Yên Bái: Sir jos uô jông hâux lưv seiz njuôk shuôs,

kho moz trâu tsôngv px

Tsênhv qơư y tế huyện Trấn Yên, tỉnh Yên Bái nhiv no muôx 11 khoa, 2 qar seiz njuôk shuôs moz Đa khoa thax tsav thiêz têx qơư y tế xã, thị trấn đros thiêz 200 ntâu luz txax trâu nênhs moz tuôx nhoz, pư kho moz. Têx hnuz hâur cheix ntux sor no, chor nênhs moz tuôx seiz njuôk shuôs, kho moz txơưv tiêk ntâu lênhx đuô pir li cxiê luz hlik, taz sik tsi muôx nênhs moz chôngz hênhr, hur si lênhx nênhs moz thiêz nênhs moz li têx lênhx nênhs hâur tsêr phênhv ntâu puôr lênhx shir phaz thiêz tso siêz nhoz kho moz. Uô tâu têx li heik no, Tsênhv qơư y tế huyện Trấn Yên tưz tsi so kriê cxaz nzir têx txux chi tsưr ziv yuôr trâus trâu têx canr bôv, y bác sỹ; thâuv tưs tưz heik canr bôv uô jông lơưr têx cui tinhv, tsưr ziv uô nuv, phưx vưv jông lênhx nênhs moz, tuôv zênhv têx zuôr trâus txos trâu lênhx nênhs moz hâur six hơưv tuôx nhoz chơưv kho moz ntơưv no.... Bác sỹ Bạch Xuân Thủy, Giám đốc Tsênhv qơư y tế huyện Trấn Yên heik pâuz:

“Pêz chox kriê txix Tsênhv qơư Y tế txos têx qar seiz njuôk shuôs moz đa khoa thax tsav thiêz têx qơư y tế xã bax têx yuôx, chuôz zênhx, lênhx nênhs cov txâuk, taz por zoz qơưx seiz njuôk shuôs kho moz fênhx yax trâu tsôngv px hâur thax tsav Trấn Yên. Tiv 2 zos lênhx nênhs moz tuôx mak tâu seiz njuôk shuôs moz, côngz yuôx chơưv kho moz  chiê uô li chas kho tâu têx moz mê, txar jav tsi muôx chôngz nênhs moz hênhr tuôx trâu têx tsêr kho moz lox thiêz txo grêk tsơưs nhiêx txiêx mul lok trâu tsôngv px”.

Tsêr kho moz Đa khoa tỉnh Yên Bái muôx 500 luz txax trâu nênhs moz tuôx nhoz pư kho moz, 400 ntâu lênhx canr bôv, y bác sỹ thiêz lox tôngv. Xav tinhv no zos tỉnh tsêr kho moz lox, tsêr kho moz thênhv siêz, viv li, hâux lưv kriê txux chi tsưr ziv yuôr trâus trâu têx cưk yuôx, bác sỹ thâuv tưs tưz tâu tsêr kho moz moz siêz txos. Niêx shông puôr lênhx tso têx canr bôv muk cơưv cxaz nzir têx txux chi, tsưr ziv uô nuv ntêr hnuz nhôngs thiêz lur hnuz nhôngs ntơưv têx tsêr kho moz lox T.Ư li: Việt Đức, Bạch Mai.... Iz chas ntơư, zos tsi so cxaz nzir têx chuôz zênhx jông trâu têx khoa, qar seiz njuôk shuôs, kho moz. Txix ntơư, nhiv no tsêr kho moz Đa khoa tỉnh Yên Bái tưz uô lơưr yênhx côngz ntâu zav tsưr ziv yiêz hâur chơưv kho moz, tâu trơưk li tsôngv px tsưr ziv, siêz xar: Fêis kho moz li têx moz poz cxa chax kâuv, moz txênhz jêz, moz trưx phax hlưz hâu.... Bác sỹ Trịnh Thị Thu Hoài, Phưv Giám đốc tsêr kho moz Đa Khoa tỉnh Yên Bái heik:

“Pêz yưv pênhr gra siêz tsơưr lươngv pênhr jos, lar heik zos pêz muôx tsaz yênhx kriê cxaz têx txux chi tsưr ziv yuôr trâus trâu têx bác sỹ chuyên khoa I, II thiêz tiến sỹ chiê gra siêz txux chi tsưr ziv uô nuv seiz njuôk shuôs, kho moz trâu tsôngv px. Pêz cux yưv pênhr lok têx chuôz zênhx, meir chiê tuôv zênhv zoz qơưx seiz njuôk shuôs moz, chiê nênhs moz tsi tsuv muk đêz chơưv kho moz trâu têx tsêr moz T.Ư”.

