Huyện Mường Ảng (Điện Biên): Tsêx trung phax tar moz ơưk buô Châu Phi

Jok Huổi Cắm, Xar Búng Lao nhoz kuôk txox cêr 279 xar muôx 5 cêik cêr đros muôx 43 ziv chuôz zis uô nênhx nhoz, 100% zos mênhx cxưx Khơ Mú, chor chuôz zis pluôs yuôr ntâu. No cux zos tiv phaz xuz thơưx ciês nhoz huyện Mường Ảng xav jênhv muôx buô trâus tuôs cik txos caz moz ơưk buô Châu Phi. Têx lưx lươngv txơưx jênhv li: tsênhv qơư y têr, trạm thú y, chính quyền Ủy ban xar Búng Lao thiêz Ủy ban huyện Mường Ảng tưz muôz hlơưr, phâuk por tsês tas nro chor buô trâus tuôs, tsuôs yuô tuô lovv thiêz phax tar caz moz tas nro thax tsav tu zus, pêx xênhv têx vax tsêr hâur jok. Zơưv Lò Văn Ón, nhoz jok Huổi Cắm, xar Búng Lao, huyện Mường Ảng hêik:

“Cur chuôz zis mak thôngx ziv uô trơưk, 5 tuk buô co chox muk phâuk por tsês tas hur si. Buô tuôs li no mak cux xar tiêk têz qơưk zuôr paz trâu chuôz zis mê njil chiê zuôr đuô nông buô yiêz lok tu zus”.

Qir tiv muôx yưv caz moz ơưk buô châu Phi ntơưv jok Huổi Cắm, xar Búng Lao tâu chính quyền tiv phaz xav jênhv zos tiv iz lênhx nênhs nhoz ntơưv jok muk sêiz yuô nênhs cxênhz jê ntơưv xar Rạng Đông, huyện Tuần Giáo (qơư muôx yưv moz ơưk buô châu Phi xuz thơưx ciês ntơưv tỉnh Điện Biên) đhâu co gra grêix buô lok nox hâur jok, uô trâu caz moz cik tâu trâu chuôz zis chor buô. Taz sik thâuv co, caz moz ơưk buô châu Phi tsik tâu xav jênhv tâu thiêz hêik pâuz muôx yư moz ơưk ntơưv huyện Tuần Giáo. Zơưv Nguyễn Ngọc Hùng, chủ tịch UBND xar Búng Lao, huyện Mường Ảng hêik:

“Thâuv pov muôx yưv caz moz ơưk sâuv thax tsav pêz tưz uô qơư sêiz jor, tsik khênhr thâux xa buô muk trâu saz đrâuv thax tsav, yax kriê hêik pêx xênhv tsik zôngv chor buô trâus tuôs thiêz muôx moz. Thôngx cxix tsưr tsix cxax yuôx, hlơưr phâuk por tsês lơưr Bôv Kôngz nuv thiêz Huôv tsar jêx jok li cuiz tênhv. Tsưr tsix tsuôs yuôx tuô lov phax tar caz moz tas nro thax tsav jêx jok, têx chuôz zênhx, yêz muk lok hâur thax tsav cux tâu tsuôs yuôx lơưr cuiz tênhv hur si”.

Zơưv Nguyễn Hữu Hiệp, Phưv chủ tịch UBND huyện Mường Ảng puz pâuz:

“Huyện li tsưr ziv đhâu thâuv pov jok Huỏi Cắm, xar Búng Lao muox yưv moz ơưk buô Châu Phi mak luz jok no nưk nhoz nưk iz kror qơư, cux tsuôk muôx iz txox cêr muk trâu hâur jok, zos tiêk uô jông côngz xưv phax tar caz moz mak zuôr paz tir tar tâu caz moz cik muk trâu têx thax tsav qơư txơưr đuô. UBND huyện tưz chox kriê xar tsêx trung muôz phâuk por tsês tas hur si, viv chor buô muôx sâuv thax tsav jok cux tsik ntâu luôx tưs, chor ziv chuôz zis cux tưz thôngx ziv. Taz sik kror phiv liv tiv zix zos qênhx shênhx nhiv no pox nhuôs tso têx buô tsik cơư, viv li huyện tưz hêik xar hêik chor ziv chuôz zis thâuv tsâuk ntux buô lok nox krâur mak muôz cơưv hâur guôx, hêik trâu xar pâuz chiê uô ntâuz ntơưr muôz phâuk por tsês”.

