Cêr sik côngv jông hâur tsôngv box thiêz bộ đội nhoz ntus đriv

Chư Prông

          Jos Klăh, xã ntus đriv Ia Mơr, huyện Chư Prông muôx 600 lênhx nênhs, tas nro zos tsôngv box mênhx cxưx Jrai. Thâuv ntêx, tsôngv box jos Klăh tsuôk pâuz ntor luôx jôngr uô liêx têz. Têx shông sâu tsi tâu chiv cheix, pox nhuôs mul pêv har jôngr khơưz kok lok nox, luz nênhx lok six txov nhêv. Shông 2003, thâuv Trung đoàn 710, Binh đoàn 15 lok nhoz ntơưv no, thôngz đhâu trâur nuv sik côngv hâur tsôngv box thiêz bộ đội, hâux lưv xuz thơưx zos heik kriê tsôngv box jos Klăh uô liêx chos blex. Thâuv tos blêx siêr, tsôngv box chos cxaz jâuz tâuv cxuô zav, uô hlôngr yiêz pluôk nox hâur niêx hnuz. Nhiv no, chuôz zis tưs nhoz jos Klăh cux muôx cxur cxênhx tsês. Luz nênhx tsi khov txos hâux lưv mul pêv har jôngr nriêr jâuz nox thiêz, jêx jos cux cxôngx co mak hlôngr yiêz ntâu. Heik txos bộ đội Trung đoàn 710, lâuk jos Siu Biu heik:

          “Cxôngx shông 2003, Trung đoàn 710 lok nhoz no heik kriê tsôngv box chos liêx đêx, xeir zuôr tsôngv box uô công nhân chos cao su. Phênhv sâu hâur têx ziv chuôz zis ngaz tul đuô. Shông tưs, Trung đoàn cux paz txưv tsôngv box nox tsiêz, puz buô, puz nduôr blâuv. Muôx bộ đội mak lok six jông, por vêv trâu ntus đriv chiê tsôngv box ngaz tul uô nox uô hâuk, tsiv uô xênhz yar kôngz nuv”.

          Chiê tsôngv box Klăh muôx phênhv sâu ngaz tul, trung đoàn 710 tsênhv paz txưv niêv nhux sha nhuôs lơưr tsưr ziv sik hlôngr tu zus hâur têx ziv chuôz zis, tsov cưv txos têx ziv chuôz zis pluôs. Tsuôk đros thiêz 10 tul nhux xuz thơưx, đhâu 15 shông, nhiv no, chuôz zis tưs hâur jos cux muôx tsơưs tiv zix iz gơưv nhux tu zus, thiêz muôx ntâu chuôz zis muôx têx paz nhux ndê txos 2,3 châuv tul.

          Shông 2017, moz tơưv ndâux hlê trâu huôv xênhz jiês xuz thơưx ntơưv jos Klăh, đros 400 ntâu tul nhux trâus moz. Tsôngv box Klăh lok six cxơưx thâuv pov nhux mul tsi tâus cêr, tsi xar nox hâuk. Cán bộ thú y Trung đoàn 710 tưz mul txos yênhx ziv chuôz zis seiz njuôs moz trâu nhux, heik kriê tsôngv box hâur jos zuôr têx zav yuôx lok kho moz. Đhâu iz ntu tsi ntêr, 400 ntâu tul nhux hâur jos tưz jông moz. Tix lâik Siu Phăm, tsôngv box jos Klăh tâu bộ đội Trung đoàn 710 heik kriê tsưr ziv kho moz trâu paz nhux muôx 12 tul jông siêz heik:

          “Thâuv njiz phêv liv, muôx iz chiz coaz, taz viv mul paz max zuk mak lok six jông siêz. Lơưr heik kriê pêz tsưr ziv uô guôx, cheix lok nas mak đreiv li chas, cheix ntux kruôr uô guôx kruôr krơưr, chiê nhux tsi trâus moz. Têx bộ đội hâur Trung đoàn đros tsôngv box nox nhoz ciês ntơưv qơư, muôx tul tsi phêv liv mak jông siêz paz tsôngv box”.

