Jos muôx ntâu ziv chuôz zis muôz ar cxiv tsa nôngx cxênhz yiêz

          “Lơưr Đảng, têz qơưk luôs hâux lưv yax kriê, thâuv uô cêr lok sik cxiv uô tsêr vênhx huôv, zênhr shar txos chuôz zis tưs ar têz mak sir jos muôz ar paz, cur chuôz zis thôngx ziv thiêz tuz nhuôs cux lok six jông siêz kênh mê njik ar chiê uô têx li hêik sâu”

          Zơưv Nông Đức Nhanh nhoz jos Tông Luông, xã Khánh Thiện, huyện Lục Yên, tỉnh Yên Bái li pheiz kênh sâuv cux trơưk li têx ziv chuôz zis hâur jos li siêz xar thâuv đros uô tsaz yênhx cxiv tsa nôngx cxênhz yiêz.

          Jos Tông Luông muôx 125 ziv chuôz zis đros 580 ntâu lênhx nênhs nhoz uô nênhx, 97% zos tsôngv box mênhx cxưx Tày. Thâuv ntêx, têx cêr muk txix xã đhâu jos Tông Luông thiêz têx cêr muk lok hâur jos puôr lênhx lok six greiv, ntux lok nas cêr lok six bluô, cheix ntux kruôr lok six pâus hmôngr ar; thâuv muk sâu kôngz lôngk lok sik chuôz zis tưs muôx hâux lưv, muôx yêz ô tô cux muk lok tsi tâu. Tsêr vênhx huôv jos- qơư xênhz huôx côngv thôngx cux greiv, chuôz zênhx muôx tsi txâuk, cêr lax muk lok, tsuôk tuôv zênhv tâu phênhv tưs tsôngv box li zoz qơưx.

          Cxôngx qênhx shênhx no, thâuv jos, xã krêz uô hâux lưv cxiv tsa nôngx cxênhz yiêz, pox nhuôs hâur jos lok six jông siêz muôz 2 cxênhz yiv ar phưx vưv krêz đar thiêz uô 1 cxênhz 500 yiv cêr zaoz thôngz. Chiê uô tâu tsêr vênhx huôv jos taz por muôx 120 qơư jâuv ndê muk thiêz muôx qơư shâuv thiv thao, đros mênhv chêx txix 2 cxênhz 500 txos 4 cxênhz yiv ndis lơưr cui tênhv, têx ziv chuôz zis nhoz uô nênhx iz ndis co tưz muôz 2-3 châuv txos yênhx puôk yiv ndis ar chiê uô. Tix lâuk Hoàng Quang Cột, iz lênhx tsôngv box nhoz hâur jos heik:

          “Pêz chuôz zis tưz thôngx ziv muôz iz cxiê ar chiê uô cêr muk lok zôngx ziv huôv tsar KTXH hâur jos jông đuô. Heik cxuô zos uô zênhr shar txos tsiv uô kôngz nuv, taz sik ho paz cxơưz huôv tsar kinh têr hâur ntu zuôr txos”.

          Zơưv Nông Đức Doãn, Bí thư Chi bộ jos Tông Luông puz pâuz: Thâuv tâu yax mông lok têx qơưs luôs hâux lưv cxiv tsa nôngx cxênhz yiêz, 100% chor ziv chuôz zis hâur jos tưz jông siêz muôz ar chiê krêz uô. Thâuv uô cêr thiêz tsêr vênhx huôv, trâus chuôz zis tưs ar têz mak chuôz zis co jông siêz kênh ar paz.

          “Têx tsêr vênhx huôv, cêr muk lok cxuô zav mak tâu têz qơưk thiêz tsôngv box sik đros uô. Nhiv no pox nhuôs tror sik đros huôv tsar huôv tsar kinh têr, têx ntus cêr muk lok tâu chos pax jông jav, tsêr vênhx huôv muôx trôngx nja jông. Têx qơư tsôngv box nhoz uô nênhx tuôr jông vêv xênhz, tsi por têx vuôz tsuôz kiês nênhs cxuô qơư....sir jos cov yênhx jos nôngx cxênhz yiêz”

          Cux xưk li jos Tông Luông, yênhx puô ziv chuôz zis nhoz têx jos txơưr hâur xã Khánh Thiện cux muôz ar phưx vưv cxiv tsa nôngx cxênhz yiêz.

          Zơưv Triệu Đức Chính, Bí thư Đảng ủy xã Khánh Thiện thôngz xor mông: Đhâu 10 shông uô tsaz yênhx, tsôngv box hâur xã tưz muôz têx ar paz tâu tas nro zos 5 cxênhz yiv ndis ar, 1 cxênhz ntâu tsoz chos, yênhx puô yiv nja vax....chiê krêz đar uô 57 ceik cêr zaoz thôngz muk lok hâur xã:

          “Pêz cux tưz cxiv tsa cuiv ar têz cxiv tsa nôngx cxênhz yiêz thiêz huiz tôngv txix têx tuz nhuôs tiv phaz muk uô côngz xưv, uô nox đêz chiê tror cxiv tsa têx côngz tsinhx, zaoz thôngz nôngx cxênhz. Pir li, thâuv uô cêr nongx cxênhz tsôngv box kênhk ar paz, taz sik, krêz cêr mak tsuv zôngv têx zav meir viv li Cuiv no zuôr zôngv chiê ntiêr têx zav meir, yêz phưx vưv uô”./.

