Tsôngv px Sơn La bax tsưr ziv por hưv têx tsiêx cxu uô ntêx hâur têx hnuz muôx ntux no njiv

Hâur 2, 3 hnuz đhâu lok no, thâuv tas cik sơưr nzor ntơưv têx jok huôz ha tsênhv sơưr pok niêz đros trâu no njiv hênhr, luz loa nta suôz nhoz zơưv Lù Văn Sương tsêr, tsar jok Nà Lạn-Luz jok nhiv kruôr yêik lol nhoz tsi ntêr hâur xã Tông Cọ, huyện Thuận Châu tưz fuô uô har zênhv lus, heik cov cxuô ziv chuôz zis cưr tix nênhx tsa sđ moz siêz txos por hưv đas jos trâu lênhx nênhs thiêz têx tsiêx cxu hâur têx hnuz muôx ntux no njiv hênhr.

Tsar jok Lù Văn Sương heik pâuz: Đros trâu yax kriê đhâu sâuv loa nta suôz, têx lưv lươngv hâur jok cux muk iz chuôz zis jux juk, heik tsôngv px chaz têx tsiêx, gra têx keiz ok đrav têx liêx têz lok tsêr, paz max px cxiv kho têx qơư khi thiêz cơư tsiêx cxu, muôz ntâuz tax xor thêir chuô txiêk:

“Thâuv ntêx tsi xor thêir ntov mak nhux tưv trâul tuôs no tas, bax tsi tâu tsês têx jâuz tâux trâu nox, cux trâul tuôs yeiz. Txix thâuv tâu Đảng, têz qơưk yax kriê, zos thâuv tưs ntux no njiv, sđ xor thêir têx qơư cơư tsiêx cxu cov ntov thiêz kriê tsưr ziv tu têx tsiêx, nhiv no tưz tsi trâul tuôs yeiz, tsik trâus tuôs no lơưv”.

Chiê por hưv chuôz zis têx tsiêx cxu hâur cheix ntux no, tix lâus Lò Văn Kiên nhoz jok Lè, xã Tông Cọ tưz bax khơưk tsês thiêz zuôr nzir tsôngv cưr tix nênhx tsa sđ hâur jok têx kuôr blêx, car poz cưk, njik caz tsiz.... đhâu sâu kôngz tas txix hli 9, hli 10 chiê nhux tưv tâu nox hâur cheix ntux no. Iz chas ntơư, chuôz zis cux chos nzir tâux, tsơưz chiê vâuv kâuz, uô jâuz trâu chuôz zis zuôr xar 30 tus nhux txuôv tâu nox.

Trơưk li tix lâus Kiên: Hâux lưv bax tsês têx jâuz tâux trâu tsiêx nox hâur têx hnuz ntux no njiv lok six zov chênhr, zos ntux no njiv ntêr hnuz, zuôr tsi muôx đaz tsi trâu tsiêx nox, uô ruôr hiêv lox txos tsiêx li đas jos:

“Tiv iz zos tsuv bax tsês cov txâuk jâuz tâux trâu nhux tưv nox, tiv  2 zos qơư khi, guôx tsiêx cxu tsuv đu lus, kruôr krơưr, tsi yâu chuô txiêk; iz kro thiêz zos iz tus tsiêx pêz tsuv cxax iz côngz yuôx paz đas jos trâu thâuv ntux txơưr txar, no njiv”.

Chiê paz tsôngv px por hưv tâu jông chuôz zis têx tsiêx tu zus hâur têx hnuz ntux no njiv no, chor canr bôv cxiz kôngz hâur huyện cux tsi so muk trâu cxuô jêx jok, yax kriê px uô têx faz tsưr ziv phax tar ntux no njiv.  Zơưv Quàng Văn Loản, Tổ tsar tổ tu zus thiêz kho moz tsiêx cxu, Tsênhv qơư kôngz nuv huyện Thuận Châu heik pâuz

“Nhiv no tsôngv px tưz pâuz tsưr ziv vâuv jâuz tâux uô kâuz tsês trâu tsiêx nox hâur cheix ntux no, zos têx jâuz tâux muôx ntâu thiêz sênhv; txos cheix ntux no, muôx đâuk tê, no njiv ntêr hnuz chor chuôz zis tu zus tsiêx cux muôx txâuk jâuz trâu tsiêx cxu nox”.

