Jax sâu thưr 4 hnuz 22/6/2016:

PHAX TAR PÔNGZ ĐÊX TRÂU MÊ NHUÔS HÂUR CHEIX SO SOR

Viv muôx ntus đêx hiêr ntêr, Quảng Ninh thâuv tưs cux tâu ntâus grê zos tỉnh muôx ntâu sir jos hâur côngz xưv por vêv, tsoz phưz thiêz zaoz zux mê nhuôs tiv zix zos hâux lưv kriê luôv đêx thiêz phax tar pôngz đêx trâu mê nhuôs hâur cheix so sor. Chiê phax tar txiêz nanv thiêz trâus pôngz đêx trâu mê nhuôs, niêx shông tỉnh Quảng Ninh tưz muôz nhiêx phir trâu têx huyện, thị xã tsưr tsix têx lớp kriê luôv đêx tsi zuôr nhiêx txiêx, hâur shông 2015 chor shux xênhz txơưx luôv đêx zos 6.700 lênhx.

          Chiê txu grês têx mê nhuôs trâus pôngz đêx mak hâux lưv kriê luôv đêx trâu mê nhuôs tâu seiz zos tsưr ziv coaz tsôngv tiv zix. Taz sik, nhiv no sâuv tas nro tỉnh Quảng Ninh chor pas luôv đêx hâur tsêr cơưv lok six tsơưs trâu shux xênhz, tsêr cơưv tsuv tsưr tsix kriê luôv đêx ntơưv têx pas luôv đêx công côngv. Đrâuv co, côngz xưv kriê luôv đêx trâu shux xênhz tsênhv tsi tâu uô jông viv muôx tsi txâuk chuôz zênhx chuôz tas, uô trâu têx jiês cơưv tsi tâu tax tsơưr lươngv li siêz xar. Zơưv Phạm Văn Tuế, phưv giám đốc Sở zaoz zux thiêz thox cxov tỉnh Quảng Ninh puz pâuz:

          “ Sở zaoz zux thiêz thox cxov tỉnh Quảng Ninh đros têx Sở, Ban nganhx muôx lênhx coaz muôz siêz cán bộ coar lik zaoz zux, cưk kriê, shux xênhz thiêz shux xênhz niêv txir li jênhv pâuz, txơưx jênhv lok phax tar pôngz đêx trâu shux xênhz. Chuôz ndê chor mê nhuôs txơưx luôv đêx niêx shong thôngz đhâu têx trâur nuv kriê luôv đêx. Sir jos txu grês têx mê nhuôs trâus tuôs tiv têx txiêz nanv hâur co muôx pôngz đêx”.

          Têx shôngk tov ntêx, sauv thax tsav tỉnh Quảng Ninh muôx 1 tsêr cơưv Đoàn Thị Điểm, TP Hạ Long zos tsêr cơưv tuôv zênhv txâuk cơ sở chuôz zênhx chuôz tas chiê phưx vưv côngz xưv kriê luôv đêx trâu shux xênhz. Shông no iz cxiê tsêr cơưv sâuv thax tsav tỉnh tưz yưv pênhr uô pas luôv đêx thiêz chox môn luôv đêx lol kriê trâu shux xênhz.

          Phênhv ntâu têx mê nhuôs zâu tâu shâuv luôv đêx cxôngx niêv txir, muôs nus lok sik fôngx zưs thâuv mul luôv đêx ho muôx tsi txâuk yênhx tưv, tsưr ziv luôv đêx, viv li khênhr trâus pôngz đêx. Zos lênhx cưk kriê kriê luôv đêx trâu shux xênhz, cưk kriê Lại Cao Kiên phưv hiệu trưởng tsêr cơưv THPT Bãi Cháy, TP Hạ Long puz pâuz:

          “ Muôx lok six ntâu txuz shux xênhz trâus pôngz đêx, zos hâur cheix so sor têx mê nhuôs tsi muôx qơư uô si, chiv chir mul uô si ntơưv têx ntus đêx, tsi taz por. Thâuv muôx trâur nuv kriê luôv đêx mak zuôr muôx têx qơư uô si taz por trâu shux xênhz. Iz jiês cơưv cur kriê trâu 25 lênhx, iz cưk kriê coar lik 8 lênhx chiê kriê tax chêx cuk tiv zix, paz shux xênhz txơưx luôv đêx sei đuô”.

