Shux xênhz tox siêz Yên Bái sir jos cơưv ntơưr, bax trâu jiês tưr cơưv tiêr ntơưr lớp 12

Quang Xênhv Zax, heir nênhs Hmôngz, shux xênhz lớp 12A, tsêr cơưv cxênhx 3 Mù Cang Chải heik pâuz: Nhiv no chor cưk kriê tsênhv kriê cxaz jax ntơưr trâu shux xênhz chiê sưv jux juk lơưr têx jax tưr thik. Cxuô jax ntơưr shux xênhz tsi tâu pâuz cxuô cux tâu têx cưk kriê ntơưr kriê iz kro jux juk cov pâuz tsênhz. Khov li co, Quang thiêz têx fôngx zưs hâur lớp puôr lênhx tưz bax siêz, bax tâu jông cxuô zav chiê đros sđ tưr thik cơưv tiêr ntơưr lớp 12: “Six hơưv đhâu, pêz tâu chor cưk kriê, kriê jông cxuô jax ntơưr bax trâu jiês thik thiêz tâu têx lênhx cưk kriê kriê đuô nzir têx ntơưr tưz cơưv đhâu chiê pêz ndo tâu jông. Pêz cux tâu chor cưk kriê chiê tưr thik siv 2 jiês, nhiv no pêz têx shux xênhz cux bax tâu jông trâu jiês thik hur si lơưv thiêz”.

No cux zos Lê Phan Thu Hoài, shux xênhz lớp 12A5 li siêz xar uô ntêx jiês thik cơưv tiêr ntơưr lớp 12 thôngz têz qơưk shông no: “Six hơưv nhoz cơưv ntơưr hâur tsêr cơưv mak chor cưk kriê tưz paz pêz muôx nzir têx jiês cơưv tâu jông thiêz pâuz nzir lok têx tsưr ziv cơưv bax trâu tưr thik. Cur cux bax tâu jông têx txux chi chiê tưr thik hâur hli 8 zuôr txos no lơưv thiêz. Chor fôngx zưs hâur lớp lok cux iz zav li ntơư, viv thâuv đhâu 2 jiês thik siv cux li cơưv, pâuz tâu tsênhz têx cui tinhv tưr thik mak pêz sđ cux bax tâu trâu thik hur si”.

Hâur 124 lênhx shux xênhz lớp 12, tsêr cơưv cxênhx 3 Mù Cang Chải bax dự tưr thik cơưv tiêr ntơưr lớp 12 shông no, muôx txos 90% ntâu lênhx zos tsôngv box heir nênhs tsơưs têx tuz nhuôs. Viv phênhv ntâu chor shux xênhz tâu nox nhoz hâur tsêr cơưv, cơưv ntơưr niêv txir zus mor, viv li iz chas six hơưv cơưv pêv lớp, chor shux xênhz tsênhv tâu têx lênhx cưk kriê kriê cxaz nzir trâu têx luz six hơưv txơưr đuô hâur hnuz thiêz. Lar heik zos thâuv tsâuk ntux, chor cưk kriê cux huôk six hơưv tuôx seiz têx shux xênhz cơưv ntơưr. Cưk kriê Nguyễn Hồng Tươi, kriê jax xav fax heik pâuz: “Đhâu têx jiês tưr thik siv mak tsêr cơưv cux phênhz têx shux xênhz cơưv lơưr yênhx paz, cxiv uô tsưr ziv chiê kriê cxaz nzir têx txux chi trâu shux xênhz. Nhiv no kriê trâu shux xênhz mak tsuôk zos kriê trơưk li Bộ Zoz zux thiêz Thox cxov têx jax thik muôz trâu shux xênhz tưr thik siv jâuv 2, kriê têx tsưr ziv uô jax thik..... Pêz tsênhv sir jos chiê kriê tâu têx txux chi zov chênhr, tsưr ziv zuôr trâul txos trâu shux xênhz cov chor nhuôs tưr thik tâu jông hâur jiês thik no”.

          Cưk kriê Bùi Đăng Khoa, Phưv Thơưx seiz car tsêr cơưv cxênhx 3 Mù Cang Chải heik pâuz: tas nro tsêr cơưv nhiv no muôx 83 lênhx shux xênhz lớp 12 tsênhv tâu sơưv têx chei paz trơưk li Thủ tướng Chính phủ Nghị định sôr 116 cui tinhv tsênhv chei paz max shux xênhz nhoz têx xã, jok txov nhêv.

Iz chas ntơư, hâur jiês thik no, tsêr cơưv cux cxiv uô tsưr ziv, heik cxuô cấp, ngênhx muôx cêr paz max chiê têx shux xênhz tso siêz tưr thik ntơưr: “Tsêr cơưv sâu bê, uô ntơưr thor Ủy ban huyện, Sở Zoz zux thiêz Thox cxov paz max trâu shux xênhz. Hâur co muôx 83 lênhx shux xênhz tâu sơưv têx chei paz trơưk li Thủ tướng Chính phủ Nghị định 116 txos hnuz 15/7, txix nhiv no txos thâuv tưr thik ntơưr chor nhuôs shux xênhz zuôr tsi tâu paz, mak tsêr cơưv tâu Sở Zoz zux thiêz Thox cxov, Ủy ban huyện moz siêz txos 83 lênhx shux xênhz no, iz lênhx tâu paz max 10 cir cxur. Yuôr 36 lênhx shux xênhz txơưr đuô, tâu paz 200 cxênhz đeiv iz lênhx shux xênhz hâur six hơưv tưr thik ntơưr”.

