Jax sau thưr 5, hnuz 23/3/2017:

Tir thêir kâus tưx zav nox nhoz faz Bắc-zos luôs hâux lưv tsuv uô cov tâu truôx

      Đros têx thax tsav nhoz tỉnh Yên Bái, tsưr ziv uô phênhv ntâu zos yax kriê. Zơưv Páo Xênhv Muôk, Phưv Chủ tịch UBND Trạm tấu, huyện Trạm Tấu heik pâuz: Pâuz tâu txix txuz kâus tưx zav nox muôx 13 lênhx nênhs tsuv chox muk chơưv kho trâu tsêr kho moz, tiv zos pluôk mor têx lênhx nênhs heik sâuv nox uô cê hâur shông uô ntêx, xã tưz thiêz tsênhv cxơưz tiês hâux lưv yax mông, fuô kriê tsôngv box lok sâuv vêv xênhz ngaz tuk zav nox, tsik chiê kâul tưx zav nox, zơưv Páo heik:"Txix hâur shông, xã heik kriê tsôngv box sơưr đơưk cov nox siêr, hâuk bâu chiê taz por ngaz tuk. Tiv 2 sir zôngv zav nox, tsôngv box tsi zôngv têx zav nox tsuôs yuôx tuô, lov caz, txo grêk tsơưs sir zôngv têx yuôx por vêv đrox tsuôs. Lok iz cxiê zav nox nhôngk li: grêix, tsôngv box tsês chiê ntêr hâur tsêr cux heik tsôngv box zos tsư nxiêz, tsi jông nox mak tsi cxoz sir zôngv".

    Hâur 3 shông ntâu đhâu lok no, xav txix thâuv tso tơưv cui tinhv hur tiz si têx ntênhs nox hâuk muôx chôngz lênhx nênhs tsuv muôx lênhx tiz nênhs seiz car jông, hâur thax tsav xã Lùng Vai, huyện Mường khương, tỉnh Lào Cai tưz tsi pov muôx lênhx tưs trâuk kâus tưx zav nox hlo hâur têx pluôk nox muôx ntâu lênhx nênhs. hâux lưv heik cov sơưr đơưk sik đros cir ntơưr nhav uô ntêx thâuv tsưr tsix nox hâuk muôx chôngz nênhs li: Nox yôngz cok, ntênhs moz ntênhs tuôs.... tsi tiêk tâu uô trơưk hâur thax tsav Lùng Vai mak tsênhv tâu fuô uô đêz đar trâu hur si têx xã hâur tas nro tỉnh Lào Cai. Đhâu ntơư, taz por ngaz tuk zav nox tưz tâu gra siêz, txix 2013 txos nhiv no, hâur thax tsav tỉnh Lào Cai tsi pov muôx têx txuz kâus tưx zav nox muôx ntâu lênhx nênhs.

    Iz chas ntơư, cxuô ngênhx muôx vax huôv ntơưv qơư cux cxơưz tiês uô jông hâux lưv qênhz yuôx, seiz kaz, xưv bluô têx lênhx tiz nênhs uô cxâuv, iz chas co, sir jos yax kriê txos trâu cxuô lênhx tsôngv box sơưr đơưk, paz txo grêk tsơưs têx lênhx nênhk trâus kâus tưx zav nox hâur 100 cxênhz ntâu lênhx tsôngv box ntơưv tỉnh txix xar 39 lênhx (shông 2013) yuôr 8 lênhx ntâu lok shông 2014, 7 lênhx (shông 2015) thiêz grêk yuôr 3 lênhx ntâu lok shông 2016.

Pos Lê Thị Thanh mai, canr bôv xã Lùng Vai, huyện Mường Khương, tỉnh Lào Cai heik: "Uô ntêx thâuv iz chuôz zis tưs muôx uz muôx no li nox yôngz lok sik uô đaz tsi mak lênhx hlôngr njêx muôs trâu chuôz zis ntơư tsuv tuôx UBND xã chiê buôk ti đas cir thiêz cir ntơưr nhav lok sâuv taz por ngaz tuk zav nox mak thiêx tâu tsưr tsix uô ntênhs nox hâuk muôx chôngz nênhs co. Hâur têx shông đhâu, tas nro xã tsi chiê muôx yưv txuz kâus tưx zav nox tưs hlo".

