Quảng Nam:Cxiv kho, huôv tsar uô cxuô luôs hâux lưv reik đros ju lix

Xã Điện Quang, thị xã Điện Bàn, tỉnh Quảng Nam tưz muôx jiês nto mông lus đros thiêz jok uô têx hâux lưv chos jâuz caz, tu zus caz chaz xor uô ntâuz. Zơưv Nguyễn Đức Thành, Giám đốc hợp tác xã kôngz nuv Điện Quang heik pâuz, kuôk no 20 shông, hâux lưv chos jâuz tu zus caz uô xor nhoz no cux shir phaz lul. Chuôs li chuôz zis tưs cux cê uô liêx têz, cê chos jâuz, tu zus caz. Liêx têz chos jâuz caz muôx kênh thâuv ndê txos 340 ha, niêx shông muôx 270 tênhr têx caz lưk. Txos shông 1990, qơư sâu zuôr têx caz lưk tsi truôx ttuk, uô tsi tâu nox, tsôngv box sđ tso tsês zav hâux lưv no hlôngr chos têx tsoz chos txơưr đuô. Shông no, thâuv tỉnh Quảng Nam muôx tsưr ziv kho, uô đuô têx nuv chos jâuz tu zus caz uô xor reik đros huôv tsar ju lix, zơưv Thành heik, no zos iz kro jông paz tsôngv box huôv tsar uô nox uô hâuk:

“Đros thiêz xã Điện Quang cux xưk li tá snro thax tsav Gò Nổi tưz uô têx hâux lưv no txix thâuv nzor lok, mal ntâu qơư luôs tsi muôx lênhx tưs uô. Tỉnh Quảng Nam tsênhv cxiv tsa đêx anr “Jok uô têx ntâuz xor Mã Châu, thax tsav jâuz caz Gò Nổi”. Chênhr viv li ciês hâur shông 2018 no, tâu tỉnh paz max txos, pêz tsênhv cxơưz cxiz sđ chos 3 ha jâuz caz. Zuôr txos krêz chos đar trâu thax tsav ntus đêx Thu Bồn 200 ha jâuz caz chiê tu zus caz uô xor”.

Nhoz TP Hội An, têx jêx jok uô nuv thâuv nzor li: Tsiv uô têx huz, tưx têis...phưx vưv xênhz huôx Thanh Hà, cơư ntông uô trôngx tos Kim Bồng, jâuz Trà Quế, lok sik txir txôngz đêx  Cẩm Thanh,..... tâu TP yưv pênhr uô, khưx phưx thiêz xuz thơưx cxiv uô tâu qơư, hu zâuv ntâu tuk chôngz lênhx tsôngv kruô tuôx ndis seiz. Zơưv Nguyễn Văn Sơn, Phưv Chủ tịch Ủy ban TP Hội An, tỉnh Quảng Nam heik pâuz, phênhv ntâu tsôngv box uô têx nuv thâuv nzor ntơưv thax tsav qơư no puôr lênhx sir jos por hưv, tuôr tsês chiê têx txux chi tsưr ziv, uô tâu trơưk tsôngv kruô sđ, têx ciêz đrôngs tsưr ziv, siêz nhiêv. Trơưk li zơưv Nguyễn Văn Sơn, ntâu jok uô nuv li heik sâuv nhoz TP Hội An tưz khav tinhv tâu zuk txux chi, tsưr ziv uô jông:

“Txos nhiv no, ntâu jok uô nuv khav tinhv tâu zuk têx xiv huv. Ciês jok uô nuv cơư ntông, đhok têx trôngx tos Kim Bồng shông nhiv kruôr đhâu, tsôngv kruô tuôx ndis seiz tsar ndê ntâu lênhx. Txix tsuôk lav muôs tâu 2, 3 tsov đeiv iz shông, mak shông nhiv kruôr đhâu ntơư tưz ndê txos 9 tỷ đeiv. Nhiv no, jok fuô ndâu hiêz têx tơưz, uô đêx txir txôngz.....Cẩm Thanh cux xưk li ntơư. Iz hnuz muôx nhos 1.500 txos 2 cxênhz lênhx nênhs tuôx ndis seiz jêx jok. Iz hlik sâu tâu ntâu nhiêx”.

