Tsôngv px Sơn La krưr yênhx cxênhz luz mor txâuv puôz paz px faz Trung trâus đêx nas chuô uô ruôr hiêv

Uô trơưk luôs hâux lưv chiê krưr iz cxênhz luz mor txâuv puôz xa paz px nhoz cxuô tỉnh faz Trung trâus đêx nas chuô uô ruôr hiêv, zos Hội chữ Thập đỏ tỉnh Sơn La kriz uô txix têis cik hnuz 21/10, muôx yênhx cxênhz lênhx nênhs siêz jông, yênhx cxênhz lênhx cán bộ, shuv xênhz, tuz lênhv đros trâu tsôngv px hâur thax tsav tỉnh Sơn La tưz sik côngv paz cxur, tơưk, blôngx njê…tuôx muôx njêx muôs trâu ntơưv cơ quan hội chữ Thập đỏ tỉnh qơư uô hâux lưv. Cxuô lênhx sđ tưz siz chos vâuv cxur, tsâu cxur, trâur tơưk fuô ndâu, nzuôr blôngx njê ….chiê krưr mor txâuv puôz. Ntơưv zos iz luôs hâux lưv sik đros côngv paz cov nzor xa tâu iz cxênhz luz mor txâuv puôz paz tsôngv px faz Trung. Txix lâus Trần Soi, lênhx nênhs tsar yêz kruô tỉnh Sơn La hêik pâuz:

Băng: “Hur si cxuô lênhx hâur Hội cux tsênhv taz tov sir jos, zos lênhx tưs tuôx tsik tâu cux muôz mê njik nhiêx txiêx gra tuôx trâu ntơưv no chiê xa paz tsôngv px faz Trung tsênhv taz tov trâus đêx nas chuô uô ruôr hiêv txos luz nênhx”

Pos Cầm thị chuyên, chủ tịch Hội chữ Thập đỏ tỉnh Sơn la cux hêik pâuz tiêk: Tsuôk đhâu iz hnuz fuô yax kriê cxuô lênhx sđ tưz sik đros côngv cxuô zav paz tsôngv px faz Trung, Hội chữ Thập đỏ tỉnh Sơn La tưz txêik tâu cxuô zav li tơưk, nhiêx, cxur, blôngx njê… txâuk krưr xar 2.200 luz mor txâuv puôz chiê xa paz tsôngv px faz Trung thiêz hâur hnuz 23 thiêz 24/10, chor mor txâuv puôz ntơư cux zuôr xa txos trâu tsôngv px nhoz cxuô tỉnh faz Trung:

Băng: “Hâur jiês no pêz sđ puôr lênhx sik côngv krưr mor txâuv puôz khanhx thiêx zôngx ziv  nox thiêz hur si chor mor txâuv puôz no pêz zuôr muôz máy gruk cov kruôr đêx thiêx tsês tâu ntêr hnuz chiê xa paz trâu tsôngv px nhoz cxuô tỉnh faz Trung”

Hâur têx hnuz no, Hội chữ Thập đỏ tỉnh Sơn La cux tsênhv taz tok txêik cxuô zav li: Tênhz tơưk pov cêr, saz phôngx, đêx hâuk, ntâuz tir nas, yuôx cxuôv hniêr, trik yo tir no…zos chor nênhs siêz jông gra tuôx chiê xa paz trâu tsôngv px nhoz cxuô tỉnh faz Trung cov iz thênhv jux juk muk cov đhâu têx phiv liv, viv nas chuô uô ruôr hiêv./.

                                (Tsu cxêik nhênhv-Trấn Long)

Yax mông li têx uô tâu jông lok heir nênhs tsơưs vênhx huôv

Xuz thơưx, tsuv nhav zos, hâur ntâu shông đhâu, pêz têx cơ quan yax mông tưz sir jos uô tâu truôx hâux lưv tso xor mông lok sâuv por hưv, tuôr tsês chiê heir nênhs tsơưs têx txux chi vênhx huôv jông. Têx li heik co uô đhâu txix: Sâu, tso ntâu xor mông heik txos, piêr kriê lok côngv thôngx 54 heir nênhs têx cêr nênhx phôngz cxưx, txux chi vênhx huôv jông.

