Tsôngv box mênhx cxưx Thái Sơn La uô truôx luôs hâux lưv phax tar tuô hluôr tơưk cuz

          Pos Tòng Thị Vinh luz tsêr lơưx 3 qar nhoz jos Mòng, xã Hua La, thành phố Sơn La tâu cxiv uô tâu 10 shông lok no đros têx chuôz zênhx phênhv ntâu zos zôngv shôngz, ntông cxiv uô. Hnuz tưs chuôz zis cux trâur tơưk uô jâuz mor nox. Tâu công an xã yax mông, pos Vinh tưz cxiv uô iz luz kror đêx jê ciês tsêr nhoz thiêz zuôr cxaz meir grus đêx chiê cê phax tar tuô hluôr tơưk cuz, cê phưx vưv xênhz huôx

          “Chiê phax tar tuô hluôr tơưk cuz, pêz iz lênhx nênhs thâuv tơưv muk uô liêx uô têz tsuv tuô cov hluôr tơưk tuôs ciês. Thiêz choz chêv mê nhuôs nhoz tsêr tsi cxoz trâur tơưk, txov hluôr tơưk, viv tsêr lơưx zôngx ziv trâus txeik hluôr tơưk cuz, tiv zix zos hâur cheix ntux kruôr li nhiv no. Cur lok tsêr, thâuv uô jâuz mor, thâuv muk pư cux ndo njôngr zôngv đêx zưs cov hluôr tơưk tuôs tas, jav tâu cuz tơưk, cuz jos, lok six riêz nênhs”.

          Zơưv Cà Văn Họp, nhoz jos Phường, xã Chiềng Ngần, Thành phố Sơn La puz pâuz, hâur têx hnuz yar ntux cuz sor, ntux kruôr gis li no, zos tsi tsov cưv jông lok hâux lưv sir zôngv hluôr tơưk mak lok six zôngx ziv muôx cuz. Nhoz tsêr lơưx, zơưv Họp uô kror chuz jê ciês kror đêx, thôngx cxiv zôngv ar, thưx chiz cxiv uô chiê taz por:

          “Chiê phax tar cuz tsêr nhoz, chuôz zis cux tâu cán bộ xã tuôx yax kriê uô ntêx thâuv muk tưs tsuv tuô tas têx chuôz zênhx tênhv tênhz cux xưk li kror chuz chiê phax tar cuz tsêr nhoz”.

          Thành phố Sơn La nhiv no muôx 28 cxênhz ntâu ziv chuôz zis, đros 108 cxênhz ntâu lênhx nênhs, hâur co tsôngv box mênhx cxưx Thái tsav 50% ntâu. Chiê muôz siêz tsôngv box li siêz xar hâur hâux lưv phax cuz tuô cuz, thành phố Sơn La tưz yax six yax mông txos tsôngv box têx tsưr ziv phax cuz, tuô cuz, chơưv nanv; uô uô cê phongz yaox tas no tsôngv box cxaz chuôz phax cuz đros phongz yaox cxiv tsa qơư tsôngv box nhoz, chuôz zis vênhx huôv. Thôngx cxix tuôr truôx, krêz đar trâur nuv têx qơư “tsôngv box nhoz taz por phax tar hluôr tơưk chis cuz” ntơưv têx xã, phường; tsov cưv uô tsưr ziv phax cuz tuôx cuz thiêz uô tsưr ziv “4 ntơưv qơư” thâuv muôx hluôr tơưk chis cuz.

          Zơưv Nguyễn Thế Phương, Phưv chủ tịch UB TP Sơn La, tỉnh Sơn La puz pâuz:

          “Đros têx tsêr lơưx, thành phố tsênhv chuôz tsar côngz xưv yax mông, vênhv tôngv sir zôngv hluôr tơưk lok sik kho đuô tênhv tênhz uô li chas chiê taz por thiêz zôngv hluôr tơưk taz por, yax six muôx cxix luôk phax cuz tuô cuz, tsi chiê muôx yưv qênhx shênhx cuz lok sik txiêz nanv hâur vênhv thix txơưr”.

          Hâux lưv muôz siêz siêz xar phax tar tuô hluôr tơưk cuz nhoz yênhx jêx jos thành phố Sơn La tâu lok six tsov cưv. Viv zos muôx cuz tsêr lơưx, hâux lưv tuô cuz lok six phêv liv, cuz lok six sei thiêz njuôs xav zuôr cuz txuôk muk têx tsêr txơưr./.