          Hâur đraz hli 4/2017, iz jiês khâur jênhs chuô tưz uô tsôngv box li 250 ntâu luz tsêr nhoz 2 xã Ia Lâu thiêz Ia Piơr, huyện Chư Prông trâus poz vâu tas hur si, ntâu lênhx tsôngv box tsi muôx tsêr nhoz. Thâuv pâuz tâu hâux lưv no, lênhs tov, Ban chỉ huiz Trung đoàn 710 tưz heik 150 lênhx cán bộ, chiến sĩ mul paz tsôngv box khưx phưx têx trâus ruôr hiêv tiv chuô lox. Trung đoàn tưz paz tsôngv box cxiv tsêr yiêz thiêz kho đuô tsêr nhoz trâu têx ziv chuôz zis txơưr, tas nro tsiv grê 120 tsov đeiv. Hâux lưv uô tâu tsênhv tsênhz co tưz paz tsôngv box tiv phaz tso siêz đuô thâuv njiz phêv liv, thôngx cxix nzor ngaz tul luz nênhx đhâu jiês ntux nas ruôr hiêv. Thượng tá Bùi Lê Đoàn, trung đoàn trưởng Trung đoàn 710 heik:

          “Thâuv tâu mông lok jiês khâur jênhs chuô ruôr hiêv li ntơưv pêz đros têx cấp chính quyênx tiv phaz xav tênhv tsuv kho đuô ciês tav siv têx tsêr nhoz trâu tsôngv box chiê tsôngv box nzor ngaz tul luz nênhx. Thiêz cux zuôr taz por xênhz huôx trâu pox nhuôs sâuv thax tsav. Cxôngx co zuk thiêx ngaz tul tâu thax tsav qơư nhoz”.

          Đros tsưr ziv chuôz tsar ceik sik côngv siêz hâur tsôngv box, tsôngv box ngaz tul luz nênhx chênhr zos đas jos jông tiv zix tuôr truôx ntus đriv têz qơưk, têx shôngk đhâu, đros thiêz uô jông jênhv vưv tsiv uô xênhz yar muôv muôs, Trung đoàn 710, Binh đoàn 15 lok six tsov cưv txos côngz xưv nox nhoz xã hội. Taz viv tưz paz tiv phaz yênhv puôk tsov đeiv chiê kho đuô cêr zaoz thôngz, kho đuô Đeix ndo txiêx njik têx zênhz shông liệt sỹ, mul seiz thiêz khơưk muôz huv trâu têx chuôz zis muôx côngz đros cơưx mênhv, paz txưv cxur trâu têx ziv chuôz zis trâus yeiz thâuv kôngz lôngk tsi tâu siêr; seiz njuôs moz thiêz muôz yuôx tsi zuôr nhiêx txiêx trâu tsôngv box tiv phaz. Têx huôx tôngv tsênhv tsênhz co tưz gôngr phênhv tsi mê lok hâux lưv taz por côx phax txiv ngaz sâuv 22 cei cêr ntus đriv ntơưv no./.

(VOVTN- Txâur Vax cxeik nhênhv)

Cưk kriê Sầm Văn Bình sir jos nhênhz chơưv thiêz kriê ntơưr mênhx cxưx Thái

Cưk kriê Sầm Văn Bình cơưv tiêr khoa Cơ khí Đại học Hàng hải taz sik thor tsik tâu hâux lưv uô huv zuk kror cơưv tâu, viv li tror lok zuk qơư nhoz ntơưv jok Yên Luốm, xar Châu Quang, huyện Quỳ Hợp. Đhâu chuôz zis cêr cxơưx lok nox hâuk, nhiêx txiêx cxơưx trâu luz nênhx, cưk kriê Sầm Văn Bình jênhv pâuz tâu tiêk nhoz têx jêx jok mênhx cxưx Thái ntơưv Nghệ An tsênhv tuôr chiê tâu ntâu fâu ntơưr lâul mênhx cxưx Thái, taz sik tsik muôx nênhs pâuz tâu têx ntơưr co hêik li chak tiv tsik pâuz ntơưr Thái. Cxênhx nênhs nhiv no hax zav tsik pâuz đuô. Đros co mênhx cxưx Thái li ntâu phongx cxưx cux pôngz plox jux juk. Txix têx co tưz uô trâu zơưv sir jos nriêr pâuz, nhênhz chơưv mênhx cxưx Thái li têx ntơưr sâu.

Muôx txux chi txix cơưv tâu hâur tsêr cơưv đại học, đros siêz xar, thiêz zuk kror xar tơưv, zơưv Bình tưz zok njiz chor nênhs lâul hâur thiêz đrâuv huyện, nriêr pâuz, nhênhz chơưv, zos qơư txuôk đros chiê uô yênhx bộ ntơưr mênhx cxưx Thái. Zơưv xar tiêk, hâur luz nênhx, ntâu chuôz xênhv nênhs, ziv chuôz zis, tưz pâuz tsik tsênhz txos zuk mênhx cxưx li têx phongx cxưx, tiv zix zos uô yôngz cok, uô đaz uô kruô. Lơưr zoưv Bình, zos pâuz ntơưr Thái mak zuôr nriêr pâuz tâu kho học, zos têx vênhv thix cik txos vênhx huôv, co chênhr zos kror chiê tsuôk đros  trâu luz nênhx thâuv ntêx đros nhiv no thiêz ntu tov ntêx no.

