Yên Bái phax tar đêx cuôr yôngz, tox poz ar lơưk

          Huyện Mù Cang Chải nhoz siêz 1 cxênhz yiv ntâu pir đros thiêz niêv đêx hiêr. Cheix ntux lok nas khênhr truz ntêr cxôngx hli 4 txos tas hli 9, lok chungz fênhx zuôr xar 2000 mm/ iz shông, hâur co nas hâur cheix ntux lok nas tsav txos 90% ntâu hâur shông.

          Tiv ar têz nxaz, muôx ntâu tox trôngz siêz, đros ntâu tul đêx, cưx đês viv li ntơưv têx xã thâuv muôx ntux lok nas lox ntêr mak khênhr muôx đêx cuôr yôngz, tox poz ar lơưk, uô ruôr hiêv hnhar trâu lênhx nênhs thiêz chuôz zênhx chuôz tas. Xav hâur shông 2018, ntux nas tưz uô 7 lênhx nênhs tuôs, 20 luz tsêr trâus puôk tsuôx tas hur si, 100 ntâu luz tsêr tsuv txar qơư nhoz muk nhoz qơư taz por đuô; 74 côngz tsinhx trâus puôk tsuôx... Pos Lương Thị Xuyến, Phưv chủ tịch UB huyện Mù Cang Chải puz pâuz: Đâuv lưx lươngv li tsưr ziv “4 ntơưv qơư” hâux lưv cxơưz tiês yax mông, heik kriê tsôngv box phax tar ntux nas cux zos tsưr ziv coaz tsôngv tiv zix:

          “ Đros thiêz Mù Cang Chải pêz xav tênhv côngz xưv yax mông chiê tsôngv box pâuz thiêz chiv chir phax tar zos tsênhv. Phongx kôngz nuv seiz njôngr njuôs pov qiv hơưv chiê thâuv muôx ntux lok nas lox, muôx đêx cuôr yôngz, tox poz tsôngv box nhoz têx jêx jos tsir zênhx. Iz tsưr ziv thiêz zos pêz seiz car têx ziv chuôz zis nhoz qơư riêz nênhs mak tsuv ciêr chênhr txar qơư nhoz”.

          Huyện Văn Chấn cux zos tiv phaz yax six trâus ruôr hiêv hnhar tiv ntux nas. Thôngz sâu tso pov, tsuôk hâur shông 2018, ntơưv no tưz muôx 11 lênhx nênhs tuôs, 16 lênhx trâus saz tiv ntux nas thiêz tox poz; 530 ntâu luz tsêr trâus puôk tsuôx, 1 cxênhz 100 ntâu hecta blêx, poz cưk, tsoz chos cxuô zav, shuôz njês trâus ruôr hiêv; zuôr xar 14 cxênhz tul tsiêx cxu, keiz ok trâus đêx cuôr yôngz; ntâu txox cêr zaoz thôngz côngz tsinhx đêx liv trâus puôk tsuôx hnhar... Njuôs xav ruôr hiêv lok kinh têr muôx nhos 500 tỷ đeiv. Zơưv Mai Mộng Tuân, Chủ tịch UB huyện Văn Chấn puz pâuz, uô ntêx cheix lok nas shông no, huyện tưz yênhx lix Ban chỉ huiz phax tar ntux nas thiêz nriêr chơưv nanv têx cấp, krêz uô uô cê têx tsưr ziv chiê txu gris kis tiv zix têx ruôr hiev tiv ntux nas:

          “Chiz coaz jor thơưk hnuz thơưk hmo, chox kriê têx lênhx nênhs chuôz tsar muk qênhz yuôx thiêz chox kriê têx xã, têx jêx jos pâuz lok têx njuôs xav muôx yưv li tox poz ar lơưk, đêx cuôr yôngz, têx chuôz zis nhoz thax tsav riêz nênhs tsuv txar qơư nhoz”.

          Ntu 2016-2020 tỉnh Yên Bái chêx chôngk txar 3 cxênhz 250 ziv chuôz zis nhoz thax tsav njuôs xav trâus đêx ngaz, muôx đêx cuôr yôngz thiêz tox poz muk nhoz qơư taz por đuô, txos nhiv no tưz muôx qơư nhoz truôx trâu 2 cxênhz 280 ziv chuôz zis. Iz hâur têx côngz xưv coaz tsôngv txơưr cux tâu tỉnh Yên Bái tsov cưv txos zos bax têx chuôz zênhx thôngz xor mông, canhv pov ntux nas. Nhiv no, sâuv thax tsav têx huyện, thị xã, thành phố hâur tỉnh muôx 20 qơư njuôs đêx nas; 9 qơư njuôs pov qiv hơưv, 1 cxix luôk canhv pov ntux nas; 5 chuôz zênhx canhv pov đêx riêz nênhs. Tiv zix zos 100 ntâu têx chuôz zênhx njuôs đêx nas tâu đhok ntơưv têx jêx jos chiê muôx thôngz xor mông canhv pov nzor trâu tsôngv box. Zơưv Nguyễn Ngọc Xuân, Phưv giám đốc Sở kôngz nuv thiêz huôv tsar nôngx cxênhz tỉnh Yên Bái heik:

