Txuz trâus tưx tiv nox caz trâuk nhoz Sơn La, tsuv hlôngr đuô têx cor cav hâur nox hâuk

Zơưv Cầm Kiên nhoz jok Khiêng, xar Mường Khiêng, huyện Thuận Châu puz pâuz: Hnuz 11/6 nhiv kruôr đhâu, zơưv đros 5 lênhx nênhs txơưr đuô tâu chox tuôx trâu tsêr kho moz Đa khoa tỉnh Sơn La. Thâuv tuôx tsêr kho moz mak tas nro 6 lênhx nênhs puôr lênhx trâus moz iz chêr, moz plaz, ntuôr, tơưv trôngx thiêz uô ruôr hiêv txos luz siêz, tâu njuôk xav zos trâus tưx têx caz uz no. Uô ntêx co, hmo xiêz 10/6, muôx tas nro 19 lênhx nênhs sik đros nhoz ntơưv jok Khiêng zos cưr tix nênhx tsa, đhâu thâuv sik paz uô liêx lok cux uô hmo sik đros nox thiêz txos hnuz tov kaz mav njiz trâus têx tsik jông hêik tas co. 13 lênhx trâus tsik yuô saz tâu chơưv kho ntơưv tsêr kho moz đa khoa huyện Thuận Châu, 6 lênhx nênhs trâus hnhar tưz tâu chox tuôx chơưv kho trâu tsêr kho moz đa khoa tỉnh Sơn La:

“Hnuz co sơưr đơưk siz zâuv muk hlêik blêx liêx thiêz cxov tâu iz chor caz trâuk. Thâuv lok tsêr pêz thiêx uô chor caz trâuk co nox. Thâuv 8 six ntâu txos 9 six iz tas hmo mak nox mor. Thâuv nox tas pêz cux tsik pov uô chak hlo, txos têis cik hnuz tov kaz mav hnor moz plaz thiêz xênhr siêz xar, ntuôr”.

Zơưv Bạc Cầm Tiên, iz hâur 6 lênhx nênhs trâus tưx hnhar tiv zix thiêz chơưv kho tâu jông moz uô kaz ciês puz pâuz: Đros tsôngv box mênhx cxưx Thái, zôngv têx caz uz no chiê uô zav nox cux zênhx muôx txix thâuv nzor lok lơưv, xưk li nox têx côngx, caz jâuz caz, caz jiêv, mur, caz grok viêk, caz tâux khauz truôz… Zav caz trâuk sơưr đơưk nox co zos zav caz trâuk muôx nhoz hâur têx blêx mak sơưr đơưk cux cxov chox lok uô nox tsik so, taz sik têx jâuv zor tiv nhiv kruôr tsuôs yuôx por vêv đrox tsuôs, viv li chor caz trâuk muôx tưx. Txuz hâux lưv no tưz uô trâu zơưv Tiên thiêz sơưr đơưk nyêi hlo thiêz tsuv hlôngr yiêz đuô zuk têx cor cav lok nox hâuk, tiv zix zos têx zav caz uz no thiêz cxuô zav jông kuk muôx hâur têx liêx, viv têx jâuv luôs nhiv kruôr tsuôs yuôx tuô caz lok sik yuôx por vêv đrox tsuôs tas tsik pâuz ho đê tâu lok nox mak zuôr lok six phiv liv trâu lênhx nênhs:

“Cxuô jiês mak cux nox chor caz trâuk cxov tâu đrav têx liêx co, jiês no cux chox lok ciz nox xưk li cxiê jâuk xưz. Cxuô jiês nox lok cux tsik uô chak, lênhx tưs cux nox taz sik jiês no mak njê muôx têx yuôx por vêv đrox tsuôs viv li nox tas thiêx trâus tưs. Thâuv ntêx tsik pâuz mak fênhx six nox, taz sik nhiv no nox tas muôx yưv li co mak tov ntêx no zuôr hêik trâu sơưr đơưk, zos pâuz tsik tsênhz mak tsik cxoz muôz têx caz uz no lok uô nox”.

