Jax sâu hnuz 22/12/2016:

Paz phênhv kriê ntơur trâu thax tsav ntus đriv faz Bắc

          Tsik pâuz ntươ mak txov nhêv hênhr tiês...Co zos têx luk pos Vì Thị Thươi, hêir nênhs poz ziz, muôx 40 shông tsênhv cươv lớp cươv kriê hâur pâuk ntươr hmo ntux ntươv jos Lạnh, xã Nậm Lạnh, huyện Sốp Cộp, tỉnh Sơn La. Cux li pos Thươi, hâur 3 shông đrav ntêx, tsôngv pox niêv vir ndâuk nhoz jos Nậm Lạnh thiêz cxuô luz jêx jos txươr đuô cux tsik pâuz nhênhv, tsik pâuz sâu ntươr. Xar gra kêiz, buô chox muk muôs trâu ciêz đrôngl lok sik zuôr têx zav nôngz kôngz yiêz lok tsêz chos, tsuv thor chor pâuz ntươr pâuz luk paz đros hêik tus grê. Đros ntươ, tưz muôx iz cxiê px ntươv no trâus chor nênhs fêv hâuz nziêk đas, muôz nhiêx kir txêik, zuôr nhiêx nju hnhar, uô trâu tsôngv px ntươv no, txươv khưr bâuv tưs cux tsik txâuk thêv têx nhiêx kir txêik ntươ. Chênhr muôx yưv têx kror tsik jông li hêik ntươ, txix thâuv muôx cán bộ tuz lênhv đoanx 326 tuôx yax kriê, pos Vì Thị Thươi thiêz tsôngv pox niêv vir ndâuk ntươv no thiêx muôz siêz truôx bo cươv hâur pâuk ntươr. Nhiv no, tsôngv pox niêv vir ndâuk nhoz thax tsav ntươ tưz pâuz sâu bê thiêz pâuz nhênhv ntươr, cươv shâuv tsưr ziv huôv tsar cêr uô nox, tu zus tsiêx cxu. Pos Vì Thị Thươi shir phaz lul hêik pâuz:

           “Hâur ntu đrav ntêx tsik pâuz ntươr, tsik pâuz tuôr xav nhiêx txiêx, nhiv no pâuz ntươr thiêx pâuz tuôr xav têx nhiêx txiêx zuôr muôs hax huv”.

          Sốp Cộp zos iz huyện pluôs ntươv tỉnh Sơn La, tsôngv px hâur thax tsav txux chi kik thiêz tsênhv uô luz nênhx txov nhêv, yuôr ntâu lênhx px tsik pâuz ntươr. Đros trâu luôs haux lưv uô, paz px ntươv qươ huôv tsar cêr uô nox, hlôngr yiêz tsoz chos, tsiêx tu zus, zos Đoanx tuz lênhv 326 iz luôs hâux lưv tsuv uô cov tâu truôx; ntươ zos kriê hâur pâuk ntươr trâu tsôngv pox niêv vir ndâuk chiê txo grêk tsươs tsôngv px tsik pâuz ntươr. Uô ntêx, luôs hâux lưv kriê cươv ntươr cux njiz phiv liv, viv tsôngv pox niêv vir ndâuk tsik pâuz luk choz tsiz. Taz sik, tuz lênhv đoanx 326 tưz uô siêz truôx bo yax kriê sđ pâuz to tâuz lok têx kror muôx liv cươv hâur pâuk ntươr. Txix ntươ, tsôngv pox niêv vir ndâuk tuôx cươv hâur pâuk ntươr ziv hnuz ziv tsar ndê  hâur niêx shông thiêz kriz lớp kriê cươv hâur pâuk ntươr đêz đar txos cxuô luz jos hâur thax tsav huyện. Pos Phạm Thị Thanh Hương, nhoz Phú Thọ, muôx 4 shông đros đrêiv tsôngv px nhoz thax tsav ntus đriv sâuv Đoanx 326 luôs hâux lưv uô.

