Pêx xênhv nhoz huyện cxiv tsa jêx jok yiêz xuz thơưx ciês nhoz Tây Bắc tok tsiêz shir phaz lul

Qox Cổ Phúc, tuk qox pox nhuôs vav tok njôngr txix ntêr lok no tưz tâu cxiv uô tiêr ciês trâu chor hnuz xuz thơưx thâuv hla trâu shông yiêz 2021. Tuk qox txuôk oz saz ntus đêx Liêz tưz tsik zos paz txuôk chor xar nhoz saz ntus đêx đros huyện Lỵ, paz uô jông đuô trâu jêx jok yiêz thiêz tsênhv paz trâu pêx xênhv nhoz ntơưv no muôx nzir cêr shir phaz thâuv piz hla trâu shông yiêz. Zơưv Nguyễn Văn Vinh, nhoz xar Y Can shir phaz hêik:“Yênhx cxênhz shông lok no tsik muôx qox mak lênhx tưs cux tsuv chêix fuôx, lok six phiv liv. Nhiv no muôx tuk qox no muk lok zôngx ziv đuô, txix chor nhuôs zâu txos nênhs lâul lênhx tưs cux shir phaz lul”.

Hêik txos cxiv tsa jêx jok yiêz nhoz huyện Trấn Yên, tsuv hêik txos Hồng Ca. Txix iz xar txov nhêv tiv zix, Hồng Ca zos luz xar uô kaz ciês nhoz Trấn Yên uô tiêr 19 luôs hâux lưv trâu kaz shông 2019. Txos nhiv no, Hồng Ca tưz uô tiêr thax tsav chos shôngz Bát Độ, cuêv  fix, ntông nox txir đros sâu zuôr, uô têx hax huv lơưr tsiv gri, paz tsôngv px muôx phênhv sâu tâu nhiêx txiêx. Xav kror đruôz đraz, iz lênhx nênhs sâu tâu 33 triệu đêiv nhiêx iz shông; chor chuôz zis pluôs tâu txo grêk tsơưs yuôr tsơưs đuô 10%. Chêix ntux yiêz no, têx cêr muk lok trâu  cxuô luz jêx jos Hmôngz cux cxiv uô tâu jông. Niêv tix Cháng Thị Nhà, Bí thư chi bộ jok Khuôn Bổ, xar Hồng Ca puz pâuz:“Chiê uô tâu jông luôs hâux lưv tênhv qơư mak pox nhuôs sơưr đơưk kho đuô têx vax tsêr, vêv xênhz têx cêr muk lok hâur jêx jok, chos pax”

Iz hâur têx kror uô tâu jông hâur cxiv tsa jêx jok yiêz nhoz Trấn Yên zos pêx xênhv thôngx ziv muôz ar, sik côngv paz đas jos, cxuô zav. Txos nhiv no, tas nro huyện tưz uô tâu jông muôx 785 cêik cêr zoz thôngz. Tsuôk xav ciês hâur ntu 2016-2020, têx tiv phaz hâur huyện tưz uô tâu truôx jông 270 ntâu cêik cêr zoz thôngz, đros tas nro nhiêx txiêx uô muôx 400 tiv đêiv ntâu; hâur co pêx xênhv côngv paz tâu muôx 70 tiv đêiv ntâu. Đuô li, pêx xênhv tsênhv muôz muôx 90.000 thiêr ndis ar thiêz paz 40.000 ntâu côngz lox tôngv…Tix lâus Hà Văn Dậu, jok An Thịnh, xar Kiên Thành hêik:“Cxiv luôs cêr zoz thôngz oz pêz shông jê lok no huôv tsar lok six sêi, nhoz têx jêx jok mak lok six đar, hur đu, jông jav, paz pox nhuôs muk lok, zuôr muôs têx hax huv, shux xênhz muk cơưv ntơưr jông đuô, hax huv muôs tâu gri đuô”

Cê tuôr truôx jông têx luôs hâux lưv jêx jok yiêz tưz uô tâu nhoz tas nro chor xar, huyện Trấn Yên cux kriz uô cxiv tsa chor xar jêx jok  yiêz cov jông đuô. Txos nhiv no, tưz muôx iz xar zos Đào Thịnh tưz uô tiêr cxiv tsa jêx jok yiêz lok six jông thiêz tưz muôx txos 38 jêx jok uô tiêr cxiv tsa jêx jok yiêz jông. Pos Lê Thị Lụa, Bí Thư Đảng ủy, Chủ tịch Ủy ban xar Việt Thành hêik:“Xav tas nro cxuô kror mak puôr lênhx zos uô chak cov pêx xênhv luz nênhx tâu jông đuô. Viv li mak pêz tưz tsêx trung yax kriê, muôz têx tsaz yênhx huôv tsar uô nox muk paz trâu pêx xênhv, chiê uô chak pêx xênhv luz nênhx huôv tsar tâu cov truôx đrênhk. Tiv oz zos pêz paz muôx tâu têx tsưr ziv uô nox trâu pêx xênhv, chiê thâuv pêx xênhv tưz muôx kinh têr lơưv mak tsuv muôx qơư chiê uô thể dục, thể thao…Txix kinh têr muôx txâuk, vênhx huôv cxuô zav cux jông đuô mak sơưr đơưk luz nênhx, siêz xar cux  zuôr tâu gra siêz đuô…”

Lơưr tsưr ziv, shông 2021, huyện Trấn Yên tsênhv tror sir jos cxiv tsa nzir 25 jêx jok yiêz jông chiê cov tas nro huyện muôx zuôr xar 65 jêx jok yiêz jông. Đros co, zuôr cxiv tsa cov muôx tâu 4 xar uô tiêr cxiv tsa jêx jok yiêz jông zos Báo Đáp, Việt Thành, Nga Quán, Bảo Hưng. Zơưv Trần Đông, Chủ tịch UBND huyện Trấn Yên puz pâuz:“Pêz tưz muôx 100% chor xar uô tiêr cxiv tsa jêx jok yiêz, taz sik tsưr tsix cxiv tsa jêx jok yiêz jông tsuv muôx tas nro cấp ủy, chính quyền sir jos đros uô, uô ntêx zos tuôr truôx jông cxuô luôs hâux lưv tưz uô tâu thiêz uô cov jông đuô chor luôs hâux lưv cxiv tsa jêx jok yiêz. Têx tsưr ziv cxiv tsa jêx jok yiêz nhoz huyện Trấn Yên uô ntêx zos hâux lưv yax kriê, kriz uô txix cấp ủy, chính quyền, MTTQ thiêz chor đoanx thêv, tiv oz thiêz zov chênhr tiv zix zos chiê pêx xênhv pâuz tâu tiêk zuk zos chor nênhs chênhr hâur cxiv tsa jêx jok yiêz, thiêz cxiv tsa jêx jok yiêz zos pêx xênhv li kror liv”./.

(Đinh Tuấn-Lik Thox cxêik nhenhv)