Ntơưv tỉnh Quảng Nam, nhiv no muôx 100 ntâu jok uô têx nuv thâuv nzor tưz  tror cxiv kho, lês uô đuô têx hâux lưv chiê trâu tsôngv kruô sđ tuôx ndis seiz uô si, muôz hâux lưv uô trâu 20 cxênhz ntâu lênhx lox tôngv. Ju lix huôv tsar muôz jông six hơưv chiê têx jok uô nuv li heik sâuv tror cxiv kho, uô đuô têx hâux lưv thâuv nzor, jux juk uô muôx ntâu zav xiv huv ju lix trơưk tsưr ziv huôv tsar truôx. Zơưv Lê Trí Thanh, Phưv Chủ tịch Ủy ban tỉnh Quảng Nam heik pâuz, chiê uô tiêr tâu jông đuô thiêz têx trâur nuv ju lix ntơư, têz qơưk, doanh nghiệp thiêz tsôngv box tsuv zok nriêr têx tsưr ziv jông thiêz uô huv đros:

“Six hơưv chiê huôv tsar ju lix jok uô nuv ziv tsênhz mênhx đuô. Taz sik uô lơưr xưk li chas mak cux seiz têx thax tsav qơư ntơư. Viv iz thax tsav, suôv qơư nhiêk muôx nhiêk têx txơưr tsi siz thôngx, sđ muôx têx uô trơưk thiêz krêz uô, siz cơưv shâuv chiê uô tâu têx xiv huv jông nhiêk txơưr lơưv nhiêk, taz sik uô trâu muôx ntâu zav txux chi vênhx huôv, xiv huv ju lix jêx jok”./.

              (TTMT-Riê Lâux cxeik, nhênhv)

Tsôngv box mênhx cxưx Tày nhoz Cao Bằng li phongx cxưx txi côngv pox côngz zơưv côngz

Txos trâu hêir nênhs Tày sâuv thax tsav Cao Bằng têx vax tsêr puôr lênhx njiê pov tâu ciês thax đaz txi côngv pox côngz zơưv côngz tâu tso ciês hâur faz nja qar luz đraz tsêr ndax ciês luz kror trôngx chênhr, nhoz hâur luz đraz oz tuk ndêx tsêr thiêz tâu thêir txix iz đêiv txiês. Sâuv luz thax đaz mak tso iz ntiv cxok shaz, xưv caz thiêz têx zav txi côngv txơưr đuô. Saz pêv thax đaz tâu lo ntơưr liêz, sâuv co sâu ntơưr Tày lok chuôz xênhv tâu txi côngv. Sâuv luz thax đaz mak tso pêz ntiv shaz chênhr (muôx têx qơư mak 5 luz ntiv cxok shaz), luz ntiv hâur luz đraz txơưz siêz đuô oz luz nhoz oz saz, Nênhs Tày tsik so hlơưr shaz trâu hnuz tsiêz, hnuz xiêz 3 hli 3 zênhz lix, hnuz xiêz 5 hli 5 zênhz lix, hnuz xiêz iz thiêz hnuz 15 zênhx lix yênhx hli, hnuz nox yôngz cok, hnuz hơưv xênhz zus…txơưv tsik muôx kror txưr tưs, taz sik nênhs Tày nhoz Cao Bằng tsik muôz grêix tưv, grêix đêr chox lok txi côngv sâuv luz thax đaz hlo.

Iz mênhx cxưx đros nhiêk muôx nhiêk sik txơưr, xưk li: Nênhs Tày muôx Tày Đeng, tày Ngạn thiêz Tày Lưu Quan.

Phongx cxưx txi côngv pox côngz zơưv côngz txos nhiv no cux tsênhv tâu tuôr chiê, muôx đrêiv hâur hêir nênhs Tày nhoz Cao Bằng luz nênhx, viv co zos têx vênhx huôv hâur luz nênhx thiêz zos zuk mênhx cxưx têx phongx cxưx. Viv li, phongx cxưx no tsuv tâu tror nhênhz chơưv, tuôr chiê thiêz phuôx huiz, tuôr tsês têx kror tsiv gri jông chiê cxiv tsa luz nênhx yiêz./.

             (Lik Thox cxêik nhênhv-Báo cao Bằng.VN)