          “Đros côngz xưv phax tar ntux nas, pêz muôx tsưr ziv chuv tôngv phax tar, khưx phưx têx trâus ruôr hiêv. Pêz uô jông côngz xưv canhv pov, chox kriê thiêz thâuv muôx ntux nas mak pêz uô jông tsưr ziv 4 ntơưv qơư chiê khưx phưx têx trâus ruôr hiêv”./.

(Đinh Tuấn-Txâur Vax cxeik nhênhv)

Piêr pâuz lok Tsaz yênhx tsưr ziv têz qơưk txo grêk

yêiz pluôs truôx đrênhk ntu 2016-2020

Hnuz 2/9/2016, Thủ tướng Chính phủ tưz cir cuêz tênhv số 1722/QĐ-TTg tso tơưv têz qơưs tsaz yênhx txo grêk yêiz pluôs truôx đrênhk ntu 2016-2020. Hâur tsaz yênhx hnuz no, pêz zuôr tror xa trâu sơưr đơưk mnôngs lok cuêz tênhv co iz cxiê tsênhv njiêz li lênhx nênhs tâu sơưv, six hơưv uô, nhiêx txiêx chiê kriz uô tsaz yênhx.

1. Nus: Nênhs tâu sơưv thiêz qơư chiê uô têz qơưs tsaz yênhx txo grêk yêiz pluôs truôx đrênhk ntu 2016-2020 zos li chak?

Têz: Nênhs tâu sơưv thiêz qơư kriz uô tsaz yênhx zos:

a) Nênhs tâu sơưv:

- Chuôz zis pluôs, zuôr xar pluôs, chuôz zis nhiv kruôr hla đhâu cêr pluôs sâuv thôngz têz qơưk; tsov cưv txos chuôz zis pluôs zos mênhx cxưx tsơưs nênhs, pox niêv zos chuôz zis pluôs;

- Pêx xênhv thiêz côngv thôngx nhoz sâuv thax tsav chor huyện pluôs, xar pluôs;

- Huyện pluôs, xar txov nhêv tiv zix thax tsav ntus đêx hiêr thiêz poz hiêr; xar ngaz tuk thax tsav, xar ntus đriv, xar txov nhêv tiv zix, jêx jok txov nhêv thax tsav mênhx cxưx tsơưs nênhs thiêz tox siêz lơưr lơưr cấp muôx qênhx li cuêz tênhv;

- Chor tsưr tsix thiêz tiz nênhs cik txos.

b) Thax tsav qơư kriz uô:

Tsaz yênhx tâu kriz uô sâuv thôngz têz qơưk; tsov cưv txos uô tsaz yênhx ntơưv têx huyện pluôs, xar pluôs (xar txov nhêv tiv zix thax tsav ntus đêx hiêr thiêz poz hiêr; xar txov nhêv tiv zix thax tsav mênhx cxưx tsơưs nênhs thiêz tox siêz, xar ntus đriv, xar ngaz tuk thax tsav) thiêz jêx jok txov nhêv tiv zix.

2. Nus: Six hơưv uô tsaz yênhx zos txix shông tưs txos shông tưs?

Têz: Six hơưv uô tsaz yênhx zos txix shông 2016 txos shông 2020.

3. Nus: Chor nhiêx txiêx chiê uô tsaz yênhz zos bâuv li chak?

Têz: Chor nhiêx txiêx uô tsaz yênhx zos: 48.397 tiv đêiv, njuôk xav zuôr huiz tôngv txix: Nhiêx txiêx têz qơưk Trung ương-tiv phaz-têx pênhr nhiêx huiz tôngv huv chêi txơưr đuô.

4. Nus: Chor dự án uô hâur tsaz yênhx zos chor dự án tưs?

Têz: Chor dự án uô hâur tsaz yênhx zos chor dự án li đrav kaz:

a) Dự án 1: Tsaz yênhx 30a

b) Dự án 2: Tsaz yênhx 135

c) Dự án 3: Paz huôv tsar uô xênhz yar, hlôngr yiêz đuô kinh têr thiêz uô đêz đar tsưr ziv thiv pluôs sâuv thax tsav chor xar đrâuv tsaz yênhx 30a thiêz tsaz yênhx 135.

d) Dự án 4: Yax mông thiêz thiv pluôs lok thôngz xor mông

đ) Dự án 5: Gra siêz đas jos thiêz sêiz kaz, ntâuk gri kriz uô tsaz yênhx.

(Bích Thủy-Lik Thox cxêik nhênhv)