Sơn La: Sir jos phax tar moz vưv

Thâuv tưs txos hli 3 hli 4 hâur niêx shông, tix lâus Hà Duy Thành nhoz jok Cọ, phường Chiềng An, TP Sơn La lo tâu canr bôv kho moz tsiêx cxu tuôx ntơưv tsêr cxax yuôx vắc xin phax tar moz vưv trâu chuôz zis paz đêr muôx 5 tuk ntơư. Tix lâus Thành heik pâuz: Khov tâu canr bôv kho moz tsiêx cxu tsi so yax kriê thiêz nriêr pâuz đhâu têx ntơưr pov tsir, ti vi, tix lâus tưz pâuz tsênhz txos moz vưv li têx tsi jông, lar heik zos uô tuôl nênhs. Iz kro thiêz zos tix lâus chuôz zis tsênhv muôx têx nhuôv zâu, viv li cxax yuôx phax tar moz vưv trâu têx đêr zos iz hâur têx tsưr ziv tâu chuôz zis moz siêz txos:

“Thâuv ntêx mak chuôz zis tưz muôx đêr trâus moz vưv, viv li cur cux pâuz tsênhz moz vưv zos iz zav moz riêz nênhs, đêr trâus vưv tsi tiêk uô tsi jông txos đal jos, zôngx ziv uô tuôs nênhs mak tsênhv muôx têx tov, cik tâu caz moz trâu lênhx nênhs lok sik têx tuk tsiêx txơưr đuô thiêz. Lar heik, cur chuôz zis tsênhv muôx têx mê nhuôv zâu, viv li cur pâuz tsênhz tiêk, cxax yuôx vắc xin phax tar moz vưv trâu đêr zos zuôr trâul txos chiê por hưv đas jos trâu têx đêr, cux li chor nênhs hâur zuk chuôz zis”.

Nhiv no tỉnh Sơn La muôx nhos 200 cxênhz tuk đêr, hâur co zuôr xar 160 cxênhz tuk jông cxax yuôx vắc xin phax tar moz. Uô lơưr jiês cxax yuôx phax tar moz vưv trâu đêr lok hli 3, hli 4 niêx shông, shông no, Chi cục kho moz tsiêx cxu tỉnh Sơn la tưz muôz 130 cxênhz hưx yuôx vắc xin cxax phax tar moz vưv trâu đêr txos 12 huyện, TP hâur thax tsav tỉnh Sơn La, iz chas ntơư sir jos uô luôs hâux lưv yax kriê txos trâu tsôngv px sđ, lar heik zos têx lênhx tsôngv box nhoz tox siêz đêz đrôngs pâuz txos têx tsi jông thiêz tsưr ziv phax tir thêir moz vưv. Zơưv Lừ Văn Trường, Chi cục kho tu zus thiêz kho moz tsiêx cxu tỉnh Sơn La heik pâuz:

“Đhâu six hơưv, hnuz nhôngs uô lơưr hâur têx shông jê lok no, mak phênhv ntâu tsôngv box tưz jông siêz, thôngx ziv đros tsaz yênhx cxax yuôx phax tar moz vưv trâu têx đêr, taz sik ntơưv thax tsav tox siêz đêz đrôngs mak hâux lưv cxax yuôx phax tar moz txơưv tưz tâu têz qơưk paz, taz sik cux tsơưs. Đros thiêz zos cơ quan ngênhx lês uô luôs hâux lưv kho moz tsiêx cxu mak heil lênhx nênhs tu zus, xar zus đêr, tsuv cxax yuôx phax tar moz cxix cxuô, thâuv trâus đêr vưv tov lok sik trâus đêr tov tsuv muk trâu têx qơư y tế jê yax chiê tâu heik kriê thiêz cxax yuôx kho moz”.

Trơưk li Tsênhv qơư Y tế dưv phax tỉnh Sơn La thôngz sâu tsi tâu cxix cxuo, txix shông 2011 txos nhiv no, tỉnh Sơn La sâu jênhv tưz muôx 66 lênhx nênhs trâul tuôs tiv moz vưv. Chênhr viv li, luôs hâux lưv gra siêz tsôngv box txux chi tsưr ziv jênhv pâuz hâur phax tar moz vưv zos lok six zuôr trâul txos, lar heik zos hâur cheix ntux sor, thâuv ntux cuz sor lok six zôngx ziv uô têx tsiêx tu zus huôv xênhz têx moz uz no.

