Jax thưr 3, hnuz 23/2/2016

Sơn La: Têx ntông cao su zôngx ziv trâus hluôr tơưk txeik cuz siêz đhâu jiês ntux lok đâuk tê

Jiês ntux lok đâuk tê lox yax hâur kaz hli iz nhiv kruôr đhâu, xar muôx 5 cxênhz ha har jôngr, xuz tsuôs thiêz têx ntông chos ntơưv ntâu thax tsav xã tox siêz hâur huyện Thuận Châu trâus đâuk tuô tuôs tas, zôngx ziv trâus hluôr tơưk txeik cuz.

Nhiv kruôr đhâu, ntơưv xã Co Mạ thiêz Mường É, huyện Thuận Châu tưz muôx 2 txuz hluôr tơưk txeik cuz jôngr, uô hiêv tas 85 ha har jôngr. Chênhr viv li, luôs hâux lưv phax cuz tuô cuz jôngr nhiv no ziv zuôr trâus txos đuô ntơưv Thuận Châu heik taz thiêz tỉnh Sơn La heik cxuô, viv ntơư zos six hơưv kruôr gis, khênhr muôx chuô, thiêz zos luz six tsôngv box sơưr đơưk luôx têz, hlơưr têz jov jơưk.

Nhiv no huyện Thuận Châu tưz tsa tâu 500 paz nênhs uô hâux lưv phax cuz, tuô cuz jôngr, xav kror đruôz đraz iz paz ntơư muôx txix 10 txos 12 lênhx lênhk uô luôs hâux lưv no thâuv muôx hluôr tơưk txeik cuz jôngr. Lưv lươngv yuôx jôngr huyện Thuận Châu tưz tâu chuôz tsar seiz jor jông têx har jôngr hâur têx thax tsav zôngx ziv muôx hluôr tơưk txeik cuz siêz, qênhz shuôs njôngr thiêz uô jông luôs hâux lưv phax cuz tuô cuz. Lưv lươngv yuôx jôngr thax tsav muk têx jêx jok fuô kriê, heik tsôngv box gra siêz txux chi tsưr ziv đros tsưx phưv jông têx har jôngr, tsi zôngv hluôr tơưk thâuv muk hâur jôngr.

Txix qênhx shênhx zôngx ziv muôx hluôr tơưk txeik cuz jôngr đhâu jiês ntux lok đâuk tê tuô nhiv kruôr đhâu, Thường trực Tỉnh ủy, UBND tỉnh Sơn la tưz muk qênhz shuôs têx thax tsav jôngr Copia, huyện Thuận Châu. Đhâu thâuv uô hâux lưv đros têx ngênhx muôx vax huôv thiêz ntơưv qơư, đôngx chir Hoàng Văn Chất, Bí thư Tỉnh ủy Sơn La tưz chox kriê cxuô cấp, ngênhx hâur tỉnh, huyện cov cxiv tsa, fuô kriê têx tsưr ziv phax tar cuz tox cuz jôngr tsênhv tsênhz trâu yênhx thax tsav, suôv qơư đros tsưr ziv phax zos zov chênhr hur si. Cấp ủy cxuô cấp, lar heik zos chi bộ ntơưv têx thax tsav zôngx ziv muôx hluôr tơưk txeik cuz jôngr tsuv uô jông hâux lưv lês car, tsưr tsix têx đoanx thêv đros uô jông luôs hâux lưv no, chênhr phax tsi chiê muôx hluôr tơưk txeik cuz jôngr./.

( Thanh Thủy-Riê Lâux cxeik, nhênhv)

Phêhv thưr 3 hnuz 23/2/2016

Phax tar caz hmoz ruôr hiêv txos blêx chiv ntux yiêz

Hâur qiv hơưv chiv ntux yiêz tsik so muôx yưv tur đax, iz hâur chor caz ruôr hiêv blêx.

- Têx uô hiêv: Tur đax muôx 5 ntu hloz lox, muôx 2 zav tik lur thiêz tik ntêr. Thâuv chor tur đax tik lur muôx yưv zos thâuv tur đax uô ruôr hiêv ntâu, txos thâuv muôx chor tur tik ntêr zos zav nox tsik huv đros thiêz qiv hơưv tsik huv. Tur đax tsik so nhoz sâuv chor caz blêx jê blêiv đêx, tho car blêx gruk têx tsơưr chiê chiêx. Zos tiêk chor tur đax tsơưs mak zuôr uô trâu blêx đax blôngx, huôv tsar kênhz. Thâuv chor tur đax chôngz (muôx 3000 tuk iz yiv ndis) mak tsoz blêx zuôr trâus tuôs. Phiv liv đuô tur đax tsênhv zos zav caz moz đax lur thiêz lur câur blôngx uô trâu blêx sâu tâu tsik nju thiêz nhiv no tsênhv tsik tâu muôx yuôx phax tar.

Têx huôv xênhz uô hiêv: Hâur qiv hơưv chiv ntux yiêz lok six huv trâu tur đax huôv xênhz thiêz hloz lox. Viv li, chor tur đax tsik so chuôz ndê chôngz hâur chiv ntux yiêz. Tur đax zuôr uô hiêv tas nro blêx li ntu hloz lox, taz sik ntu râus hiêv ntâu zos ntu piz cxơưr txos trâu blêx siêr. Nôngz blêx zos iz têx kror zov chênhr cuêz tênhv txos chor tur đax muôx sâuv chor liêx. Kror no mak tsuv zôngv chor nôngz tir tar tur đax ntơưv têx qơư muôx yưv tur đax ntâu.

- Chor tsưr ziv phax tar tur đax:

+ Zôngv zav nôngz blêx tir tar tur đax muôx cuêz tênhv hâur côngz xưv phax tar tur đax.

+ Tsuv tsov cưv tsêz chos tsêx tsung huv chêix chiv thiêz muôx tsưr ziv chuv tôngv hâur côngz xưv phax tar tur đax. Chor tur đax zuôr chuôz ndê ntâu hâur iz ntu lur, viv li tsuv qênhz yuôx thiêz sêiz kaz đrak liêx tsik chiê tso tơưv tsưr ziv phax tar thiêz muôx chêx cur.

+ Thâuv tur đax tik lur muôx yưv ntâu zos hêik tơưv blêx zuôr trâus hiêv. Viv li, tsuv phax tar ndar six hơưv tur đax txix iz hâur chor zav yuôx li Trebon 10EC, Bassa 50 EC… txix 0,15-0,2%. Tsuv muôz chor blêx kêiz 1 yiv thiêz tsuôs yuôx trâu chor hâur pâuk blêx zuôr muôx chêx cur siêz đuô./.

(Báo Nông Nghiệp-Lik Thox cxêik nhênhv)