Lâul jok, sar jok nhoz Yên Bái sir jos yax kriê lok bâux xêir

(Tiếng động hiện trường…..)

Têx hnuz no, lâul jok Páo Xênhv Zax, nhoz jok Khấu Ly, xar Bản Mù tsik so muk trâu yênhx ziv chuôz zis chiê yax kriê, hêik kriê têx txux chi, tsưr ziv lok bâux xêir. Tiv zix zos chor chuôz zis tuôx cơưv tsik tâu chor jiês cơưv jêx jok, chor chuôz zis pâuz tsik tâu tsênhz têx tsênhz njiêz lok bâux xêir. Hêik kriê txix luk Hmôngz, lâul jok cux tsês ntâu six hơưv thav đros chor nênhs lâul, tsơưs tâu mnôngs, sêiz têx chuôz zênhx thôngz mông, lok sik chor pox niêv Hmôngz lok six khưr uô liêx têz, tsik muôx ntâu six hơưv nhoz tsêr. “Thâuv tâu xar kriz uô côngz xưv bâux xêir, cur thiêz tsar jok tưz tsưr tsix jiês cơưv jêx jok chiê yax kriê trâu pox nhuôs pâuz lok lênhx nênhs txưv 18 shông tror sâur li têx vax huôv, jênhv vưv hâur bâux xêir. Chor chuôz zis tuôx cơưv tsik tâu, lok sik tsik tâu pâuz tsênhz mak zuk muk ti gâuk tsêr chiê yax kriê trâu pox nhuôs pâuz tsênhz thiêz hêik lơưr pâuz hnuz bâux xêir chiê tuôx bâux xêir, tsik tsuv hlôngr lưv tuk muk tso ntơưr bâux xêir. Pêz vav tiêk zuôr xêir tsov tâu chor têiv por muôx txux chi, siêz xar jông, moz siêz sir jos uô hâux lưv chiê paz trâu huôv tsar kinh têr, txo grêk cêr yêiz pluôs”.

Đros chor lâuk jok, tsar jok têx jêx jok cux tưz muk trâu yênhx ziv chuôz zis chiê yax kriê trâu cử tri pâuz lok Chêi bâux xêir; chor nênhs chiê uô têiv plor Côx hôiv, têiv plor hôiv đôngx cxuô cấp li têx kror tsuv muôx; nênhs ứng cử têx vax huôv thiêz jênhv vưv, cử tri li têx vax huôv thiêz jênhv vưv thiêz têx cui tênhv lok bâux xêir…Thôngx cxix hêik chor chuôz zis muôx nênhs muk uô nox đêz tsêr nzor tror lok tsêr uô ntêx hnuz 23/5 chiê muk bâux xêir. Zơưv Muôk Xênhv Zax, tsar jok Khấu Ly hêik: “Yax kriê lok jiês bâux xêir mak sơưr đơưk cux pâuz tâu txos zuk têx vax huôv thiêz jênhv vưv hâur bâux xêir, đros moz siêz, sir jos mak thâuv txos trâu hnuz bâux xêir cử tri cux zuôr tuôx bâux xêir cov cxuô nro”.

Thâuv tâu yax kriê, sơưr đơưk hâur jok cux tưz pâuz tâu txos zuk li vax huôv, jênhv vưv. Niêv tix May Xênhv Tsaz, nhoz jok Khấu Ly puz pâuz: “Thâuv tâu lâul jok thiêz tsar jok tuôx yax kriê lok côngz xưv bâux xêir, cur thiêz chuôz zis tưz pâuz tâu txos zuk têx vax huôv thiêz jênhv vưv. Thâuv tưs txos hnuz bâux xêir mak cur oz niêv txir zuôr muk bâux xêir ntơưv qơư bâux xêir tưz tâu hêik pâuz. Vav tiêk zuôr bâux xêir tâu chor nênhs jông, moz siêz, muôx txux chi thiêz sir jos uô hâux lưv”.

