Cheix ntux yiêz nhoz jos tox siêz Háng Pu Xi

          Hâur têx hnuz cheix ntux yiêz, ntơưv tsênhv qơư jos Háng Pu Xi khôngz qiv lov jêv đhiê tsiêz tsuôk li tsênhv yuôr đros têx suôz luôs, têx lul phôngv tsiêz jông đros siêz xar njôngr cheix ntux yiêz zuôr njiz ntâu cêr vav mênhx hâur luz nênhx.

          Tix lâuk Chua Xênhv Thox, tsôngv box jos Háng Pu Xi, xã Phiz Nhưx, huyện Điện Biên Đông, tỉnh Điện Biên pheiz kênh:

          “ Shông no tsôngv box cux phênhv ntâu uô têz yuôr uô liêx mak tsơưs đuô. Seiz cxuô shông no zuôr lov jêv đuô niêx shông viv cur jos muôx tsiêx nox nzor đuô”.

          Jos Háng Pu Xi muôx 50 ntâu ziv chuôz zis tsôngv box đros 100% zos tsôngv box mênhx cxưx Hmôngz nhoz uô nênhx. Luz nênhx hâur têx shôngk đhâu ziv hnuz ziv tâu muôz siêz khov têx tsaz yênhx nôngx cxênhz yiêz, tsênhv chei paz txưv huôv tsar uô xênhz yar cxôngx chinhr quyênx xã thiêz huyện. Tsôngv box luz nênhx nhiv no tsi yuôr qênhx shênhx trâus yeiz thiêz txov nhêv li thâuv ntêx lơưv mak ziv hnuz ziv jông đuô tuôx. Iz đraz chor ziv chuôz zis hâur jos cux hla đhâu chuôz zis pluôs. Zơưv Sình Xênhv Muôk , tsôngv bxx jos Háng Pu Xi, xã Phiz Nhưx huyện Điện Biên Đông, tỉnh Điện Biên shir phaz heik:

          “ Cur tưz muôx 84 shông, xênhz zus thiêz hloz lox ntơưv no. Cur pov jêx jos hlôngr yiêz hâur yênhx hnuz. Tâu Đảng thiêz têz qơưk tsov cưv, pox nhuôs luz nênhx hlôngr yiêz jông, tsôngv box sir jos uô têz, tu zus buô, keiz. Nhiv no hâur jos tưz muôx ntâu ziv chuôz zis bluô nux, tsi yuôr ntâu chuôz zis trâus yeiz thiêz”.

          Xã Phiz Nhưx zos iz hâur têx xã txov nhêv nhoz huyện Điện Biên Đông. Tas nro xã muôx 1.200 ntâu ziv chuôz zis đros zuôr xar 8 cxênhz lênhx nênhs. Hâur co mênhx cxưx Hmôngz muôx txos 90%. Lơưr ntâus grê hâur têx shông đhâu, qênhx shênhx huôv tsar KTXH hâur tiv phaz tưz muôx ntâu hlôngr yiêz, têx tsaz yênhx, dưv anr puôr lênhx tâu krêz uô thiêz phuôx huiz chêx cuk. Tsôngv box luz nênhx chinhz yênhx tâu hlôngr yiêz. Zơưv Di Xênhv Hangv chủ tịch UB xã Phiz Nhưx puz pâuz:

          “ Hâur têx shông nhiv kruôr đhâu, tsôngv box luz nênhx muôx ntâu hlôngr yiêz, hâur co muôx Đảng, têz qơưk li têx tsaz yênhx paz txưv li cxiv tsa nôngx cxênhz yiêz, paz txưv nôngz tsoz chos, tsôngv box cux tưz muôx têx hlôngr yiêz hâur luz nênhx. Cxôngx co tsôngv box sâuv thax tsav cux tsưr tsix nox tsiêz sor si”.

          Hâur têx hnuz no, jos Háng Pu Xi thiêz têx jêx jos txơưr nhoz tox siêz sâuv thax tsav xã Phiz Nhưx tsênhv tos iz cheix ntux yiêz sor si, lov jêv thiêz zuôr uô tâu tiêr ntâu luôs hâux lưv jông hâur shông yiêz đros trâu tsôngv px sđ zuôr muôx luz nênhx tsâu sor đuô hâur têx shông đhâu./.

