Cheix ntux lok nas njuôs xav yênhx puôk ziv chuôz zis nhoz Mường Tè (Lai Châu) tsi tâu taz por

          Jos Chà Dì, xã Bum Tở (Mường Tè) muôx 70 ntâu ziv chuôz zis, đros zuôr xar 400 lênhx nênhs, phênhv ntâu zos tsôngv box mênhx cxưx La Hủ nhoz uô nênhx. Tiv luz nênhx txov nhêv, ar têz nxaz, viv li phênhv ntâu têx chuôz zis no puôr lênhx uô tsêr nhoz sâuv têx tox trôngz lok sik cưx ha, cheix ntux nas mak lok six riêz nênhs. Tix lâuk Ki Lù Ki, iz lênhx tsôngv box nhoz jos puz pâuz:

“Lok six nyei muôx tox poz, tov kaz tsêr cux pov đêx ntưs lok, hmo ntux tsi car pư tsâus jos. Tsi pâuz khiêr muk tưs, viv li thâuv ntux lok nas tsuv thôngz pov trâu pox nhuôs khiêr muk lav gâuv hâur tsêr cơưv ntơưr. Nhiv no tsôngv box lok six xar njôngr nzor tâu txar muk qơư nhoz taz por đuô”.

          Tsôngv box nhoz jos Nà Phầy, xã Vàng San mak tâu txar muk qơư nhoz yiêz, taz sik njuôs xav tsênhv zuôr muôx tox poz tiv tsôngv box li tsêr tâu cxiv uô jê tul đêx lox. Thâuv ntux lok nas đêx pur siêz lok six riêz nênhs. Zơưv Vàng Văn Long, tsôngv box nhoz jos Nà Phầy heik:

          “Txar tuôx nhoz qơư yiêz jos Nà Phầy, taz sik tul đêx tsi tâu cxiv uô njưk tar đêx. Pox nhuôs tưz cxiv uô tâu tsêr nhoz, zos cheix ntux lok nas đêx pur tuôx mak lok six riêz nênhs. Cxôngx hâur cheix ntux lok nas, đêx tưz cuôr lơưv ntâu ar, viv li chuôz zis tưz ntiêr yêz tror thâux ar lâuz nzir trâu têx ar trâus đêx cuôr chiê taz por”

          Zơưv Tống Văn Thi, Tsar phongx kôngz nuv thiêz huôv tsar nôngx cxênhz huyện Mường Tè puz pâuz, tsôngv box li zoz qơưx muk lok ntâu, huyện mak zos huyện pluôs, pênhr muôz hâur yênhx shông tsơưs:

          “Hâux lưv txar qơư nhoz yiêz trâu tsôngv box nhoz thax tsav Mường Tè njiz iz cxiê phêv liv. Tiv 1 zos huyện Mường Tè zos thax tsav tox trôngz ar nxaz, zaoz thôngz lax muk lok, muôx ntâu tul đêx cưx đês. Ar têz tsơưs, chiê muôx tâu qơư nhoz yiêz, tsuv zuôr trâus lok six ntâu pênhr chiê yưv uô”.

          Lơưr thôngz sâu, huyện Mường Tè nhiv no zuôr trâus muôx nhos 20 dự án txar qơư nhoz lơưr têx zav ntux nas zos 1 cxênhz ziv, đros 5 cxênhz lênhx tsôngv box. Nhiv no, huyện nhiv kruôr thôngz đhâu 10 qơư, trâu zuôr xar 400 ziv. Tsuôk xav chor pênhr chiê txar qơư nhoz trâu tsôngv box, iz shông huyện zuôr trâus txos 30 tỷ đeiv. Zơưv Tống Văn Dương, Phưv Chủ tịch UB huyện Mường Tè puz pâuz:

          “Phêv liv nhiv no zos huyện cux xar njôngr thix ziv đros tỉnh thiêz têx chiz coaz Trung ương, iz zos đros têx thax tsav tưz txar tsôngv box tuôx nhoz taz sik tsi tâu uô tiêr têx cơ sở cxuô zav mak tror tsov cưv, cxaz nzir pênhr trâu huyện uô; seiz shuôk têx thax tsav tưz txar tsôngv box muk qơư nhoz yiêz li jos Nà Phầy, Nà Hừ xã Bum Nưa, Vàng San nhiv no tsi tâu muôx qơư chiê txar. Tiv 2 zos muôz pênhr chiê huyện tsưr tsix uô jông hâux lưv txar qơư nhoz trâu tsôngv box thax tsav riêz nênhs, chiê taz por txox siê, chuôz zênhx chuôz tas thiêz tsôngv box li luz nênhx”.

          Ruôr hiêv lok lênhx nênhs thiêz chuôz zênhx chuôz tas tiv đêx cuôr yôngz, tox poz ar lơưk shông tưs cux muôx yưv nhoz Mường Tè, thiêz têx trâus ruôr hiêv njuôs xav chuôz ndê hâur têx shôngk jê ntơưv no./.

(Khắc Kiên-Txâur Vax cxeik nhênhv)