           “Hâur ntu kriê ntươr, chôngz lênhx pox niêv vir ndâuk tsik pâuz luk choz tsiz; đhâu lớp kriê cươv no, chôngz lênhx ntâu tus pox niêv vir ndâuk tưz pâuz sâu, pâuz nhênhv ntươr”.

          Cán bộ tuz lênhv Đoanx 326 têx luôs hâux lưv sik côngv têk uô, txix shông 2010 txos trâu nhiv no, tưz muôx zuôr xar 800 lênhx pox niêv vir ndâuk hâur thax tsav huyện Sốp Cộp cươv đhâu lớp kriê cươv hâur pâuk ntươr. Ntươ cux chênhr zos paz phênhv trâu tsôngv pox niêv vir ndâuk nhoz thax tsav no gra siêz tsưr ziv chux chi huôv tsar cêr uô nox, uô hnar. Đại tá Bùi Như Thắng, Chính ủy Đoanx kinh tế quốc phôngx 326, Bộ tuz lênhv tỉnh Sơn La hêik pâuz:

           “Chor hluôk txưv zênhv đros cxuô lực lươngx sâuv thax tsav sik côngv đros huôv tsar kinh tế-xã hội thiêz sik côngv đros kriê hâur pâuk ntươr trâu tsôngv px sđ; ntươ zos đros px nhoz đros px uô chiê gra siêz tsưr ziv kriê cươv ntươr trâu cxuô luz tsêr cươv sâuv thax tsav”.

          Txươv ntux yar ntux nas, cxuô lênhx cán bộ tuz lênhv thiêz chor hluôk txưv zênhv Đoanx kinh tế quốc phôngx 326, Bộ tuz lênhv tỉnh Sơn La tsênhv taz tov uô paz phênhv kriê hâur pâuk ntươr trâu tsôngv px cxuô hêir nênhs sđ thiêz ntươ chênhr zos iz luôs hâux lưv uô muôx liv trâu tsôngv px nhoz thax tsav ntus đriv faz Bắc tỉnh Sơn La./.

                            (Tsu cxêik nhênhv-Trung Hà, CTV CQTT Tây Bắc)

Phênhv thưr 5 hnuz 22/12/2016

Sỹ quan tuz lênhv hêir nênhs Cho

                 Têx kror trung tá Triệu Văn Thọ xar txos zos cxuô lênhx nênhs ntơưv tix lâus qơư nhoz yênhx shông tsuv khưr uô chiê nriêr kror nox. Tix lâus qơư nhoz zos Huyềnh Mô iz xã tox siêz ntus đriv, thâuv ntêx no pluôs hênhr, muôx tsik txâuk nox, tsik txâuk hnar, tas nro jok tsik tâu muôx lênhx tưs pâuz ntơưr cxix cxuô. Hla đhâu têx phiv liv, tix lâus zos iz hâur chor shux xênhz tưr thik tâu muk cơưv tsêr cơưv phôv thôngz mênhx cxưx nội trú huyện thâuv co, tix lâus tror cơưv têx lớp cơưv lur hnuz nhôngs thiêz tâu lok uô côngz xưv ntơưv ban tuz lênhv quân sự huyện Bình Liêu. Txix ntơư, tix lâusl sir jos uô hâur luôs hâux lưv trơưk li zuk siêz xar njôngr chiê paz phênhv trâu chor nênhs tox siêz hla đhâu cêr pluôs.

Nhoz ntơưv luz huyện tox siêz muôx 96% zos tsôngv box mênhx cxưx tsơưs nênhs, tix lâus zênhx xar tiêk pox nhuôs sơưr đơưk cux zos zuk chor nênhs cxênhz jê hur si. Thiêz chor bê “Lênhx tuz nhuôs hâur pêz jêx jok” , “Cán bộ hâur pêz jêx jok” cux piz muôx txix co. Lênhx tưs cux pâuz thiêz sưv đros chor tuz lênhv tuôx hâur jêx jok chiê paz sơưr đơưk têx phiv liv, cxiv kho vax tsêr thiêz kriê tsưr ziv trâu px tsêz chos blêx…Chôngz lênhx nênhs sêiz tix lâus li têx tuz nhuôs hâur tsêr, njiz phiv liv mak tok nus tix lâus. Zơưv Chìu Quang Ngằn, jok Nà Choong, xã Huỳnh Mô hêik:

             “Tix lâus thọ lok trâu tiv phaz paz trâu pêx xênhv, hêik pêx xênhv uô truôx jông ngaz tuk, uô lơưr Đảng, têz qơưk li têx cêr chêi; sưv jê đros pêx xênhv. Tix lâus thọ jông xưk nênhs hâur tser, kror tưs cux uô jông, pêx xênhv lok six shir phaz”.

