Ntơưr sêiz kaz đas jos trâu niêv thiêz nhuôs zâu-fâu ntơưr muôx ntâu kror jông lok cêr siz luz niêv tuz

(Tiếng hiện trường: bác sỹ đang khám cho trẻ em bệnh viện huyện Mèo Vạc)

Ntơưv phongx njuôk shuôk moz tsêr kho moz huyện Mèo Vạc, tỉnh Hà Giang, tsuôk sêiz shuôk têx kror hâur jiês njuôk shuôk moz uô ntêx lok nhuôs Zax Yên Thanh li kror moz hnôngk, mnôngs nhuôs niêv piêr pâuz nhuôs têx moz muôx yưv, đros njuok shuôk mê njil, bác sĩ Bùi Mạnh Hùng tưz sêi đrơưv tso tơưv tsưr ziv chơưv kho thiêz têx luk kriê chiê paz trâu mê nhuôs jông moz sêi. Fâu ntơưr sêiz kaz đas jos lênhx niêv thiêz nhuôs zâu mak niêv tix Dính Xênhv Hav gra đros thâuv muk njuôk shuôk moz trâu mê nhuôs tưz paz lok six ntâu trâu bác sĩ thâuv njuôk shuôk moz thiêz chơưv kho moz. Bác sĩ Bùi Mạnh Hùng, tsêr kho moz huyện Mèo Vạc, tỉnh Hà Giang puz pauz:

“Chor nênhs moz nhoz no mak luôs tsik ndo txos chor jiês njuôk shuôk moz uô ntêx, têx muôx yưv, njuôk shuôk moz thiêz chơưv kho, yuôx zôngv li chak. Viv li khov trâu co, pêz zuôr tso tơưv tâu têx njuôk shuôk moz, tsưr ziv kho huv đros jông đuô trâu nênhs moz”.

Zos tiêk đros bác sĩ Hùng, fâu ntơưr co zos kror paz sêiz kaz tâu jông đas jos trâu nhuôs zâu huv đros, mak đros chor uô niêv li niêv tix Dính Xênhv Hav ntơưv xar Lũng Pù, hâux lưv chiv chir sâu têx xor mông trâu hâur fâu ntơưr cux paz trâu niêv tix lok six ntâu hâur hâux lưv tsoz phưz trâu zuk mê nhuôs.

“Zuk pov lok six jông thâuv zuk chiv chir sâu ciês mê nhuôs hnhar ciê, siêz li chak. Zuk sâu trâu mak zuk sêiz shuôk tâu jông đuô. Thâuv ntêx tsik muôx mak zuk tsuv muk trâu trạm, lok six phiv liv, nhiv no muôx fâu ntơưr co mak zôngx ziv đuô, zuôr sêiz tâu đas jos cxuô six hơưv. Fâu ntơưr no lok six muôx tsiv gri trâu zuk. Co jông xưk li iz kror paz trâu zuk pâuz tsênhz lok mê nhuôs đuô thiêz zuôr tsês chiê ntâu kror trâu zuk sêiz tov kaz no”.

Fâu ntơưr no tâu uô zâu, taz sik ho paz muôx ntâu kror jông lok tsoz phưz đas jos trâu pox niêv thâuv xênhz zus mê nhuôs, sêiz kaz jông têx mê nhuôs txix thâuv xênhz zus txos muôx 6 hli hnuz nhôngs thiêz xưv lik iz cxiê zav moz tsik so njiz trâus nhoz nhuôs zâu. Fâu ntơưr no cux zuôr sir zôngv hlôngr trâu ntâu zav ntâuz ntơưr li ntơưr njuôk shuôk mê nhuôs hâur chêr, ntơưr cxax yuôx phax moz, ntơưv njuôk shuôk moz trâu mê nhuôs, tsơưr pưr shưz…Puôr lênhx zôngx ziv thiêz fâu ntơưr zuôr gra tâu đros muk cxiê qơư, đros đrêiv lênhx nênhs thiêz mê nhuôs xưk li iz kror chiê nriêr pâuz lok đas jos. Tưz tsik zos pâuz thiêz sir zôngv muôx chêx cur fâu ntơưr, niêv tix Dính Xênhv Hav tsênhv chox têx zuk pâuz co lok hêik kriê sơưr đơưk, viv nhoz têx qơư phiv liv  ntơưv Lũng Pù no tsênhv yuôr ntâu txov nhêv hâur tsoz phưz zuk têx mê nhuôs:

“Zuk zos iz lênhx cưk kriê ntơưr cxênhx iz, zuk kriê chor mê nhuôs hâur tsêr cơưv ntơưr mak tsênhv zâu, viv li tưz đros chor gâux muôv vir ndâuk hâur xar, lok sik chi hôiv gâux muôv vir ndâuk thiêz hôiv jêx jok chiê yax kriê trâu pêx xênhv thiêz tiv zix zos chor vir ndâuk sơưr đơưk pâuz txos fâu ntơưr no, sir zôngv fâu tơưr chiê zuk têx tuz nhuôs tâu huôv tsar cxix cxuô đuô”.

(Tiếng hiện trường: Chị Dính trao đổi với phụ nữ xã Lũng Pù…)

Đhâu chor jiês yax kriê li co, jux juk chor pox niêv nhoz no têx luk thav nhiv no tưz tsik zos hêik lok liêx têz xưz mak tsênhv zos hêik txos tsưr ziv sêiz kaz, tsoz phưz đas jos trâu zuk thiêz têx mê nhuôs, lok fâu ntơưr xiêr. Niêv tix Caz Xênhv Vax, xar Lũng Pù, huyện Mèo Vạc, Hà Giang tưz sêiz fâu ntơưr co zos iz kror thâuv tưs cux tsuv muôx:

“Fâu ntơưr no tưz paz trâu zuk têx kror zuk tsuv pâuz co zos tsuv tsoz phưz trâu mê nhuôs cov muôx đas jos jông thiêz muôz trâu mê nhuôs nox cxix cxuô tsơưr pưr shưz chiê mê nhuôs hlo lox huôv tsar sêiz đuô. Pâuz tsoz phưz trâu mê nhuôs lơưv mak iz hnuz tsuv chiê mê nhuôs nox pêz pluôs thiêz râuz đêx trâu mê nhuôs đa. Thâuv ntêx tsik tâu muôx ntơưr mak zuk tsik ndo kaz chax mê nhuôs muk cxax yuôx, hâuk yuôx, taz sik muôx ntơưr lơưv mak zuk ndo njôngr txos têx co”.

Bác sĩ Trần Thị Thắm, trạm trưởng trạm y têr xar Lũng Pù puz pâuz, fâu ntơưr no tưz muôx ntâu lênhx uô niêv hâur xar sir zôngv:

“Nhiv no tưz muôz tâu 120 fâu ntơưr trâu chor uô niêv. Cur lok six shir phaz thiêz thôngx siêz đros muôx fâu ntơưr no trâu chor uô niêv. Co cê zôngx ziv trâu chor uô niêv, cê zôngx ziv trâu cán bộ y têr sêiz car chor pox niêv xênhz nhuôs hâur chêr, cxax yuôx thiêz côngz xưv njuôk kho moz ntơưv trạm y tế xar”.

Zơưv Trần Đăng Khoa, Phưv vụ trưởng vụ Uô niêv-nhuôs zâu, Bôv y têr cux ntâuk gri siêz fâu ntơưr no li kror liv:

“Fâu ntơưr no xưk li zos iz kror paz hêik pâuz lok đas jos, sâu tas nro txix mê nhuôs tâu xênhz zus, hloz lox, huôv tsar li chak, chơưv kho moz trâu mê nhuôs li chak. Co hêik tơưv tâu nganhx y têr, tas nro xar hôiv thiêz chuôz zis li tsov cưv txos mê nhuôs đas jos”.

(nhạc nền nhẹ nhàng….)