     Trơưk li zơưv Lường Văn Kiên, phưv Giam đốc Sở y tế tỉnh Điện Biên mak, luôs hâux lưv taz por ngaz tuk vêv xênhz zav nox thâuv tưs tưz tâu ngênhx xav tinhv zos hâux lưv zov chênhr. Iz chas ntơư cxơưz tiês uô jông luôs hâux lưv yax kriê txos trâu tsôngv box sơưr đơưk thôngz đhâu sâuv đeix, ti vi...txix ntâu zav luk heik; thôngz đhâu têx ntơưr fuô kriê..... Taz sik, nhiv no tsưr ziv jông yax mak ngênhx cux tsênhv sir jos fuô uô zos chuôz tsar tiês tso canr bôv y tế muk trâu têx thax tsav, suôv qơư buôk ti kriê trâu tsôngv box pâuz to tâuz lok têx tsi jông heik sâuv. Zơưv Lường Văn kiên, Phưv Giam đốc Sở y tế tỉnh Điện Biên heik: "Pêz tsi so chox kriê têx taz viv li: Chi cục vêv xênhz ngaz tuk zav nox, tsênhv qơư yax kriê zoz zux đas jos, ntơưv têx huyện mak muôx phongx y tế, tsênhv qơư y tế huyện, hâur xã muôx qơư y tế xã, txos jêx jok muôx têx cưk yuôx jok, buôk ti uô hâux lưv yax kriê, phax tar kâus tưx zav nox".

      Têx faz tsưr ziv mak cxuô thax tsav, têx ngênhx muôx vax huôv nhoz chor tỉnh Tây Bắc tso tơưv cux tưz fuô uô li: Chuôz tsar tiês yax mông, heik kriê tsôngv box, tso lênhx nênhs muk trâu yênhx thax tsav, suôv qơư qênhz  yuôx shuôs...., six hơưv đhâu nhiv kruôr uô tâu mê njik xưz tưz txo grêk tsơưs tsi tâu tâu qênhx shênhx kâus tưx zav nox muôx chôngz lênhx nênhs trâuk kâus. Chiê txâuk thiêz zuôr trâus txos mak têx tsưr ziv uô ntơư tsuv uô lơưr tsênhv tsênhz đuô, tsuv chuôz tsar tiês lưv lươngv qênhz yuôx, tir thêir txix ciês qơư tsiv uô, tsuv muôx chei, cui tinhv xưv bluô ntov jông têx lênhx tiz nênhs uô cxâuv. Lar heik, tsuv phax tir thêir tâu lưv lươngv muôx vax huôv têx tsưr ziv, siêz xar tsi jông uô têx nuv tsi trơưk chei li: nox nhiêx....hâur qênhz yuôx, xưv bluô têx lênhx uô cxâuv mak tsôngv box thiêx muôx têx tâu zôngv têx xiv huv jông, truôx tuk, thiêx txo grêk tsơưs tâu qênhx shênhx "kâus tưx zav nox muôx ntâu lênhx trâuk kâus nhoz thax tsav tox siêz Tây Bắc", têx cêr pôngz siêz thiêz lar heik muôx thâuv ntêx txos nhiv no./.