(Trấn Long-Txâur Vax cxeik nhênhv)

Vax huôv tror xav tênhv hêir nênhs

          Việt Nam zos iz luz têz qơưs muôx ntâu hêir nênhs. Nhiv no Việt nam muôx 54 hêir nênhs, iz hêir nênhs nhiêk môx nhiêk txux chi, vênhx huôv jông txơưr tsik siz thôngx. Taz sik hêir nênhs choz tsiz zos iz hêir nênhs chôngz đuô, txênhz txos 86% lênhx nênhs, phênhv ntâu zos huôv tsar cêr uô nênhx nhoz trâu têx đrôngl lox, tiêx đras. Phênhv ntâu, cxuô hêir nênhs tsơưs huôv tsar cêr uô nênhx nhoz trâu thax tsav tox siêz, đêz đrôngl faz Bắc, faz Tây Nguyên thiêz faz trung, tiêx đras đêx Cửu long.

          Xav tênhv hêir nênhs tsơưs zos luôs hâux lưv jiês xuz thơưx xav tênhv trâu hêir nênhs tsơưs. Hêir nênhs tsơưs li vax huôv tâu xav tênhv txix xênhz zus, uô ntơưr kiz xênhz.

          Vax huôv xav tênhv, xav tênhv đuô hêir nênhs, zos vax huôv tâu sâu tsês trâu chêi hâur ntâuz ntơưr.  Shông 1995 thiêz tâu uô txix chêi dân sự shông 2005 thiêz txos trâu nhiv no zos chêi dân sự shông 2015. Txix têx chêi sâu tsês trâu hâur ntâuz ntơưr thiêz têx quy tênhv hâur chêi dân sự hâur ntu đrav ntêx thiêz iz cxiê grê hâur chêi no tưz tâu cxiv kho đuô cxaz nzir. Pir li grê 28 hâur chêi dân sự shông 2005, sir zôngv bê hu zos “Vax huôv xav tênhv đuô hêir nênhs”. Yuôr grê no hlôngr bê hu zos “Vax huôv xav tênhv, tror xav tênhv đuô hêir nênhs”. Viv vax huôv xav tênhv hêir nênhs, zos lênhx nênhs li vax huôv, txix thâv xênhz zus thiêz tâu xav tênhv hêir nênhs jiês xuz thơưx, zos uô ntêx ntơư (lênhx nênhs co tsik tâu zos hêir nênhs tưs).

          Nhiv no,luôs hâux lưv hlôngr thiêz xav tênhv đuô hêir nênhs tưz tâu cơ quan têz qơưs moz siêz txos thiêz paz lênhx nênhs co xav tênhv đuô hêir nênhs cux li xêir tsov uô hêir nênhs trơưk siêz xar. Cxuô lênhx nênhs sđ puôr lênhx muôx vax huôv uô niêv lok sik txir li hêir nênhs, zos niêv thiêz txir xênhz zus zos hêir nênhs txơưr.

          Trơưk li luật sư Nguyễn Anh Đức, đoanx luật sư Hà Nội, ntơư zos lênhx nênhs li vax huôv, VN têx chêi huv đros cxuô hêir nênhs thiêz hâur luz nênhx cux muôx chôngz lênhx ntâu tus tror xav tênhv đuô hêir nênhs. Pir li niêv thiêz txir zos oz hêir nênhs txơưr, tus mê nhuôv co tror xav tênhv uô trơưk lênhx niêv lok sik lênhx txir hêir nênhs.

          “Vax huôv xav tênhv hêir nênhs thiêz xav tênhv đuô hêir nênhs tâu quy tênhv tsênhz mênhx hâur chêi dân sự shông 2015. Ntơưv grê 29 quy tênhv, lênhx nênhs muôx vax huôv xav tênhv thiêz tror xav tênhv đuô zuk hêir nênhs. Tâu quy tênhv ntơưv ntu 2, lênhx nênhs thâuv xênhz zus, tâu xav tênhv uô lênhx niêv lok sik lênhx txir xênhz zus hêir nênhs”

          Têx mê nhuôv tsik muôx qơư nhoz, tsik pâuz tsênhz niêv thiêz txir xênhz zus, tsik tâu xav tênhv zos mê nhuôv zus, luật sư Nguyễn Anh Đức hêik pâuz nzir:

          “Zos mê nhuôv tsik muôx qơư nhoz, tsik tâu xav tênhv zos mê nhuôv zus, xav tênhv hêir nênhs zos uô trơưk li lênhx nenhs sêiz car, tu zus lox hloz ntơư uô ntơưr kriz xênhz trâu lênhx mê nhuôv co. Vax huôv xav tênhv đuô hêir nênhs, quy tênhv ntơưv ntu 3, grê 29 hêik tsênhz mênhx”

          Nhiv no, vax huôv xav tênhv hêir nênhs thiêz xav tênhv đuô hêir nênhs tâu uô tsênhz mênhx nhoz hâur pêz têz qơưs, huv đros cxuô lênhx nênhs li vax huôv thiêz tâu Đảng têz qơưs moz siêz txos 54 hêir nênhs hâur pêz têz qơưs VN./.

                                                  Tsu vưx cxêik nhênhv-VOV4