Tỉnh Yên Bái nhiv no muôx 7 tsêr kho moz hâur tỉnh  thiêz 9 Tsênhv qơư y tế nhoz têx huyện, thị xã, TP. Hâur 6 luz hlik hâur shôngk shông no, muôx zuôr xar 900 cxênhz lênhx nênhs tuôx seiz njuôk shuôs moz ntơưv têx tsêr kho moz thiêz qơư y tế, hâur co muôx 500 cxênhz ntâu lênhx tuôx nhoz chơưv kho moz hâur tsêr kho moz. Ciês hli 6, chor nênhs moz tuôx seiz njuôk shuôs, kho moz ntâu đuô pir li têx luz hlik uô ntêx, qir tiv viv tsar ndê têx lênhx nênhs trâul iz cxiê zav moz txơưx siz cik li: Moz kruô piêk, moz khâuz thuôs, moz trơưk plaz, moz kos kaz poz njês.... Njuôk xav hâur six hơưv zuôr txos, ntux txơưr txar phiv liv, nông ntâu zuôr zôngx ziv trâu ntâu zav moz huôv xênhz. Chênhr viv li, ngênhx y tế tỉnh Yên Bái cux bax tsưr ziv phênhz nzir têx yuôx kho moz, tso nzir canr bôv, cưk yuôx uô hâux lưv, cxaz nzir têx txax trâu nênhs moz tuôx nhoz pư kho moz ntơưv têx tsêr kho moz, Tsênhv qơư y tế chiê tuôv zênhv tsôngv box sđ zoz qơưx seiz njuôk shuôs, kho moz. Zơưv Nguyễn Văn Tuyến, Giám đốc Sở Y tế tỉnh Yên Bái heik:

“Tiv iz zos tror cxaz nzir têx chuôz zênhx seiz njuôk shuôs, kho moz trâu têx tsêr kho moz txix tỉnh txos têx tsêr kho moz huyện, qơư seiz njuôk shuôs moz thax tsav thiêz têx qơư y tế xã. Tiv 2 zos kriê cxaz txux chi tsưr ziv uô nuv trâu canr bôv, lar heik zos canr bôv, cưk yuôx seiz njuôk shuôs, kho têx moz hnhar. Tiv 3 zos hlôngr yiêz tsưr ziv, cui tinhv seiz njuôk shuôs, kho moz, txo grêk tsơưs six hơưv nênhs moz tuôx nhoz tok ntêr chiê tâu seiz njuôk shuôs, kho moz. Tiv 4 zos chuôz tsar paz max, kriê tsưr ziv seiz njuôk shuôs, kho moz trâu têx tsêr kho moz thênhv kis, cxơưz tiês hâux lưv cxiv tsa qơư y tế xã uô tâu jông hâux lưv seiz njuôk shuôs moz chiê gra siêz têx qơư y tế hâur thax tsav qơư li txux chi, tsưr ziv uô nuv”.

Txix ngênhx y tế tỉnh Yên Bái têx tsưr ziv, hâux lưv sir jos bax uô uô ntêx hâur six hơưv đhâu, têx moz txơưx siz cik thâuv tưs tưz tâu phax tir thêir, ntâu lênhx nênhs moz hnhar, moz phiv liv tưz tâu uô lơưr têx tsưr ziv yiêz chơưv kho tâu jông moz. Txix ntơư, paz nênhs moz tso siêz nhoz kho têx moz  gênhs tsi trâus xa muk chơưv kho trâu têx tsêr kho moz lox, txo grêk tsơưs nhiêx txiêx mul lok trâu nênhs moz, lar heik zos têx lênhx nênhs moz pluôs./.

(Trịnh Xuân-Riê Lâux cxeik, nhênhv)

Lênhx hluôk nxeik mênhx cxưx Hmôngz uô bluô

nux yênhx côngz cxôngx tu zus keiz đuz greik

          Chox luk: Tsi xar cov luz nênhx six fênhx yeiz pluôk li ntơưv, lênhx nxeik Lù Thị Sênh mênhx cxưx Hmôngz nhoz huyện Mù Cang Chải, tỉnh Yên Bái tưz xar tsưr ziv uô bluô nux cxôngx tu zus keiz đuz greik. Sênh paz keiz muôx yênhx cxênhz tul, njuôs xav tsiêz yiêz shông no Sênh zuôr sâu tâu yênhx puôk tsov đeiv cxôngx muôs greix keiz.