“Chôngz lênhx nênhs cux piz pov muôx têx kror zuk pâuz tsik tâu tsênhz lok phongx cxưx mak tsuv tror nriêr pâuz, nhênhz chơưv chiê tror uô cov zos, tuôr chiê thiêz yax kriê zuk mênhx cxưx têx phongx cxưx co, sir jos tuôr chiê tâu bâuv chak mak jông bâuv co hâur luz nênhx nhiv no, kror no zos kror zov chênhr”.

Sir jos hâur 20 shông đhâu, zơưv Sầm Văn Bình tưz tax tâu têx chêx cur khoa học tsuv tâu sâu jênhv, co zos “Ntơưr, tsưr ziv kriê, sơưr kriê ntơưr li chak, kruôz kriê cơưv shâuv lok mênhx cxưx Thái li têx ntơưr co”. Sêi car đề tài cấp tỉnh lok “Nhênhz chơưv, cxiv sâu ntâuz ntơưr thiêz kruôz kriê cơưv ntơưr Thái sâuv thax tsav huyện Quỳ Hợp, Nghệ An”; cxiv tsa “Phần mềm số hóa ntơưr Nôm, ntơưr Thái, ntơưr Chăm”; Sêiz car dự án “Kriz đar tsưr ziv tsưr tsix kriê ntơưr Thái Lai-Tây nhoz huyện Quỳ Hợp, Nghệ An” ntu 2012-2015…zơưv Quang Cảnh Dung, zos kuz Bí thư Đảng ủy xar Châu Cường, Quỳ Hợp tror ndo txos:

“Cấp ủy đảng chính quyền xar Châu Cường pâuz cưk kriê Bình txơưx ntơưr Thái viv li pêz hêik cov cưk kriê lok kriê, pêz sir jos kriz lớp cơưv no viv txix thâuv pos zơưs txos nhiv no, ntơưr Thái tưz pôngz plox jux juk. Cơưv ntơưr Thái chiê hêik luk Thái cov zos đuô”.

Hok pos Lô Thị Mai, nhoz xar Tam Hợp, Quỳ Hợp puz pâuz lok six shir phaz thiêz tso siêz thâuv têx ntơưr lâul co tưz tâu khưx phưx. Viv li, pos tưz hêik têx tuz nhuôs hâur chuôz zis cxaz chuôz cơưv chor lớp kriê ntơưr Thái zos cưk kriê Bình kriê:

“Hnor mông cưk kriê Bình nênhs Châu Quang, txơưx zuk mênhx cxưx Thái têx ntơưr, cur thiêz hêik cov cưk kriê lok kriê trâu têx tuz nhuôs cov pâuz tâu zuk pox côngz zơưv côngz têx ntơưr sâu li chak. Cur têx tuz nhuôs pâuz nhênhv, pâuz sâu ntơưr Thái mak cur shir phaz hênhr”.

Zơưv Sầm Văn Bình tsênhv cxaz chuôz chor hôiv thảo têz qơưk thiêz ntiêx têz, phêiz kênh chênhz zênhv viv cêr huôv tsar truôx thax tsav tox siêz; cxaz chuôz kriê ntơưr Thái, luk Thái trâu cán bộ công chức ntơưv têx huyện Quỳ Hợp, Quỳ Châu, Tân Kỳ, Anh Sơn, Con Cuông nhoz Nghệ An; sik côngv đros Hôiv Ngôn ngữ học Việt Nam, Viện Ngôn ngữ học sâu jax nhênhz chơưv lok ntơưr Thái hệ Lai-Tay sâuv kỷ yếu Hôiv thảo têz qơưk, Hôiv thảo ntiêx têz. Đros têx gôngr côngv co, zơưv Sầm Văn Bình tưz tâu Chủ tịch têz qơư khơưk muôz bằng côngz jênhv “Nghệ nhân ưu tú”, tâu tso nhoz hôiv viên hâur chor hôiv vênhx cơưv dân gian, vênhx cơưv cxuô mênhx cxưx tsơưs nênhs Việt Nam thiêz Hôiv Văn học nghệ thuật tỉnh Nghệ An. Tuôr chiê tâu ntơưr sâu zuôr khav tênhv tâu nzir yênhx mênhx cxưx li têx vênhx huôv jông. Tuôr tâu vênhx huôv mak mênhx cxưx co zuôr tsik trâus txuôv đros têx mênhx cxưx txơưr đuô li têx vênhx huôv. Kror co zơưv Sầm Văn Bình tưz sir jos hâur 20 ntâu shông uô trâu zuk mênhx cxưx thiêz zênhx nziv zos đrêiv lênhx cưk kriê mak pêx xênhv cxuô mênhx cxưx faz tây Nghệ An hu đros luz bê nziv hluz zos: Cưk kriê Bình./.

(BTS-Lik Thox cxêik nhênhv)