Mênhx cxưx K’ho li ntênhk hôiv mor blêx yiêz

Yênhx shông, mênhx cxưx K’ho tsik so tsưr tsix ntênhk hôiv blêx yiêz thâuv kôngz lôngk tưz sâu tas (txix hli 12 txos hli 1 shông tov kaz). Ntênhk hôiv no khưr tiv zix zos chox blêx lok hâur qơư tsês chiê, tsês hâur fơưr (lok sik hnaz). Uô ntêx thâuv zuôr hlêik blêx, tsưr tsêr hêik trâu cxuô chuôz zis, cưr tix nênhx tsa hâur jok: Shông no chuôz zis sâu tâu blêx muôx 100 ntâu cơưv lox, blêx pur fơưr,pur hnaz, chuôz zis zuôr tsưr tsix nox hâuk thiêz hu jêx jok tuôx đros côngv cêr shir phaz. Tsưr tsêr zuôr muôz iz tuk fơư tưv lox tiv zix chiê tuô nox. Chiv no sâu tâu ntâu viv li chuôz zis tsuv hêik cưr tix nênhx tsa sơưr đơưk tuôx đros paz sâu blêx thiêx tas sêi. Txos hnuz tênhv, blêx cux tưz tâu sâu tiêr, chuôz zis hu sơưr đơưk hâur jok tuôx đros nox hâuk côngv cêr shir phz iz shông sâu tâu blêx ntâu. Lâul jok K’Ken puz pâuz:

“Ntênhk hôiv blêx yiêz zos ntênhk hôiv xar cov chuôz zis tâu tsâu sor, iz shông uô tâu blêx ntâu, cxuô kror phiv liv puôr lênhx tứ đhâu, iz shông tâu tsâu sor, cxix cxuô. Hơưv mor blêx yiêz, thor shông tov kaz tror sâu tâu blêx ntâu đuô”.

Nênhs K’ho xar: ntênhk hôiv mor blêx yiêz zos chiê cxuô lênhx nênhs haur jok uô tsâus txos đaz blêx paz trâu jêx jok ziv hnuz ziv tsâu sor. Cxuô zav chiê txi côngv zos kêiz, buô thiêz chơưr xơưk. Chor chuôz zis txov nhêv mak txi côngv tuk kêiz; chuôz zis muôx đuô mak tuô buô. Lâul jok K’Ken puz pâuz nzir: “Txi côngv đaz blêx mak tsuv muôx tsuv mor, luz cơưv zâu, 3 luz piz trâu cxuô zav txi côngv. Piz iz zos trâu chơưr xơưk, piz oz trâu nyar kêiz lok sik buô, piz pêz mak trâu cuô đik. No zos pêz luz piz chiê txo ccôngv đaz jok. Tsoz nxông mak chuôz zis cux tsuv muôx, shông tưs sâu tâu ntâu blêx mak chuôz zis zuôr uô lox, zâuv tas nro jêx jok sik đros nox thiêz muôx tsoz nxông, tsiêx txi côngv zos tuk tưv”.

Thâuv bax tâu cxuô zav, zơưv txir nênhz lok sik tsưr tsêr uô têx hâux lưv txi côngv ,or blêx yiêz ntơưv chuôz zis luz juk trâu blêx. Hâur ntu no, cxuô lênhx pox niêv tsik tâu muk hâur qơư no. Tsuôk txir nênhx thiêx tâu muk hâur qơư trâ blêx:

“Thor đaz blêx lok no chiê côngv cêr shir phaz đros chuôz zis. Hnuz no chuôz zis tsưr tsix ntênhk hôiv blêx yiêz, vav đaz blêx zuôr paz trâu chuôz zis tsâu sor, blêx nox tsik tas, muôx tsês chiê. Chuôz zis thor tas muôx đas jos, uô nox uô hâuk ntâu đuô hâur chiv tov kaz…”

Thâuv txi côngv đaz blêx tas mak tuk kêi txi côngv zuôr tâu tuô thiêz muôz nyar plênhr trâu tas nro têx qơưk mak tsưr tsêr xav tiêk muôx đaz blêx nhoz li fơưr, luz juk txos thax đaz, kror trôngx cơưv…. Đhâu co tsưr tsêr zâuv sơưr đơưk hâuk chơưr xơưk ciês ntơưv juk blêx.

Đhâu co, tuk kêiz zuôr tâu muôz lok txi côngv ntơưv thax đaz hâur tsêr nhoz. Kêiz tâu cxiêz lok sik hâu đros plaz hnhur chiê txi côngv.

Lơưr co, cưr tix nênhx tsa, jêx jok sik đros chuôz zis nox hâuk hơưv ntênhk blêx yiêz. Lơưr sik phôngv jông, cơưv shâuv chênhz zênhv uô nox, vav tiêk chiv zuôr txos chuôz zis zuôr sâu tâu ntâu đuô…Cêr shir phaz truz ntêr txos tas hmo. Muôx chuôz zis mak nox txos kêi kuô sơưr nzor hnuz tov kaz thiêz so.

