Lênhx nênhs uô pov tsir huyện sir jos thôngz xor mông txos

tsôngv box

          Cxôngx thâuv têis cik sơưr nzor ntux nhiv kruôr pov cêr, Cao Huyền Trang, nênhs sâu xor xưv uô hâux lưv ntơưv Tsênhv qơư thôngz xor mông, vênhx huôv huyện Mai Sơn, tỉnh Sơn La li xưz pưs tưz pov đei cxuô zav meir meir cxêik đuôz, meir tsov shav, meir cơư luk chiê sơưr cêr muk txos trâu cxuô xã tox siêz hâur huyện uô hâux lưv. Nhiv kruôr uô pov tsir tâu 5 shôngk, taz sik Trang thâuv tưs cux tâu ntâus grê zos lênhx hluôk nênhs muôx pênhr xưv uô tâu ntâu hâux lưv jông; thâuv tưs cux sir jos muk cxuô qơư chiê muôx têx jax sâu jông tiv zix. Trang pheiz kênh:“Huôx tôngv hâur ntu muôx ntâu zav pov tsir li nhiv no mak ziv phêv liv, tsuv sir jos sei đrơưv, moz siêz đros hâux lưv uô. Muôx têx thâuv cux lok six liv, taz sik viv nhiêv zuk li hâux lưv uô, cir ho sir jos muk têx xã, thị rấn chiê muôx têx tác phẩm pov tsir jông tiv zix, heik tơưv tsênhz mênhx lok luz nênhx, lênhx nênhs sâuv thax tsav”

          Tsênhv qơư thôngz xor mông-vênhx huôv huyện Mai Sơn li tuêv thôngz xor mông muôx 22 lênhx cán bộ, viên chức. Hâur co phưv txơưx njiêz luv muôx 4 lênhx nênhs sâu xor xưv, 1 lênhx fuô luk, 2 lênhx kỹ thuật viên. Nênhs sâu xor xưv Hà Hoàng Lâm cux hêik pâuz tiêk: Mai Sơn muôx thax tsav đar, ar têz nxaz, zos thax tsav huôv tsar kôngz nuv tsênhv hâur tỉnh, muôx ntâu huôx tôngv tâu tsưr tsix, viv li thâuv uô hâux lưv sâu xor xưv cux njiz tsik zos tsơưs têx phêv liv. Taz sik, iz lênhx nênhs puôr lênhx xav tênhv tsênhz mênhx thiêz tsi so cơưv shâuv, muôz siêz pênhr xưv uô tâu ntâu luôs hâux lưv jông:“Cur zos iz lênhx nênhs uô pov tsir đa phương tiện hâur ntu công nghệ số huôv tsar li nhiv no, txơưv thâuv uô côngz xưv, chuyên môn zuk tsi tâu thox cxov taz sik cux tâu fôngx zưs paz max, thiêz zuk chiv chir sir jos chiê muôz siêz yênhx tưv phưx vưv jông đuô trâu zuk li côngz xưv uô pov tsir”.

          Cxôngx hâur shôngk shông txos nhiv no, Tsênhv qơư thôngz xor mông- vênhx huôv Mai Sơn tưz uô thiêz tso nta suôz 130 ntâu tsaz yênhx nta suôz luk choz tsiz thiêz mênhx cxưx Thái phưx vưv lênhx nênhs nhiêv mnôngs Đeix sâuv thax tsav. Đrâuv co, iz luz hlik, Tsênhv qơư cux uô 2 trang xa đruôz thiêz 1 chuyên mục cxơưz cxiz cơưv, sik côngv tso sâuv Đeix nta suôz-xa đruôz Sơn La. Têx jax sâu zos Tsênhv qơư uô tâu ntâus grê muôx tsơưr lươngv siêz, muôx ntâu xor mông jông, tâu tsôngv box njênhs njôngr. Zơưv Nguyễn Mạnh Thắng, nhoz tiểu khu 9, thị trấn Hát Lót, huyện Mai Sơn, tỉnh Sơn La puz pâuz:“Zos tiêuv khu tsar, thôngz đhâu têx trang thôngz xor mông, pêz cux pâuz tâu têx xor mông muôx tsiv grê, cxôngx co pêz yax mông tsênhz mênhx trâu tsôngv box hâur côngv thôngx pâuz lok Đảng li chủ trương, cêr chei, vênhv tôngv tsôngv box uô lơưr têz qơưk li phuôx lix, tiv zix zos tsov cưv uô jông côngz xưv bo xeir thiêz côngz xưv phax tar moz hâur jiês no”.

