Jax sâu hnuz 23/7/2016:

MÊNHX CXƯX NÙNG LI NTÊNHS TXI CÔNGV ĐAZ HAR JÔNGR

          Têx lênhs nênhs lâuk hâur jos piêr, thâuv ntêx têx xênhv nênhs mênhx cxưx Nùng nhoz Hoàng Su Phì muôx luz nênhx ngaz tul ntơưv têx nta trôngz nhoz oz huyện Hoàng Su Phì thiêz Xín Mần, hâur co muôx xã Pố Lồ. Muôx iz hnuz, phuôz teik faz Bắc heik quân mul txênhz têx chuôz zis mênhx cxưx Nùng li ar têz, chuôz zênhx chuôz tas. Đhâu ntâu hnuz siz txênhz, siz ntâus, têx xênhv nênhs mênhx cxưx Nùng trâus shưz tsav viv li gra lơưr chuôz zênhx, keiz, buô thiêz nhux mul nhoz pêv têx har jôngr lâuk chiê tror tơưv txênhz tir ntâus tros.

          Tiv trâus tros jor tsi puz mul kror tưs ntâu hnuz tsi so, tsi muôx đêx hâuk viv li ntâu lênhx nênhs thiêz tsiêx cxu trâus tuôs. Thâuv co, lênhx nênhs sơưr thơưx têx xênhv nênhs mênhx cxưx Nùng zos Hoàng Vần Thùng trâus moz thiêz tuôs, chiê ndo txos lênhx nênhs co li txiêx njik, têx hluôk nênhs tưz tuô nhux zuôr greix, thiêz nyar nhux hlôngr trâu đêx uô mor txi côngv thiêz thor Hạn HUng ( zos phuôz teik kâuv ntux) paz max. Pov tâu têx xênhv nênhs mênhx cxưx Nùng li cêr sik côngv siêz jông tơưv txênhz co, phuôz teik kâuv ntux tưz heik quân lính grês lol paz tsôngv box tir ntâus tros, gra luz nênhx ngaz tul lol trâu têx xênhv nênhs mênhx cxưx Nùng. Chiê ndo txos lênhx nênhs jông tưz muôx côngz paz tsôngv box tir ntâus tros, têx xênhv nênhs mênhx cxưx Nùng tưz tuôr tsês têx har jôngr lâuk njuôz jông zos qơư chiê uô qơư txi côngv Đổng Trứ ( zos đaz jôngr). Cxôngx co, shông tưs txos hli iz zênhz lix, têx jêx jos nênhs Nùng nhoz têx xã hâur huyện HOàng Su Phì ho tsưr tsix ntênhs txi côngv Hoàng Vần Thùng tưz muôx côngz thix xênhz chơưv paz jêx jos. Hla đhâu ntâu shông tsi so, phongz cxưx no tsênhv tâu tuôr tsês jông txos hnuz no.

          Chiê bax trâu ntênhs txi côngv đaz jôngr, thâuv sơưr nzor hnuz tsưr tsix ntênhs, têx chuôz zis hâur tas nro xã iz chuôz zis heik iz lênhx txir nênhs gra têx xiv huv lơưr chiv chir uô tâu li mor, greix keiz, ok..., jâuz, txir ntông...mul pêv har jôngr chiê gôngr côngv uô ntênhs txi côngv, hâux lưv gôngr côngv no zos têx chuôz zis chiv chir txưv zênhv gôngr.

          Iz tul nhux tưv, iz tul buô cxôngx 50 cir ndê mul, 4 tul lâur keiz, chơưr zos txir nênhz chiv chir uô cxôngx jos li blêx blâuv zos têx xiv huv zuôr trâus muôx. Đrâuv co zos shaz, ntơưr shaz...

          Ntơưv têx jiês txi côngv đaz jôngr, sâuv qơư txi côngv thâuv tưs cux muôx 4 qơư tsês trâu 4 tul đaz, đrâuv Hoàng Vần Thùng mak muôx zơưv Tí Táo, zơưv Bảo thiêz zơưv Liều.

          Txir nênhz zos lênhx nênhs hlôngr njêx muôk tsôngv box jêx jos hu têx đaz lol dưv ntênhs, xar njôngr lơưr paz jêx jos tâuv chiv cheix nju, tsôngv box lênhx tưs cux muôx đas muôx jos...Thâuv tâu Hoàng Vần Thùng jênhv têx xiv huv txi côngv co tas mak tsôngv box gra tror lol chiê tuô uô nox. Luz tâuz hâu thiêz 4 cxeik tơư nhux, buô, keiz tâu muôz tso ntơưv qơư txi côngv chiê txir nênhz tror hu. Tas nro chor greix tsênhv yuôr tâu chox mul uô siêr chiê txi côngv.