Jiês tưr thik cơưv tiêr ntơưr lớp 12 shông no, zos ndax trâu cheix ntux nas chuô muôx ntâu txơưr txar phiv liv. Chênhr zos li hêik ntơư, chor shux xênhz nhoz tsêr cơưv cxênhx 3 Mù Cang Chải zuôr nox nhoz, xênhz huôx ntơưv tsêr cơưv hur si hâur  six hơưv tưr thik, chiê taz por thik tâu trơưk six hơưv tso tơưv./.                    

 (Tuấn Xuân-Riê Lâux cxeik, nhênhv)

Tsưr ziv phax tar nhuôs zâu trâus pôngz đêx

Nữ: Qir tiv

Nam: - Tiv chor nênhs lâul, nhuôs zâu tsi pâuz tsênhz lok têx phiv liv, tsưr ziv phax tar trâus pôngz đêx. Têx tsưr ziv tsuv pâuz tsênhz zos: sêiz shuôk têx mê nhuôs, kriê mê nhuôv uô luôv đêx, chơưv paz trâus đêx…

- Tiv chor nhuôs hloz xar nriêr pâuz lok sik chor nhuôs zâu xar cor đêx lok sik tiv chuôz zis tsik uô jông sêiz shuôk. Muôx ntâu kror zuôr uô ntrâu chor nhuôs zâu trâus pôngz đêx xưk li têx kror đêx, pak đêx, têx têik đêx…tsiktâu xor thêir cov truôx jông.

- Tiv tênhv qơư muôx têx kror piv liv li: Cưx đêx, pak đêx, pak njêl…tsik muôx fiêx hêik pâuz phiv liv, xor thêir; têx qơư muôx cưx đêx, cưx ha mak chor nhuôs zâu tsik pâuz uô luôv đêx lok sik pâuz taz sik tsik uô jông sêiz shuôk….

Nhạc cắt

Nữ: Tsưr ziv phax tar

Nam: Đros chor nhuôs zâu mak tsuv muôx nênhs sêiz jor

- Tsik so sêiz shuôk thiêz nhoz jê chor nhuôs zâu, hnor thiêz njiê pov tâu tsênhz chor mê nhuôs.

- Tsik sêiz nhênhv ntâu ntơưr lok sik cor điện thoại, uô têx hâux lưv uz no txơưr thâuv zuk sêiz jor têx nhuôs zâu thiêz nhoz jê têx qơư chor nhuôs zôngx ziv trâus pôngz đêx.

- Zos tiêk tsuv uô têx hâux lưv uz no mak chiê têx mê nhuôs trâu hâur têx qơư muôx qơư thêir. Tsuv thav pêv tsik so đros têx mê nhuôs thâuv zuk uô hâux lưv chiê chor nhuôs pâuz tiêk zuk tsênhv tâu sêiz shuôk.

- Tsik chiê chor nhuôs tsik tâu muôx 10 shông sêiz jor chor mê nhuôs zâu đuô.

- Cơưv tsưr ziv uô pa chơưv paz chor nhuôs zâu thâuv trâus pôngz đêx.

Nhạc cắt

Nữ: Uô trâu cxuô qơư iz ndis têx mê nhuôs ngaz tuk đuô:

Nam: Xor thêir têx pak đêx, kror đêx, cưx đêx iz ndis vax tsêr thiêz uô trôngx vas cov khor kho mê nhuôs kriz tsik tâu, trôngx vas tsuv cơư truôx jông. Uô qơư xor thêir têx pak njêl nhoz jê vax tsêr cov ngaz tuk.

- Nquôr têx đêx hâur chor hu, têx têik trâu đêx thâuv tsik zôngv txos.

- Tsik so thêir vor têx kror đêx…txix têx zav hâu vor thiêz faz nja cov truôx jông

- Chiê mê nhuôs hnar têx tsôngk yo muk sâuv đêx…

- Bax têx zav hluô uz no, yo hnar muk sâuv đêx… trâu hâur tsêr.

- Kriê mê nhuôs uô luôv đêx thiêz têx tsưr ziv ngaz tuk: Tsuôk chiê mê nhuôs đa đêx ntơưv têx qơư ngaz tuk chor nênhs lâul zuôr chơưv paz tâu sêi. Nhuôs zâu tsuôk tâu xav tiêk pâuz uô luôv đêx thâuv uô luôv hâur đêx tâu muôx 25 thiêr tsik so thiêz uô luôv tâu sâuv blêiv đêx tsk so hâur 5 phênhz.

Nhạc cắt

Nữ: têx tsưr ziv ngaz tuk thâuv uô luôv đêx:

Nam: Tsik đhiê hâur trâu hâur đêx ntơưv têx qơư tsik pâuz tsênhz

- Tsik đa đêx, uô luôv đêx ntơưv têx qơư đêx toz, đêx ntưk chênhr thiêz tsik muôx chor nênhs lâul pâuz uô luôv đêx sêiz shuôk.

-Tsik đa đêx thâuv tsâuk ntux,  muôx xoz tuô, ntux lok nas.

- Tsuv uô trơưk têx fiêx kruôz kriê, hêik pâuz phiv liv.

- Tsuv pâuz jông đas jos uô ntêx thâu zuôr grêk muk hâur pak đêx, cưx đêx.

- Tsik nox hâuk thâuv tsênhv đêx đêx chiê zuk tsik trâus cxav đêx.

- Tsik zôngv têx zav phao muôx pa.

- Tsik đa thiêz uô luôv đêx thâuv nhiv kruôr jiêz yar ntux tas lok.

(Thu Thùy-Lik Thox cxêik nhênhv)