Doanh nghiệp yên Bái sir jos uô nox hâur ntu muôx caz moz

Cux xưk li ntâu taz viv txơưr đuô, Công ty Cổ phần kinh doanh muôz têx ntông uô trôngx tos cxuô zav muôs tơưv saz đrâuv têz qơưk Yên Bái njiz ntâu phiv liv, tiv iz cxiê thax tsav qơư thiêz têx têz qơưk đrâuv kriz uô cêv kuôk xar hôiv, têx ntông zuôr lok chiê uô têx trôngx tos cxuô zav co muôx tsơưs, lax zok nriêr tâu têx nênhs zuôr yiêz…taz sik, sir jos uô txix ntâu tsưr ziv tsênhv tsênhz, viv li 100 ntâu lox ntôngv hâur doanh nghiệp txos nhiv no cux tsênhv muôx tâu hâux lưv uô truôx, muôx nhiêx hli, bảo hiểm xar hôiv, bảo hiểm y têr, bảo hiểm tsik muôx hâux lưv uô…Niêv tix Nguyễn Thị Hồng Hà, Công nhân hâur Công ty puz pâuz:

“Txơưv caz moz txơưr txar phiv liv, taz sik pêz cux tuôx uô hâux lưv cxix cxuô, uô nzir six hơưv tsik so. Phênhv sâu cux truôx tuk, sơưr đơưk cux muôx luz nênhx jông”.

Zơưv Trần Văn Hải, Giám đốc Công ty Cổ phần Kinh doanh muôz ntông uô têx trôngx tos  cxuô zav muôs tơưv saz đrâuv têz qơưk Yên Bái puz pâuz: 7 luz hli hâur shôngk shong no, doanh nghiệp li phênhv sâu cux chuôz ndê muôx 10% pir li tsêiz no.

“Pêz Công ty kriz uô txix ntâu tsưr ziv chiê đơưk kho têx phiv liv tiv caz moz, li zok nriêr têx qơư muôs yiêz, paz trâu doanh nghiệp chor hax huv tâu chôngz lênhx nênhs pâuz txos đuô thiêz zuôr ntâu đuô”.

Công ty Cổ phần Sứ kỹ thuật Hoàng Liên Sơn cux njiz ntâu phiv liv lok têx zav chiê uô, gri  trox chuôz ndê muôx 20%, gri nhiêx thâux xa ndê muôx 30%; đuô li, tsênhv muôx nzir nhiêx txiêx chiê phax, tar caz moz Covid-19…têx co tưz uô trâu Công ty njiz phiv liv ntâu hâur kriz đar uô nox.

Taz sik, đros têx sir jos, công ty cux bax kriz uô truôx jông, sir jos zok nriêr qơư muôs trâu têx hax huv. Txos nhiv no, công ty têx hax huv uô tâu ndê muôx 23%, phênhv sâu ndê muôx 4,8% pir li six chênhz shông uô ntêx. Công ty cux tưz thêv trâu nhiêx txiêx têz qơưk muôx 62% tsưr ziv tso tơưv hâur shông thiêz bâuv 161% pir li six chênhz shông 2020. Zơưv Nguyễn Thanh Hà, Tổng Giám đốc Công ty cổ phần Sứ kỹ thuật Hoàng Liên Sơn puz pâuz:

“Pêz cux kriz uô truôx jông têx tsưr ziv uô tsik so, hâur co muôx tsưr ziv txo grêk tsơưs têx nhiêx zuôr cxuô zav lok uô thiêz nhiêx txiêx zuôr trox yêz thiêz cán bộ công nhân viên tsuv sir jos cxênhx txuôs đros thiêz”.

Xưk li ntâu thax tsav qơư sâuv tas nro têz qơưk, phiv liv txix caz moz Covid-19 đros jiês siz cik caz moz tiv plâuz tưz uô phiv liv ntâu txos têx doanh nghiệp, hợp tác xã thiêz pêx xênhv sâuv thax tsav tỉnh Yên Bái. Taz sik, hâur ntu phiv liv no, ntâu doanh nghiệp tưz sir jos zok nriêr tsưr ziv uô nox chiê huôv tsar tâu huv đros trâu qênhx shênhx, uô tâu jông oz tsưr ziv cê phax tar caz moz, cê huôv tsar tâu kinh têr.

Hâur 6 luz hli hâur shôngk shông no, côngv thôngx doanh nghiệp sâuv thax tsav tỉnh Yên Bái tsik so uô truôx jông hâux lưv uô nox, kinh doanh, đros tas nro phênhv sâu tâu muôx nhos 6.000 tiv đêiv, thêv trâu nhiêx txiêx têz qơưk muôx nhos 600 tiv đêiv, taz por muôx txâuk hâux lưv uô thiêz cxuô kror trâu 10.000 ntâu lox tôngv. Thôngx cxix, cxaz chuôz jông trâu têx tsaz yênhx siêz jông, paz trâu cuiv phax tar caz moz Covid-19. Zơưv Đỗ Quang Minh, Bí thư Đảng bôv Khối cơ quan thiêz Doanh nghiệp tỉnh Yên Bái puz pâuz:

“Đảng ủy Khối đros pưk txux zos qơư txuôk đros chor doanh nghiệp cux tưz sik côngv đros Hiệp hôiv Doanh nghiệp cux li tỉnh têx sở, nganhx muôx vax huôv muôx ntâu tsưr ziv chiê đros phêiz kênhz, paz, cux xưk li tsik so sêiz kaz, nriêr pâuz qênhx shênhx uô xênhz yar, kinh doanh cux li têx doanh nghiệp li phiv liv chiê tsưr tsix zok nriêr tsưr ziv paz đơưk kho têx phiv liv co trâu doanh nghiệp”.

Hâur ntu caz moz Covid-19 tsênhv txơưr txar ntâu, txơưv pâuz tiêk tsênhv yuôr ntâu kror phiv liv, taz sik đros chor doanh nghiệp, hợp tác xã têx sir jos hla đhâu têx phiv liv co, đros muôx Chinhr phuv li têx paz thôngz đhâu chor nhiêx txêik zuôr nhiêx liv kik, hâux lưv uô nox, kinh doanh nhoz Yên Bái cux zuôr uô tâu truôx jông hâur ntu zuôr txos no./.

(Đinh Tuấn-Lik Thox cxêik nhênhv)