          Thâuv mul pêv jôngr uô ntênhs txi côngv, tsôngv box jêx jos tsuv uô lơưr cui tênhv: tsi zos têx lo lul tsi jông mnôngs, tsi nti kâuz ndâus, tơưv trôngx, thâuv nox hâuk lênhx tưs cux uô jông nox, tsi hâuk chơưr ntâu...

          Thâuv u tas ntênhs txi côngv, txir nênhz thiêz têx lênhx lâuk nênhs, tsar jêx jos hâur xã zuôr tâu nox uô ntêx, yuôr chor greix tsênhv yuôr mak chox mul uô chiê tsôngv box hâur jêx jos lênhx tưs cux tâu nox. Luz tâuz hâu nhux thiêz buô mak muôz puz trâu txir nênhz.

          Ciês thâuv tsưr tsix tas ntênhs txi côngv, pox nhuôs hâur jos cxaz chuôz têx tsưr ziv uô si lov jêv, đhiê pax vuôs...Thâuv lol tsêr, cxuô lênhx nênhs cxaz chuôz ntênhs puôr lênhx mul pê ntơưv qơư txi côngv Hoàng Vần Thùng, cê heik tơưv siêz seiz jông lênhx nênhs jông no, thôngx cxix tso pov tsôngv box mênhx cxưx Nùng nhoz Hà Giang li iz vênhx huôv jông./.

( VOV4-Txâur Vax cxeik nhênhv)

Phênhv thưr 7, hnuz 23/7/2016:

                    Chêix yêz nênhk muk uô si nuôv zax

Tsik yuô lov jêv li cxuô thax tsav du lix nhoz Đà Lạt, taz sik chêix yêz nênhk muk uô si nuôv zax, sêiz shuôk têz qơưs nhoz Bến Tre cux lov jêv hênhr thiêz. Nuôv zax sêiz shuôk đhâu iz ntu cêr đêz muôx iz caik thiêz muk đhâu têx vax txir ntông thiêx grêk yêz nênhk. Pos Lê Thị Thảo Hiền, iz lênhx kruô nhoz đrôngl HCM tuôx sêiz shuôk têz qơưs hêik pâuz:

 “Chêix yêz nênhk cux lov jêv hênhr; đhâu ntêr shông thiêx tâu tror lok sêiz shuôk cxuô thax tsav qơư ntơư cux jông cơưs. Viv nhoz Sài Gòn tsik muôx têx qơư uô si ntơư”.

Nhiv no Bến Tre muôx 50 ntâu luz yêz nênhk chiê thâux tsôngv kruô tuôx sêiz shuôk têz qơưs; phênhv ntâu, muôx iz đraz zos chêx chôngk trâu huyện Châu Thành, zos thax tsav muôx txos 25 kror qơư du lix, ndis uô si sêiz shuôk têz qơưs. Txix qơư chêix yêz gox đêx, tsôngv kruô cux tâu chêix yêz nênhk muk sêiz shuôk cxuô vax txir ntông thiêz sêiz shuôk thax tsav qơư uô suôz thax dừa, têx qơư zuôr muôs hax huv uô si…Iz luz yêz nênhk, thâux tâu 4-6 lênhx kruô muk sêiz shuôk têz qơưs, nuôv zax uô si. Zơưv Trần Văn Hồng, nhoz huyện Châu Thành, tưz 4 tiêv tsuôk zos  yêz nênhk thâux kruô muk nuôv zax uô si hêik pâuz:

 “Chaz nênhk thâux kruô cux lov jêv cơưs; thâuv tsôngv kruô jâuv sâuv yêz nênhk, cur cux hêik kriê tsôngv kruôk lok zuk têz qơưs Bến Tre trâu sđ pâuz txos”.

Yêz nênhs thâux kruô ntơưv Bến Tre tưz muôx yưv hâur 10 ntâu shông đhâu lok. Txix ntơư txos trâu nhiv no, tưz muôx chôngz lênhx nhoz Bến Tre uô yêz nênhk thâux kruô uô si hâur thax tsav. Zos xav hâur iz shôngk, chor kruô tuôx chêix yêz nênhk muk uô si tưz tsar ndê 14-16%; sâu tâu nhiêx txiêx tsar ndê 20%. Zơưv Huỳnh Văn Hùng, thơưx sêiz car Sở vênhx huôv du lix Bến Tre hêik pâuz:

 “Chêix yêz nênhk thâux kruô cux zos iz zav du lix uô si, tsuôk zos tỉnh Bến Tre thiêx muôx, pêz cux tsênhv taz tov cxươz cxiz huôv tsar zav du lix yêz nênhk thâux kruô uô si cov ziv hnuz ziv muôx chôngz lênhx kruô tuôx sêiz shuôk têz qơưs Bến Tre”.

Yêz nênhk cux tâu tsôngv kruô sđ nhiêv chêix; lar hêik zos yêz nênhk tưz paz phênhv trâu ngênhx du lix nhoz Bến Tre huôv tsar truôx du lix./.

                                               (Tsu dịch đọc-TTĐBSCL)