Lơưr Bác sĩ Bùi Nhung Hằng, Phưv khoa chơưv paz, tsêr kho moz đa khoa tỉnh Sơn La, 6 lênhx nênhs moz tâu yêv tuôx tsêr kho moz đa khoa tỉnh Sơn La puôr lênhx trâus tsâuk muôs, moz tâuz hâu, xênhr siêz, moz plaz thiêz tơưv trôngx, trâuv tsik uô chak taz sik puôr lênhx trâus saz luz siêz. Chor nênhs li no zos tsês ntêr mak zuôr uô phiv liv txos siêz njưl thiêz trâu. Zos tiêk tuôx tsêr yuôx lis mak têx jâuv tsênhv trâus tuôs thiêz.

Đros tsôngv box mênhx cxưx thax tsav Tây Bắc, mak cor cav nox têx zav caz uz no li côngx, lok sik caz trâuk muôx sâuv chor ntông nhãn… thiêz têx zav caz no mak tsik muôx tưx. Taz sik đros chor nênhs luz chêr nox tsik huv mak cux zuôr njiz trâus têx phiv liv xưk li uô xuô…thâuv nox tâu.

“Zos iz lênhx cưk yuôx đros chơưv paz thiêz kho moz trâu chor nênhs moz ntơưv khoa chơưv paz hâur tsêr kho moz, cur tưz pov lok six chôngz lênhx nênhs luz chêr nox tsik huv thiêz chor nênhs trâus tưx thâuv nox tâu têx caz li hêik tas co. Hêik trâu sơưr đơưk pâuz tiêk: zos chor nênhs nox tas luz chêr tsik huv mak tsik cxoz nox têx zav caz co. Thiêz tiv zix zos chor caz zuk pâuz tsik tsênhz muôx hâur har jôngs mak lok six riêz nênhs, zuôr zôngx ziv uô trâu lênhx nênhs trâus tuôs”.

Kror pâuz tsik tsênhz, tsik muôx txux chi hâur xêir tsov, uô têx zav caz uz no chiê nox, tso siêz thâuv xêir têx zav caz uz no lok uô nox xưk li uô tsik yuô siêr jông, nox nhôngk, tsâu chơưr…thiêz nox têx zav nox zos têx caz uz no…tưz thiêz tsênhv uô muôx yưv lok ntâu kror tsik jông txos lênhx nênhs đas jos, uô trâu nênhs nox tâu trâus tưx lok sik tsênhv trâus tuôs thiêz. Kror jông zos tsuv hlôngr yiêz đuô têx cor cav nox hâuk li hêik sau chiê tuôr jông đas jos trâu zuk thiêz sơưr đơưk./.

(TTTB-Lik Thox cxêik nhênhv)

NÔNGX MÊNHX ZUÔR TSUV PÂUZ

Tsôngv fôngx zưs....! Têx luôs hâux lưv hâur vax tsêr tưz uô tsi tas, taz sik zơưv Năng Xênhv Shôngx-Tsar Ban côngz xưv Mặt trận jok Nà Tăm 3, xã Nậm Tăm, huyện Sìn Hồ, tỉnh Lai Châu thâuv tưs cux moz siêz, sir jos, uô ntêx nyuôs hâur cxuô luôs hâux lưv jêx jok. Muôx tsi tsơưs lênhx lơưr tưz heik zơưv li no “Nox mor hâur tsêr, uô têx hâux lưv jêx jok”, taz sik zơưv Năng cux car qơưx, luôs zuôr heik li chas heik, kror tưs jông thiêz muôx liv trâu px, trâu hâur jok mak zơưv sir jos uô cov tiêr, cov jông.

Zơưv Năng xar tiêk, chiê px njênhs thiêz mnôngs uô trơưl, zuk tsuv zos lênhx uô ntêx nyuôs hâur cxuô luôs hâux lưv, sir jos huôv tsar kinh tế chuôz zis, hla đhâu têx phiv liv chiê uô bluô nux. Xar tiêk zuôr uô li chas chiê huôv tsar kinh tế ziv chuôz zis, zơưv krêz đar liêx têz chos txir hơưk, nhiv no zơưv chuôz zis muôx 5 ha ntâu têz txir hơưk, phênhv ntâu tưz jông sâu đê. Shông nhiv kruôr đhâu, muôs têx txir hơưk, zơưv chuôz zis sâu tâu zuôr xar 400 tsov đeiv. Têx liêx têz uô tsi jông kôngz, zơưv muôz hlôngr uô qơư tu zus tsiêx, chos jâuz tâux trâu nhux tưv, nhux đas  nox hâur cheix ntux no, zơưv chos nzir têx tâux thiêz moz siêz txos luôs hâux lưv kho moz trâu tsiêx cxu. Khov li co, zơưv chuôz zis têx nhux tưv hloz lox jông, nhiv no zơưv muôx hur si 15 tus nhux tưv lox thiêz mê- co zos iz kro jông thiêz tsiv grê trâu px nhoz thax tsav tox siêz.