Huyện Thuận Châu nhiv no muôx 57 cxênhz ntâu tus nhux tưv thiêz 30 cxênhz ntâu tus yis, zax. Khov tsôngv px sđ bax uô têx faz tsưr ziv phax tir thêir, viv li txos iz jiês no, hâur thax tsav huyện, têx tsiêx cxu tsi tâu pov trâul uô ruôr hiêv li chas, tiv ntux no njiv./.

(Trấn Long-Riê Lâux cxeik, nhênhv)

Yên Bái: Heik kriê tsôngv box chuôz tsar tir tar ntux no njiv

          Cxôngx têx jiês chuô txiêk no njiv, Ban sêiz car phax tar ntux nas thiêz nriêr chơưv nanv tỉnh Yên Bái tưz heik têx sở, nganhx; têx huyện, thị xã, thành phố chuôz tsar yax kriê chiê tsôngv box chuv tsôngv phax tar ntux no njiv: Ntơư zos taz por cov luz chêr sor si, tsơưs tơưv muk đrâuv jôngr hâur têx hnuz ntux no njiv hênhr; tsi zôngv kror chuz trâur tơưs chiê ntê hâur têx qơư ntov.

          Nganhx zaoz zux-Yên Bái cux heik têx tsêr cơưv thiêz shux xênhz li niêv txir chuôz tsar têx tsưr ziv phax tar no trâu shux xênhz, tiv zix zos đros shux xênhz nox nhoz ciês ntơưv têx tsêr cơưv tox siêz, shux xênhz muôx luz nênhx txov nhêv. Shux xênhz tsi hnar tsôngs yo tsêr cơưv cui tênhv zos tsi taz por txâuk sor; tsi tsưr tsix têx huôx tôngv đrâuv jôngr thâuv ntux no njiv...          Pos Lê Thị Bích Thúy- Phưv tsar phòng zaoz zux huyện Trấn Yên, tỉnh Yên Bái puz pâuz:

          “Phongx zaoz zux tưz heik têx tsêr cơưv chie yax kriê shux xênhz tsuv hnar trik yo trưz uô cov luz chêr sor si, qơư nhoz sor si. Yax mông trâu shux xênhz niêv txir tsov cưv txos hâux lưv no thâuv chox mê nhuôs muk cơưv ntơưr, tsov cưv txos shux xênhz li đas jos thâuv nhoz tsêr. Đros têx huôx tôngv đrâuv jôngr lok têx hnuz ntux no njiv, tsuv hlôngr huôx tôngv txơưr. Pir li: huôx tôngv hâur têx qar cơưv...”

          Nganhx y tế cux heik tsôngv box tsuv tsov cưv txos têx tsơưr pưr hâur têx hnuz ntux no njiv li chuôz tsar nox cxaz tsơưr pưr, hnar trik yo trưz uô cov luz chêr sor si; nox hâuk taz por vêv xênhz chiê phax tar moz gênhk, tiv zix zos chor nênhs lâuk thiêz mê nhuôs zâu. Bác sĩ Nguyễn Thị Hường, tsar khoa kho moz mê nhuôs zâu- Tsêr kho moz Yên Bái tsov cưv txos hâux lưv nzuôr chêr trâu mê nhuôs hâur têx hnuz ntux no li no:

          “Hâur cheix ntux no njiv, tsi zuôr chêr trâu mê nhuôs ntâu, 2-3 hnuz nzuôr iz jiês. Thâuv mê nhuôs trâus no zôngx ziv trâus moz lok cêr uô pa. Cheix ntux no tsuv muôz trik yo trưz trâu mê nhuôv hnar cov mê nhuôs luz chêr sor si thiêz tsi chiê mê nhuôv tơưv đrâuv jôngr ntâu”.

          Jiês ntux no njiv njuôs pov zuôr tror truz ntêr hnuz. Tsôngv box tsuv ndo njôngr muôz têx trik yo trưz trâu têx mê nhuôv hnar cov luz chêr sor si, nox hâuk txâuk tsơưr pưr cov muôx txâuk đas jos tir thêir moz gênhk./.

(Thừa Xuân- Txâur Vax cxeik nhênhv)