          Taz sik, tiv tsôngv box thax tsav tox siêz đêz đrôngs cêr cor cav zos tu zus tso lav yar, tsi muôz cơư, muôz khi, tsi cxax yuôx phax tar moz, viv li hlôngr yiêz tsôngv box nhoz têx suôv qơư li heik sâuv txux chi tsưr ziv jênhv pâuz hâur phax tar moz vưv cux tsênhv njiz ntâu phi liv./.

                           (Trấn Long-Riê Lâux cxeik, nhênhv)

Lênhx tuz hluôk hêir nênhs Hmôngz sir jos khưr uô nox

Tsôngv pox nhuôs sơưr đơưk hmor yuô! Đros sir jos, car xar, car uô, Lai Xênhv Vax-lênhx hluôk tuz hêir nêhs Hmôngz, nhoz jok Sin Suối Hồ, xar Sin Suối Hồ, huyện Phong Thổ, tỉnh Lai Châu tưz uô ntêx hlo hâur huôv tsar kinh têr, chiê uô bluô nux, iz shông sâu tâu yênhx puô triệu đêiv thiêz zos yênhx lenhx nênhs trâu sơưr đơưk hâur thax tsav cơưv shâuv thiêz uô trơưk.

(Hlôngr suôz)

Zus shông 1984, Lai Xênhv Vax, nhoz jok Sin Suối Hồ tâu chôngz lênhx nêhs haur jok pâuz txos, viv gruôs, txơưx xar tơưv thiêz sêi đrơưv hâur huôv tsar kinh têr. Sâuv chuôz zis thax tsav ar têz đar muôx 4.000 yiv ndis, tix lâus tưz cxiv uô tsêr guôx, yưv pênhr chiê tu zus buô thiêz kêi tso vax chiê sir zôngv cxuô zav hâur kôngz nuv uô zav nox. Iz shông tix lâus muos oz jas, xar muôx 4 tấn grêix buô thiêz xar muôx 1 tấn kêiz, sâu tâu muôx 300 triệu đêiv ntâu. Yưx tas cxuô zav, chuôz zis sâu tâu muôx 150 triệu đêiv nhiêx liv. Tix lâus tưz cxaz chuôz ntâu lớp cơưv shâuv zos tiv phaz tsưr tsix, cux xưk li sir jos nriêr pâuz đhâu ntâuz ntơưr lok kỹ thuật tu zus , kêiz, buô. Xuz thơưx tix lâus tsuôk zus oz tuk mâuv buô thiêz oz pêz châuv tuk pox kêiz, đhâu co tix lâus zus nzir jux muk muôx yênhx châuv tuk mâuv buô thiêz yênhx puô tuk kêiz.

Đros thiêz tu zus buô, kêiz, chuôz zis tsênhv yưv pênhr chiê chos Địa lan, iz zav pax tsênhv paz muôx nzir phêhv sâu siêz trâu pox nhuôs nhoz no. Tiv qiv hơưv, đêx ar huv đros, viv li Địa Lan ntơưv jok huôv tsar jông thiêz zos yênhx chor Địa lan nto bê ntơưv Sin Suối Hồ, viv têx kror jông gâux mak tsik muôx kror qơư tưs jông bâuv co. Iz shông txos trâu jiês tsiêz, tix lâus chuôz zis muôs muôx 100 têik pax Điạ Lan, sâu tâu muôx 300 triệu đêiv ntâu.

Nhạc cắt

Txix tsưr ziv uô nox no, iz shông tix lâus Lai Xênhv Vax chuôz zis sâu tâu xar muox 500 triệu đêiv thiêz tưz zos yênhx chuôz zis txơưx uô kinh têr ntơưv tiv phaz. Tix lâus li tsưr ziv uô kinh têr tưz zos yênhx kror qơư trâu chôngz lênhx nênhs zos chính quyền tiv phaz tsưr tsix chox car tuôx ndis shuôk, cơưv shâuv. Ntâu ziv chuôz zis hâur jok thiêz hâur thax tsav tưz sir jos cơưv shâuv, uô trơưk tix lâus chuôz zis tsưr ziv uô nox no thiêz tưz hla đhâu cêr pluôs, uô bluô nux.

Phênhv “Nôngx mênhx zuôr tsuv pâuz” hnuz no tsuôk xâuk li no xưz, phênhv no zos Đaix TNVN iz suôv faz Bắc côngv đros tsênhv qơư cxơưz cxiz uô kôngz têz qơưk uô./.

(Lik Thox cxêik nhênhv)