Đăk Nông: Uô tâu truôx cxôngx têx trâur nuv phax tar nênhs phamv cxâuv nhoz cxuô tsênhv qơư

          Iz hâur têx trâur nuv phax tar nênhs phamv cxâuv phuôx huiz uô tâu truôx hâur côngz xưv taz por txiv ngaz sâuv thax tsav huyện Đăk Song hâur six hơưv đhâu zos trâur nuv “ Suôz đruôs txiv ngaz” nhoz xã ntus đriv Thuận Hà. Thâuv ntêx, thâuv tsi tâu krêz uô trâur nuv phax tar nênhs phamv cxâuv, qênhx shênhx tuz saz tuz nhiês thiêz tiv nanv xã hội yax six muôx yưv, tiv zix zos nhoz jos 7 thiêz jos 8. Zơưv Trần Bá Tuyết, tsôngv box nhoz jos 8, xã Thuận Hà puz pâuz, đhâu 2 shôngk ntâu krêz uô trâur nuv no, qênhx shênhx txiv ngaz sâuv thax tsav tưz tâu taz por, nênhs phamv cxâuv thiêz tiv nanv xã hội tâu tir tar, tsôngv box nhoz no muôx luz nênhx ngaz tul.

          Khav tênhv uô tâu truôx cxôngx têx trâur nuv phax tar nênhs phamv cxâuv hâur ntu đhâu, zơưv Nguyễn Đình Lượng, tsar Công an xã Thuận Hà puz pâuz cxaz:

          “ Thâuv pêz cxiv tsa 2 trâur nuv no thiêz tâu tsôngv box phuôx huiz uô lơưr mak qênhx shênhx nênhs phamv cxâuv sâuv 2 thax tsav no txu grês lok six ntâu, tiv zix zos muôx lênhx coaz txos vênhv thix tuz saz tuz nhiês”.

          Lok sik jông li trâur nuv “ meir seiz car txiv ngaz” tâu đhok sâu têx txox niêv cêr thax tsav xã Đăk Sắc, huyện Đăk Mil cxôngx hli 10 shông 2017, qir uô tâu truôx jông hâur côngz xưv tơưv txênhz tir tar nênhs phamv cxâuv thiêz taz por zaoz thôngz, gôngr phênhv txu grês nênhs phamv cxâuv li têx huôx tôngv, muôz siêz siêz xar tir tar nênhs phamv cxâuv thiêz sir jos cxaz chuôz têx phongz yaox tas nro tsôngv box por vêv txiv ngaz têz qơưk trâu tsôngv box. Thôngz đhâu têx meir seiz car, têx huôx tôngv phamv cxâuv, tiv nanv xã hội puôr lênhx tâu pov, ntês cxov, tir tar jông. Đại úy Phan Văn Thắng- Tsar công an xã Đăk Sắc, huyện Đăk Mil puz pâuz, trâur nuv “ meir seiz car txiv ngaz” lok six tâu tsôngv box thôngx ziv uô jông. Viv li thâuv krêz uô, đros thiêz tiv phaz li phênhv pênhr tsôngv box tưz gôngr paz iz đraz nhiêx txiêx:

          “ Hâur ntu krêz uô mak tsôngv box lok six thôngx ziv. Hâur hli 10/2017 pêz tưz uô tiêr. Qir cxiv tsa tâu 11 meir đros chor nhiêx txiêx xã paz txưv zos 50 tsov đeiv, tsôgnv box paz txưv 43 tsov đeiv. Hâur six hơưv krêz uô mak lok six muôx chêx cuk siêz”.

          Xav txos nhiv no, tas nro tỉnh Đăk Nông tưz cxiv tsa, tuôr truôx 1 cxênhz 880 trâur nuv, tsưr tsix tsôngv box uô côngz xưv taz por txiv ngaz nhoz cxuô tsênhv qơư uô tau truôx, hâur co muôx 670 tuêv txiv ngaz, 650 ntâu tuêv tu txuz plâuz, yênhx puôk tuêv chiv chir coar lik... Têx trâur nuv, câu lạc bộ phax tar nênhs phamv cxâuv li huôx tôngv ziv hnuz ziv uô jông, zaz zâuv chôngz cxuô cxênhx nênhs cxaz chuôz. Cxôngx co pov ziv hnuz ziv muôx ntâu têx lênhx nênhs jông, car heik kriê, car cxaz chuôz ntês nênhs phamv cxâuv, gôngr phênhv por vêv txiv ngaz nhoz tiv phaz. Tix lâuk Nguyễn Minh Hữu, tsôngv box nhoz xã Đức Mạnh, huyện Đăk Mil zos iz hâur têx lênhx nênhs jông co heik:

          “ Thâuv pov iz lênhx nênhs tsênhv mul tâus cêr trâus nênhs fêv huôz hnaz pêz txơưv ciêr chênhr khiêz ntês lênhx nênhs co. Lênhx nênhs fêv co cux hênhr viv li cux lax ntês tâu. Lok six jông siêz thâuv paz max tâu lênhx nênhs trâus nanv”.

          Hâux lưv ziv hnuz ziv muôx ntâu trâur nuv phax tar nênhs phamv cxâuv, ntâu lênhx nênhs jông hâur tsôngv box cxaz chuôz tơưv txênhz tir tar nênhs phamv cxâuv tso pov phongz yaox tas nro tsôngv box por vêv txiv ngaz têz qơưk sâuv thax tsav tỉnh Đăk Nông muôx trus huôv tsar jông, phuôx huiz jông qênhx uô tsưr hâur tsôngv box sâuv vênhv thix por vêv txiv ngaz têz qơưk, tuôr truôx taz por xã hội./.

                                                             (VOVTN- Txâur Vax cxeik nhênhv)

YAX KRIÊ SÂU TSÊS TÊX HNAZ, HƯX TRÂU YUÔX POR VÊV ĐROX TSUÔS ĐHÂU SIR ZÔNGV TAS

Tsôngv pox nhuôs hmor yuô! Phênhv hnuz no tror xa trâu sơưr đơưk mnôngs lok “Sơn La chuôz cxaz côngz xưv sêiz car, kinh doanh, muôl muôs, sir zôngv yuôx por vêv đrox tsuôs” thiêz “Tsưr ziv uô Đề án sêiz car, sâu tsês, hlơưr phâuk por tsês têx hnaz, hưx trâu yuôx por vêv đrox tsuôs đhâu sir zôngv tas hâur thax tsav tỉnh Sơn La shông 2018”.

Hlôngr suôz: Sơn La chuôz cxaz côngz xưv sêiz car kinh doanh, muôl muôs, sir zôngv yuôx por vêv đrox tsuôs.

Shông 2017, tas nro tỉnh Sơn  La tưz muôx yưv 461 txuz trâus tưx yuôx por vêv đrox tsuôs, hâur co, 220 lênhx nênhs zos trâus tưx thâuv tsuôs yuôx. 456 lênhx nênhs tâu chơưv paz chiêx, 18 lênhx nênhs tuôs. Shông 2018, tror muôx yưv iz txuz trâus tưx phiv liv ntơưv jok Suối Khoang, xar Tân Hợp, huyện Mộc Châu, uô 37 lênhx nênhs tsuv tuôx tsêr kho moz. Qir tiv trâus tưx tưz tâu xav jênhv zos tiv pêx xênhv sir zôngv đêx trâus muôx tưx yuôx por vêv đrox tsuôs (chor tsơur paraquat).

Chiê taz por ngaz tuk kôngz krâur hax huv, por vêv đas jos trâu pêx xênhv thiêz tênhv qơư uô nênhx, Ban thường vụ Tỉnh ủy Sơn La tưz choz trâu chính quyền cxuô cấp sir jos yax kriê, hêik pâuz lok trung ương, tỉnh li têx cuiz tênhv, ntâuz ntơưr chox kriê lok qênhz yuox đros tsuôs. Tsov cưv txos têx xar, jêx jok nhoz đêz, tox siêz, ntus đriv, thax tsav txov nhêv tiv zix txix ntâu tsưr ziv li kruôz kriê, sik thav, fiêx, ntơưr…

Tsik so tsưr tsix phuôx tôngv hâur sêiz car, sir zôngv yuôx por vêv đrox tsuôs, tsênhv njiêz zos sir zôngv yuôx tuô đrox muôx chêx cur, ngaz tuk, tsêx trung trâu chêix chiv chos kôngz lôngk. Qênhz yuôx, tir tar thiêz xưv lik truôx lơưr cuiz tênhv đros têx jiês sir zôngv yuôx por vêv chuôs tsi cxiê qơư, tsik huv li tsưr ziv, cuiz tênhv. Chox kriê jông hâux lưv por vêv ngaz tuk hâur đêx, txưr tsik khênhr sir zôngv têx yuôx por vêv đrox tsuôs pêv têx hâur đêx.