          Chiê jav tâu têx txiêz nanv pôngz siêz muôx yưv, chuôz zis tsuv sik côngv đros tsêr cơưv thiêz sik pheiz kênh txơưx jênhv đros têx ban, nganhx muôx lênhx coaz. Têx lênhx niêv lênhx txir tsuv muôz siêz txơưx jênhv coar lik, tsi chiê mê nhuôs chiv chir mul đa đêx. Tỉnh Quảng Ninh li hâux lưv krêz đar trâur nuv phax tar pôngz đêx trâu mê nhuôs zos tsưr ziv phax tar jông tiv zix chiê por vêv mê nhuôs, paz mê nhuôs tâu hloz lox jông tiv zix./.

( VOV Đông Bắc- Txâur Vax cxeik nhênhv)

Phênhv thưr 4, hnuz 22/6/2016:

Têx kror tsuv pâuz thâuv mê nhuôv uô luôv đêx

Trơưk li cưk yuôx Bác sỹ Nguyễn Trần Nam-nhoz tsêr kho moz Nhiv Đồng 2 đrôngl HCM, uô luôv đêx cux muôx liv jông trâu luz chêr thiêz muôx liv trâu têx poz kix cxa huôv tsar. Chênhr zos li hêik ntơư, chiê mê nhuôv cơưv shâuv uô luôv đêx nzor cux zuôr paz tâu trâu mê nhuôv luz chêr hloz, huôv tsar jông thiêz uô trâu lênhx mê nhuôv siêz. Lar hêik zos thâuv mê nhuôv tsênhv taz tov lox, hloz.

Taz sik, cxuô lênhx cưk nhênhz chơưv cux hêik: Zos chiê mê nhuôv uô luôv đêx tsik so cux uô trâu mê nhuôv zôngx ziv trâus moz kror muôs, trâus cik moz iz cxiê poz khâuk sâuv tơưr grêix. Chiê txo grêk tsơưs têx tsik jông li hêik ntơư, chor uô niêv uô txir tsuv uô trơưk têx faz tsưr ziv li đrav kaz:

-Chor uô niêv uô txir tsuv bax cxix cxuô li: Câuk mov thiêz tsov lôngx kror muôs uô luôv đêx, yo phao, chuôz zênhx njơưk kror njêx, fuôv, cuô đêx njêr nzuôr kror muôs, đêx zâus ka, yuôx nzuôr plâuz hâu…

-Tsik cxoz chiê têx mê nhuôv uô luôv đêx trâu thâuv tar su, yar ntux cuz sor thiêx tsik uô trâu mê nhuôv kâus yar ntux. Tsuv chiê têx mê nhuôv đa đêx uô luôv đêx trâu thâuv têis cik sơưr nzor thiêz thâuv zuôr tsâuk ntux tsik muôx yar ntux cuz sor.

-Thâuv zuôr chiê mê nhuôv đa đêx thiêz uô luôv đêx,  chiê mê nhuôv cho têx têk tơư cov iz chê muôs, thiêx tsik uô trâu tus mê nhuôv ntơư têx lênhs trâus chơưk tu.

-Tsuv chiê mê nhuôv đa đêx, uô luôv đêx trâu têx luz pak đêx huv đros; tsuv chiê mê nhuôv đa đêx thiêz uô luôv đêx trâu têx luz pak đêx tsik vuôz tsuôz kiêk nênhs.

-Thâuv mê nhuôv đa đêx thiêz uô luôv đêx tas, tsuv muôz fuôv chox lok so tus mê nhuôv ntơư luz chêr cov kruôr, tsik chiê mê nhuôv luz chêr trâus chuô txiêk thiêz tsuv muôz saz phôngx đros trâu têx đêx hur chox lok nzuôr tus mê nhuôv ntơưr luz chêr cov hur thiêx tsik trâus cik têx caz moz poz khâuk sâuv tơưr grêix./.

                              (Tsu cxêik, nhênhv-Thanh Thủy-TTTB)