Txos six hơưv no, tỉnh Điện Biên tưz muôx yưv tas nro 5 thax tsav qơư muôx moz ơưk buô Châu Phi, hâur co muôx huyện Tuần Giáo 4 xar zos Rạng Đông, Ta Ma, Mùn Chung, Mường Mùn thiêz iz xar Búng Lao nhoz huyện Mường Ảng. Nhiv no chính quyền têx tiv phaz tsênhv taz tov sir jos cêv kuôk thax tsav, qênhz yuôx tir tar moz ơưk buô Châu Phi. Thôngx cxix hêik trâu pêx xênhv pâuz tsênhz lok têx phiv liv caz moz ơưk buô, tsik thâux têx buô trâus moz muk đhâu hâur thax tsav, tsik zôngv têx grêix buô trâus tuôs tiv moz ơưk buô Châu Phi. Zos pov chor buô trâus moz thiêz trâus tuôs, tsuv hêik ciês trâu têx cơ quan muôx vax huôv pâuz  chiê tir thêir./.

(Vũ Lợi-Lik Thox cxêik nhênhv)

Sơn La: Têx phêv liv thâuv yưr lir tsar yêz zôngv zax zênhz

          Lênhx nênhs tsar yêz Trần Văn Thành, nhoz tiểu khu 4 Cò Nòi, huyện Mai Sơn, tỉnh Sơn La tsar luz yêz teiv lox gra biển 26C-012.03/26R-00392. Thâuv lưx lươngv cảnh sát zaoz thôngz heik đrês yêz chiê qênhz yuôx, siv nyar seiz pok zôngv zax zênhz. Taz sik thâuv lưx lươngv heik Thành puz seiz têx ntâuz ntơưr tso chei tsar yêz thiêz ntâuz ntơưr muôx lênhx coaz txơưr mak Thành têz tiêk tsi muôx ntâuz ntơưr, lik zơưx zos têx ntâuz ntơưr co trâus pôngz tas lơưv, tsuôk zos paz tsar jiês no xưz...

          “Cur paz tsar 1 jiês no xưz, cur têx ntâuz ntơưr pôngz tas lơưv”.

          Yưr lir lênhx nênhs tsar yêz no thiêz hâur six hơưv qênhz yuôx, seiz car, thiếu tá Nguyễn Văn Đức, phưv tuêv tsar tuêv cảnh sát zaoz thôngz số 3 nhoz phongx cảnh sát zaoz thôngz Công an tỉnh Sơn La puz pâuz:

          “Lênhx nênhs no tsi muôx ntâuz ntơưr tso chei tsar yêz, viv đhâu heik kriê mak nưs heik tiêk tsi muôx hâux lưv uô, viv li tsưr yêz heik paz tsar jiês no. Muôx têx thâuv ho heik tiêk ntâuz ntơưr trâus pôngz tas lơưv. Pêz tưz uô ntâuz ntơưr thiêz nênhs tsar yêz co tưz cir jênhv zuk li uô cxâuv. Đhâu co pêz sâu tsês luz yêz teiv lox no chiê yưr lir lơưr trơưk cui tênhv”.

          Pov cov yiêz tiv zix cxôngx phongx cảnh sát zaoz thôngz Công an tỉnh Sơn La, đhâu 1 luz hlik ntâu qênhz yuôx, lưx lươngv tưz qênhz yuôx pov 12 lênhx nênhs tsar yêz zôngv zax zênhz, hâur co muôx 8 lênhx tsi muôx ntâuz ntơưr tso chei tsar yêz, tsuv trâus xưv bluô zos 17 tsov đeiv thiêz sâu tsês yêz hâur 7 hnuz.