Qơư yax xa xor mông cux muôx têx jax sâu, xor xưv heik zênhx max lok têx tsênhv chei, têx uô tsi tâu tsi tiêr....hâur hâux lưv seiz car têx txux chi vênhx huôv co, paz cxuô thax tsav qơư cux li chor cơ quan uô hâux lưv têz qơưk seiz car cxiv kho, khưx phưx têx uô tsi tâu ntơư. Yax xa xor mông tưz thiêz tsênhv, zuôr sir jos uô jông luôs hâux lưv por hưv tsês, tuôr chiê têx txux chi vênhx huôv jông thâuv nzor, têx di sản vênhx huôv hâur luz nênhx XH. Zơưv Đặng Khắc Lợi, Phưv cục tsar Cục ntơưr pov tsir Bộ xa xor mông heik pâuz

“Têx cơ quan ntơưr pov tsir hâux lưv xa xor mông zos lar kruôs txos. Nhiv no, hur si têz qơưk muôx 868 cơ quan ntơưr pov tsir thiêz 67 Đeix nta suôz xa đuôz, muôx nhos 1.600 faz ntơưr têx xor xưv cxuô zav. Trơưk li Cục ntơưr pov tsir thôngz sâu xav txix hnuz xiêz 01/7/2019 txos nhiv no, tưz muôx nhos 1.813 têx jax sâu, xor xưv heik lol têx cêr huôv tsar uô nox, xor xưv cuz nxor..... hâur luz nênhx niêx hnuz, pir li têx luôs hâux lưv txơưr đuô mak ngênhx vênhx huôv cux tưz tâu ntâu cơ quan ntơưr pov tsir sâu thiêz heik txos”.

Iz chas têx hâux lưv uô tâu jông heik sâuv, muôx kênh jiês kênh qiv, ntơưr pov tsir xa xor mông ho uô muôx yưv iz cxiê têx heik thiêz uô tsi jông txos di sản vênhx huôv. Iz cxiê lênhx tuz sâu xor têx tsi yuô moz siêz uô jông hâux lưv, muôx tsi txâuk txux chi uô nuv thâuv muk uô côngz xưv sâu têx mông, xor xưv mak tsi ndo txos txux chi vênhx huôv têx jông thiêz muôx grik tưz uô trâu XH, luôs lưv tus heik ntâu li uz li no, uô têx txux chi co tsuv hlôngr yiêz trơưk li lul heik, tsưr ziv xar.... Hâur ntu muôx ntâu zav xor mông, mạng XH, têx xor mông chuôr, mông tsi muôx tsênhz tiês zôngx ziv muôx yưv ntâu, chênhr viv li yax xa xor mông tsuv hlôngr yiêz  chiê uô jông luôs hâux lưv tơư kriê hâu cêr, tsưr ziv, por hưv têx txux chi vênhx huôv ntơư truôx jông, muôx cêr sik thôngx siêz, siz chos tuôr tsês, huôv tsar nthuôr uô VN têx txux chi cêr nênhx vênhx huôv jông tsi chiê pôngz plox. Trơưk li pos Chu Thị Thu Hằng, Phưv tổng biên tập seiz car ntơưr pov tsir vênhx huôv, cik txos iz cxiê têx di sản, chor jax sâu heik mênhx, heik tsênhz, qênhz pov têx jông ntơư lok six tsơưs. Phênhv ntâu têx jax sâu puôr lênhx sâu mê njik jông iz zav, heik lol têx mông, têx muôx yưv ciês trâu thâuv luz six hơưv co xưz,.....

“Tsuv gra siêz chor sâu xor xưv li txux chi tsưr ziv jênhv pâuz thâuv muk sâu têx xor xưv. Di sản cux zos iz kro lok six jông thiêz phiv liv sâu, tsi zos lênhx tuz sâu xor xưv tưs cơưv đhâu 4-5 shông đại học lok cux muôx têx sâu ciês tâu. Cur pov têx tuz sâu xor xưv tsuv muôx têx lớp cơưv cxaz nzir txux chi tsưr ziv yuôr trâul lok di sản. Cur zos lênhx tsi so sâu têx xor mông mak thâuv nhênhv lênhx tuz sâu xor xưv tưs jax sâu, zos tus tưs txơưx sâu, sâu tâu lok six jông. Zos pêz tsuôk uô trơưk, mul lơưr têx xor xưv muôx yiêz, cuz nxor, tsi pâuz tsênhz, pâuz thôngz lok di sản ntơư thiêz pêz uô tsi tas zuk tsưr ziv, đas jos, tsi tiz jông sâu mak jax sâu no cux iz zav li jax sâu tov”.

