Sơn La têx kôngz hur muôx muôs trâu têx ciêz đrôngs hâur pêz têz qơưs thiêz đrâuv luôs 2 chas têz qơưk

Zơưv Nguyễn Hương Long, nhoz xã Chiềng Xuân, huyện Vân Hồ, tỉnh Sơn La 7 ha têz txir mo môngk chos tâu 3 shông ntâu, txi txir ndư tsênhv taz tov zuôr jông sâu đê muôs. Khov uô trơưk têx tsưr ziv yiêz heik kriê chiê muôx têx txir mo môngk muôs hâur niêx shông, zơưv Long chor txir mo môngk muôx hur si têx txir lox mê, chor muôx iz cir, chor tsi tâu muôx iz cir thiêz hur tiz si têx txir tsênhv nhiv kruôr luôx tâuz têk tâuz tơư, tơưs pax ..... Chênhr zos li co, zơưv Long têx txir mo môngk muôx têx iz chiv txi txir 3 jiês. Njuôk xav hli 6 no zuôr sâu đê tâu nhos 10 tênhr txir iz ha. Têx txir txi ndư, hloz lox siz luôs, muôx ntâu lênhx nênhs uô ntơưr tuôx zuôr tsi so, viv zơưv Long uô thiêz tu têx txir ntông trơưk li tsưr ziv kriê, taz por muôx tâu chor txir kaz thiêz hur txos trâu lênhx nênhs sir zôngv: “Cur chuôz zis muôx 3 ha pak đêx tso njêl zus viv li têx njêl rô, njêl mê chuôz zis muôz vâuv hâur 8 luz hlik chiê uô qir fmông trâu têx txir ntông. Xaz mak tâu têz qơưk paz. Muôz chor njêl vâuv đros xaz, poz cưk, tâuv pâur. Têx yuôx tsuôs tuô caz hmoz mak tưz muôx kriêr, kix, cuô txoz viv li têx txir ntông lok six hur, tsi muôx caz tho nox hlo”.

Zos iz tỉnh muôx liêx têz ar nxaz, muôx ar têz chos poz cưk ntâu yax hâur têz qơưk, tsuôk hâur iz ntu tsi ntêr, Sơn La tưz  muôz têx liêx têz ar nxaz ntơư hlôngr chos yênhx têx ntông nox txir, xav hur si muôx nhos 71 cxênhz ntâu ha. Txos nhiv no, tỉnh Sơn La uô đreiv thiêz huôv tsar tâu 73 qơư chos têx ntông nox txir kaz thiêz hur, xav hur tiz si têx liêx têz chos têx tsoz chos ntông nox txir zos 1.500 ntâu ha, iz shông sâu đê tâu nhos 13 cxênhz tênhr. Đros uô têx hâux lưv li heik sâuv muôx 78 doanh nghiệp, HTX tsiv uô têx ntông nox txir tâu côngz ntơưr côngk nhav uô tâu jông. Zơưv Nguyễn Thành Công, Giám đốc Sở Kôngz nuv thiêz huôv tsar tox siêz tỉnh Sơn La heik pâuz:“Tỉnh Sơn La thâuv tưs tưz moz siêz txos thax tsav huôv tsar uô têx kôngz, tsuv xav no zos thax tsav truôx tuk, iz chas co zos tsơưr lươngv têx xiv huv jông reik đros trâu ciêz đrôngs sâu zuôr, muôs trâu luôs 2 chas thax tsav, têz qơưk đrâuv thiêz lênhx nênhs sir zôngv tsưr ziv, siêz nhiêv zuôr txos. Pêz heik kriê têx HTX hlôngr uô jux juk trơưl li têx tsưr ziv uô nox yiêz, taz por têx huv jông thiêz hur”.