(Trịnh Xuân-Txâur Vax cxeik nhênhv)

Tsưr ziv chos jâuz tâuv hâur cheix ntux no, đê sâu tâu nju

Tsưr ziv xeir thiêz uô ar chos jâuz tâuv hâur cheix ntux no

Xeir têx thax ar têz siêz mê njik, muôx cưx đês đêx cxix cxuô thiêz huv đros chiê  têx đêx ntưk tâuk, tsi trâul ngaz thâuv ntux lok nas. Zos thax ar uô chos jâuz tâuv co kis mak sơưr đơưk muôz huk uô têx caz cov siêz tsơưr. Hok têx ar uô chiê chos jâuz tâuv cux tsi cxoz uô thiêz muôz têx ar tsông mok hênhr jâuz tâuv thiêx jông, ntux lok nas chor jâuz li tsi trâul tuôs. Tsuv uô txax, qơư vor thêir chiê têx jâuz tâuv hloz lox jông thiêz  tsi trâul têx caz hmoz uz no nox,  uô ruôr hiêv.

Tsưr ziv xeir têx nôngz jâuz tâuv jông chos hâur cheix ntux no

Zôngv têx nôngz jâuz pâuz tsênhz qơư, muôx nhoz hâur bê têx nôngz jâuz, tsoz chos tâu chei chos uô, zuôr muôs zos Bộ Kôngz nuv thiêz huôv tsar tox siêz tso tơưv lok sik chor nôngz jâuz tsoz chos ntơưv qơư tưz tâu uô, tâu zôngv, tsi uô ruôr hiêv li chas trâu lênhx tiz nênhs. Tsuv xeir zuôr têx zav nôngz jâuz tsêz tuôx jông. Cheix ntux no khênhr no njiv viv li sơưr đơưk xeir uô têx zav jâuz blôngx mê, tsêz chos zuôr tâu nox sei ntơư xưz.

Tsưr ziv chos jâuz hâur cheix ntux no

Uô ntêx thâuv zuôr tsêz uô jâuz, tsuv muôz mê njik hmôngr jêz siz fmông trâu, chiê tuô lov têx caz hmoz uz no hâur ar thiêz muôx têx caxin zuôr trâul txos trâu tex jâuz, paz phax tir thêir iz cxiê zav caz hmoz khênhr tho nox uô ruôr hiêv têx jâuz tâuv li: Uô chas jâuz lưx, tâuv lưx, txi pluôr tsi jông….. Đhâu thâuv sơưr đơưk muôz ar huk uô yênhx hax tas mak qir fmông hmôngr jêz siz trâu, đhâu co tso đêx lok zưs, ngaz têx hax zuk tưz muôz huk, fmông jêz siz ntơư txix 1-2 hnuz li tuô đêx, muôz qir zuôv puô thiêz uô ar chos jâuz tâuv. Iz chas co muôx têx zuôv nzir iz cxiê zav qir uz no trâu cov jâuz tâuv tsi yuô trâul caz hmoz tho nox uô ruôr hiêv, thiêx hloz lox jông. Cux seiz têx jâuz tâuv co li chas, sơưr đơưk zuôv qir cov huv đros trâu.

Phax tuô têx caz hmoz uô ruôr hiêv jâuz tâuv hâur cheix ntux no

Chiv jâuz tâuv ntux tsâus no khênhr no njiv thiêz nông ntâu, viv li zôngx ziv trâu ntâu zav caz hmoz huôv xênhz, uô ruôr hiêv têx jâuz tâuv uz no. Chênhr zos li heik co, sơưr đơưk tsuv tsi so muk qênhz shuôs chiê muôx tsưr ziv tuô lov tâu zênhx max. Muôx têx zôngv chor yuôx por hưv đrox tsuôs, tuô lov caz hmoz chiê tsuôs phax tuô têx caz uz no trâu jâuz, taz sik tsuv uô trơưk li heik kriê, tsuv tâu tsuôs têx yuôx ntơư uô ntêx tsơưs yax zos 25-30 hnuz sơưr đơưk thiêx tâu đê têx jâuz tâuv nox. Tsuv tsov cưv zôngv chor yuôx pâuz tsênhz qơư chiê tsuôs tuô lov têx caz hmoz trâu jâuz tâuv.

Tsôngv box sơưr đơưk ndo njôngr uô trơưk têx li heik kriê sâuv chiê muôx tâu iz chiv jâuz tâuv hloz lox jông, sâu đê tâu nju.

(Bích Thủy-Riê Lâux cxeik, nhênhv)