Nhiv no, pêz têz qơưk muôx nhos 120 tsov têx xor tôngx gra ntơưv têk. Hâur co, 85% sir zôngv têx xor tôngx jông, sơưr tiv iz hâur thax tsav Đông Nam Á. Internet tưz muôx nhoz cxuô qơư txix têx đrôngs lox txos tox siêz đêz đrôngs thiêz VN tsênhv muôx 65 tsov lênhx nênhs tsênhv taz tov sir zôngv Internet, 58 tsov lênhx zôngv Faceboot. Thôngz đhâu têx Hội, lênhx nênhs sâuv mạng XH, chor xor mông txơưv muôx tsênhz tiês lok tsi tsênhz, thâuv tưz hu zâuv tâu luôs lưv tus moz siêz sox seiz txos mak puôr lênhx muôx têx nthuôr đar txos trâu chôngz lênhx ntâu tus pâuz tsuôk hâur iz pliês, iz njêik muôs.

          Qơư yax xa xor mông tsuv paz por hưv thiêz tuôr tsês di sản têx jông, txo grêk tsơưs chor mông tsi muôx tsênhz, uô thiêz heik tsi jông lol di sản; sir jos uô trâu sđ, têx nênhs nhênhz chơưv vênhx huôv, tsôngv kruô cux li cxuô lênhx cxuô tus hâur XH puôr lênhx seiz njiê pov tâu di sản vênhx huôv têx jông thiêz muôx grik. Uô li ntơư, ntơưr pov tsir xa xor mông thiêx khav tinhv tâu zuk hâux lưv zov chênhr hâur huôv tsar ngênhx vênhx huôv VN têx txux chi jông, cxiv kho, tuôr truôx 54 heir nênhs li cêr sik thôngx siêz, siz paz siz hluz, sik đros huôv tsar./.

(VOV4-Riê Lâux cxeik, nhênhv)

Moz suôz liêz uô muôx yưv têx riêz nênhs li chak?

Nam: Moz plơưr, moz trâuv:

          Nữ: Viv moz suôz liêz tsik so muôx yưv hâur lênhx nênhs luz chêr, uô ruôr hiêv tsik jông txos têx sâur yar plơưr. Thâuv plơưr tsik muôx jos ntor têx yar hâur lênhx nênhs co luz chêr muk thôngz iz chê, zuôr uô trâu lênhx nênhs co têx sâur nyar plơưr trâus cxơưk thiêz uô trâu lênhs nênhs co têx sâur nyar plơưr trâus tơưs, trâus lok nyar.

          Nam: Uô cuz viv nyar lok tas ntâu:

          Nữ: Moz suôz liêz zôngx ziv uô trâu lênhx nênhs trâus lok yar kror njưs, lok yar têx pok hniêr…zos tsik chơưv kho zênhx max cux zuôr uô trâu lênhx nênhs co têx plaz hnhur trâus lok nyar thiêz uô trâu lênhx nênhs co ntuôr tâu nyar, tso jik lok nyar.

          Nam: Siêz njưk trâus lok nyar:

          Nữ: Siêz njưk trâus lok nyar, zôngx ziv uô ruôr hiêv txos cêr uô pa thiêz uô trâu lênhx nênhs  co  foz vos. Zos tsik chơưv kho zênhx max cux zuôr uô lênhx nênhs co trâus tuôs.

          Nam: Chơưv siêr:

          Nữ: Thâuv trâus moz suôz liêz, zôngx ziv uô trâu lênhx nênhs têx sâur nyar hlưz trâus cxơưk thiêz trâus tơưs, uô ruôr hiêv hnhar txos lênhx nênhs luz chêr, đas jos.

          Nam: Xênhz zus mê nhuôv tsik tâu txưv hli, nquôr mê nhuôv:

          Nữ: Pox niêv xênhz zus mê nhuôv hâur chêr trâus moz suôz liêz, zôngx ziv uô trâu tus pox niêv co nduôr mê nhuôv lok sik zus mê nhuôv tsik tâu txưv hli thiêz zôngx ziv uô trâu lênhx pox niêv co tus mê nhuôv trâus tuôs hâur tus niêv luz chêr thiêz uô ruôr hiêv tsik jông txos tus mê nhuôv hâur tus niêv luz chêr têx siêz njưk.

Nhạc cắt

          Tsôngv…! Cxuô lênhx cưk yuôx têx luk  hêik kriê, zos lênhx nênhs tưs trâus moz suôz liêz 1-2 hnuz tsik jông, uô muôx yưv têx luz poz liêz trâu ntơưv têx tơưr grêix, tsuv chox zênhx max lênhx nênhs co muk chơưv kho trâu tsêr kho moz, tsik chiê lênhx nênhs moz co uô muôx yưv têx tsik jông txos txox siê thiêz luz nênhx./.

                               (Tsu cxêik nhênhv-Thu Thuỳ)