(Nhóm PV Tây Bắc-Riê lâux cxeik, nhênhv)

Phênhv sâu thưr 5 hnuz 23/3/2017

Niêv tix Lò Thị Xuân txơưx huôv tsar cêr uô nox

    Xênhz zus hâur chuôz zis uô kôngz nuv, thâuv zuôr txir cxiv tsa chuôz zis, niêv tix Lò Thị Xuân tsik so xar tiêk uô chak chiê huôv tsar kinh tế, muôx tsar tov chiê tu zus têx mê nhuôs. Shông 2005, đhâu thâuv tâu hội gâux muôv vir ndâuk Phường Chiềng Cơi chiê muk ndis shuôk, cơưv shâuv chênhz zênhv txix têx tsưr ziv uô kinh tế, niêv tix sêiz lax đros tuk txir txêik pênhr chiê tu zus buô mâuv thiez buô grêix. Đros cxaz chuôz chor lớp kruôz kriê kỹ thuật zos phường tsưr tsix, niêv tix Xuân tsênhv chiv chir nriêr pâuz cơưv shâuv nzir sâuv têx ntâuz ntơưr lok tsưr ziv tu zus. Nhiv no, đrâuv zus 15 tuk mâuv buô, iz shông niêv tix chuôz zis muôs muôx 100 ntâu tuk buô grêix. Niêv tix tsênhv tu zus nzir kêiz ol chiê muôx nzir phênhv sâu. Đros co, 700 yiv ndis ar vax niêv tix chos nzir jâuz hur muôs hâur cxuô chêix trâu ciêz đrôngs. Đhâu thâuv xav tas cxuô zav, iz shông chuôz zis cux sâu tâu xar muôx 200 triệu đêiv. Co cux zos iz kror phênhv sâu tsik tsơưs đros thiêz pêx xênhv nhoz iz tỉnh tox siêz li Sơn La. Niêv tix Lò Thị Xuân hêik: “Thâuv ntêx no chuôz zis txov nhêv, shông 2005 yưv pênhr muôx 200 triệu chiê tu zus kêiz buô. Luz nênhx cux tsik yuô txov nhêv li thâuv ntêx, têx tuz nhuôs tâu cơưv ntơưr cxix cxuô”.

    Tưz tsik zos txơưx uô kinh tế paz hlôngr yiêz luz nênhx trâu chuôz zis, niêv tix Lò Thị Xuân tsik so phêiz kênh chênhz zênhv trâu chor gâux muôv vir ndâuk hâur chi hội lok kỹ thuật tu zus, chos kôngz lôngk, paz zuz nôngz trâu pox nhuôs hâur jok. Niêv tix Bạc Thị Hiền, jok Mé, phường Chiềng Cơi puz pâuz: “Niêv tix Xuân zos iz lênhx hội viên uô ntêx hlo, sir jos paz trâu chor gâux muôv sơưr đơưk uô kinh tế”.

     Niêv tix Lò Thị Xuân tsênhv tsik so sir jos cxaz chuôz trâu chi hội gâux muôv vir ndâuk hâur jok li têx huôx tôngv; uô jôngr lơưr Đảng, têz qơưk li têx cêr chêi. Tas nro niêv tix pêz tuk mê nhuôs puôr lênhx hloz lox yênhx nênhs, chuôz zis ntâu shông zos chuôz zis vênhx huôv. Shông 2015, niêv tix tâu UBND thành phố Sơn La cungz jênhv zos “Chuôz zis tsơưx uô xênhz yar, kinh doanh hênhr” thiêz tâu jênhv cxuô câpz hội gâux muôv vir ndâuk li ntâu ntơưr kruôk. Niêv tix Lèo Thị Phượng, chủ tịch hội gâux muôv vir ndâuk phường Chiềng Cơi, thành phố Sơn La hêik: “Niêv tix Xuân tsik so uô ntêx hlo hâur huôv tsar kinh tế tưz tsik zos trâu niêv tix xưz mak tsênhv paz trâu pox nhuôs hâur jok li zuz nôngz, pênhr thiêz kỹ thuật hâur tu zus, tâu chôngz gâux muôv, vir ndâuk nhoz têx jêx jok txơưr đuô tuôx cơưv shâuv niêv tix tsưr ziv uô nox”.

     Niêv tix Lò Thị Xuân zos iz lênhx pox niêv mênhx cxưx Thái uô ntêx hlo lok car xar, car uô, sir jos uô bluô nux chiê chor gâux muôv sơưr đơưk cơưv shâuv uô trơưk./.

                          (Hồng Việt-Lik Thox cxêik nhênhv)