          Shông 2015, Sênh cơưv tas lớp 12, mnôngs niêv txir luk viv li nhoz tsêr zuôr txir, cxiv kho chuôz thênhx. Thâuv muk zuôr txir, niêv teik zơưv txir lơưr tsuôk muôz mê njik chuôz zênhx xênhz huôx hâur chuôz zis viv li oz niêv txir luz nênhx qir thơưx lok six txov nhêv. Sênh heik: “Cur môngr jông zuôr tâu tuk txir cơưv tiêr đại học, chuyên nganhx thú y. Nưs pâuz lok tsưr ziv tsoz phưz, kho moz trâu tsiêx cxu. Viv li thâuv nriêr tsưr ziv hla đhâu cêr pluôk, cur xar txos tsưr ziv tu zus keiz đuz greik thiêz tâu cur tul txir thôngx ziv uô”.

          Kaz shông 2016, niêv lâuk qir uô qơư thiêz zuôr nôngz keiz lok tu zus, taz sik cxơưx tiv zix zos tsi muôx pênhr. Môngr jông Sênh oz niêv txir tâu Zênhx hangx chính sách xã hội huyện Mù Cang Chải puz txeik 50 tsov đeiv. Muôx pênhr Sênh yưv zuôr chuôz zênhx uô qơư tu zus keiz. Heik fôngx zưs paz max muk Viện tu zus keiz ok nhoz Hà Nội chiê zuôr 1 cxênhz tuk keiz chox lok zus.

Nhạc cắt

          Zos lênhx nênhs gruôs, seiz đrơưv, Sênh heik zuk tul txir kriê tsưr ziv phax tar moz trâu keiz, nriêr pâuz đhâu ntâuz ntơưr, pov tsir, ti vi...đhâu iz ntu Sênh tưz shưv tas nro têx hâux lưv tsoz phưz, phax tar moz. “Tsoz phưz tsuv tsov cưv txos keiz li zav nox, thâuv keiz tâu 1 luz hlik hnuz nhôngs tsuv puz keiz nox krâur, têx luz hlik tov kaz mak kuôk cêv tsuôk puz nox poz cưk, njiêz, puz nox jâuz. Tiv zix thâuv txos cheix ntux no, lok nas tsuv cơư keiz hâur chôngx, their chôngx keiz cov jông. Khov uô jông tsưr ziv tsoz phưz, đhâu iz ntu Sênh paz keiz tưz huôv tsar jông, tsi trâus muôx moz. Chungz fênhx iz shông, Sênh muôs tâu 2 txos 3 jas keiz, đros grê muôs 130 cxênhz đeiv iz cir, njuôs xav sâu liv tâu cux yênhx puôk tsov đeiv ntâu.

          Sênh paz keiz tâu ntâu lênhx nênhys hâur huyện thiêz đrâuv niêv đrôngs Yên Bái pâuz txos, tuôx ciês ntơưv qơư chiê zuôr keiz, tiv zix zos hâur six hơưv xar txos tsiêz. Sênh shir phaz heik “Zus tâu keiz ho muôx lênhx nênhs zuôr mak cux tsi cxơưx, tsuôk tsoz phưz tu zus cov jông xưz”. Sênh oz niêv txir tsênhv njuôs xav zuôr krêz đar qơư tus keiz chiê zuôr cxaz keiz lok zus, Keiz đuz greik nênhs zos mênhx cxưx Hmôngz li iz nôngz keiz muôx plâuz keiz đuz, greix keiz đuz, cxa đuz, nox kaz. Đrâuv co greix keiz đuz greik tsênhv muôx ntâu tsơưr pưr jông trâu lênhx nênhs đas jos, tsơưk yuôx nox mak lok six jông, tâu lok six ntâu lênhx nênhs nhiêv txos./.

(Hlôngr suôz)

Phênhv nôngx mênhx zuôr tsuv pâuz hnuz no tsuôk muôx xâuk li no xưz, phênhv no zos Đeix nta suôz VN nhoz thax tsav faz Băz côngv đros tsênhv qơư cxuêz kôngz têz qơưk uô./.

(Txâur Vax cxeik nhênhv)