           Trung tá Triệu Văn Thọ tưz cơưv cxix cxuô chor luk tsoz tsiz, Tày, Sán Chỉ, Ngái, Hoa, Pặc Và…khov pâuz ntâu mênhx cxưx luk hêik, tix lâus tưz muôx yênhx puô jiês yax kriê Đảng, têz qơưk li têx cêr chêi chor vênhv thix cik txos ngaz tuk ntus đriv trâu tsôngv box cxuô mênhx cxưx hâur huyện, tiv zix zos chor jêx jok nhoz jê ntus đriv, paz trâu pêx xênhv gra siêz đuô jênhv pâuz, uô đros tuz lênhv por vêv ntus đriv têz qơưk. Trơưk li chor hloz hâur đơn vị tuz lênhv hêik pâuz, tix lâus tưz nhênhz chơưv, cxiv sâu kriê ntơưr luk Cho trâu chor cán bộ, tuz lênhv hâur đơn vị thiêz iz cxiê huyện sâuv thax tsav tỉnh Quảng Ninh. Txos nhiv no 98% cán bộ, tuz lênhv hâur đơn vị puôr lênhx pâuz thav pêv txix luk Cho. Tix lâus Thọ hêik:

            “Huyện Bình Liêu muôx lok six chôngz tsôngv box sik đros uô nênhx nhoz, hâux lưv cơưv cxuô zav luk sâuv thax tsav paz sưv jê đros pêx xênhv đuô, uô lơưr nhiêv thiêz njênhs zuk đuô. Pêx xênhv pâuz tsik tâu cxuô luk tsoz tsiz, viv li pâuz tâu luk mênhx cxưx zuôr paz muô ntâu zôngx ziv đuô hâur paz trâu pox nhuôs, yax kriê muôx chêx cur đuô. Iz mênhx cxưx nhiêk muôx nhiêk ntâu phôngx cxưx sik txơưr, viv li xar yax kriê, sưv jê mak tsuv pâuz chor phôngx cxưx co”.

            Iz chas uô tiêr cxuô luôs hâux lưv paz pox nhuôs, tix lâus cux sir jos uô tiêr cxuô luôs hâux lưv chor hloz choz zok thiêz tix lâus cux zos nênhs Cho xuz thơưx ciês nhoz Bình Liêu, Quảng Ninh zos sĩ quan tuz lênhv cấp tá, zos iz lênhx đảng viên uô hâux lưv jông. Zơưv Nguyễn Bá Sơn, phưv chỉ huy trưởng huyện Bình Liêu puz pâuz:

           “Thọ zos nênhs sir jos uô hâux lưv, sưv jê đros sơưr đơưk, tsik so uô tiêr jông têx hâux lưv tâu choz zok; tâu tsôngv box nhiêv. Thọ cux xưk li pêz sir jos viv pêx xênhv, cơưv shâuv thiêz uô lơưr zơưv hloz hôx”.

25 shông uô tuz lênhv, 25 shông nhoz hâur Đảng, cux zos 25 shông uô nênhx đros tsôngv box ntus đriv tưz paz trâu lênhx tuz lênhv co cơưv shâuv tâu ntâu cêr uô nênhx. Sâuv zuk thax qơư nhoz, trung tá triệu Văn Thọ cux tsênhv zuôr sir jos uô cov tâu truôx đuô cxuô luôs hâux lưv zok muôz thiêz yênhx iz lênhx tuz lênhv nto bê, muôx cêr sik cộng siêz truôx jông  hâur tuz lênhv thiêz pêx xênhv./.

(TTĐB-Lik Thox cxêik nhênhv)