Zơưv Hoàng Văn Đông, Bí thư Đảng ủy xar Bản Mù, huyện Trạm  Tấu puz pâuz: Ntu đhâu, khov trâu thâuv tsâuk ntux sơưr đơưk muk uô liêx têz lok tsêr, chor lâul jok, tsar jok, txir ndâux txir luk hâur xã tưz muk trâu yênhx ziv chuôz zis yax kriê, hêik pêx xênhv pâuz lok jiês bâux xêir têiv plor Côx hôiv thiêz Hôiv đôngx cxuô cấp ntu 2021-2026. “Têx shông đhâu chor lâul jok, tsar jok tưz paz lok six ntâu hâur côngz xưv yax kriê, hêik pêx xênhv uô trơưk têx tsưr ziv, tsênhv chêi huôv tsar kinh têr, vênhx huôv, xar hôiv. Tiv zix, đros sir jos, moz siêz txos hâur côngv thôngx, chor lâul jok, tsar jok, txir ndâux txir luk ntơưv têx jêx jok tưz sir jos paz uô côngz xưv yax kriê lok bâux xêir”.

Đros muôx 95% ntâu zos tsôngv box mênhx cxưx, hâur co zuôr xar 80% zos tsôngv box Hmôngz, huyện Trạm Tấu tưz hêik cơ quan muôx vax huôv, chor xar sir jos yax kriê lok hnuz bâux xêir, tiv zix zos yax kriê cov zôngx ziv chiê chor cử tri mnôngs, pâuz tâu, xav jênhv tsênhz mênhx tâu zuk vax huôv thiêz jênhv vưv, txix têx ntơưr bâux zuôr bâux xêir tâu chor nênhs muôx txux chi siêz, moz siêz uô hâux lưv chiê paz trâu tsôngv box tox siêz nhoz trâu hâur Côx hôiv thiêz Hôiv đôngx cxuô cấp hâur six cxiv yiêz./.

(Đinh Tuấn-Lik Thox cxêik nhênhv)

Hluôk nênhs Lai Châu qir huôv tsar uô nox txix trâur nuv HTX

Cơưv tas Trung cấp kôngz nuv, Lò Thị Dung, heir nênhs Poz Ziz, nhoz jok Thẩm Phé, xã Mường Kim, huyện Than Uyên, tỉnh Lai Châu đros uô hâux lưv đoanx ntơưv qơư. Seiz pov pak đêx tênhv tênhz hâur thax tsav jông huôv tsar tu zus shuôz njêl, Dung tưz sơưr bê hu zâuv chor hluôk nênhs hâur jok siz chos gôngr pênhr thiêz kêr txeik nzir T.Ư Đoanx têx nhiêx txiêx paz max chiê xor thêir qơư huôv tsar tu zus njêl.

Zos lênhx car seiz HTX Thẩm Phé, Lò Thị Dung heik, kror phiv liv yax, xuz thơưx pênhr yưv huôv tsar uô luôs hâux lưv heik sâuv, đhâu co zos ntâu lênhx hluôk nênhs hâur jok tsi njênhs, muôx têx nzaz nzơưv pak đêx tênhv chiê zus njêl. Đhâu iz shông tu zus, tưz uô tâu trơưk tsưr ziv, viv li heik têx hluôk nênhs đros uô thiêx zôngx ziv đuô. Txos nhiv no HTX tưz hu zâuv tâu 20 ntâu lênhx hluôk nênhs đros uô, muôx 12 qơư zus njêl lăng, njêl nox jâuz, njêl pok nêiz....: “Pêz HTX tâu paz max kêr txeik T.Ư đoanx pênhr nhiêx 120 thiêz tưz cxiv kho, uô đuô têx vax tsêr, qơư tu zus chiê phưx vưv HTX zus shuôz njêl. HTX vav chiê siêz, têx shông zuôr txos no tâu Đảng thiêz têz qơưk moz siêz txos thiêz muôz jông six hơưv trâu HTX tâu buôk ti  nzir ntâu pênhr txeik; chiê HTX muôx têx krêz uô đar qơư tu zus. Muôz nzir hâux lưv trâu chor tuz nxeik hluôk cơưv tas ntơưr tror lok, đros HTX huôv tsar uô nox”.

