tỉnh cux tưz paz hlôngr yiêz đuô vax txir ntông trâu zuôr xar 26 cxênhz ziv chuôz zis. Txos nhiv no, tưz pov muôx ntâu tsưr ziv uô nox txix ntông nox txir muôx tâu tsiv gri kinh têr siêz, li: Dâu tây muôx 400 triệu đêiv ntâu iz ha, txir mo môngk ghép muôx 260 triệu đêiv ntâu iz ha, txir Na tâu muôx 350 triệu đêiv ntâu iz ha…zơưv Nguyễn Văn Cường nhoz jok Nghĩa Hưng, xar Mường Cơi, huyện Phù Yên, tỉnh Sơn La-chuôz zis txơưx uô nox dự hội nghị puz pâuz:

“Cur pov chos ntông nox txir trâu têx ar têz nxaz tox mak sâu tâu ntau đuô pir li cxuô zav tsoz chos txơưr. Iz zav li poz cưk mak tsuôk tâu 4 txos 5 cxênhz đêiv iz cir, muôx têx thâuv gri grêk kik mak tsuôk tâu muôx 3 cxênhz đêiv iz cir xưz. Taz sik thâuv chuôz zis hlôngr đuô chos txir lưk jôngr tơưr njuôz mak gri muôs truôx tuk đuô, thiêz gri muôs siêz txix 25 txos 30 cxênhz đêiv iz cir, paz muôx tâu phênhv sâu siêz đuô 10 txos 15 jiês pir li chos poz cưk. Cur pov tỉnh li tsưr ziv chos ntông nox txir sâuv ar tox nxaz mak lok six huv đros”.

Tỉnh cux tsênhv uô tiêr jux juk têx qơư tsês chiê, uô kôngz nuv ziv hnuz ziv jông đuô. Đrâuv têx tsêr mêir uô, tsês chiê lox đar, tas nro tỉnh muôx chor ziv chuôz zis, tiz nênhs, hợp tác xã, doanh nghiệp li zuôr xar 500 qơư zâu uô têx txir ntông (phênhv ntâu zos uô têx txir lưv tsiz, txir khơưz, txir mo môngk).

Tưz tsik zos zuôr muôs hâur têz qơưk, Sơn La chor hax huv txir ntông tsênhv tâu muôs trâu ntâu luz têz qơưk sâuv ntiêx têz li Trung Quốc, Ôxtrâylia, Hàn Quốc, Nhật Bản, EU, Mỹ, Đài Loan…Ciês shông 2020, tas nro Sơn La chor txir ntông cxuô zav muôs tơưv saz đrâuv têz qơưk muôx 21 cxênhz ntâu tấn, tsav xar muôx 20% tas nro tỉnh chor kôngz nuv muôs tơưv saz đrâuv têz qơưk. Tiv zix, hâux lưv huôv tsar chor zav ntông nox txir li txir lưv tsiz, txir mo môngk…sâuv têx ar têz chos têx zav tsoz chos yênhx shông tưz paz por vêv tênhv qơư, paz muôx tâu ntâu zav tsoz chos sâuv ar têz; sir zôngv kôngz nuv hur, công nghệ siêz, kôngz nuv hữu cơ hâur uô, tsês chiê tưz paz txo grêk tsơưs sir zôngv ntâu chor yuôx por vêv đrox tsuôs, qir zuôv, paz por vêv tâu jông đuô têx đêx, ar tsik trâus cuôr yôngz ntâu…

5 shông đhâu, tỉnh Sơn La cux moz siêz txos huôv tsar hợp tác xã kôngz nuv sâuv thax tsav. Tas nro tỉnh nhiv no tưz muôx 600 ntâu hợp tác xã kôngz nuv, ndê 500 ntâu hợp tác xã pir li shông 2016. Shông 2020, tas nro tỉnh tưz muôx 75 doanh nghiệp, HTX uô tâu jông; zuôr xar 700 ziv chuôz zis uô tâu nox jông.

Zơưv Nguyễn Hữu Đông, Ủy viên Ban chấp hành Trung ương Đảng, Bí thư tỉnh ủy Sơn La puz pâuz: Ntu 2021-2025, Sơn La xav jênhv sir jos huôv tsar ntông nox txir zos yênhx nganhx công nghiệp hax huv lox, zuôr tsav txênhz tâu sâuv ntiêx têz, đros trâu kho đuô nganhx kôngz nuv, hlôngr yiêz nganhx kôngz nuv thiêz cxiv tsa jêx jok yiêz; sir jos sir zôngv khoa học kỹ thuật yiêz jông thôngz đhâu têx doanh nghiệp, HTX, liên HTX, kriz đar uô têx tsưr ziv chos ntông nox txir paz muôx tâu kinh têr siêz, paz muôx tâu phênhv sâu truôx tuk trâu pêx xênhv; sir jos txos shông 2025 muôx 105.000 ha ntông nox txir, sâu tâu muôx 600 cxênhz tấn:

“Zuôr txos no tỉnh zuôr qênhz yuôx, cxiv tsa têx thax tsav uô kôngz nuv lơưr 3 cấp hax huv: Hax huv jông hâur têz qơưk; hax huv jông nhoz tỉnh, hax huv kaz jông ntơưv thax tsav qơư OCOP; kriz uô tsưr tsix cungz mã số thax tsav chos thiêz kriz uô truôx jông Chêi chos kôngz lôngk; cxiv tsa têx thax tsav qơư uô kôngz nuv tsêx trung, đros trâu cêv kuôk uô têx tsêr mêir uô kôngz nuv; sir jos nhênhz chơưv, sir zôngv cxuô zav zuz nôngz yiêz jông, muôx tsơưr lươngv siêz cov huv đros trâu ciêz đrôngs. Đros co, tỉnh cux zuôr tror zaz zâuv chor nênhs yưv pênhr hâur thiêz đrâuv tỉnh yưv pênhr chiê uô, sâu zuôr muôs têx hax huv kôngz nuv ntơưv tỉnh, tsêx trung khưx phưx têx phiv liv, paz zôngx ziv đuô trâu chor nênhs yưv pênhr hâur ntu uô dự án chiê uô têx txir ntông, sâu zuôr muôs têx hax huv kôngz nuv ntơưv thax tsav qơư”.

Zơưv Nguyễn Văn Bảo, Chủ tịch Liên minh HTX Việt Nam hêik tiêk: Têx uô tâu txix hlôngr yiêz đuô tsoz chos thiêz têx tsưr ziv hợp tác xã nhoz  Sơn La tsuv tâu kriz uô cov đêz đar đuô./.

(Thu Thùy-Lik Thox cxêik nhênhv)