          Trung tá Nguyễn Đức Hiếu, Phưv tsar phongx cảnh sát zaoz thôngz Công an tỉnh Sơn La puz pâuz: Đhâu uô jênhv vưv, lưx lươngv pov tsênhz têx lênhx nênhs no cxoz txưv heik tiêk tsi muôx ntâuz ntơưr chiê tsi trâus sâu tsês ntâuz ntơưr cxôngx 22 txos 24 luz hlik. Thâuv sâu ntơưr tso chei tsar yêz, hâur 2 shông, tsar yêz co zuôr tsi muôx hâux lưv uô, tsi tâu tsar yêz. Ntâu lênhx nênhs tsar yêz tsênhv tso tsês yêz trâu ntơưv qơư trâus xưv phuôv, tso tsês hâux lưv uô, chiê tsưr yêz mav mul khiêz nhiêx txiêx trâus xưv phuôv thiêz gra yêz lok. No zos iz hâur têx phêv liv mak lưx lươngv tsênhv njiz thâuv yưr lir txos qơư hâux lưv tsar yêz zôngv zax zênhz. Lok vênhv thix no Trung tá Nguyễn Đức Hiếu thix ziv:

          “Pêz thix ziv hâur six hơưv zuôr txos tsuv kho đuô nghị định 46 lơưr saz li chas cov  tiv iz zos tâu ntâu lênhx nênhs pâuz txos, tiv 2 zos paz trâu lưx lươngv uô jênhv vưv zôngx ziv đuô. Tsi zos cảnh sát zaoz thôngz xưz mak têx lưx lươngv txơưr li seiz car zaoz thôngz thiêz têx taz viv muôx qênhx cux tâu yưr lir zos pov lênhx nênhs uô cxâuv chei taz por zaoz thôngz. Chiê por vêv cêr chei, thôngx cxix jav tâu têx pênhr cov tsi jông muôx yưv”.

          Zơưv Lù Văn Cường, Phưv giám đốc Sở zaoz thôngz vênhv teiv tỉnh Sơn La puz pâuz: Tsuv cxiv tsa phần mềm coar lik têx lênhx nênhs tsar yêz, mak zuôr tsi muôx qênhx shênhx nênhs tsar yêz cxoz txưv heik tiêk tsi muôx ntâuz ntơưr tso chei tsar yêz, tso tsês taz viv no mul uô hâux lưv trâu taz viv uz thâuv pov zôngv zax zênhz. Phần mềm co zuôr sâu cxix cxuô têx xor mông lok lênhx nênhs co, thâuv pov zôngv zax zênhz mak xor mông co lênhx tưs cux pâuz:

          “Nganhx zaoz thôngz lok sik công an lov lik cxiv tsa phần mềm coar lik yêz thiêz lênhx nênhs tsar yêz. Nganhx tưs cux seiz car tâu thiêz têx doanh nghiệp cux seiz car tâu, tsôngv box cux nriêr pâuz tâu. Thâuv co thiêx li seiz car tâu nênhs tsar yêz zôngv lok sik tsi zôngv zax zênhz, pir li doanh nghiệp xar cir hôx thôngx đros 1 lênhx tsar yêz mak lơưr qênhz yuôx xor mông lênhx nênhs tsar yêz co sâuv phần mềm txơưv tâu. Cxôngx co thiêx li tsi ntiêr tâu lênhx nênhs muôx zênhs zax zênhz uô hâux lưv, tir tar tâu txos qơư”.

          Hâux lưv kho đuô, cxaz nzir têx nghị định cov cxix cxuô chiê têx nganhx muôx txơưx jênhv yưr lir chor nênhs tsar yêz sir zôngv zax zênhz hêik sâu, zos hâux lưv tsuv tâu uô ciês nhiv no./.

(Tuyết Lan-Txâur Vax cxeik nhênhv)