(Vũ Lợi- Txâur Vax cxeik nhênhv)

Tsênhv chêi trâu cưk kriê ntơưr cxênhx nhuôs zâu

Lơưr nghị quyết số 06/2018, cưk kriê ntơưr nhuôs zâu (xav tas nro phưv hiệu trưởng) uô hâux lưv lơưr chế độ hux thôngx lox tôngv hâur phênhv cưk kriê ntơưr tâu cấp muôx qênhx tso tơưv nhoz chor qơư zoz zux chor qơư zoz zux nhuôs zâu công lập zos txâuk ploz tsênhr cưk kriê ntơưr nhuôs zâu hov 4 (mã số V.07.02.06) tror sâur txâuk ploz tsênhr cir hux thôngx lox tôngv, sơưv nhiêx hli nhoz côngz bê cưk kriê ntơưr nhuôs zâu hov 4 (mã số V.07.02.06) lơưr bảng nhiêx hli cuiz tênhv ntơưv chính phủ li nghị định số 204/2004 hnuz 14/12/2004 lok nhiêx hli trâu cán bộ, công chức, viên chức thiêz lưx lươngv vũ trang, Chính phủ li Nghị định số 17/2013 hnuz 19/2/2013 kho đuô, cxaz nzir iz cxiê gri Nghị định số 204/2004 thiêz tâu sơưv chor chế độ, tsênhv chêi lơưr cuiz tênhv nhiv no xưk li cưk kriê ntơưr nhuôs zâu zos viên chức hâur chor qơư zoz zux nhuôs zâu công lập. Six hơưv thiêz thênhv nhiêx hli sơưv thâuv uô hux thôngx lox tôngv chiê xav nhiêx hli thiêz uô lơưr tsênhv chêi thâuv tâu xêir zuôr lơưr chế độ hux thôngx uô hâux lưv… Cưk kriê ntơưr nhuôs zâu (xav tas nro hiệu trưởng, phưv hiệu trưởng) tsênhv uô hâux lưv ntơưv chor qơư zoz zux nhuôs zâu dân lập, tư thục tâu têz qơưk paz ntâuz ntơưr thiêz nhiêx txiêx cơưv shâuv nzir thâuv cxaz chuôz chor lớp cơưv shâuv, cơưv nzir gra siêz txux chi uô hâux lưv. Phênhv nhiêx paz uô lơưr phênhv paz trâu cưk kriê ntơưr công lập muôx đros yênhx tưv cxaz chuôz cơưv shâuv, cơưv nzir txux chi, hâux lưv uô lơưr cuiz tênhv.

Cưk kriê ntơưr nhuôs zâu (xav tas nro hiệu trưởng, phưv hiệu trưởng) tsoz phưz, zoz zux nhuôs zâu mênhx cxưx tsơưs nênhs nhoz trâu thax tsav tsar tov kinh tế-xã hội txov nhêv tiv zix  tâu paz nhiêx zuôr ntâuz ntơưr (tsik xav txos têx ntâuz ntơưr nriêr pâuz nzir) luk hêik thiêz ntơưr sâu nênhs mênhx cxưx tsơưs nênhs (zos muôx) lơưr cuiz tênhv. Nhiêx zuôr ntâuz ntơưr  chiê cơưv (tsik xav nhiêx zuôr ntơưr sêiz nzir) tâu thêv lơưr nhiêx txiêx chênhr chiê zuôr thiêz tâu thêv tsik ntâu đuô 3 shông.

Cưk kriê ntơưr nhuôs zâu kriê tas iz hnuz ntơưv chor nhuôs zâu, lớp nhuôs zâu cơưv uô cê txix oz zav hnuz nhôngs tror sâur ntơưv têx tsêr cơưv nhoz đêz lok sik cxaz chuôz kriê nzir luk tsoz tsiz trâu chor nhuôs zâu, lớp nhuôs zâu muôx chor nhuôs zos mênhx cxưx tsơưs nênhs ntơưv chor tsêr cơưv nhuôs zâu hâur chor qơư zoz zux nhuôs zâu công lập ntơưv têx qơư muôx tsar tov kinh tế xã hội txov nhêv tiv zix lơưr Thủ tướng chính phủ li cuiz tênhv yênhx hli tâu paz nzir iz phênhv nhiêx txiêx zos 450.000 đêiv iz hli. Six hơưv sơưv phênhv paz zos 9 luz hli iz shông (txix hli 9 shông uô ntêx txos hli 5 shông lơưr liês co), nhiêx paz tâu thêv đros chor nhiêx hli hâur hli co thiêz tsik zôngv chiê xav thêv nhiêx bảo hiểm xã hội, bảo hiểm y tế thiêz bảo hiểm tsik muôx hâux lưv uô./.

(KT-Lik Thox cxêik nhênhv)