          Pâuz tâu têx xor mông sei tiv zix, seiz car jông thax tsav, đros chinhz yênhx, txơưx jênhv siêz hâur hâux lưv uô, têx lênhx nênhs sâu xor xưv nhoz Tsênhv qơư thôngz xor mông-vênhx huôv Mai Sơn khênhr uô ntêx nyuôk hâur hâux lưv thôngz xor mông têx hâux lưv zov chênhr muôx nhoz tiv phaz; Chôngz lênhx nênhs sâu xor xưv yênhx têx cộng tác viên tsênhv trâu têx pov tsir, Đeix Trung ương thiêz hâur tỉnh. Zơưv Phạm Văn Thắng, Phưv giám đốc Tsênhv qơư thôngz xor mông-vênhx huôv Mai Sơn puz pâuz: “Ban lênhs tov Tsênhv qơư yax six sik seiz lax têx tsưr ziv tôngv vênhx, tiv zix zos lok chinhz yênhx thiêz muôx tsưr ziv huv đros chiê têx lênhx nênhs sâu xor xưv chuv tôngv hâur hâux lưv uô, tiv zix zos muk uô hâux lưv noz tox siêz chiê muôx têx jax sâu sei tiv zix, jông tiv zix”.

          Txơưv phêv liv bâuv tưs, taz sik jông txưv haox, iz lênhx nênhs sâu xor xưv, lênhx nênhs pov tsir nhoz Tsênhv qơư thôngz xor mông-vênhx huôv Mai Sơn thâuv tưs cux jông siêz sir jos hla đhâu têx phêv liv. Lơưr tsênhv sir jos hâur niêx hnuz chiê muôx tâu têx xor mông tsênhz mênhx thiêz jông tiv zix xa txos tsôngv box pêx xênhv, uô tiêr jông hâux lưv zos tul qox txuôk tsôngv box đros Đảng, gôngr phênhv cxơưz tiês huôv tsar KTXH nhoz tiv phaz./.

(Trấn Long-Txâur Vax cxeik nhênhv)

NÔNGX MÊNHX ZUÔR TSUV PÂUZ

Lênhx tuz hluôk Hmôngz sir jos uô bluô nux txix chos ntông nox txir

10 ntâu shông tror uô ntêx, pov tâu đêx ar ntơưv qơư nhoz huv đros chiê chos ntông nox txir viv li tix lâus tưz muôz tsoz txir thênhx caz Vinh, txir thênhx caz sành thiêz tsoz txir lưv tsiz zâu (lok zos txir nhãn) chox lok chos. Chor txir ntông no tưz hloz lox jông thiêz txir txir ntâu. Njiê chor vax txir ntông txi txir ntâu, tsik muôx lênhx tưs zuôr xar tâu tiêk ntu thâuv nhiv kruôr chos, tix lâus Sùng Diu Sì ziv chuôz zis njiz tsik tsơưs cêr txov xưk li chor txir thênhx caz trâus caz hmoz ruôr hiêv “đax blôngx, lưx chas”, txir lưv tsiz mak tsik zâu txi txir txơưv tiêk tơưs pax ntâu; qiv hơưv sik hlôngr cux uô trâu chor txir lưv tsiz zâu tơưs pax thiêz txi txir tsik jông. Tsik muôx ntâu chênhz zênhv, txux chi chiê tu têx txir ntông, taz sik pâuz tsênhz tiêk txir lưv tsiz zâu thiêz txir thênhx caz zos chor zav tsoz chos paz muôx tâu kinh têr siêz đuô têx zav tsoz chos txơưr, lok six huv đros trâu đêx ar ntơưv no, tix lâus tưz sir jos cơưv shâuv thiêz chos nzir chiê paz muôx tâu phênhv sâu truôx trâu chuôz zis.

Uô lơưr Hôiv Nôngx mênhx tỉnh li phongz yaox sik tưs: “Nôngx mênhx txơưx uô nox” thiêz “Huôv tsar kinh têr vax pak guôx thiêz vax jôngr”, tix lâus Sì tưz hêik chuôz zis thiêz cưr tix nênhx tsa sơưr đơưk nhoz hâur thax tsav qơư sir jos huôv tsar nzir thax tsav chos chor txir lưv tsiz zâu thiêz txir thênhx caz. Nriêr pâuz thiêz cơưv shâuv uô trơưk Hôiv đôngx tỉnh li Nghị quyết sôr 209-NQ/HĐND hâur chor jiês cơưv jêx jok, xar thiêz huyện, têx xor mông yax kriê lok “Sir zôngv têx tsênhv chêi huôv tsar kinh têr kôngz-jôngr nuv” hâur hâux lưv txêik pênhr nhiêx liv kik chiê huôv tsar, kriz đar uô nox chiê huôv tsar kinh têr lơưr yênhx thax tsav qơư thiêz têx hax huv uô kôngz nuv hur. Khov muôx Đảng, Têz qơưk têx tsênhv chêi cxơưz cxiz uô kinh têr huv cêr chêi, tsênhv chêi choz qênhx sir zôngv ar trâu nôngx mênhx thiêz zoz qơưx zuôr muôs hax huv ziv hnuz ziv ntâu viv li tix lâus  tưz hlôngr đuô tsưr ziv uô nox chiê chos ntông nox txir.