Xã Hua Nà, huyện Than Uyên, tỉnh Lai Châu, thax tsav muôx jông qơư chos ntâu zav tsoz chos thiêz tu zus têx tsiêx lox. Txix hâux lưv chos txir tuôz thox xuz thơưx, txos nhiv no hluôk nênhs hâur xã tưz yênhx lix 200 luôs hâux lưv huôv tsar uô nox uô hnar li: Tu zus njêl, chos txir tuôz thox, chos jâuz caz, têx yuôx đrox njuôz thiêz tu zus nhux tưv sha mê nhuôv. HTX Hua Nà cux zos iz kro uô ntêx hlo lol huôv tsar kinh tế tập thể nhoz tỉnh Lai Châu, đros trâu têx xiv huv uô tâu jông OCOP “Txir tuôz thox Hua Nà”.

Zơưv Đỗ Văn Tuấn, Bí thư xã Đoanx hua Nà, huyện Than Uyên heik: “HTX tsênhv seiz car 6 ha txir tuôz thox, muôx nhos 5 cxênhz xưv phaz têz jâuz caz thiêz 5 cxênhz xưv phaz têx yuôx đrox njuôz. HTX  hâux lưv uô hâur six hơưv nhiv kruôr đhâu tưz muôz hâux lưv uô trâu 20-25 lênhx lox tôngv ntơưv qơư, lar heik zos chor tuz nxeik hluôk. Hâur six hơưv zuôr txos, Đoanx xã cux muôx lok six ntâu tsưr ziv, hâux lưv trâu chor hluôk nênhs, iz zav li: Zuôr huôv tsar lok sâuv ju lix chiv xênhz đrox tsuôs, uô têx liêx têz tsoz chos ntông nox txir, chiê muôz qơư sâu zuôr cux li suôz bê trâu têx xiv huv uô tâu”.

Krêz uô tâu trơưk tsưr ziv têx muôx jông ntơưv qơư, hâu nov cxuô xã hâur thax tsav huyện Than Uyên, tỉnh Lai Châu tưz xav tsưr ziv trâu hluôk nênhs huôv tsar uô nox uô hnar, reik đros cxiv tsa jêx jok yiêz. Thâuv hluôk nênhs qir huôv tsar uô nox, puôr lênhx tâu hâu nov ntơưv qơư muôz jông six hơưv lok sâuv têx ar liêx têz, paz max pênhr txeik. Txix têx liêx têz por tox đo, ar têz phaz thiêz thax tsav pak đêx tênhv lox đar, chor hluôk nênhs têx txux chi tsưr ziv xar tơưv jông tưz uô tâu yênhx puô zav nuv huôv tsar uô nox tâu trơưk têk.

Tix lâus Đỗ Mạnh Huân, Phưv Bí thư Huyện đoanx Than Uyên heik pâuz: Hluôk nênhs huôv tsar uô nox txơưv tsi yuô tâu muôx txux chi tsưr ziv uô, taz sik lơưr muôx đas jos, moz siêz uô hâux lưv. Lơưr sir jos cơưv shâuv thiêz moz siêz uô têx luôs hâux lưv chiê uô tâu yênhx côngz. Txos nhiv no, Huyện đoanx Than Uyên tưz yênhx lix tâu 7 HTX, muôz hâux lưv uô thiêz phênhv sâu tâu truôx tuk txix 5-10 tsov đeiv iz hlik trâu yênhx puô lênhx lox tôngv zos heir nênhs tsơưs hâur thax tsav qơư: “Hâur têx hâux lưv cơưv shâuv txux chi uô nuv cik txos T.Ư, tỉnh tsưr ziv kriê huôv tsar uô nox, pêz puôr lênhx xeir chor tuz nxeik hluôk cxaz chuôz cơưv têx lớp co chiê gra siêz txux chi lok huôv tsar uô nox uô hnar. Niêx shông, Huyện đoanx puôr lênhx muôx têx jiês siz chuôs njiz, sik thav, siz heik kriê cơưv shâuv lok têx tsưr ziv uô nox thiêz hu zâuv chor hluôk nênhs hâur xã đros cơưv, đros uô.... Têx cêr huôv tsar uô nox co phênhv ntâu zos lok sâuv uô kôngz lôngk, chos têx tsoz chos nox txir, tu zus tsiêx cxu. Six hơưv zuôr txos, Huyện đoanx tror đros têx tuz nxeik hluôk huôv tsar uô nox uô hnar, ndar txos trâu đas cir uô têx xiv huv jông OCOP”./.

(Khắc Kiên-Riê Lâux cxeik, nhênhv)