Xar Lũng Pù, huyện Mèo Vạc, zos iz hâur lok six ntâu xar nhoz Hà Giang tâu kriz uô muôz fâu ntơưr sêiz kaz đas jos trâu lênhx niêv thiêz mê nhuôs. No zos nganhx Y têr tỉnh Hà Giang li têx sir jos thiêz muôx chêx cur. Nhiv no, tưz tsik zos ntơưv Hà Giang mak chôngz lênhx uô niêv nhoz têx tỉnh, tành txơưr đuô cux muôx tâu fâu ntơưr no khov muôx Vụ đas jos lênhx uô niêv-nhuôs zâu, bôv y têr đros muôx chor tsưr tsix y têr ntiêx li têx paz. Hâur shông 2017, đros muôx Liên Minh Châu Âu paz nhiêx txiêx thôngz đhâu tsaz yênhx paz tsênhv chêi nganhx y têr ntu 2, 120 cxênhz ntâu fâu ntơưr muôx tsiv gri tưz thiêz zuôr tror tâu muôz txos trâu chor pox niêv sâuv thax tsav 8 tỉnh pluôs tiv zix têz qơưk. Têx fâu ntơưr co nhiv no tưz tsik zos paz trâu chor bác sĩ sêiz kaz tâu đas jos trâu chor nhuôs zâu mak tsênhv zos yênhx iz kror txuôk đros txix niêv trâu mê nhuôs, cêr siz hluz hâur ziv chuôz zis./.

(Thu Hà-Lik Thox cxêik nhênhv)

PHÊNHV NRIÊR PÂUZ CHEI TÊZ QƠƯK (2 suôz)

Nuk: Thor nuk li no, HĐND cấp xã tâu tso tơưv têx ntâuz ntơưr, chei, cui tinhv li chas?

Têz: Trơưk li cui tinhv ntơưv grê 4 chei têz qơưk tso tơưv têx ntâuz ntơưr, chei, cui tinhv shông 2015, HĐND cấp xã tâu tso tơưv têx Nghị quyết.

Đros ntơư, grê 30 chei têz qơưk tso tơưv têx ntâuz ntơưr, chei, cui tinhv shông 2015 cui tinhv HĐND cấp xã tso tơưv Nghị quyết chiê cui tinhv têx hâux lưv tâu chei têz qơưk choz zok.

Nuk: UBND cấp xã tâu tso tơưv têx ntâuz ntơưr, chei, cui tinhv li chas?

Têz: Pêz têz qơưk têx ntâuz ntơưr, chei, cui tinhv nhiv no lok six ntâu, nhiêk muôx vax huôv txơưr tsi siz thôngx. Đros thiêz ntâu ntâuz ntơưr tsi siz thôngx li ntơư, uô trâu têx ntâuz ntơưr, chei, cui tinhv têz qơư ntâu zav, iz phênhv tưs uô txo grêk tsơưs têx hâux lưv uô lơưr têx chei co thiêz car seiz uô tsi yuô tâu truôx. Chênhr viv li, qir txix têx heik no, tsưr ziv uô zôngx ziv têx ntâuz ntơưr heik sâuv, thâuv tưs tưz tâu têx cơ quan cxiv sâu chei têz qơưk moz siêz txos, uô jông. Têz qơưk chei tso tơưv têx ntâuz ntơưr, chei, cui tinhv shông 2015 cux tsi zos txơưr, thâuv Ủy ban txo grêk tsơưs têx ntâuz ntơưr li heik co. iz chas ntơư, Ủy ban cxuô cấp tsuôk tso tơưv têx ntâuz ntơưr lok sâuv quyết tinhv.

Tsênhv tsênhz, ntơưv grê 4 chei têz qơưk tso tơưv têx ntâuz ntơưr, chei, cui tinhv shông 2015 cui tinhv Ủy ban cấp xã tso tơưv têx ntâuz ntơưr quyết tinhv.

Đros co, grê 30 chei têz qơưk tso tơưv têx ntâuz ntơưr, chei, cui tinhv shông 2015 cux cui tinhv Ủy ban cấp xã tso quyết tinhv chiê cui tinhv têx hâux lưv tâu choz zok./.

                (Tuyết Lan-Riê Lâux cxeik, nhênhv)