Tix lâus chuôz zis li tsưr ziv uô nox piz tâu uô txix shông 2003. Phênhv sâu xuz thơưx txix ntông nox txir tâu xar muôx 150 triệu đêiv iz shông viv li tsuôk txâuk chiê thêv mê njil trâu têx nhiêx kir txêik, nhiêx zuôr zuz ntông, qir zuôv thiêz thêv trâu chor nênhs lox tôngv, chuôz zis sir zôngv xưz. Đrâuv tu vax ntông nox txir, tix lâus chuôz zis tưz sir zôngv tas nro têx ar têz, ntus pak njêl, chos siz shơư ntâu zav tsoz chos chiê chos tsơưz, poz cưk uô zav nox trâu tu zus kêiz, ol, njêl. Txos nhiv no, tix lâus chuôz zis li tsưr ziv uô nox no tưz huôv tsar jông đros tas nro đar muôx 6 héc ta ntâu.

Txis shông 2014 tror lok no, chor nênhs zuôr têx txir lưv tsiz zâu thiêz txir thênhx caz chuôz ndê chôngz, viv li tix lâus Sì tưz sir jos nhênhz chơưv, nriêr pâuz, sir zôngv têx kỹ thuật yiêz jông trâu hâux lưv tu têx txir ntông cov huôv tsar jông đuô, tsik trâus caz hmoz tho nox, txi txir ntâu thiêz jông gâux đuô, paz trâu chuôz zis muôx tâu phênhv sâu siêz. Siêz tiv zix li shông 2016, chuôz zis sâu tâu muôx 1,6 tiv đêiv.

Đros têx chênhz zênhv thiêz têx uô tâu hêik tas sâur, tix lâus Sì cux paz trâu 20 ntâu ziv chuôz zis 1.000 ntâu tsoz zuz ntông tsiv gri muôx 13 triệu đêiv ntâu thiêz sir jos paz trâu lơưr lok têx tsưr ziv, kỹ thuật chos, tu têx ntông. Tiv zix, tix lâus chuôz zis tưz paz muôx hâux lưv uô truôx trâu 8 lox tôngv ntơưv qơư đros phênhv sâu 30 triệu đêiv iz lênhx nênhs iz shông; txos chêix sâu đê têx txir ntông mak tưz paz muôx hâux lưv uô trâu 30 lox tôngv ntơưv thax tsav qơư.

Khov muôx tsưr ziv huôv tsar kinh têr hợp tác xã mak chor ziv chuôz zis tưz pâuz sik paz, sik phêiz kênh chiê paz trâu têx chuôz zis txơưr đuô hâur jok lok: pênhr, zuz nôngz, chênhz zênhv, kỹ thuật chos thiêz tu têx ntông; sik đros huôv tsar kinh têr, txo grêk cêr yêiz pluôs thiêz paz trâu ntâu ziv chuôz zis txơưr đuô hâur jok hla đhâu cêr pluôs thiêz sir jos uô bluô nux…

Tưz tsik zos txơưx uô nox, tix lâus chuôz zis tsênhv tsik so uô ntêx hlo hâur uô lơưr Đảng, têz qơưk têx cêr chêi; sir jos yax kriê, hêik pêx xênhv sơưr đơưk hâur jok, hâur xar sir jos hlôngr yiêz đuô tsoz chos, tsiêx tu zus; phêiz kênh chênhz zênhv, paz trâu chor chuôz zis tsênhv txov nhêv chiê sik đros huôv tsar kinh têr, cov luz nênhx hlôngr yiêz thiêz truôx tuk jux juk. Ntâu shông sik lơưr liês tix lâus chuôz zis zos “Chuôz zis vênhx huôv”, “Chuôz zis txơưx uô nox” cấp tỉnh, cấp trung ương. Tiv zix shông 2020 nhiv kruôr đhâu, tix lâus Sùng Diu Sì tâu bâux xêir zos iz hâur 63 lênhx nênhs txơưx uô nox shông 2020.

Tix lâus  chuôz zis li tsưr ziv uô nox nhiv no zos qơư trâu chôngz lênhx nênhs nhoz huyện Bắc Quang ndis shuôk, cơưv shâuv thiêz uô trơưk. Têx tsưr ziv uô nox li tix lâus Sùng Diu Sì tưz tsik zos uô bluô nux trâu zuk chuôz zis, xar hôiv mak tsênhv paz trâu côngz xưv cxiv tsa jêx jok yiêz ntơưv thax tsav qơư thiêz.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam thax tsav faz Bắc uô đros muôx Tsênhv qơư cxơưz cxiz uô kông Têz qơưk đros paz uô”./.

(Riê Lâux BT-Lik Thox cxêik nhênhv)