Xar paz tsôngv box tso tsês têx cêr uô nênhx, uô nox uô hâuk pôngz kaz, zơưv seiz lax đros iz cxiê chuôz zis hâur jok tok tus đêx Nà Tăm lok chiê uô liêx chos blêx. Têx ziv chuôz zis uô trơưk tưz krêz uô tâu 4 ha ntâu liêx đêx, chiv tưs cux sâu tâu kôngz. Ntâu chuôz zis txix co tưz tsi trâul yeiz plaz hâur cheix yeiz li thâuv ntêx, tsôngv px muôx nzir cêr njênhs njôngr, mnôngs thiêz uô trơưk zơưv Năng têx lul heik kriê. Viv moz siêz khưr huôv tsar uô nox, viv li tưz zuôr xar 60 shông, taz sik zơưv cux tsênhv muôx đas jos uô nox. Xar cov bâuv luôs lưv tus, xar cov muôx luz nênhx tâu jông, tsi muôx lênhx nênhs tưs trâul txov nhêv, viv li zơưv thâuv tưs cux sir jos uô cxuô luôs hâux lưv, tsi so hlo, thâuv hâur vax tsêr tsi yuô muôx hâux lưv uz no mak zơưv Năng ho cxơưx, lês uô têx hâux lưv hâur jok. Zơưv moz siêz uô hâux lưv txix vênhv tôngv tsôngv pox nhuôs nox nhoz hur si, cxiv tsa luz nênhx vênhx huôv nhoz thax tsav qơư, sik đros cxiv tsa jêx jok yiêz, mul đơưk tu têx txuz plâuz cuz nxor hâur côngv thôngx. Chênhr viv li, hâux lưv tưs zos muôx zơưv đros cxaz chuôz, phuôx tôngv mak tsôngv px mnôngs thiêz uô trơưk. Nhiv kruôr đhâu, iz cxiê chuôz zis tsôngv px hâur jok siz txênhz ar nhoz, ar iêx têz thiêz siz txênhz hâur đêx, khov đơưk tu  zênhx max viv li tưz tsi muôx têx cuz nxor yưv, trâul pôngz siêz. Uô tâu têx li heik co, cux khov zơưv Năng tsưr ziv nhênhz chơưv, paz max trâu cấp ủy, hâu nov ntơưv qơư, têx cơ quan lês car uô têx hâux lưv hâur thax tsav chiê muôx tsưr ziv xưv lik tâu jông.

Têx shông jê lok no, tsôngv px jok Nà Tăm 3 tưz muôx ntâu hlôngr yiêz, taz sik hâur jok tsênhv yuôr iz cxiê chuôz zis pluôs, luz nênhx tsênhv yuôr ntâu txov nhêv. Đros trâu têx chuôz zis pluôs hla đhâu cêr txov, zơưv Năng vênhv tôngv tsôngv px sđ sik đros gôngr đas jos, paz max têx chuôz zis txov nhêv cxiv kho vax tsêr. Hâur têx shông đhâu, zơưv tưz huiz tôngv pox nhuôs sđ hâur jok uô tsêr niêv côngv siêz trâu 3 chuôz zis muôx luz nênhx lok six txov nhêv ntơưv zuk qơư nhoz.

Tsi tiêk moz siêz uô ntêx nyuôs hâur Ban côngz xưv mặt trận têx luôs hâux lưv, zơưv Năng cux lok six sir jos paz trâu zuk chuôz zis thiêz zos tsov iêr chi cax txơưx huôv tsar uô nox uô hnar hâur thax tsav qơư. Zơưv Năng thâuv tưs tưz jông siêz thiêz shir phaz lus paz têx tsưr ziv huôv tsar uô nox trâu chor chuôz zis px hâur jok chiê hla đhâu cêr txov nhêv, uô bluô nux.

Tsôngv box....! Phênhv “nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Cơ quan Đeix TNVN nhoz faz Tây Bắc sik côngv đros Tsênhv qơư cxiz kôngz têz qơưk uô./.

(Tsu Vưx cxiv sâu-Riê Lâux cxeik-Txâur Vax nhênhv)