Txos nhiv no, nênhs K’ho li ntênhk hôiv mor blêx yiêz cux tsênhv tâu tuôr chiê, thor muôx luz nênhx tsâu sor, sik cơưv shâuv chênhz zênhv uô kôngz lôngk. Lâul jok K’Ken puz pâuz:

“Ntênhk hôiv no zos ntênhk hôiv tưz muôx txix ntêr lok, zos chax chês mênhx cxưx, zos pox côngz zơưv côngz tsês chiê lok. Txos cur ntu nênhx, cur cux kriê trâu cxênhx nênhs tov kaz pâuz, chiê lơưr tror tuôr chiê thiêz phuôx huiz zuk jêx jok li ntênhk hôiv cxôngx nzor no”.

Nhiv no, pox nhuôs mênhx cxưx K’ho tưz sik njiz sik thav đros cxuô mênhx cxưx txơưr đuô chiê sik đros huôv tsar, cxiv tsa luz nênhx yiêz. Ntênhk hoiv mor blêx yiêz tâu tuôr chiê zos iz kror jông hâur vênhx huôv côngv thôngx, hêik tơưv uô tsâus txos pox côngz zơưv côngz, sik cơưv shâuv chênhz zênhv uô nox, luz nênhx muôx jos, tsâu sor zos iz kror lok six jông tsuv tâu tuôr tsês chiê./.

                                                (TTTN-Lik Thox cxêik nhênhv

Têx hnuz du lix lok Tsuôk ntơưv Việt Nam

Huôv tsar cêr fôngx zưs hâur jông oz têz qơưs VN-lok Tsuô, tâu zơưv hloz Hôx thiêz zơưv chủ tịch Cay  Xỏn Phôn Vi Hản tưz cxiv kho tâu cêr siz trâus jông, tsês trâu cxuô fâuv hâu nov, Đảng thiêz px oz têz qơưs VN-lok Tsuôk, huôv tsar truôx cêr fôngx zưs jông. Luôs hâux lưv huôv tsar cêr fôngx zưs jông hâur oz têz qơưs ziv hnuz ziv huôv tsar tâu truôx lok chính trị, kinh tế, vênhx huôv, zoz zux, tsưx phưv truôx oz têz qơưs. Chênhr zos li hêik ntơư, luôs hâux lưv tsưr tsix hnuz vênhx huôv du lix lok Tsuôk trâu ntơưv VN, zos iz luôs hâux lưv uô muôx liv thiêz tâu xav zos cêr thôngx siêz hâur oz têz qơưs-VN-lok Tsuôk. Zơưv Lê Khánh Hải, thứ trưởng Bộ vênhx huôv-du lix hêik pâuz: “Thôngz đhâu têx cêr vênhx huôv, du lix jiês no, tsôngv kruô VN thiêz lok Tsuôk đros trâu tsôngv fôngx zưs sâuv ntiêx têz cux zuôr pâuz tsênhz đuô lok vênhx huôv VN-lok Tsuôk, thôngz đhâu nthuôr uô cêr lov jêv thiêz riêk cxuô zav đuôz jông jav hâur oz têz qơưs chiê tsôngv kruô sđ pâuz txos đros trâu cêr thôngx siêz VN-lok Tsuôk ziv hnuz ziv truôx”.

          Hêik hâur jiês tsưr tsix du lix no, zơưv thứ trưởng Bộ thôngz mông vênhx huôv du lix lok Tsuôk cux thav tiêk: VN-lok Tsuôk đros côngv iz tus đêx, đros côngv iz luz trôngz trường Sơn. Thiêz px oz têz qơưs tưz sik côngv đas jos tsưr ziv tir ntâuk zênhx tros châuz, cxiv kho oz têz qơưs truôx tuk, ziv hnuz ziv huôv tsar jông. “Tsôngv px lok, thâuv tưs cux ndo njôngr txos tsôngv px VN cux li cxuô hêir nênhs lok Tsuôk têx tsưr ziv đas jos đros cxiv kho oz têz qơưs VN-lok Tsuôk truôx tuk. Thiêz pêz tsuv sik cônngv yax kriê fâuv hluôk nhoz oz têz qơưs, pâuz cov tâuz VN-lok Tsuôk têx cêr côngv siêz-cxiv kho têz qơưs”.

          Hnuz vênhx huôv du lix lok Tsuôk ntơưv VN cux tsưr tsix nthuôr uô ntâu cêr lov jêv muôx liv trâu oz têz qơưs. Đros ntơư cux tsưr tsix ntênhk khi hluô trâu chax đaz têk thiêz shông yiêz lok Tsuôk. “Zos iz lênhx hêik cưr cxiêx, cur lox sik jông siêz tâu tuôx trâu VN đros nthuôr uô cêr lov jêv “hnuz vênhx huôv-du lix lok Tsuôk ntơưv VN. Cur tưz muôz têx suôz gâux ntơư cxêik uô luk choz tsiz hêik trâu tsôngv kruôk sđ pâuz txos têx njiêz luk suôz gaux co”.

          Iz chas nthuôr uô cêr lov jêv trâu đrôngl Hà Nội “Hâur têx hnuz vênhx huôv du lix lok Tsuôk ntơưv VN” cux tsênhv zuôr tsưr tsix nthuôr uô cêr lov jêv trâu Thanh Hoá thiêz đrôngl Hải Phòng, thiêz ntơư cux chênhr zos huôv tsar cêr côngv siêz hâur oz têz qơưs VN-lok Tsuôk./

                                                                                                                               (Tsu cxêik nhênhv-TTT)