Chuôz cxaz sik côngv nhoz têx nganhx txơưx jênhv, chor huyện, thành phố hâur sêiz car, xưv lik têx kror uô cxâuv lok kinh doanh, sir zôngv yuôx por vêv đrox tsuôs, tiv zix zos nhoz taz viv uô hâux lưv hâur kôngz nuv thiêz lưx lươngv sêiz car thị trường, thanh tra, qênhz yuôx thiêz lưx lươngv cảnh sát tênhv qơư. Sir jos uô côngz xưv yax kriê tsênhz mênhx đuô lok tsưr ziv sir zôngv iz cxiê zav yuôx por vêv đrox tsuôs, tiv zix zos uô ntêx chêix chiv zuôr sir zôngv yuôx. Hêik pâuz lok kror liv zôngv, sir zôngv tsik huv yuôx por vêv đrox tsuôs li kror uô hiêv txos pêx xênhv pâuz.

Hlôngr suôz: Tsênhv njiêz kriz uô đề án sêiz car, sâu tsês, hlơưr phâuk por tsês têx hnaz, hưx trâu yuôx por vêv đrox tsuôs đhâu sir zôngv tas sâuv thax tsav tỉnh Sơn La shông 2018

1. Yax kriê, kruôz kriê sir zôngv yuôx por vêv đrox tsuôs  lơưr tsưr ziv 4 zos, tsik chiê muôx yưv liv zôngv thiêz uô grêk tsơưs hâux lưv sir zôngv yuôx por vêv đrox tsuôs, kruôz kriê cxiv uô qơư, sâu khơưk tsês têx hnaz, hưx trâu yuôx por vêv đrox tsuôs đhâu sir zôngv tas lok trâu qơư tsês chiê huv li cuiz tênhv.

2. Cêv kuôk qơư cxiv uô kror trâu tsês, qơư sâu tsês têx hnaz, hưx trâu yuôx por vêv đrox tsuôs.

3. Cxiv uô têx qơư trâus tsês têx hnaz, hưx trâu yuôx por vêv đrox tsuôs đhâu sir zôngv tas.

4. Tsưr tsix sâu tsês têx hnaz, hưx trâu yuôx por vêv đrox tsuôs đhâu sir zôngv tas; phuôx tongv phongz yaox khơưk, sâu tsês têx hnaz, hưx trâu yuôx por vêv đrox tsuôs ntơưv têx tiv phaz; tsưr tsix uô siv tsaz yênhx “Pâur têx hnaz, hưx trau tsuôx por vêv đrox tsuôs đhâu sir zôngv tas zuôr hax huv zav nox”.

5. Thâux xa, xưv lik, hlơưr phâuk por tsês têx hnaz, hưx trâu yuôx por vêv đrox tsuôs đhau sir zôngv tas tưz tâu sâu lok tsês ntơưv têx qơư tsês.

6. Cxiv uô têx tsênhv chêi paz trâu côngz xưv sâu tsês têx hnaz, hưx trâu yuôx por vêv đrox tsuôs đhâu sir zôngv tas.

7. Qênhz yuôx, xưv lik têx kror uô cxâuv hâur sâu tsês têx hnaz, hưx trâu yuôx por vêv đrox tsuôs đhâu sir zôngv tas.

8. Yax kriê, hêik pêx xênhv uô jông côngz xưv sâu tsês, thôngx ziv đros cxiv uô têx qơư sâu lok tsês, thâux xa têx hnaz, hưx trâu yuôx por vêv đrox tsuôs đhâu sir zôngv tas; cxaz chuôz jông trâu côngz xưv hlôngr yiez xar hội lok côngz xưv sâu tsês, thâux xa têx vuôz tsuôz ntơưv thax tsav jêx jok sâuv thax tsav./.

                                               (Bích Thủy-Lik Thox cxêik nhênhv)