Tsuôk hâur 4 luz hlik ntâu hâur shôngk shông no, tỉnh Sơn La tưz muôs tâu nhos 32 cxênhz ntâu tênhr txir mo môngk, txir tsơưz thiêz txir khơưz. Muôs têx txir ntông heik sâuv trâu luôs 2 chas têz qơưk đrâuv hâur 4 luz hlik hâur shôngk shông no tâu nhos 31,7 tsov USD. Nhiv no tsôngv px cxuô thax tsav qơư hâur tỉnh tsênhv shir phaz lus sâu đê têx txir khơưz, txir mo môngk muôs trâu saz Trung Quốc./.

(Thanh Thủy-Riê Lâux cxeik, nhênhv)

PHÊNHV POR VÊV THIÊZ HUÔV TSAR JÔNGR

Grê 18: Ủy ban cxuô cấp lơưr zuk li vax huôv choz zok, qênhx thiêz tsưr jôngr tsuv tsưr tsix sêiz jor, por vêv jôngr nhiv no muôx; phax, tar têx kror uô hiêv txos jôngr; uô têx tsưr ziv por vêv, tu, huôv tsar jôngr ntông, tsiêx kuk; por vêv hâur đêx, por vêv ar, tsik chiê ar trâus cuôr yôngz.

Grê 19: Hâux lưv ntor, luôx têx shôngz, ntông hâur har jôngr, zok cxov têx tsiêx kuk tsuv uô lơưr têz qơưk têx cui tênhv lok sêiz car, por vêv jôngr. Têx zav shôngz ntông, tsiêx kuk tsiv gri, muôx tsơưs tsuv tâu sêiz car, por vêv cov truôx jông tiv zix. Bê ntơưr thiêz chêi sêiz car, por vêv têx shôngz ntông, tsiêx kuk tsiv gri, muôx tsơưs zos hôiv đôngx bôv trưởng cui tênhv.

Grê 20: Txưr tsik khênhr ruôr hiêv txos jôngr, hlơưr har jôngr; nav, txênhz ar jôngr, ar chos jôngr; txiêr, ntor shôngz ntông, thâux xa, zuôr muôs têx shôngz ntông, zok cxov têx tsiêx kuk, tso zus tsiêx cxu trâu ntơưv chor jôngr tsik zos li cêr chêi têz qơưk têx cui tênhv.

Grê 21: Thax tsav trôngz jôngr ntông, khov lơưr cêv kuôk jôngr nuv, Ủy ban cấp huyện cêv kuôk thiêz kruôz kriê pêx xênhv uô liêx têz, tu zus tsiêx cxu, uô kôngz-tsưx phưv jôngr.

Grê 22: Tsưr jôngr tsuv uô têx tsưr ziv phax cuz, tuô cuz jôngr thiêz tsuv muôx txơưx jênhv thâuv chiê muôx yưv cuz jôngr.

Cơ quan sêiz car têz qơưk lok jôngr nuv cxuô cấp muôx txơưx jênhv cxiv tsa thiêz chox kriê uô tsưr ziv phax, tar cuz tox cuz jôngr; tsưr tsix côngz xưv hêik pâuz phax tar cuz jôngr; tsưr tsix lênhx nênhs thiêz bax cxuô zav, kỹ thuật tsuv muôx lok phax, tar cuz tox cuz jôngr. Chor cơ quan sêiz car têz qơưk hâur nganhx cik txos muôx txơưx jênhv sik côngv đros cơ quan sêiz car têz qơưk lok jôngr nuv hâur côngz xưv phax cuz, tuô cuz jôngr.

Cxuô tsưr tsix, tiz nênhs uô cxuô zav hâur har jôngr thiêz ntơưv têx ntus jôngr tsuv uô lơưr  cơ quan sêiz car têz qơưk lok jôngr nuv li têx cui tênhv lok phax cuz, tuô cuz jôngr. Thâuv muôx yưv hluôr tơưl cuz jôngr, Ủy ban cxuô cấp muôx qênhx hêik cxuô lênhx nênhs, chuôz zênhx chiê chơưv tuô hluôr tơưl cuz jôngr./.

(Tuyết Lan-Lik Thox cxêik nhênhv)